Mozambike: Impunzi z’abanyarwanda zo mu bihugu by’Afurika y’amajyepfo zishobora kwicwa nk’izari muri Zaïre (RDC)!

Publié le par veritas

Ambasaderi w’u Rwanda muri Afurika y’Epfo, Vincent Karega

Ambasaderi w’u Rwanda muri Afurika y’Epfo, Vincent Karega

[Ndlr: Ingeso mbi ya FPR Kagame yo kunyereza abaturage mu Rwanda ikabica urubuzo imirambo yabo igatoragurwa mu kiyaga cya Rweru, irashaka kuyikwiza mu bihugu by’Afurika y’amajyepfo ihereye muri Mozambike. Ambasaderi Karega akaba yarahawe inshingano yo gukwirakwiza abicanyi ba FPR mu bihugu by’Afurika y’amajyepfo bicumbikiye impunzi nyinshi z’abanyarwanda kugira ngo zicwe nk’uko FPR-Kagame yarimbuye impunzi zari muri Zaïre isi yose irebera. Ibihugu by’Afurika y’amajyepfo byagombye guhambiriza Ambasaderi Karega inzira zikigendwa kuko akora imirimo ihabanye n’inshingano ze!
 
Amategeko mpuzamahanga agenga impunzi yashyizweho ku italiki ya 28/07/1951 ategeka kuburyo busobanutse neza ko ibihugu byakiriye impunzi bigomba kuzirinda guhura n’abayobozi cyangwa intumwa z’ibihugu zahunze! Ntabwo byumvikana uburyo intumwa za leta  ya Kigali (ziyise diaspora) zijya kuyobora impunzi zahunze u Rwanda, ibihugu zirimo bikicecekera kandi ibyo bitemewe n’amategeko mpuzamahanga! Nigute ambasaderi ayobora inama y’impunzi? Ni gute umupasteri w’intumwa ya leta y’u Rwanda ajya kuyobora abakirisitu b’impunzi zahunze icyo gihugu?
 
Inkuru iri hasi aha “veritasinfo” ikensha umusomyi wayo uri muri Mozambike, irerekana uburyo impunzi z’abanyarwanda ziri mu bihugu by’Afurika y’amajyepfo zacengewe na DMI y’i Kigali! Iyo DMI ikaba irimo itera ubwoba n’umwuka mubi w’ubushyamirane mu mpunzi bitera  kwishishanya hagati yazo kuburyo zishobora kwicana! Leta z’ibyo bihugu zigomba guhagurukira iki kibazo cya DMI za FPR Kagame!]
 
Amakuru yatangajwe n’urubuga www.igihe.com ku itariki ya 25/03/2016, avuga ko uwitwa Baziga Louis, umunyarwanda ukorera imirimo y’ubucuruzi mu gihugu cya Mozambike ko yari yaburiwe irengero, ni ikinyoma cyambaye ubusa! Urwo rubuga rw’”igihe.com” akaba arirwo leta ya FPR Kagame inyuzamo ingengabitekerezo yayo na gahunda zayo zo kugirira nabi abanyarwanda batayemera. Amakuru ari muri iyo nkuru y’inyerezwa rya Baziga mu gihugu cya Mozambike ni ikinamico yakinwe na Ambassadeur Karega n’ikipe ya ba DMI bakorera mu bihugu by’Afurika y’Amajyepfo. Umunyarwanda wese uri muri Mozambike wumvise iyo nkuru yakubiswe ni nkuba yo kubona umunyarwanda mwene wabo babana avugwaho kunyerezwa, ibyo bikandikirwa i Kigali kandi abanyarwanda babana nawe muri Mozambike bazi ko ntakibazo afite!
 
Ikizwi cyo ni uko Ambasaderi Karega yateguye inama ihuza aba DMI (maneko za FPR) baherereye mu karere kagizwe n’ibihugu bya: Malawi, Zambia, Zimbabwe na South Africa. Inama ibahuza yarabereye muri Mozambique; mbere y’uko iyo nama iba , abo ba DMI bavuye mu bindi bihugu bahawe amabwiriza yo kubwira imiryango yabo ko batashye ubukwe bw’inshuti iba mu gihugu cya Mozambique. Kuberako Imana irebera impunzi idasinzira, umugambi n’ikinyoma cyabo byagiye hanze binyuze muri iyi nzira: Baziga Louis usanzwe ari DMI nkuru muri Mozambique byabaye ngombwa ko abwira abo mu muryango we ko bazavuga ko batazi aho aherereye mu gihe hagira abamushaka. Impamvu Baziga yakoze ibyo ni uko byari kumugoora kubeshya ko atashye ubukwe bwabereye ahantu atuye kandi ntabubonekemo.
 
