Rwanda :Imigozi n’ibyuma byo gukinja Padiri Thomas Nahimana byamaze gutegurwa n’ubuyobozi bwa Kigali !

Publié le par veritas

Rwanda :Imigozi n’ibyuma byo gukinja Padiri Thomas Nahimana byamaze  gutegurwa n’ubuyobozi bwa Kigali !
18H20:

Mu minsi 3 gusa ikinyoma cy’ubutegetsi bwa Paul Kagame kimaze gukubitirwa ahareba inzega ! Ibyo bikaba byateye icyoba mu ntore kuburyo ziri kuvuga amagambo y’amangambure ! Ku cyumweru nibwo umugabo wari usigaye muri iyi si Kigali yari icungiyeho, Bwana Nicolas Sarkozy yatsinzwe ruhenu mu matora y’umukandida w’ishyaka ku mwanya wa perezida w’Ubufaransa. Abanyarwanda n’amahanga yose bakaba barasabye leta  y’u Rwanda gufungura urubuga rwa politiki y’amashyaka menshi mu gihugu, ibyo bikaba byarabananiye ; none Padiri Nahimana Thomas utinyutse kujya gukorera politiki mu Rwanda yirengangije iterabwoba rya FPR Inkotanyi ariko atangiye gushyiraho iterabwoba ryo kwicwa kugirango adakandagiza ikirenge i Kigali!
 
Iterabwoba nkiryo riri gushyirwa kuri Padiri Thomas Nahimana niryo ryashyizwe kuri Kiliziya y’u Rwanda ijya gusabira imbabazi abatarayitumye none itangiye guhabwa fagitire yo gutanga indishyi kubacikacumu! Bwana Thom Ndahiro umujyanama wa Paul Kagame niwe wihaye gahunda yo kuvuga uko Ndahimana azagirirwa nabi ageze mu rwanda. Ku rubuga rwe rwa Twitter, Ndahiro yanditse mu rurimi rw’icyongereza amagambo tugenekereje mu kinyarwanda ateye atya : 
 
«Numvise ko Padiri Thomas Nahimana ari mu nzira yerekeza mu Rwanda ; bikaba bikwiye gushimira Ubufaransa butwoherereje uwo munyabyaha watorotse igihugu» !
 

Birumvikana ko iyi mvugo ya Ndahiro yuzuye ubwoba n’ubugizi bwa nabi biranga FPR ariko ntibizabuza isi gutembera, ni hahandi habo,ibintu bizahinduka mu gihugu babishaka batabisha!  Iri terabwoba niryo bagerageje gushyira ku Bufaransa ngo babwake amafaranga kandi bureke gukurikirana abakomye imbarutso ya jenoside mu Rwanda, none bakaba bari kubona ibyo bakoze byose byarafashe ubusa ! Uku kwibasira Thomas Nahimana bivuguruza imvugo yavuzwe na ministre wa Kagame ushinzwe impunzi Madame mukantabana Séraphine wavuze ko, umunyarwanda wese uzatahuka bazajya bamuha telefone igendanwa kugira ngo bajijishe amahanga n’impunzi none Thomas Nahimana bamuteguriye ibyuma byo kumukinja ku manywa yihangu, aho kumuha iyo telefoni!
 
Iki kinyoma cya Kigali cyo kubeshya ko yakira neza abanyarwanda batahutse mu gihugu cyabo kibaye nka ryabuye ryica isuka riba rigiye ahagaragara! Iyi mvugo ya Ndahiro kandi ishimangiye ko «umunyarwanda uri hanze y’igihugu wese kandi utavuga rumwe na Paul Kagame yarangiye gukatirwa urwo gupfa» ! Ese iri terabwoba rizageza ku myaka 400 FPR yihaye ?
 
Ubwanditsi

Commenter cet article

Bizuru 24/11/2016 04:29

Ariko buriya padiri iyo asiga kariya gaswerwa ke na ruriya ruhinja! Ariko data yatinyeko interahamwe zigenzize sisigara zigahata imbarasita!

