Rwanda: Ntaterambere rirambye rizigera rigerwaho mu Rwanda ku ngoma ya FPR-Kagame alias Pilato! (Faustin Twagiramungu).

Publié le par veritas

Kuva kuwa gatanu taliki ya 04/12/2015 abanyarwanda bafite impungenge z’umuyobozi wungirije w’ishyaka FDU-inkingi Bwana Twagirimana Boniface washimuswe n’abapolisi ba Paul Kagame. Twagirimana ngo yatinyutse kuvugira kuri radiyo y’abanyamerika VOA, agaragaza uburyo buri gukoreshwa mu gutekinika itegeko nshinga, rigomba guhindura Kagame umwami w’u Rwanda (veritasinfo ikaba izabagezaho kuburyo burambuye iyi nkuru ibabaje), ubu Twagirimana akaba ari gukorerwa iyica rubozo ahantu hatazwi! Ese gushimuta, gufunga cyangwa kwica Twagirimana Boniface, bizatuma abanyarwanda bagira ubwoba ntibazongere kuvuga amahano akorwa n’ubutegetsi bwa Kagame?  Biragoye kubyemeza, ahubwo abantu bakaba bakomeje kwibaza uko bizagendera u Rwanda umunsi agahinda n’uburakari bizahagurutsa abanyarwanda bakajya kwirukana Kagame mu Rugwiro!
 
Kuwa kane w’iki cyumweru turangiza, nibwo Bwana Faustin Twagiramungu alias Rukokoma yagiranye ikiganiro (Talking Africa) kirambuye mu rurimi rw’icyongereza n’abanyamakuru ba radiyo “Resonance 104.4 FM” ikorera i London mu Bwongereza; Twagiramungu yagaragaje ko ikinyoma Kagame yitwaza cyo kwigundiriza k’ubutegetsi abeshya ko yazanye amajyambere adasanzwe mu gihugu cyambaye ubusa! Iyo radiyo ikaba yumvikana mu bihugu by’Afurika y’iburasirazuba, abakunzi ba veritasinfo bari muri ako karere bakaba barifuje ko twakongera kubagezaho icyo kiganiro, tukaba dusanze ari byiza ko tubagezaho n’incamake yacyo mu rurimi rw’ikinyarwanda!
 
Mbere yo kubaza Twagiramungu ibibazo bari bateguye, abanyamakuru ba radiyo Resonance 104.4 FM,  babanje gusobanura ko ibihugu by’amahanga bitera inkunga y’ubukungu u Rwanda, biyishyiraho ibisobanuro byo kurutaka bavuga ko rwakataje mu iterambere mu ngeri zose, ko ibintu byose bimeze neza cyane... Twagiramungu yasobanuriye abo banyamakuru, ko amakuru babwirwa n’ibyo bihugu bitera inkunga leta  ya Kagame atari ukuri.
 
Twagiramungu yagize ati: “abo banyamahanga bifashisha imibare mihimbano ififitse iba yaragiye itekinikwa na leta ya Paul Kagame muri za raporo yohereza mu miryango mpuzamahanga nka FMI na BM (Banque Mondiale) kugira ngo bajijishe bakomeze kubona inkunga y’amahanga”! Abanyamakuru babajije Twagiramungu uko we n’ishyaka rye RDI Rwanda rwiza bateganya gukora baramutse bageze ku butegetsi kugira ngo iterambere rigere kuri bose kandi ribe iterambere rirambye nyakuri; abo banyamakuru bibukije Twagiramungu ko ubutegetsi bwose bugira abantu batavuga rumwe nabwo (opposition), bityo bakaba barashatse kumenya uko Twagiramungu n’ishyaka rye bageza kubanyarwanda ibyo biyemeje kubagezaho kandi bafite abo batavuga rumwe muri izo gahunda!
 
