Rwanda : Ese abarundi na Perezida Barack Obama bazakomeza guhishira ibyaha bya FPR – Kagame kugeza ryari ?

Publié le par veritas

Abana bakomeje gutotezwa n'abategetsi b'abicanyi

Abana bakomeje gutotezwa n'abategetsi b'abicanyi

Guhera mu mwaka w’1990 kugeza ubu, abaperezida bayoboye igihugu cy’igihangange ku isi cya Leta Zunze Ubumwe z’Amerika (USA), bakomeje gukingira ikibaba ubutegetsi bwa ruvumwa bwa FPR-Kagame mu byaha byinshi kandi bikomeye birimo kurimbura imbaga y’abaturage bo mu karere k’ibiyaga bigari. Muri uyu mwaka w’2016, ubutegetsi bwa FPR Kagame burashinjwa Kwinjiza abana b’impunzi z’abarundi zahungiye mu Rwanda mu mitwe ya gisilikare irwanya ubutegetsi bw’icyo gihugu. Ubwo butegetsi ruvumwa bwa FPR Kagame bukaba bushinjwa na raporo y’impuguke z’igihugu cya USA kugurisha abana b’abakobwa b’impunzi z’abarundi bari mu nkambi mu Rwanda. Ese Perezida Barack Obama azakomeza yime amatwi abamusaba gukurikiza itegeko agahana FPR Kagame ? Igihugu cy’Uburundi se cyo kizakomeza kwicecekera ?
 
Kuwa kane taliki ya 30 Kamena 2016, ministeri y’Ububanyi n’Amahanga y’Amerika yashyize aharagaragara raporo ngaruka mwaka y’urutonde rw’ibihugu bigaragaramo icuruzwa rikabije ry’abantu. Iyo raporo ikaba ikorwa n’impuguke z’Amerka zizobereye mugukora ubushakashatsi mu bihugu binyuranye biri hirya no hino ku isi. Raporo yakozwe n’izo mpuguke isuzumanwa ubushishozi n’impuguke za ministeri y’ububanyi n’amahanga y’Amerika (Département d’Etat), yamara kwemezwa igashyirwa ahagaragara n’umuyobozi w’iyo ministeri. Raporo y’uyu mwaka ikaba yarashyizwe ahagaragara ku italiki ya 30/06/2016 na John Kerry, umunyamabanga mukuru wa ministeri y’ububanyi n’amahanga y’Amerika.
 
Muri iyo raporo hagaragaramo ko guhera mu kwezi kwa kane 2015, bamwe mubategetsi b’u Rwanda bashishikarije abaturage b’abarundi guhungira mu Rwanda, nyuma y’uko Petero Nkurunziza perezida w’Uburundi yari amaze gutangaza ko azongera kwiyamamariza umwanya wo kuyobora Uburundi. Izo mpunzi z’abarundi zikigera mu Rwanda zashyizwe mu nkambi ; ariko bamwe mubategetsi b’u Rwanda bakaba barinjiye muri izo nkambi bagatandukanya abagabo n’abana b’abahungu bakabohereza mu myitozo ya gisilikare, nyuma bakinjizwa mu mitwe yitwaje intwaro irwanya leta y’Uburundi. Iyo raporo kandi ishinja abategetsi b’u Rwanda kuba barafashe abana b’abakobwa b’impunzi z’abarundi bakabagurisha mu bihugu by’amahanga, cyane cyane mu bihugu by’abarabu mu gikorwa cyo kujya babakoresha imibonano mpuzabitsina.
 
Abayobozi b’u Rwanda bashinjwa kandi guhabwa amafaranga bagashora mu bikorwa by’ubusambanyi mu Rwanda abana b’impunzi z’abarundi n’abakongomani. Ubuyobozi bwa FPR Kagame bushinjwa n'Amerika (USA) gukora anketi za nyirarureshwa kuri icyo kibazo cyo kugurisha abana b’abakobwa b’impunzi, nyuma bikarangirira aho ntankurikizi zibayeho. Ubuyobozi bw’Amerika kandi bwongeye gushyira u Rwanda kurutonde rw’ibihugu bikomeje kwinjiza abana b’impunzi z’abarundi mubikorwa bya gisilikare. Ibindi bihugu Amerika ishyira kuri urwo rutonde ni : Birimania, Irak, Nijeriya, Repubulika iharanira demokarasi ya Congo, u Rwanda, Somalia, Sudani, Sudani y’epfo, Siriya na Yemeni.
 
