Abarwanyi ba FNL bafashe mpiri Lieutenant Irambona Alexis wo mu ngabo z’u Burundi

Publié le par veritas

Lt Irambona Alexis wo mu ngabo z'u Burundi wafashwe mpiri n'abarwanyi ba FNL

Lt Irambona Alexis wo mu ngabo z'u Burundi wafashwe mpiri n'abarwanyi ba FNL

Kuri uyu wa gatatu taliki ya 23/03/2016 habaye imirwano ikaze mu Burundi yahuje ingabo z’icyo gihugu n’abarwanyi b’umutwe wa FNL ; iyo mirwano ikaba yabereye mu ntara ya Bubanza. Muri iyo mirwano abarwanyi ba FNL bayobowe na Général Aloys Nzabampema bashoboye gufata mpiri umusikare w’u Burundi ufite ipeti rya Liyetena akaba yitwa Irambona Alexis ufite nimero matricule SS1899 akaba akorera mu ikambi (bataillon) ya 412, akaba yari umuyobozi wa kompanyi (compagnie) ya 2.
 
Mukiganiro Lt Irambona Alexis yagiranye n’abayobozi b’ingabo za FNL yababwiye ko yavukiye i Makamba muri komine Vugizo ku mutumba wa Buramira mu mwaka w’1984. Yemeza ko abasilikare b’u Burundi bagaragara mu bikorwa byo kwica abaturage bagomba ku  bibazwa ku giti cyabo kuko baba bataye discipline y’akazi kabo ko kurengera abaturage. Yahakanye ko abayobozi b’ingabo z’u Burundi nta mabwiriza baha abasilikare yo kwica abaturage uretse ko nabo bumva amakuru nk’ayo avugwa n’abandi bantu. Lt Irambona Alexis yakanye amakuru avuga ko ingabo z’u Burundi zaba ziri gutegura ibikorwa byo kwica abatutsi n’abatavuga rumwe n’ubutegetsi kandi akaba asanga ibibazo by’u Burundi bigomba kurangizwa n’ibiganiro byahuza abanyepolitiki bose batavuga rumwe na leta.
 
Lt Irambona Alexis yatawe muri yombi n’abarwanyi ba FNL mu mirwano yabahuje n’ingabo z’u Burundi mu gihe kuwa kabiri taliki ya 22/03/2016 Lt  Darius Ikurakure wayoboraga ikigo cya gisilikare i Bujumbura yarashwe n’umuntu utaramenyekana kimwe na Major Didier Muhimpundu nawe warashwe n’umuntu utazwi, ku mugoroba wo kuri uwo munsi kandi hakaba hari umupolisi nawe warashwe n’abantu bataramenyekana ahita yitaba Imana. Mu mujyi wa Bujumbura hakaba havugwa imitwe yitwaje intwaro irwanya leta  ya Nkurunziza inyuranye. Hakunze kuvugwa abarwanyi ba Sinduhije, abarwanyi ba Niyombare ndetse n’abarwanyi ba Hussein Radjabu. Umutwe wa FNL ukaba wari umaze iminsi utagaragara mu mirwano ariko abaturage b’abarundi bakaba bemeza ko abarwanyi ba FNL bibera mu giturage igihe abandi baba mu mijyi.
 
Hashingiwe ku mitwe myinshi ifite intwaro irwanya leta y’u Burundi, biragaragara ko abashaka kuvuga ko mu Burundi hari ikibazo cy’ubwoko gishobora kuvamo jenoside baba bibeshya cyane !  Ikibazo kiri mu Burundi gishingiye ku igabana ry’ubutegetsi na politiki kandi kugikemura bisaba ubushishozi bwinshi. Amahanga atsindagira leta y’u Burundi kugirana ibiganiro n’abatavuga rumwe nayo ntakuvangura, ariko leta  y’u Burundi ikaba yaranze ibyo biganiro mu gihe cyose hatumiwemo umutwe wa CNARED. Igitangaje ni uko uwo mutwe udafite ingabo kandi ari leta y’u Burundi ari n’amahanga akaba nta muntu n’umwe ucisha ikibazo cy’imitwe yitwaje intwaro irwanya leta y’u Burundi, ubwo se gushyikirana na CNARED gusa byagarura amahoro ?
 