Mu gusubiza abo banyamakuru Bwana  Faustin Twagiramungu yavuze ko nta terambere  ryaba irya politiki cyangwa iry’ubukungu rirambye riri mu Rwanda. Twagiramungu yavuze ko igihugu kitarangwamo demokarasi, kidashobora kuvugwamo iterambere rirambye. Twagiramungu yagize ati:”Ibiri kuba mu Rwanda bimeze nka bimwe byakorwaga na Staline wayoboraga igihugu cy’u Burusiya! Ibyo bigaragazwa n’uko ibyo za FMI na Banque Mondiale bishyira mu ma raporo, bidaha agaciro na rimwe ubwicanyi bukorerwa abanyarwanda, ntabwo baha agaciro ibivugwa muri untold story, ntabwo baha agaciro amarorerwa Paul Kagame yakoreye i Kibeho n’ahandi”. Twagiramungu akaba asanga uburyo bwo kuvuga ibintu muri rusange buri gihe ku Rwanda atari byo.
 
Twagiramungu yakomeje agira ati: “Kigali si umutima w’igihugu cyacu, umutima w’igihugu cyacu ni abaturage cyane cyane abo mu cyaro. Amazu muri Kigali, amahoteri, isuku muri Kigali, si byo dukeneye bwa mbere, dukeneye ko abaturage bagira ubuzima bwiza, bakagira amazi meza, bagashyira abana babo mu mashuri, bakagira ubwisanzure muri byose”.  Twagiramungu yavuze ko hari ibihugu biri gukira vuba nka Tanzaniya na Haiti, ibyo bihugu bikaba bikizwa n’uko byemera kujya ku meza amwe n’abanyapolitiki babyo bakaganira ku cyateza ibihugu byabo imbere. Ibyo kuganira nabo atavuga rumwe nabo Kagame akaba atabikozwa.
 
Abanyamakuru bamubajije icyo ishyaka rye ryakora rigeze ku butegetsi, Faustin Twagiramungu yavuze ko yabanza gutekereza imishinga yateza abaturage imbere aho gushyira amazu muri Kigali. Twagiramungu yagize ati: “Hajyaho politiki yo guteza imbere uburezi mu buryo bw’umwihariko. Inganda no guhangana n’ubushomeri bikaziraho ariko umunyarwanda yabanje kwiga no guhuguka. Birababaje kumva abana b’abaherwe kandi nabo bake, aribo biga amashuri meza yo hanze mu gihe umwana w’umunyarwanda uri kwiga muri universite zo mu Rwanda, Leta ya FPR imwima ubumenyi!” Kuri icyo kibazo Twagiramungu yatanze urugero rw’abana barangiza kaminuza batazi kwandika ibaruwa zisaba akazi! Bityo abo bana bakaba nta mahirwe bahabwa yo kwiga ibijyanye no kuyobora igihugu cyabo!
 
Twagiramungu yagize ati:”Dukeneye gukoresha ukuri, tukareka kubeshya ko dufite coltan, zahabu, Diamant kandi ari ibyo tuba twibye mu bihugu by’ibituranyi.” Twagiramungu yakomeje asobunurako kurebera ibyo amahanga akora atari byo bizazana ukuri mu Rwanda. Yatanze ingero aho abantu basaga ibihumbi 8000 bishwe i Kibeho, 300.000 bakicwa muri Kongo, abandi bagakomeza gupfa ariko ayo mahanga agakomeza akabirengaho ngo Kagame yateje imbere Kigali, abaperezida 2 bahanuwe mu ndege muri 1994, kugeza n’ubu akaba nta kintu kirakorwa ngo abahekuye u Rwanda bagaragare! Nyamara abantu 130 barapfuye ejobundi mu Bufaransa igikuba kiracika!
 
Bahereye ku bisubizo bahabwaga na Twagiramungu, abanyamakuru ba Resonance 104.4 FM bashoboye gushyira itandukaniro hagati ya FPR ya Kagame n’ishyaka rya RDI Rwanda Rwiza rya Twagiramungu mu bijyanye n’iterambere. Abo banyamakuru bagaragaje ko Paul Kagame ahangayikishijwe no kubaka amazu mu mujyi wa Kigali, naho Twagiramungu akaba ahangayikishijwe n’imibereho mibi y’umuturage w’umunyarwanda. Umunyamakuru umwe yagize ati: “Paul Kagame ashishikajwe no gushyira ingufu zose mu mu mujyi wa Kigali gusa, akahashyira amazu n’ibindi byose ashoboye, kandi ikibabaje akaba akomeza gutekinika abamutera inkunga b’iwe ku buryo babimushimira.” Twagiramungu Faustin n’ishyaka rye  bo basanga bagomba kubanza kwibanda ku baturage, bakubaka icyaro kuko ari ho rubanda nyamwinshi iri.
 