Umuryango urengera uburenganzira bw’ikiremwamuntu wa HRW (Human Rights Watch) wasabye perezida w’Amerika Barack Obama kubahiriza itegeko ryashyizweho mu mwaka w’2008 rihagarika imfashanyo yose ndetse n’ubufatanye bwa gisilikare bigenerwa ibihugu bishinjwa gushyira abana mu gisilikare no gushyigikira imitwe yitwaje intwaro. Iryo tegeko ariko ryemerera perezida w’Amerika kutubahiriza ibihano iryo tegeko risaba ku bihugu bimwe na bimwe kubera inyungu z’igihugu cy’Amerika ! Kuva iryo tegeko ryatangira kubahirizwa mu mwaka w’2010, Perezida Barack Obama yemereye ibihugu bigera kuri 26 gukomeza guhabwa inkunga ya gisilikare n’igihugu cya leta zunze ubumwe z’Amerika n’ubwo ibyo bihugu byahamwe n’icyaha cyo kwinjiza abana mu gisilikare naho ibihugu 7 aba aribyo Obama ahana gusa ! Amerika ikaba iha ibyo bihugu 26 byinjiza abana mu gisilikare inkunga y’amamiliyoni menshi y’amadolari buri mwaka !
 
Umuryango wa HRW ukaba ukomeje gusaba Perezida Obama kutajenjeka agahana ibihugu byose kimwe byinjiza abana mu gisilikare nk’uko itegeko ribiteganya. Mu kwezi kwa nzeri 2016 perezida Obama akaba ashobora kuzongera gutangaza ibihugu bizakomeza guhabwa inkunga ya gisilikare n’Amerika yo mu mwaka w’2017 nubwo byagaragaye kurutonde rw’uyu mwaka ko byinjiza abana mu gisilikare! Igihugu cy’u Rwanda kikaba cyaragiye kuri urwo rutonde rw’ibihugu byinjiza abana mu gisilikare mu mwaka w’2013 mu mutwe wa M23, icyo gihe Amerika ikaba yarafatiye u Rwanda ibihano bya nyirarushwa byo kurwima inkunga y’ibihumbi 200 gusa by’amadolari; ibyo bikaba byaratumye mu mwaka w’2014 u Rwanda rugaruka kurutonde rw’ibihugu bishyira abana mu gisilikare. Mu mwaka w’2015 igihugu cy’Amerika cyakuye u Rwanda kuri urwo rutonde, none muri uyu mwaka w’2016 u Rwanda rugarutse ku rutonde rw’ibihugu byinjiza abana b’impunzi z’abarundi mu mitwe yitaje intwaro ! Ese Barack Obama azakomeza kurusonera ?
 
Ambasaderi w’u Rwanda muri Amerika Madame Mathilde Mukantabana yahise yamagana raporo ishinja u Rwanda kwinjiza abana mugisilikare, uyu mudame akaba ari umugore w’umugabo witwa Kimenyi Alexandre wakotanye cyane kugira ngo FPR Kagame ifate ubutegetsi mu Rwanda mu 1994 ! Ministre Busingye we akaba avuga ko kuba umuryango wa HRW usaba ko u Rwanda rwafatirwa ibihano kubera gushyira abana mu gisilikare ari ubugambanyi uwo muryango uri gukorera u Rwanda ngo kuko bagiranye amasezerano y'uko uwo muryango wa HRW ugomba kujya urukingira ikibaba none ukaba atubahiriza ayo masezerano ! Hategerejwe ariko kumva ijambo rya leta  y’Uburundi iri kugurishirizwa abaturage bayo igakomeza guceceka ; niba Amerika ifite inyungu zo kurengera Kagame, abarundi hari inyungu bafite yo kwirengagiza iyicwarubozo ry’abaturage bayo ?
 
Uko Amerika yagiye ikomeza kuburizamo raporo zose z’ubwicanyi bwa Paul Kagame niko n’abarundi bagiye bagaragaza intege nke zo gukurikirana urupfu rwa perezida Cypriani Ntaryamira wishwe na Paul Kagame, ese abarundi bazakomeza guceceka ? Bazikubita agashyi ryari ?
 
Amateka azaduha igisubizo.
 