Nyuma yaho hatangiriye imyigaragambyo yo kwamagana manda ya Nkurunziza, abantu benshi batekerezaga ko iyo myigaragambyo nihagarara kandi amatora akaba i Burundi ibintu bizaba birangiye, ariko aho ibintu bigeze ni uko nta muntu numwe urashobora kubona igisubizo cyo kugarura amahoro i Burundi. Umuryango w’ibihugu by’Afurika y’iburasirazuba EAC, umuryango w’ubumwe bw’Afurika UA, umuryango w’ibihugu by’Iburayi UE n’umuryango w’abibumbye ONU byananiwe guhuza leta y’u Burundi n’abatavuga rumwe nayo kugirango amahoro nyayo agaruke i Burundi ; ahubwo aho ibintu biri kugana ni uko ibiganiro biri kwibagirana ahubwo intwaro akaba arizo zihabwa ijambo. Iyo witegereje ibiri kuba i Burundi urasanga bihuye n’ibyo impuguke y’umubiligi Filip Reyntjens yasobanuye mu kwezi kwa kane 2015 bishobora kuba i Burundi (kanda aha ubisome) ; hashobora kuvuka intambara ikozwe n’imitwe inyuranye, buri mutwe w’abarwanyi ukagira igice k’igihugu ufata maze u Burundi bwose bukagwa mukajagari !
 
Aho kugira ngo u Burundi bugere iwandabaga, leta ya Nkurunziza igomba gufata iya mbere igatega amatwi abatavuga rumwe nayo maze ikagarurira ibintu hafi kuko mu gihe igihugu cyaramuka kiguye mu kajagari abari ku butegetsi babihomberamo kandi abaturage bakahababarira cyane.
 
veritasinfo

Commenter cet article

Ingabo 26/03/2016 10:22

Muvy'ukuri hari umusirikare wa FDN w'ipete rya Lieutenant wazimiriye mw'Ishamba Cimeza rya RUKOKO ariko nta ngwano nantonya yigeze ihabera. Hoba ingwano vya binyamakuru vy'abazungu ntivyirigwe birayidandaza? Icotwikeka n'uko uwo musirikare ashobora kuba ari complice kuko ntivyumvikana ingene umu officier yidevereza mw'ishamba rya Rukoko ari wenyene ata musirikare n'umwe bari kumwe kandi azi neza ko muri rirya shama kakunda kwinyegezayo imigwi y'inkozi z'ibibi n'abasuma. Nimyereke guhenda abantu ngo Nzabampema! Ingabo zacu zihagaze neza, uwushaka kubibona araze azobimenya! Ingumba itazi ikibi irigata ishenyo!

Yego ye 24/03/2016 22:16

Aya ni ya mayeri yabo yo kuyobya abanyagihugu, ubu se uriya majoro wumututsi za kera mwatubwira icyo yazize?
Ibi binyibutsa abana twapfushije Kamina Kabila ninterahamwe ze barimbuye, nubwo batashize abasigaye nibo wumva bahora barwanira iyo za Kivu?!

Ingabo 24/03/2016 18:31

[Ndlr: hashobora kuvuka intambara ikozwe n’imitwe inyuranye, buri mutwe w’abarwanyi ukagira igice k’igihugu ufata maze u Burundi bwose bukagwa mukajagari ! Ngo buri mutwe ugafata agace k'igihugu??? Mbe uyo nzabampema muriko mugirira publicité bababwiyo ngo yafashe hehe? Araje araseruka aje ahabona turabe! Itwo tugwi twose ntaho itandukaniye na LRA imaze imyaka n'imyaka yitwa ngo iriko iragwanya Museveni ariko ikaba ata n'umutumba umwe bagenzura!