Twagiramungu asanga kandi n’ubwo kuba agace gato ka Kigali kubatse bikaba biri mu bintu byiza bituma abo baterankunga ba Kagame bamushima, iyo itagombye kuba impamvu yatuma Kagame akomeza kugundira ubutegetsi. Twagiramungu yagize ati: “ Kagame yagombye kuvaho agashyikirizwa inkiko kuko yarishe kandi amaraporo ya ONU menshi arabivuga.” Mu isesengura kandi ry’aba banyamakuru ba Resonance 104.4 FM, bavuzemo ko Perezida Kagame ari mu bateza umutekano muke mu gihugu cy’u Burundi. Ari Twagiramungu, ari Abanyamakuru ba radiyo Resonance 104.4 FM, bose basanga igihe kigeze ngo Kagame ahindure imikorere kandi arekure ubutegetsi abuhe abandi cyane cyane urubyiruko. Basanga hagomba kugira ingamba zifatwa ngo Kagame yemere afungure urubuga rwa politike mu Rwanda, ndetse bagasanga ari ngombwa ngo Tony Blair cyangwa izindi nshuti za Kagame zigomba gushyiraho akazo ariko Kagame akagenda!
 
Inshuti za Kagame zigomba kumugira inama yo gushyiraho urubuga rwa politike maze abanyarwanda b’ingeri zose bakaganira ku byateza igihugu imbere hatitawe ku mujyi wa Kigali gusa. Ikibazo cy’ubwumvikane buke hagati y’abahutu n’abatutsi mu Rwanda kigomba gukemuka kuko niryo shingiro ry’ubukene u Rwanda rurimo. Kudakemuka kw’iki kibazo bigaragaza ukugutsindwa kwa perezida Kagame. Kuba kagame afite ubutegetsi, niwe ugomba gufata iya mbere mu gushyiraho urubuga rwa politiki. Twagiramungu yasobanuye ko kuba udahuje n’umuntu runaka ibitekerezo bya politiki bidasobanura ko uwo muntu aba ari umwanzi wawe nk’uko Kagame abifata. Hakenewe byanze bikunze inzira yihuse yo gukemura ibi bibazo bibangamira iterambere nyaryo ry’abaturage.
 
Ushobora kumva iki kiganiro ku buryo burambuye kuri radiyo “ montkigaliFM” (kandi ku izina ry’iyo radiyo) cyangwa ugakanda hasi aha:
Ubwanditsi

Commenter cet article

KM 06/12/2015 18:33

Ba Senyeri dukunda ba Kiliziya Gatulika mu Rwanda,mwitonde mutazagwa mu mutego wa Shitani svp! Mgr Rukamba asimbuye Mgr Mbonyintege none gahunda yo gusaba imbabazi iratangijwe! Ibi nibyo mwita gutekininga mubeshya! Imyitwarire y'abakrisitu n'abayobozi ba Kiliziya Gaturika yagaragaye muri 1994 mu Rwanda ntaho ihuriye na gahunda za Kiliziya gaturika zariho mu Rwanda! Ari padri cyangwa umukristu wakoze amahano namenyekane,ashyikirizwe inkiko yisobanure apana gushyiraho gahunda yo kwandagaza Kriziya gaturika mu Rwanda! Uwu mugambi mubisha usanga hari bamwe mu bayobozi bawushyigikiye,abemera bose Imikorere ya Kriziya Gaturika mu Rwanda tuzabarwanya ku manywa na ijoro ku buryo imigambi yabo ntacyo izageraho! Isi yose izabamagana kuko murakabije kwigira abibone!!

Uwera Cartas 06/12/2015 18:14

Ariko nkiki cyugu kiba kirogotwa ibiki? Uruwo gusaza usabiriza mu mihanda y'iburuseli ntakindi kigukwiye!!