Commenter cet article

cyizayves 12/07/2016 16:31

Ariko iyo mutavuze nabi Rwanda mubyimba inda?dore igihe muba mwahereye bwe bwe bwe!umva kumoka kwanyu ntikuzabuza umusare gutambuka

cyizayves 12/07/2016 16:31

Ariko iyo mutavuze nabi Rwanda mubyimba inda?dore igihe muba mwahereye bwe bwe bwe!umva kumoka kwanyu ntikuzabuza umusare gutambuka

Kalisa 05/07/2016 09:31

Veritas amagambo yanyu ntacyo azabagezaho! U Rwanda rukomeje gutera imbere na mwe muheze ishyanga!

RIDER 04/07/2016 22:40

Muvane itiku ahongaho dore ko iyo musebya u Rwanda wagirango baba babacometse ku mashanyarazi. Ni kenshi Human Right Watch yagiye ishinja u Rwanda ibinyoma kubera impamvu za politique, none namwe mwongeyemo umunyu ndabona mwahiye wagirango Human Right Watch yabahaye akazi. Harya ngo abarundi ntacyo bakoze ku rupfu rwa NTARYAMIRA? Mwagirango se nabo bakore genocide nk'uko mwabigenje? ariko mwarabukereye koko!! urwango mufitiye u Rwanda muzarupfana ntacyo mugezeho.

Kabarebe ati... 04/07/2016 12:50

Urakoze General Kabarebe kubivuga neza, uti:

“Kwanga akarengane kwa bamwe mu Banyarwanda ni kimwe mu byatumye urwo rugamba rutangizwa”

Réf: http://www.igihe.com/amakuru/u-rwanda/article/gen-james-kabarebe-yavuze-inzira-y-inzitane-yanyuzemo-mu-rugamba-rwo-kubohora

None ko hari abageze I Kigali bakibagirwa iyo nshingano?

Izo slogans turazimenyererye, kandi mu by’ukuri, apartheid iri iwacu, niyo ahubwo numéro ya mbere ikurura “INGENGABITEKEREZO”, kandi iyo ngengabitekerezo izakurura ibindi bibazo nk’ibyo.

TWIBAGIRWA VUBA. Bwa bwiyunge(reconciliation) bandika mu bitabo, ariko utabona mu bikorwa, burihe?

South Africa, cyangwa u Burundi, byagombye kutubera urugero.
Naho ibyo gutekinika wibwira ko wabeshye umuzungu wamurangije, ntabwo aribyo gushyigikirwa muri cyinyejana cya 21.

Uwo muzungu afite ubushobozi bwo gusoma ibyo wanditse kuri computer yawe igihe cyose, cyangwa ibyo waganiriye n’umugore mu cyumba, yibereye I Kantarange.

Tuzirikane inyungu z'abana bacu.

Kibeho 04/07/2016 10:03

@Bizuru
Niba yariciwe muri genocide yabahutu : ntarakora icyunamo nabishi be Amerika ntiratangira kubatoragura ; hamwe nabagiye kubeshyera abantu ngo bafungirwe ubusa cg bicwe nabo bazafatwa (gacaca si ubucamanza ) .
Nabariya ba Gothier ngo bajyana metero bagapima amagufa ngo bayatandukanye ntabwo ari ibipimo ; abakoze ariya manyanga yo kwirengagiza abishwe bose bazafatwa bisobanure . Gutoragura abishi nabashinyaguzi bizaba kandi vuba uwo uriwe wese ! Sinndagura ndagena .! Amaraso arashingirira .
Rero wowe Bizuru witiranya kwica numukino wurusimbi nka shobuja Kagome ; ubuza abalira uburenganzira bwabo bwo kulira ; ayo ushinyikisha ejo uzaba uyahekenya !
Funga kinwa wa nkozi yikibi we .

GENDA NKURUNZIZA URI HERO KWELI UREKE ARARIBWARIBWA 04/07/2016 08:22

http://www.africanews.com/2016/07/03/burundi-celebrates-54th-independence-anniversary-amid-political-tension/
President Magufuli has the pleasure to announce to you that Tanzania will be with you, as well as all the people of Burundi, under the sun, rain, morning or evening.