Ubutumwa ku NTORE 23/11/2016 11:30

Nabonye na IBUKA via Professeur Dusingizimana, imitwe yashyushye.
Nzirikana ko hari intore zisoma izi commentaires.

Niko se NTOORE mwe, ko amasezerano ya Arusha yo muri 1993, hagati ya Leta y’u Rwanda na RPF, yari meza, asobanutwe kandi ari équilibré…ubwo bwoba ni ubwiki ?

Niba hari abafite ubwoba ku byaba byarakozwe kuva za Byumba kugera i Kigali hagati ya 1990 na 1994, igihe cyabo kizaza, kuko inkono ihira igihe.
Na South Africa, byaratinze, ariko byaratunganye
Ref :
http://www.igihe.com/amafoto-1922/article/amafoto-y-umunsi-86735

Twirinde rero kuba nka ba bana bari muri cour de récréation.

Icyo France izira? 23/11/2016 16:00

Wowe uracyibaza icyo bapfa n'Abafaransa?
Waba Umupfayongo kabisa!
France yababujije gukora IRINGANIZA igihe ijya muri zone turquoise. Ibyo bisobanuye ko yishe imipango yabo.
Ubu mu Rwanda aba ari 85% Tutsi, 14% Hutu et 1% TWA.
Ngibyo ibyo France izira.

kalisa 23/11/2016 14:33

Ibinyamakuru bya Leta y'u Rwanda byashyushye imitwe kubera Padiri Thomas Nahimana. Ibyinshi birimo birasaba ko afatwa agafungwa. Igihe cyo cyagarutse ku Bafaransa dore ko bagowe! kuki bashyiramo amarangamutima? niba hari ibintu bifatika nibagane inkiko. Bagire Imana A Juppé ye kuzatorwa dore ko na Fraçois Fillon atoroshye. Ariko kuki batavuga USA, UK, Canada na ba Dallaire babo, Belgique, Israel, Hollande, Uganda, Burundi , Tanzanie, Erythrea, Ethiopie, Mali, Benin, Burkina Faso, Afrique du Sud. Buriya bibwira ko baturusha amateka! Ibintu byabaye izuba riva kandi twari tuhibereye.

MBONYINGABO 23/11/2016 10:34

Padiri Nahimana yerekanye ubutwari bukomeye bwo kwitangira abanyarwanda, turabimushimiye. Agiye akurikiye Ingabire na Ntaganda, Urwanda rukeneye abanya politic nkaba kugirango ibintu bihinduke.

Abbe 23/11/2016 08:26

hahahahha!!!!! Cya kinyamakuru cya DMI ngo ni Rushyashya cyo cyacitse ururondogoro, inkuru zose zabaye Padiri Nahimana! he he he he!!!

Nahimana-Trump - Thomas 23/11/2016 01:42

Padri Thomas Nahimana yari asigaye afite amatama manini nagende inkotanyi ziyahombanye, ijwi ryange nzarimuha nzamutorera kuri internet ndebe ko yazatsinda amatora yo muri 2017.

Padiri Thomas Nahimana ajyiye mu rwanda kwiyamamaza hahirwa abemera batabonye ni Thomas. 22/11/2016 23:02

Padiri Thomas Nahimana ajyiye mu rwanda kwiyamamaza hahirwa abemera batabonye ni Thomas.

https://www.youtube.com/watch?v=-ip5IN6d1sI

Manweli 22/11/2016 21:35

Umva wa mugabo we nkubwire, uzabeshye ibindi kuko inkotanyi ziri hariya nta kitwa umufaransa zishaka kuko zibavumira ku gahera kuva kuri Mitterrand kugera k'umufaransa utaraba urusoro munda ya nyina kandi nawe urabizi.
Have rero wibeshyera Sarkozy kuko nubwo yatsinzwe ntiyigeze akorana n'inkotanyi kuko nubwo zamushutse akajya ikigali, ibyo yazisabaga ntanakimwe zamuhaye ahubwo zaramukwennye ziramushungera.
Ntakiza na kimwe inkotanyi zigeze zifuriza ubufaransa kandi nabwo burabizi.

Ubwoba 22/11/2016 15:26

Ubwoba Kigali ifite buteye inkeke!!