Mbonyingabo 24/03/2016 16:45

@ Karibu, nikuki uvuga yuko mu Burundi hatabaye amatora, kandi Rwasa na Nkurunziza bariyamamaje bagatorwa, ubwo urumva utibeshya? Ndabizi yuko harabanze kuyajyamo yenda bibwira yuko atazemerwa, baribeshye cyane. Ikintu cyangombwa muri democracy noko baha abaturage uburyo bwogutora, niyo bikozwe nabe utowe iyo amaze kurahira arayobora. Abashaka intambara mu Burundi simbabujije, ariko mumenye yuko uguhima atiretse agusurura muryamanye.

kilimambogo boys 24/03/2016 14:39

iki kirogorye ngo n'impuguke Filip Reyntjens kirikuvuga imigambi yabazungu yuko region des grands lacs yakamo umuriro uruta uwuhari nubundi bugori ngo umubare munini w'abatutsi umerewe nabi kandi abahutu aribo bapfa cyane muburundi ! ubu buzungu bwi intéressant cyane kubihugu by'africa nkaho bubifitiye impuhwe njyewe busigaye buntera umujinya ! bwirirwa kugasozi buri kunya ubugambo bunuka ngo nyenyenyenyeeee
muburundi abahutu n'abatutsi bose bari mugisoda kandi bashize hamwe barikurwaniriza umwanzi hamwe ! naho iyo misega ipfa kuvuga ibyo itazi nigende irigate ibibuno byabanyina ipumbafu gusa !

kilimambogo boys 24/03/2016 14:26

njyewe mbona iyi site soit yabaye piraté (nkakwakundi bigeze papirata site ikaze iwacu bagashiraho amakuru atariyo ngo bagaza yapyuye) cyangwa ikaba isiyaye ikorera inyenzi (niba atarinabyo inakora kuva yatangira ) !
iyintambara ntahandi hantu bari kuyivuga uretse hano !! uyu mu soda ngo ahubwo yashimuswe nabantu biyita aba FNL ntabwo yafatiwe kurugamba.
Dore inkuru dukesha Radio isanganiro
"Un officier de l’armée burundaise kidnappé
jeudi 24 mars 2016 Le Lieutenant Irambona Alexis, SS 1889 de la matricule a été enlevé le soir du 23 mars 2016. L’arrestation a eu lieu sur la route nationale numéro 5, Bujumbura-Cibitoke, entre la huitième et la dixième transversale. C’est dans la commune Gihanga en province Bubanza. L’information est confirmée par le porte-parole des Forces de défense nationale, le Colonel Gaspard Baratuza qui ne précise pas néanmoins les auteurs du kidnapping. Toutefois, sur les réseaux sociaux, une vidéo circule montrant le jeune Lieutenant en train d’être interrogé par des gens qui se disent combattants des Forces Nationales de Libération (FNL). Lt Irambona indique qu’il est Commandant de la 2ème compagnie au sein du 412 bataillon dans l’armée burundaise." inyenzi zaragendaga zikica abantu muri MRND bwacya zikajya kwica muri CDR, MDR etc. zigahitako zihimba amakuru ngo ni MRND iri kwihora kandi arizo zibikora byose ... mwabanyafurika mwe nimatareba neza murashira ! hariho umuzungu aherutse kwivugira ngo nimureke abirabura biyicanire ngo ni selection naturelle (byabindi bya Darwin...)!!! ibyiyisii ni amabanga koko !

Kalibu 24/03/2016 13:25

Kanyarwanda na Mbonyingabo murasetsa cyane! Ngo abarwanya Nkurunziza batinya amatora!! mwe se mwemera ko Nkurunziza yatowe koko? yahiganywe nande mu matora? Buriya koko mu Burundi habaye amatora? Murongera muti nta na hamwe umutekano utahungabanye kuko n'i Burayi hari kuba ibitero!! Ndabona mwasetsa abavuye guta nyina koko!! hari igihugu cyo mu burayi abaturage bagiye mu muhanda kwigaragambya basaba ko perezida avaho maze bakaraswa n'ingabo z'igihugu nk'uko byabaye i Burundi? None se ibitero by'ibyihebe mu Burayi birajya ku gatwe k'abayobozi b'ibyo bihugu? Niba mubona Nkurunziza yaratsinze , kandi ibintu bikaba biri kujya mu buryo nk'uko mu bivuga Nakomereze aho rwose! Icyo ari kubiba nicyo azasarura, hababajwe abarundi ba nyarucari bazabigwamo! Burya iyo hapfuye umusilikare mu Burundi ibintu biba biri kujya mu Buryo? Ese buriya Nkurunziza azavaho nyuma y'imyaka 4 asigaje!!! Iby'isi ni amabanga kweri!!