NTARYA IMINWA: Ba NDARIBWARIBWA ni UTUBUYE BISHAKIRA:


https://www.enca.com/africa/foreigners-trying-to-steal-burundi%E2%80%99s-minerals-says-nkurunziza

Bizuru 04/07/2016 03:42

Ariko nk'uyu yadutse ava he? Umugabo w'umugabo yandika ama pages n'ama pages y'amahomvu!!!

Nsengimana Jerome wo ku Mugonero 04/07/2016 00:20

Bahutu mwe,
Ntihagire n'umwe urangazwa na biriya bitabapfu by'uko RNC yacitsemo ibice 2, kuko ibice yacikamo byose cyangwa n'iyo itacikamo ibice, byose nta nyungu n'imwe bifitiye abahutu bazize akarengane ka FPR. Mu by'ukuri RNC ntaho itaniye na FPR kuko nta na rimwe yigeze yemera ko abahutu bakorewe genocide Guhera mu Rwanda mu 1990 kugeza na n'ubu muri 2016, ukongeraho no muri Congo guhera 1996 kugeza ubu muri 2016. Mu by'ukuri ndakangurira abahutu bose b'umutima aho bari hose ko aho kugira ngo bajye muri RNC bataha mu Rwanda bakajya muri FPR bakibera intore bikagira inzira. Kuko FPR yo yanga abahutu ikanabyerura si nka RNC yiyambitse uruhu rw'intama kandi ari ikirura butwi. Dore ingero zerekana ko RNC igiye ku butegetsi yakora nka FPR ndetse ikaba yanarushaho:

1. RNC ishaka kugaragaza ko ibibazo byose u Rwanda rufite ubu byatewe na Kagame gusa, kandi uwo Kagame nibo bamugize icyo ari cyo bagamije gupyinagaza ikiremwa hutu aho kiva kikagera ariko nta na rimwe uzumva babyerura. Yicaga abahutu barebera bakicecekera ndetse abenshi bakanabigiramo uruhare rutaziguye, abandi bakogeza.(Batangiye kwabira ubu ubwo Kagome atangiye kubahukamo kubera guhaga amaraso ya gihutu akaba anyotewe ay'abatutsi)

2. RNC iyobowe na Kayumba Nyamwasa wishe abahutu batagira ingano mu Rwanda no muri Congo abaziza ko ari abahutu. Byagera muri gihe cy'abacengezi ho bikaba umwaku.Mu by'ukuri muri make sinzi ko wapfa kubona ahantu byibura nka hatatu mu Rwanda habaye ubwicanyi uwo Kayumba atabizi cg atabigizemo uruhare kubera umwanya yari afite no kuba yari hafi cyane ya Kagome (abiciwe Nyungwe, Kagera, amacontenaires, Kigali, Kibeho, Mahoko, etc... Ntiwavuga ko ntaruhare yabigizemo). Ariko nta rimwe uzigera wumva abihingutsa cyangwa ngo abisabire imbabazi abanyarwanda mbere yo kumva ko bamuyoboka akabayobora barwanya Kagame.

3. Uwavuga ko systeme ya FPR uko tuyizi ubu yubatswe na bamwe mu bayobozi ba RNC (Gahima, Rudasingwa, Kayumba) ntiyaba abeshye. Twese tuzi abantu bagiye bahimbirwa ibyaha bya Genocide bagahigwa, bagafungwa( bakajyanwa Arusha, abandi mu Rwanda), abenshi bakicwa bazira gusa ko ari abahutu bize, ubundi bakabeshyerwa, bagafungwa hagamijwe kubambura imitungo yabo no kubatesha ubuzima bwiza n'utuzi twiza babaga bibereyemo mu mahanga... Ibyo nta wundi wabikoraga utari Gahima Gerard uri mu buyobozi bwa RNC hamwe na ba Martini Ngoga ukiri munzi y'amajanja ya Kagome. Ariko niba hari uwaba yarigeze yumva aho Gahima yatura akavuga uko yahimbiraga abantu amadosiye, uko yicishaga abantu abandi akabafungisha, Niba hari uwigeze yumva aho yaba yarasabye imbabazi imiryango yose yahemukiye ayiziza ubutindi bwe bwa gitutsi muzahambwire wenda wasanga ari njye udakurikira. Icyo nzi ni uko buri gihe intero iza ari Kagame Kagame kagame.