Ambasaderi Karega ahagarariye u Rwanda muri South Africa yaje aherekejwe na DMI turi buze kuvugaho ziba muri Afurika y’epfo. Ibikorwa bya DMI hirya no hino ku isi birakemangwa kubera kujujubya impunzi ariko byagera muri kiriya gihugu cy’Afurika y’epfo bikaba agahebuzo. Muzi abanyarwanda bamaze guhohoterwa muri icyo gihugu kubera akagambane k’izo DMI nka Colonel Patric Karegeya wishwe kandi n’abashoboye kurokoka nka Général Faustin Kayumba Nyamwasa bakaba bahorana inkenke y’izo nkozi z’ibibi. Ambasaderi Karega yaje muri Mozambike  aherekejwe na DMI 2 nkuru arizo : Augustin Bungurubwenge (DMI muri Cape Town) na Jean de Dieu Hanyurwimfura (DMI nkuru i Durban).
 
DMI BAZIGA Louis ntiyigeze ashimutwa, barimo bishimiraga iyicwa rya Turatsinze Theogene.
 
Muri iyo nama ya DMI yabereye mu bwihisho, Louis Baziga yari yayitabiriye, mu rwego rwo kuyobya amarari, Baziga yasize abwiye umuryango we ko batazavuga aho ari, ahubwo bakavuga ko yaburiwe irengero. Baziga yizeraga ko ubutegetsi buzahera ku mvugo y’umuryango we maze bugafunga impunzi z’abanyarwanda  Kigali ifata nk’abanzi bayo baba muri Mozambique.
 
Muri iyo nama ya DMI kandi habayeho ukwishimira igikorwa Baziga Louis yateyemo inkunga ikomeye, ubwo we na Embassadeur Vincent Karega bishimiraga umugambi wabo wo kwica Turatsinze Theogene  ku mabwiriza ya Perezida Paul Kagame. Ubu bugambanyi buremereye Baziga Louis abukora yihishe inyuma y’Ubukristo dore ko we n ‘umuryango we ari abakristo b’abarokore. Ubucuruzi bwe bukaba butezwa imbere na FPR imuha amafaranga uko ayakeneye.
 
Nk’uko www.igihe.com kibivuga, Baziga Louis ni umucuruzi ukomeye muri Mozambique, ariko abanyarwanda benshi ntibamukekeraga ubwo bugome. Ibyo ikinyamakuru igihe.com cyatangaje ku mu gabo BAZIGA Louis yari yashimuswe akaba ari ikinyoma cyambaye ubusa, ahubwo yari mu nama ya DMI muri Mozambike.
 
Basigaye bivamo nk’inopfu
 
Amakuru y’ibyabereye mu nama ya DMI muri Mozambike yose yashyizwe hanze na DMI HANYURWIMFURA Jean de Dieu wo mu gihugu cya Aurika y’Epfo. Uyu Jean de Dieu ashinzwe gahunda yo kurambagiza abarokore, akabinjiza muri busness idahomba ya FPR ijyana no kwikiza umwanzi (ni ukuvuga impunzi yose itavuga rumwe na FPR). Hanyurwimfura yabwiye abari mu nama ya DMI ko aho  imodoka ye ambasaderi Vincent Karega yari yaramuhaye imariye gukora impanuka ikangirika burundu, yahise amushumbusha indi nshyashya, bukaba ubuhamya bufatika ko bagomba kwitabira gahunda za FPR cyane ko muri iyi minsi bashaka ko DMI zinjira cyane mu mirimo yo gutwara abantu binyuze muri Company yitwa UBER Taxi.
 
Hanyurwimfura yasobanuye ko ubwo buryo bw’imikorere buzamworohereza gukomeza kuzenguruka mu bakrisito b’Abarokore aho azajya abakangurira gushyigikira no gutera inkunga Leta ya Kigali. DMI Jean de Dieu yabivuze muri aya magambo: “imodoka Ambassade yari yaranguriye yakoze accident, irangirika burundu, none banguriye indi nshashya, kandi ninabo bari kunshakira ibyangombwa byo kuyikoresha muri UBER car taxi, mwe nimugire vuba mbinjize muri busness idahomba”.
 
