Google iri kugerageza gufunga no guharabika « veritasinfo.fr »

Publié le par veritas

Kuva ku cyumweru taliki ya 28/02/2016 urubuga mpuzambuga rwa « Google » ruri gutambutsa ubutumwa bwuzuye iterabwoba ku bantu bafungura urubuga rwa "veritasinfo". Ubwo butumwa bugaragaza ko « Google » yafunze « veritasinfo.fr » bitewe n’uko kuri urwo rubuga rwa « veritasinfo.fr » hari kugaragaraho abajura bashobora kwiba amabanga abantu bafite ku mashini (ordinateurs/computer) zabo.
 
Kugeza ubu « veritasinfo.fr » nta bajura bayirangwaho cyane ko atari urubuga rw’ubucuruzi abantu bashyiraho amabanga yabo ya banki bagura ibintu cyangwa ngo basabwe kuzuza umwirondoro wabo. Ubwanditsi bwa « veritasinfo.fr » bwagerageje kubaza « Google » ibyerekeranye n’ubwo butumwa yandika kuri « Veritasinfo » isubiza ko ari ubutumwa butaribwo bwatanzwe bitewe n’ikosa rya tekinike ko bigomba kuzakosorwa ariko kugeza ubu iryo kosa rikaba ritaravaho. Nubwo « Google » itanga ibyo bisobanuro, ubwanditsi bwa « veritasinfo » busanga ibisobanuro bya « Google » bidasobanutse kandi bihishe ukuri. « veritasinfo » isanga muri « Google » hihishemo ibyitso bidashaka ko inyandiko zivuga ukuri ku makuru yo mukarere k’ibiyaga bigari by’Afurika ajya ahagararagara ; abayobozi bo muri ako karere batifuza ko amakuru ya « veritasinfo » asomwa batanze ruswa muri « Google » kugirango bayihagarike. Ibyo bigaragazwa ni uko abo bayobozi bakoresheje izindi nzira zose ngo « veritasinfo » ihagarare bikabananira!
 
Ni ubwo bimeze gutyo ariko, « veritasinfo » ikomeje gukora nta mususu, abakoresha urubuga rwa « Google » bashobora kujya kuri paje yarwo, bagakanda ku turongo 3 turi mu nguni iburyo, bakajya ahanditse paramètres, bafungura hasi ahanditse « Afficher les paramètres avancés » bakajya ahanditse « confidentialité » bakareba umurongo uri hasi wanditseho ngo «  assurer votre protection et celle de votre appareil contre les sites dangereux » ako kazu bagakuramo akamenyetso ka v kariho. Abatabishoboye bashobora gufungura veritasinfo muri «internet explorer » cyangwa muri «safari» kuko kugeza ubu aho hombi veritasinfo ifunguka neza.
 
Uko byagenda kose, nta muntu numwe uzahagarika ukuri nubwo kuryana, veritasinfo izakomeza guhitisha ibitekerezo byanyu kandi ibagezeho amakuru y’impamo.
 
Tubifurije ibihe byiza.
 
Ubwanditsi bwa «veritasinfo ».

Commenter cet article

Merciiiiiiiiii @VertasInfo 02/03/2016 17:18

@Vertasinfo,

Murakoze cyaneeee kubw'itange mugira mutugezaho amakuru y'imvaho.
Mukomeze muhatane kandi turabashigikiye.
La Lutte continue.
.

Merciiiiiiiiii @VertasInfo 02/03/2016 17:13

@VeryasInfo.

Murakoze cyaneeee.
Mukomeze muhatane.
La Lutte continue
.

Tuesday 02/03/2016 13:25

Rwanda changement,
Uravuze uti kumvikanisha urongera uti kuregera uwo uregeraho ubwo wumvise utishubije? Ntaho kumvikanisha hahari kuko uwo urega niwe uregeraho.
Ahubwo abanyarwanda ubwabo igisubizo niho kili, iyo umugabo asuriye undi mugabo ntamwishyure amwita ikiburabwenge-nnyo. Niba uko bwije nuko bukeye twicwa, twicirwa imiryango nabacu, twe ntitugire nuwo duhusha ubwo ni ububwa ntabwo ari ubugabo ndetse ni ubugoryi naho Itangazo-makuru nabanyamategeko bashinzwe ubugambanyi nubugome kandi nibikoresho bya ba Rutuku - Mpatsibihugu. Abandi ni ukwivuruguta mu bucafu batabizi.