Kanyarwanda 24/03/2016 12:37

@Mbonyigabo: Mpuje nawe ibyiyunviro 100%. Ntabwo icibazo ari Nkurunziza, icibazo ni abashaka ubutegetsi badaciye mumatora. Ibvo babisobanuye cera, Musare, Kalibu et compagnies bagaragaza soit ubuswa, soit ubushake buke bwo gukurikirana ibibera hariya, soit bari murabo batinya amatora. Abateza akajagari bagatangiye n'ivyo guhwihwisa kwiyamamaza kwa Nkuru bitaraba.

Ikigaragara nuko bababajwe n'uko ibintu biri kuja muburyo. Nababwira nti bihangane, kandi niba uburundi bugize ikibazo cy'umutekano mucye, ntibikiri umwihariko, uburayi benshi birukira ntubona ibiri kubayo?? mu bubiligi?? mubufaransa?? abantu baragenda badagadwa, usohotse ntiyizera gutaha, none bitandukaniyehe nibv'iwacu Buja? wenda ho ntabwo ari aba rebelles, ariko nabo governement zabo zonaniwe gukingira abaturage babo. Ibyo nivyo bashinjaga Nkuru, bariya ba Michel (fils Louis Michel)!!

Mbonyigabo 24/03/2016 11:53

@ Musare, Consulte na Kalibu; nibyiza yuko mutanga ibitekerezo byanyu ariko mujyemwibuka yuko amacenga ya politic akomeye. Kuba Nkurunziza yararangije gutorwa nkuko ubivuga ntabwo byarangije intambara, ariko byarayoroheje. Ubungubu nka presida watowe nabaturage akabirahirira, igisigaye nukurinda abaturage nokurwanya iyomitwe imurwanya. Ukobyagenda kose Nkurunziza yarwanye intambara arinyeshyamba ntimutekereze yuko kurwana ari prezida arwanirira igihugu cye bizamunanira. Ikindi kandi imitwe yitwaje ibirwanisho igirimbaraga mugihugu kitabamo amatora, nonese izonkunga zokurwanya presida usigaje imyaka itatu hakaba amatora bazazihabwa nande? Nibyo abazungu barashoza intambara yakarere nkuko bayikoze muri muri DR Congo, Libya na Syria; kuki mutatekereza yuko ingufu zirikubatsinda muri Syria zishobora kubatsinda no mukarere kibiyaga bigali. Nonese M23 yatsizwe babishaka, cyangwa yatsinzwe nabo? Nibyo dufite abategetsi bibyitso byabazungu nkaba Kagame, ariko dufite nabandi benshi bakunda Africa batazemera yuko ubugome bwa Kagame na mptsibihugu bukomeza kwicisha inzirakarengane.

Muhanano 24/03/2016 10:50

Veritasinfo ntawuyobewe ko mwamwe muvugira FNL, mumaze iminsi mudashyiraho wamuvugizi wayo utuye in France !! Nkurunziza yabatwaye iki koko? Ese ikinyamakuru cyanyu kigira umurongo kigenderaho cg gikorera kumarangamutima ?? Simbivugiye uwafashwe, mbivugiye ko utamenya neza icyo mushaka kigeraho. Ntagushidikanya ko abanditsi banyu baba bafite ubumenyi bucye non seulement mubyitangazamakuru, ahubwo no mubundi bumenyi busanzwe.

