Rwanda: Niba Kigali idateguye neza ikitahuka ry'impunzi muri uyu mwaka, zishobora kuzataha nk'uko Kagame yatashye (Faustin Twagiramungu)

Publié le par veritas

[Ndlr: Ku rubuga rw'ishyaka RDI-Rwanda Rwiza hari vidéo ya Bwana Faustin Twagiramungu umuyobozi w'iryo shyaka avugamo uburyo ikibazo cy'impunzi z'abanyarwanda ziri hirya no hino ku isi kigomba gukemuka bitarenze uyu mwaka w'2016,nta kubinyura kuruhande, Twagiramungu asanga amaherezo impunzi z'abanyarwanda zizataha mu gihugu cyabo nk'uko Kagame yatashye niba ubutegetsi bwa Kigali ntacyo bukoze mu maguru mashya, dore uko Twagiramungu abivuga:]
 
Ikibazo cy’impunzi tugitekerezaho cyane, kuko nanjye ndi impunzi. Nawe mbwira uri impunzi. Numva rero hagomba kubaho programme yo kugirango impunzi 350 000 biri cyane cyane mu mashyamba ya Congo kimwe n’abandi banyarwanda bari mu bindi bihugu binyuranye nabo bagomba gutaha.
 
Ni ukuvuga iki rero: Ni ukuvuga ko, ubutegetsi buriho bugomba kuduha programme igaragara, yerekana uko izo mpunzi zizataha muri uyu mwaka 2016 cyangwa se ukurikiyeho. Ariko iyo programme tukaba tuyizi.

Niba rero itamenyekanye, ni ukuvuga ko impunzi zizirwanaho zigataha kubundi buryo. Uburyo buriho bwiza mbona zatahamo niba binaniranye, ni uburyo impunzi zari muri Uganda zatashye. Zatashye zifashe umuheto, nkaba nibwira ko nabandi bashobora kuzawufata niba ntagisubizo kibonetse.

Ntabwo twe dushobora kwemera ko impunzi z’abanyarwanda zajya zihigwa nk’inyamanswa mu mashyamba ya Congo, ngo zitahe kungufu. Hagomba rero kuboneka igisubizo kuri icyo kibazo cy’impunzi. Njyewe ni uko nguko mbibona.

Kandi ibyo ngibyo rero numva ko byagombye kuba inshingano y’ishyaka rya RDI. Ni uko nguko tubyumva.
 

Source: rdirwandarwiza.com