Rwanda changement 02/03/2016 11:01

murambabaza cyane mumenyesha ibidafite akamaro.Njye mbonye ipaje itukura uvugako nibeshye kuri site ya veritasinfo bongeraho ko ngomba kuyitondera ntibyantangaje.kuko censure no gukasa ukuri bibaho.
icyo nabaza veritasinfo:
1.Ntabanyamategeko mugira ngo muyirege?
2.Ko mukorera mubihugu bya democrasi munafite ubwisanzure mu gutara no gutangaza amakuru
mwatubwira niba ikibazo cyangu mwarakigejeje kubarangera itangazamakuru aho kurega uwo uregeraho?
3.kuki mutanyrura muzindi nzira zindi zihuta ,zirangurura zdahagarikwa nka radio,conférence-débat,meeting,plate forme mwumvikanisha ikibazo cyanyu cyangwa icyabanyarwanda n'akarere.
ikigaragara hano kuri iyi si ni uko :uworosora uwabyukaga bitamuvuna kandi ufashwa ni utagira ubwoba kandi wiyemeza no guta ibye n'ubuzima bwe iyo arengera abandi cyangwa icyamubyaye kitari icyumugore.
Muve mubwihisho muhangane nabandi bazabasange ari benshi

kalisa 02/03/2016 11:00

Mumenye ko intambara atari amasasu gusa. Mwibuke ukuntu inkotanyi zakoresheje itangazamakuru kugeza berekanye amafoto y'ibindi bihugu babeshya ngo ni mu Rwanda. Ejobundi umubuligi yafashwe yerekana amafoto yo muri Afrique de l'Ouest avuga ngo ni mu Burundi! Ni intambara nk'iyindi mushikame muyirwane.

kaminzena 02/03/2016 07:40

bareke bari kurya aya nyuma, mu minsi mike agatsiko karaba katagishoboye kubishyura

KB 01/03/2016 16:08

Mubareke barata igihe. Iwacu ibi babyita guhomera iyonkeje! Barahishira abicanyi kugeza ryari? Kubona Société ikomeye nka Google ikora aya manyanga birababaje! Ibikorerwa kuri ino si pas de confience! Gusa Google niba ari uku itangiye gukora irahatera ikizere isi yariyifitiye! Iyi ni corruption yo mu rwego ruhanitse! Intambara yabaye engagée. Google ntizashobora kuyihagarika! Mukomere.

peter 01/03/2016 22:16

iki gihe ca none, amakuru arakenewe

Shwarz 01/03/2016 15:37

Google, stop being corrupted by african tyrans and uneducated presidents such as Kagame, Museveni and accolutes. Plz. We trusted you, but now, ......

And for us african members of UA, we have to promote one language in all schools, services, borders, etc. Plz. 10 years are enough , so by 2025 that language will be known. SWAHILI, oyeeeeeeeeeeee.

Kamarampaka 01/03/2016 15:34

ngaho Mwakurikira Ikaze iwacu!!!!!

Leonidas 01/03/2016 14:58

Ntabwo ari Google gusa kuko na Safari kubakoresha Apple naho niko bimeze igihe cyose bohereza Virus nyishi cyane zikataka computer cg indi advises ikoreshwa na Google cg Safari network kugirango bahagarike communication yabanyafrika cyane cyane iyo bakoresha ururimi rwa Afrika.
Abazungu babivuze ukuri ko Afrika nabanyafrika baramutse bagize communication ikomeye ko batabashobora nibyo 100% kuko beshi bagwa mu mitego y'abazungu kubera kutayimenya ngo tuyitegure. Mushake protection ya Viruses kubakoresha computer kuri uru rubuga rwa veritasinfos.

BEBE 01/03/2016 14:48

BARIYE RUSWA NYINSHI ZIKOMOKA MU MITSI YACU

sam 01/03/2016 22:40

Niyo mpamvu tutagisoma amakuru yikaze iwacyu naho nubwo buriganya bakoresheje? None ko bafunga ibinyamakuru ahari bazafunga nimbaraga zimana?

Johnny 01/03/2016 17:43

Ni uko baduhagarikiye Ikaze Iwacu disi ! Murabe maso. Byose ni Kagome.