Twamenyesha abanyarwanda ko ako karimi ke karyoshye hano Mozambique tutagigakeneye, kuko ibyo yasize avuze byose mu marenga byagaragaye. Ingendo nk’izo azihamagariwe mu Rwanda ntahandi asigaranye kandi n’utari amuzi arusheho kumumenya, iyo niyo mission yariyamuzanye hano Mozambique, gutaha ubukwe byo byari agakingirizo. Turasaba abantu batuye Durban na Cape Town guha akato aba bagabo 2 aribo Jean de Dieu Hanyurwimfura na Augustin Bungurubwenge. Malawi, Zambia na Zimbabwe namwe murabe maso, mutahure hakiri kare DMI zagiye muri iyo nama ya Mozambique, nta kindi bagamije uretse kujujubya impunzi.
 Amabwiriza n’imikorere bishyashya muri gahunda za DMI.
 
Muri izo kinamico zose zagaragajwe haruguru, mu nama ya DMI Karega yabahaye amabwiriza mashya harimo gukora ibishoka byose ngo bafungishe  kandi   bice / bicishe abantu Leta ya Kigali idashaka. Ariko ibyo bakabikora mu buryo bereka Leta z’ibihugu bicumbikiye impunzi  ko ibyo bikorwa biba byakozwe n’abatavuga rumwe na FPR. Ibi bikaba byatangiye kugaragarira mu kinyamakuru cya FPR kitwa www.igihe.com  aho kita impunzi zo muri Mozambique ngo ni abanzi ba Baziga Louis. None nk’uyu Louis iyo avugako yashimuswe kandi yihishe mu nama y’ubugambanyi, arabona bizamuhira?
 
Ndagirango mburire bagenzi banjye baba hano muri Mozambique ko ikibazo Louis yitwaza ngo afitanye n’abandi Bapasitoro atari byo, ahubwo ukuri ni uko Baziga Louis ari we muyoboro wa Ambasaderi Karega wo kuzengereza inzirakarengane zituye Mozambique. Abo bose bitabiriye iyo nama baba abaturutse muri South Afurika, Malawi n’ahandi mubarebe, ntakindi bagamije uretse  gukorera impunzi z’inzirakarengane amabi menshi, hanyuma bagahita bakora lobbing yo kubyitirira impunzi bagamije kuzimisha ibyangombwa no kuzirukanisha. Ariko aho bukera imitego yabo iraza kubashibukana!
 
Agapfa kaburiwe ni impongo, DMI za FPR ziri gukora ijoro n’amanywa kuko zizi ko ibikorwa bibi bya gouvernement y’u Rwanda byamaze kuba ikimenya bose ku isi, barasiganwa n’igihe ngo bagarike ingogo nyinshi, nyamara icyo bagomba kumenya ni uko ingoma bakorera iri  mu marembera, bashatse bahindura ingendo hakiri kare. Abo banzi b’amahoro aho bihishe hose mubamenye haba mu bucuruzi, mu ma taxi ya UBER cyangwa mu madini cyane cyane idini bitako ari iry’abarokore.
 
Pasika Nziza kuri twese.
 
Eric Murekezi
Maputo, Mozambique

Commenter cet article

Mbonyigabo 31/03/2016 13:25

Abanyarwanda ahobarihose mubindibihugu bakwiye kwegerana, bakiga kwilindira umutekano. Bakamenya abobagizi banaba bakabarega mubutetsi bwaho batuye, kandi ntibemere gukomeza kwicwa nkinyoni.

JAKI cg YAKOBO BIHOZAGARA 31/03/2016 07:13

Jaki BIHOZAGARA ASANZE Col P. KAREGYEYA na RWIGARA A nabandi tutabara!
Njyewe reka mbabwire: NI MWONGEZE POLO INDI MYAKA 7 Maze mwirebere NGO ARARARIMBURA BENEWABO mukanya nkako guhumbya. ABAGONGWE - 94 GENOCIDE - KIBEHO - NYACYONGA - DRC(8MILLIONS) - Akaga karagwira!
HARYA NGO MWAMUHAYE 98% NGO YONGERE ABAYOBORE? Ayiiiii. Ndebera ABAGENERALI BE AHORA AFUNGA AFUNGURA NKUNZUNGI Yabagize IBIKANGE; arahita BAKANYEGERA!
BIHOZAGARA rero NTARUTA:
- KINANI
- SENDASHONGA
- GASITALI
- NTARYAMIRA
- KAREGYEYA
- IMIRAMBO 400 muri RWERU
- NABANDI....
BANYARWANDA .... POLO ARABICA KUGEZA HASIGAYE FAMILLE GUSA.
YARAVUZE ATI: NTAWUZAGAMBANIRA U RDA NGO ABIKIRE
Sinzi IMPAMVU MUSHIKIWABO ahubwo ATAVUZE ko IMBWA ZIPFA kibwa nkuko Yabuvuze kuri KAREGYEYA cg ngo ngo AMWITE IBANDI. .. IKIGARASHA.