kalibu 24/03/2016 10:41

Nyamara Nkurunziza afite ikibazo gikomeye agomba kurangiza! Niba u Burundi buhindutse akajagari, abantu bagakomeza gupfa birajya ku gatwe ke , none se ubwo azava ku butegetsi kandi ari kugerekwaho impanga z'abantu? Hari umuntu uvuze ko FNL ngo yaba ifatanyije na Kagame, uretse ko kubyemera bigoye biramutse ari uko bimeze, abahutu ba FNL bakaba bari kumwe na Kagame , Nkurunziza yaba asigaranye na nde? Ariko se Général Nzabampema wa FNL yafatanya na Kagame koko? Biramutse ariko bimeze Nkurunziza yaba yatsinzwe kuko ahubwo abahutu ba FNL aho kwigarurirwa na Kagame bagombye kwigarurirwa na Nkurunziza, niba rero Nkurunziza adashoboye kwiyegereza abahutu ibye byarangiye! Ntangare impamvu abayoboke ba Agathon Rwasa bahora bafungwa abandi bakicwa n'imbonerakure kandi Rwasa yarifatanyije na Nkurunziza!! Imikorere nk'iyo ishobora kugeza leta ya Nkurunziza kuki ? Abarundi badusobanurire neza umukino Nkurunziza arimo akina kuko byacanze abantu! Abahutu bakomeye muri politiki, yewe harimo n'abo mu ishyaka rye ari kubashinja gukorana na Kagame!! Ibi nibyo byabaye mu Rwanda; interahamwe ziyicira abahutu b'abanyepolitiki ngo bashyigikiye inkotanyi bityo Kagame aboneraho icyuho cyo gufata ubutegetsi, none abahutu bose babaye umugani mu Rwanda, nyamara iyo interahamwe zishyigikira abahutu ibintu ntibyari kugera aho byageze , kuba interahamwe zarishe abanyepolitiki b'abahutu byakuruye urwango hagati yabo kuburyo byananiranye gufatanya ngo birukane kagame! No mu Burundi Imbonera kure zihanganye n'abahutu batavuga rumwe na Nkurunziza, hagati aho ba Buyoya bazaboneraho icyuho cyo gufata ubutegetsi maze abahutu bose b'abarundi bahinduke impehe! Nagira inama Nkurunziza yo kwegeranya abahutu bakareba icyo gukora kuko niwe ufite ubutegetsi, naniwe ugomba gufata iya mbere mu kunga abarundi!

Thursday 24/03/2016 10:10

Presida wa Genocide polo kagome akomeje ibikorwa bye muburundi, kandi akomeje gushyigikirwa nkuko bamushyigikiye atera urwanda kugeza bamugrjeje kubutegetsi ikigali mu Rwanda. Igifransa kigomba gucibwa muri Afrika yibiyaga bigali kigasimbura na English da! Capitalism cg capital punishiment yarejwe kumugaragaro nta Communism ikenewe muri Afrika yo hagati ndabarahiye muhagarare mubone mwabantu mwe, gusa nabuze ikinyarwanda mbisobanuramo. Ni ukuvuga ko ubutegetsi bugomba kuba bushingiye mu kwica, kuroga, ubusambanyi, kubeshya, kwiba, ubugome bwindenga kamere, kubuzwa amahoro muri byose, kuraswa ku karubanda. Nibindi bibi....
Ni ukwicuza icyatumye uvuka ndakaba umwambi