Gapfushumwana 07/12/2015 14:07

Muri salo ya kwa Ngoto . Uratuka umusaza uruta so wa mabyi we ngo Caritas . Uri inkaritasi gapfushe uzatuvire ku rubuga

Gapfushumwana 07/12/2015 14:05

Icyugu ni nyoko wa nyana y'imbwa wo gahebebera muri salo

AMAHORO I BURUNDI 06/12/2015 18:01

ALIKO IYO ABABILIGI BASABA UBURUNDI GUSHYIRAHO GOUVERNEMENT NGO IHULIYEHO NA OPPOSITION KO IYO NDILIMBO BATAYIBWRA UWENYEGEZA UMULIRO I BURUNDI ALIWE GACIRO? TWAPFUYE KERA TUGENDERA KUBABILIGI NABO BADASHINGA.
UWAKUBURA KITWA UMUBILIGI WESE MULI KANO KARERE TWAGIRA AMAHORO

TRUE 06/12/2015 16:52

Perezida Kagame yazamuye mu ntera abasirikare basaga 5000

NB : Ubu se ko abietwe nubwoba ko ali nka Ruswa ngo batamukuraho , ibi hali aho byabaye kwisi ????
Isamurwa mumapeti nizamurwa ryimishahara birajya , kandi bijyana nuko ubukungu bwifashe , ndetse numubare wabasilikali , uba ugomba kujyana nubunini bwigihu nubukungu bwigihugu

Ibyo yakora byose ahubwo kubazamura nibyo bibi kuko abo atazamuye nibo bazamukorera cout etat

IKINDI KANDI KAGAME SIWE UTANGA AMAPETIT , AMAPETI ATANGWA HAGENDEWE KULI STATUS ZIGENGA ABO BASILIKALI NUWEGO BALIMO , SI KAGAME RERO NAMATEGEKO , KANDI AMATEGEKO SI KAGAME !!!

Mwerany 06/12/2015 15:30

mbese kiliziya cathoric iri gusaba imbabazi yakoreye abahutu kuva muri 1990 kugeza uyu munsi 2015?
Nimumbwire mwebwe mwese gusoma. Mbese inyenzi inkotanyi zitera urwanda muri 1990 zaje zisaba imbababazi cg zateye Zica abantu. Aho zahereye muri Byumba zica, gutsembatsemba uwitwa umuhutu wese, igihugu cyose zikararika, inkambi ya kibeho zigatsemba ifatanyije na UN, hose mugihugu hatarondoreka zikica zigatwika abantu zitsembatsemba iki taw umuhutu ndetse no mu mahanga zikarimbagura. Abo basenyeli ba Cathorica Bari gusaba imbabazi abahutu, Bari Keisha fpr gukora neza ko ari ukwicaukica abantu, nimunsobanurire kuko jewe bya ncanze. Narokotse Genocide muri Congo aho twishwe nko kwica isazi, aho twatemaguwe nko gutema amasaha, aho twatewe amabombe nko kurimbura Isi, aho rwabaye nkubaga amatungo, aho impinja zifite mu migongo yabanyina, aho twariye ibitaribwa kugeza nuyumunsi kagome na fpr ye bafatanyije UN, Loni mu gutsembatsemba abahutu. Kwicwa bat agira gihamba nuyumunsi 2015 birakomeje gurimbagura abahutu kwisi. Iyo kiliziya Gathorica ni idini rigamije iki? Rikora iki? Kuko biboneka ko ridasenga Imana irema abantu.
Nongere mbisubiremo Kiliziya Gathorica ntabwo ari idini risenga Imana yaremye abantu kuko kwicwa kwabantu ntakibazo kuribo. Ahubwo gutsembatsemba abantu kwisi barabikunda kandi bakabikora. Ariko bibuka cyane ko ibyo usabye urabihabwa, nibyo wifuje ukabibona. Kiliziya Gathorica yo mu Rwanda yibuye ko Isi itarangiye uyu munsi Kandi ko itarangiranye na fpr yabo bakorera aho gukoresha Imana.