HASIGAYE KWICA NDE KOKO? ARIKO ABICANYI BARAGWIRA. Ejo muzababona muri za KILIZIYA BAHAZWA UMUBILI WA YEZU cg BABYIGANA MUNSENGERO BANEKA NGO BABONE ABO BARIMBURA.
ARIKO MBABAZE: IMANA YAREMYE POLO niyo YAREMYE BIHOZAGARA JAKI? AYIIIIII
AYAMARASO ARAHAGIJE NGO POLO ABIBAZWE N'ABANYARWANDA cg IMANA.
Ntabyungu ABARUNDI BABA BAFITE MUKWICWA KWA BIHOZAGARA.
NGAHO NI MUYOBOKE DA..... DIASPORA MUFITE AKAZI GAKOMEYE NABAMWE BURIRWA BABOZA MU NNYO bahakirizwa!!!

RIP JAKI BIHOZAGARA.

Musoni 31/03/2016 06:23

Nangwa Bihozagara azashyingurwa n abe. Twibuke ko uburundi bwapfushije président wabwo arashwe n abanyarda....

Mukunzi 31/03/2016 00:15

Commentaire ziri hano zose ntaho zihuriye n'umutwe wiyi inyandiko cyanga ibya nditswemo.
None se ko ataribo banditse ibya BIHOZAGARA mubizanye hano mute?
Ndagira ngo mbaze Veritasinfo.Iyi nyandiko yanyu ntabwo imaze igihe?None igihe TURATSINZE mwe BURUSINI ku MUKAMIRA yapfiriye,agarutse muriyi nkuru yanyu ate,niba mutagaruye inkuru yashize.
Turatsinze turabizi FPR yaramuhitanye imuziza ko yarazi amabanga yihomba rya BANKI yigeze kubera umuyobozi.Yazijijwe ko atihanganiye kudashira ahagaragara ko abambari ba FPR bafashe amadeni ntibishyure.IMANA imuhe iruhuko ridashira.Ndagira inama abakoreye FPR bakaba bazi amabiya yayo;bakwirinda kwegerana nabambari bayo ahobaba muri za AMBASSADE.
TURATSINZE yibagiwe icyamuvanye mu gihugu akomeza kwiyumva mo ko ntacyo bamukurikirana ho kubera ko yahisemo kwegura.Ntabwo muri FPR wegura batakweguje nguzagire amahoro.
Nongeye kwihanganisha umuryango we.BURUSINI KAYONDO nabandi BAGUYANE bose.
Maze BABONANGENDA RVARISTE nabiwe bazi ururpfu rwa TURATSINZE bakaba bari nababaye bugufi ya Burusini ashyingura umuhungu we,barye bari menge yuko kugeza ubu MUKANTABANA ataragira icyo yereka FPR kubaba baramukurikiye bataha;ngo bigaragaze ko aboya bereye umuyobozi bamukurikiye.Dusabe IMANA ntibazicwe urwa TURATSINZE.

John 31/03/2016 00:01

abantu mutangarira abanyarwanda bapfira mu mahanga burya ntacyo muzi. mbese ntimuzi abamaze gupfira muri amerika? hari abantu bazanywe gufungirwa muri amerika bababeshyera Genocide hanyuma baba abere ikibabaje baheze mumagereza ya USA ntampamvu ari abera ntacyaha bafite, muri USA baherutse kwerekana umwana w'umuhungu w'umunyarwanda wimyaka 18 yapfiriye muri gereza ya amerika. uwo mwana wabonaga ko babeshya imyaka ye afite imyaka 16 gusa. ubwo se ko amerika idafite ikibazo mu kwica abana babanyarwanda bahahungiye mwimva amaherezo yabanyarwanda ari ayahe? ibibazo byabanyarwanda bizakizwa nuwaremye abantu gusa.

BH 30/03/2016 19:54

Birababaje cyane!! Urupfu rwa Bihozagara rurababaje Imana imwakire mu bayo! Yakoranye n'imbwa gusa! Uru rupfu rw'uyu mugabo rubere isomo inkoma mashyi zose kuko nirwo rubategereje! Kubona Ambassadeur w'igihugu afungirwa mu kindi gihugu akarinda iyo apfira mu uburoko nta réclamations zibaye birenze ukwemera!! Abirirwa muceka inkoro ni uru rubategereje! Ninde muri mwe warushije Bihozagara gukorera RPF n'igihugu? Mugeze aharindimuka! Dr Mukankomeje muramuziza iki? Mwamupangiye nawe mugiye kumwirenza!!!! Sha mbabwire mwageze mu ikoni mutazashobora gukata!!!!! Mwitegure guhirima kuko ntacyo mumaze!!