4. RNC iyobowe nanone na Rudasingwa wari wegereye Kagame bya hafi kandi tuzi neza ko yari mubacurabwenge ba FPR hamwe na ba Tito Rutaremana, Denis Polisi, Patrick Mazimphaka, Dusayidi, Ngarambe Filtré, Chrisologue karangwa, Bihozagara etc. (Kagame atarabahinduka ngo atangire kubavuyanga). Mu by'ukuri Politike zose mubona ubu zigamije gupyinagaza abahutu ( kubasenyera, kubicisha inzara,Kubarundira mu midugudu bagamije kubacontrolla, kubambura imirima yo mu bishanga, kubarundira mu mashyirahamwe ku ngufu, Guhora bahembera inzangano hagati y'abahutu n'abatutsi b'abacikacumu,...), Kugurisha ibigo bya Leta muri Fpr, Guheza abahutu mu tuzi, kwima abahutu amashuri,...mbese nta na kimwe cyaje nk'impanuka byose byarapanzwe neza nyuma yo kwigwaho ku buryo buhagije. Ariko nta na rimwe uzigera wumva Rudasingwa yerura ngo avuge uko iyo systeme iteye, yature avuge uko bayipanze, abayipanze abo ari bo, abashinzwe kuyishyira mu bikorwa...bityo bizanafashe abarwanya fpr kuyisenya, wapi nta na rimwe! Ahubwo uzumva avuga ngo abanyarwanda barazira Politiki mbi ya Kagame kagame Kagame kagameeee!!!!!

5. Twese hamwe tuzi ko igisirikare cya Fpr kigizwe n'abicanyi biyita abasirikari, bishe abahutu, barabica, barangije barongera barabica kandi na n'ubu bakibica. Ariko muri RNC nta narimwe uzigera wumva babadenonca nk'uko Ruzibiza yabikoze, buri gihe ikibazo kiza ari Kagame, Kabarebe, Ibingira na Jacques Nziza wagira ngo nibo bonyine bagize igisirikare cy'u Rwanda. Ahubwo uwo Kagome ataye mu munigo usanga bamugize intwari bari kumuririra ay'ingona ngo yarenganye ( Za byabagamba, za Rugigana Ngabo,...). Nta narimwe uzigera wumva bavuga ubwicanyi bwakozwe na Afande Gashayija, Afande Rwahama, Afande Gumisiriza, Afande Kayumba, Afande Kiyago, Afande Musitu, Afande Mubaraka Muganga, Afande Murokore, Afande Rurayi, Afande Eric Karangwa, Afande Rusagara, Afande Matungo, Afande Kayonga, Afande Karenzi, Afande Gapfizi, Afande Dodo, Afande Kaka, Afande Kayizari Siza, Afande Karamba, Afande Rosa Kabuye,...Afande...Afande...Afande......... (Bose nabise Afande kuko ni ko amapeti yo mu Nkotanyi yitwa, yose yitwa Afande!!!! Ibya commandant, Aumonier, Capitaine,Generari, Major ntibibaho! Cyakora njya numva hari iryo bita ngo ni Birigadiyo Jyeneroza sinzi iyo batoraguye)
Muri make abo basirikare bose bafite ipeti rya Afande mvuze hejuru n'abandi ntavuze ni abicanyi b'ibinywamaraso bishe abahutu utabara hirya no hino mu Rwanda, ariko nta narimwe uzumva muri RNC babatunga agatoki ahubwo uzumva barogotwa ngo Genocide yakorewe abatutsi n'UBUNDI BWICANYI NDENGAKAMERE BWAKOREWE ABAHUTU BUKOZWE NA KAGAME!!!

6. Abo ba Jonathan Musonera, abo ba Nkubana, abo ba Micombero, ba Robert Higiro birirwa bavuza iya bahanda muri RNC ni abasirikare b'inkotanyi bafite amakuru ahagije y'ubwicanyi bwakorewe abahutu bukozwe nabo cyangwa bukozwe n'abaciviles b'abatutsi, bazi ababuteguye, ababugizemo uruhare bose n'aho byabereye, ariko uzumva batinyuka bakakubwira ko muri FPR nta na rimwe higeze habaho umugambi wo gutsemba abahutu!!!! (Ukagira ngo abo bose bapfaga nk'ibimonyo bicwaga n'izuba!!). Abo bazakubwina nanone ko ababikoze babikoze ku giti cyabo (ntibanabavuge), ubundi rimwe bakihandagaza bakavuga ko nta muturage w'umuhutu n'umwe wigeze wicwa muri Zone yacontororwaga na Fpr!!!!!! Muri make ku bwabo abahutu batangiye kwicwa muri 1995 bicwa na Kagame na Ibingira gusa!