Jasmine 24/03/2016 09:20

Intambara yo karere kibiyaga bigali ntizashira hataragerwaho ibyo Mpatsibihugu ishaka byose kuko ntizigera iva muri Afrika kubera amabuye yagaciro kandi no kugurisha ibikoresho by intambara, inganda zabo zikora ibya kirimbuzi byabonye isoko bagomba kubicuruza muri Afrika bakarimbagura abanyafrika, bakabicira kubamara kwisi. Ubu ngo Amerika inejejwe nibikorwa biri kubera mu karere kibiyaga bigali kandi ngo ikomeje kubashyigikira mu migambi yose harimo ninkunga zose zikenewe. Abafite amatwi yo kumva mwumvise. Tega amatwi wumve radio ijwi rya 'amerika, bbc gatuza, soma ibinyamakuru nka UN security cancel (Somenther Power). Mbega ubukoroni bwa kabili bushingiye gutsembatsemba abanyafrika bo mubiyaga bigali? Reba Human Rights Watch ibyo itangaza mbese ntishobora no kubona abaturarwanda muri rusange ubuzima bwabo abashinzwe ikiremwa muntu bagira aho abantu bareba nabo batareba bagira imipaka kubantu? Yemwe akumiro karagwira! Harya ngo hari abagitegereje kurengerwa nabazungu? Cg ngo bategereje gutabarwa nabazungu? Abanyarwanda murambabaje cyane. Rutuku yageze kumabuye yagaciro yo muri Congo akomeje areba nizindi minerals mu Burundi nahandi hose muri Afrika yo hagati. Afrika yepfo yatabawe na Mandera ayikura mu maboko yabagashaka buhake, ninde uzatabara Afrika yo mubiyaga bigali? Intwali ziri hehe zo mu biyaga bigali?
Polo kagome yagejeje ba Rutuku muri Afrika yibiyaga bigali ninde azahabirukana? Inkotanyi ziyemeje kwicisha abanyafrika kubamara kwisi ninde uzabihagarika?

Kazungu 24/03/2016 08:32

Igihe kirageze. Kagame ntajya yemera gutsindwa na rimwe, kabone niyo hapfa miliyoni 5 z' abantu ariko we akagera ku ntego. ejo bundi mu mwiherero yivugiye ko adashobora kwemera ko U Rda ruhombera mu by' i Burundi: gusa sinzi ko Abarundi bumva imvugo ya Kagame. nibasome iriya nyandiko ya Reytjens noneho barebe nibirimo kubera iwabo, kdi bibuke uko kwa Kinani byagenze, bityo barasobanukirwa. Ni kuriya Kagame akora. in fact intambara yo mu Karere yamaze gutangira kdi ntabwo bizasubira inyuma. Sinzi niba abumva English mwashoboye gusoma speech yose ya Samantha Power yavugiye mu nama y' ejobundi ya UN Security Council ku karere k' ibiyaga bigari: ku muntu ukurikira uhita ubona ko gahunda zamaze gutegurwa. Ikintu kimwe Kagame ari kwibeshyaho ni uko na we atazasigara; mujye musoma n' ubuhanuzi kuko byose birahura. Jye gusa mbona Abarundi basa n' abajenjeka kdi bigiye kubagora.

hahaha 24/03/2016 05:48

FNL ya hehe ....? Bariya ni babacengezi ba kagame bari kwiyita FNL...Gira uti ahubwo Kagame atanze Nkurunziza....realité kuri terrain nuko FNL ya nyayo yibereye muri leta..

Consulte 24/03/2016 00:50

Ntawe uneza rubanda kandi nta muhanga wo kwisi. Ba Rutuku ni abatera mwaku koko pe! Ba Samanther Power na ba Been Ki-Moon bashyize imizutu yabo hejuru kugasozi none reba ibikurikiyeho mu Burundi. Presida w'Uburundi nasengere kujya mw'ijuru ntakundi ariko apfuye urw'abagabo ntabwo azapfa nkimbwa. Barundi mukunda amahoro nigihugu cyanyu cy'uburundi mube maso kandi mukomere kumuheto kuko urugamba rurakomeye cyane.

Musare 24/03/2016 00:00

Filip Reyntjens ibyo yavuga ni ukuri, Nkurunziza yibwiraga ko niyitoresha ku ngufu kandi agahagarika imyigaragambyo ku ngufu byose bizaba birangiye! Niyihangane rero ahangane na rébellion, igihugu kige mu kajagari noneho uretse no kuzava ku butegetsi mu cyubahiro noneho agire n'ikibazo cyo kuzarengera ubuzima bwe n'ubw'umuryango we!! Aba bantu bose bari gupfa bari kujya ku gatwe ke, none se ubwo niho azajya yavaho mu mahoro? Ni ukubikurikiranira hafi!