IMBWA ZIRAGWIRA 30/03/2016 19:51

UWATUROZE NTIYAKARABYE. MU RWANDA KUTAVUGA BIRUMVIKANA KUKO UTAMENYA IGIHE WAGONGEYE URUKUTA. IMPUNZI ZO MULI KONGO ZAPFUYE KUBERA AKAGAMBANE KA USA NA UK. BANANIRWA KWITABARA KUBERA NO KUBURA ABAYOBOZI. ABANTU BAMAZE IMYAKA IRENGA 20 MU BIHUGU BYINSHI, BAZI NEZA UKO IBYO BIHUGU BIKORA-KOKO BICARE, BACURUZE AMATIKU-BIHISHE NGO DMI? KOKO MURUMVA IBYO BINTU ATALI UBUBWA BUKABIJE. KUKI MWEBWE MUTABASHIKILIZA UBUTEGETSI, BYABA NGOMBWA NAMWE MUKIRWANAHO? TUZAHORA DUTEZE AMASHYI HANZE KUGEZA LYALI?

kagabo 30/03/2016 19:10

KURI VERITAS NAMWE MURANANIWE KOKO INKURU IMWE MUMWAKA?UUUUUU KWANDIKA NABYO ESE MWAGIYE MUTUBWIRA TUKABAHA INKURU KO TUBA TUZIFITE

Tuve muri ICC 30/03/2016 17:23

Tuvuge kuri sujet idufitiye akamaro, tuve muri ayo matiku n'urugomo.

Wabumvise ba bahungu.

Ngo « Tuve muri ICC » !

Ref : http://www.igihe.com/amakuru/u-rwanda/article/gatanya-hagati-ya-afurika-na-icc-ishobora-kubera-i-kigali

Erega ukurusha imbaraga, aba akurusha imbaraga.
None se ICC nivaho, bagashyiraho urukiko special y’ibyabereye Kongo kuva muri 1994 kugeza aya magingo… bizaba bihinduye iki ?

Twizere ko BANYWANI bacu, Leta Zunzubumwe, babihaye umugisha.

Tous les criminels se sont réunis, pour proclamer à l’unanimité: QUITTONS l’ICC!!!!

Makanji wahurira?

Merci de rêver.

franco 30/03/2016 15:09

uragapfa urakagwishyanga urakajyaho mwashyize abandi@munyaruko.ibyo birutsi uba uruka wagiye kubiruka ahandi.urabara inkuru zo muri maputo ko utabayo urahakanya twe tubayo ko ibyo byose tubizi gute kdi niba unabayo uri inyenzi koko jyujyahagaragara tukubone.

RWARAKABIJE 30/03/2016 15:01

Uwampa aho nca nkakizwa namaguru.....Ubu banshyize kugatebe....Bamaze kumaramo ameza hasigaye ibivuzo. NGO BAGIYE KUNSHINZA JONOSAYIDI naho EVODI ko YATUTSE ubuyobozi ngo ni AGATSIKO KAMABANDI.....

Munanira 30/03/2016 14:43

Iyi nkuru yakwandikwa mumirongo 2 gusa. Uwayanditse sinzi icyo yashakaga gushishimura ibintu bingana kuriya. Naho ibijyanye no kuba yaragambaniwe ou pas, ukuri kuzagera ubwo kujya ahagaragara.

Munyarukato 30/03/2016 14:19

Have have, kuko twese dufite imiryango muri Mozambique, ibiri kuhabera ninkibyari mu Rwanda muri za 1992.
Abahutu ntitugatwike inzu ngo dushake guhisha umwotsi kuko biragaragara byanze bikunze.

Diomede ntahakana umugambi wo gushaka guhotora Louis kandi amajwiye nay'mupolice yari yahaye mission birahari.
Tureke rero gukwirakwiza ingeso y'ubwicanyi muri Afrique kuko isi iduhanze amaso.
Ubutabera nibukore akazi kabwo.

Munyarukato

munyakuri 31/03/2016 16:23

Munyarukato Harya ubwo mu Rda 92 habaye iki sinumva ngo ni ibitero byinkotanyi byumba na ruhengeri? Uti Diomede ntahakana umugambi ahubwo se yawemereye he? niba ibimenyetso byari bihari kuki bashatse kumunyonga ngo bamujyane mu Rda ubwo umushinjacyaha yari gkra he ibimenyetso? lis ko atitabaje itangazamakuru rya mozambique akirukira ku gihe? umugambi wo kumunyonga waburijwemo reka abacamanza bakore akazi kabo.