7. N'ibindi n'ibindi....

Mu by'ukuri rero tuvugishije ukuri, RNC ni Fpr yiyuburuye yishakira abahutu bo kuyiherekeza gusa, ubundi bazagera mu gihugu ikabavunira umuheto nk'uko yawuvuniye ba Sendashonga, na ba Lizinde, Munyakazi, Habyarimana,Kanyarengwe, Biseruka, Bizimungu, Rukokoma, etc...Ikibazo RNC ifite ni Kagame wabahemukiye akica gahunda bari barapanganye hamwe baranazumvikanyeho zo gupyinagaza abahutu, maze akizanira ize bwite ku giti cye, umutambamiye agahita akuraho umwanda. Byumvikane rero ko Ikibazo RNC ifite atari FPR na systeme yayo bubatse ubwabo kandi bagifite mu mitima yabo uko bigaragarira buri wese. Muri make babashije gukuraho kagame, ndabarahiye ko batazuyaza guhita bikomereza iyo systeme yabo bari barumvikanyeho Kagame atarabavangira maze ibihutu byabakurikiye buhumyi byishinze ibipindi byabo bikimyiza imoso ( bigize Imana ntibabikubite udufuni)

Murumva rero ko ishyaka n'iryo niba ryacitsemo Kabiri ni amahire, ni ibyo kwishimira. Ahubwo niricikemo ibice nka miriyoni kugira ngo izo gahunda zabo z'ubutindi zitazapfa zigiye mu bikorwa bo kabura idini. Murakoze (mwihanganire uburebure bw'inyandiko nta kundi kuko ntiwakwandika kunkotanyi ngo uzahine inyandiko bikunde, wapi rwose)

Bantou clan président 03/07/2016 20:26

@ musoni ,Umwarabu umwe atitiza uburayi bwose, nawe urihagije ngo utubohore .
Rwanira aho uri urihagije wasanga uryamanye n'inshoreke aho
-Uzamuye agatwe barakamena
-Tugomba gushyira urupfu k'ubuzima bwacu tukamenya ko tubana narwo
-Umwarabu umwe atitiza uburayi bwose nawe urihagije ngo utubohore

Habineza 03/07/2016 19:57

Hali ibintu bindambiye,kubona Abahutu bahora barira nk'abagore cg abana ngo abatutsi batumerye
nabi,baradukandamiza,aliko se babaruta ubwinshi ?Mwakwishyize hamwe mugahagurukira limwe ?
Ngo bafite imbunda na masasu,aho babikuye se hali uwabakumiriye kugerayo ?Ubwo rero mutegerje
ko umututsi azabaha agahenge ?Umuhutu ukenewe mu Rwanda ni uwuzuye ivumbi mu nsya.Mukimenye.

Musoni 03/07/2016 19:30

Hari ikintu kimwe ngirango abitwa ko barwanya Kagame na FPR bakwiye kwikuramo, kuki iteka bavuga ngo Uburundi bwagize intege nke zo gukurikirana abishe Ndadaye na Ntaryamira? ese abakomeza kubivuga bo bakoze iki? ko Habyara yishwe, impunzi zigapfa nanubu zigipfa bakoze iki? mujye mureka kwivanga mubyabandi Abarundi ibyabo barabizi kandi bari kubyitwaramo kigabo naho FDLR icitsemo ibice, RNC nayo nuko, FDU nuko.........

kalisa 03/07/2016 21:57

Iyo uvuga gutyo inzara irinze kutumara mu Burasirazuba mudakanuye amaso!!!!

RNC kayumba 03/07/2016 19:12

Kayumba yari umwicanyi yigize umuntu

-Ubu RNC irimo ibice bibiri

-RNC kayumba , Micombero .Rutabana,robert higiro , nkubana ..........

Rnc rudasingwa ivuguruye 03/07/2016 19:11

RNC ivuguruye

-RNC ivuguruye, Rudasingwa ,Ngarambe,Gahima.........................

Rukokoma 22/08/2016 18:34

Uwiteka tabara abarengana ubarengere kuko uli umucamanza w ukuli.