Ines Mburanumwe 06/12/2015 15:02

IMITWE YA FDU INKINGI na FPR = UKURI KURAGARAGAYE !


Ejo hari abari bikoreye MUTEMBEREZI kuberako yakemangaga ibyuko Bonifasi TWAGIRIMANA ngo yari yashimuswe na DMI ya FPR. Mutemberezi we yavugaga ko Bonifasi uwo yibereye muri gahunda ze zisanzwe na FPR, ko nubundi ari umutekamutwe utereyaho wirira inoti ziva Bruxelles buri kwezi, akanahekenya ibiceri DMI akorera imujugunyira buri cyumweru.Kuba akorana na DMI Ibyo ni ihame rizwi nabari mu nzego za FDU-Inkingi bose, umwe muribo yanyeretse za gihamya.

Wa mwescroc Gaspard MUSABYIMANA we ati Bonifasi uwo yari yashimuswe Imana ikinga akaboko ! Bukeye we ati twakoze pression kuri Kagame dutuma arekura Bonifasi ! Na Etats-Unis ntizikora pression kuri Kagame ngo arekure, nkanswe indirigiso nkizi zo mu Inkingi !

Abazi kuneka mubikurikirane mumenye icyo uyu mukino Inkingi na FPR barimo muriyi minsi uhishe. Banamenye icyo iyo passeport Ndereyehe yafashe muri ambassade yu Rwanda muri Hollande icyo agiye kuyimaza, dore ko umwaka ushize yari yarasubijwe passeport yubu Hollandi bari baramwatse.

Biragaragara ko nta handi yayigenderaho uretse mu karere kiwacu. Mwese murikanure mumucunge, kuko ibyo byose bifitanye isano nuyu mukino wa Bonifasi na FPR, Hari gahunda FDU-Inkingi irimo na FPR, cyane ikoresheje abo bagabo bombi, ntihagire ugwa muruwo mutego wubugambanyi barimo. Ngo HABWIRWA ABUMVA.

NDABANANIYE 06/12/2015 13:00

KAGAME NTAZEMERA GUTANGA UBUTEGETSI KU MAHORO KUKO NKUKO YABIVUZE NTABWO BILI MU NYUNGU ZE .
YATEGUYE GENOCIDE KANDI ASHYIRA MU BIKORWA AFATANIJE NI INGEGERA Z'ABAHUTU.
AHO IBIHE BIGEZE UBU NABIRENGAGIZA UKULI BARAKUZI.
ALIKO SE YAVA KU BUTEGETSI AKEMERA KO BAMUFUNGA CYANGWA SE AKICWA NKUKO YISHE ABANDI.
HITLER YAVUYE KU BUTEGETSI YIYAHUYE KUKO YALI AZI KO ABO YAKOREYE URUGOMO BATAZAMUREBERA IZUBA.
IYO NIYO NZIRA YONYINE ISHOBOKA KULI PAUL KAGAME.

Ngambanzima 06/12/2015 06:46

Ndabaza ikibazo kuri gahunda ya Kliziya katolika Rw. : 1)Abahutu bishe Kagame yarabishe
. Ababakomokaho arabafunga. Ninde uzasaba imbabazi kuri ruriya ruhande?
2)Abatutsi bateguye genocide kugirango bagere ku Butegetsi. N abatutsi bishe kandi ni benshi kuruta les petits voyous hutu recrutes par le macquis muri kiliya gihe kandi banabihemberwaga na fpr (=partie tabou du genocide connue et cache par les puissances ; pour leurs interets economiques)
3)Gouvernement ya Kagame yakoze genocide y abahutu.
### Ikibazo cyanjye ni iki ? Kliziya gatolika izabahuza ite ? Kuko guhuza abantu ni ukubashyira hamwe bagacoca ibyabaye nta guhishira! Naho Leta izaza (itanduye) igahana uwishe wese ; kuko umuhutu cg umututsi bava amaraso atukura bombi.
Hagire unsubiza cg Kliziya gatolika itubwire uko izabikora.Murakoze

Komera 06/12/2015 06:37

Komera komera Rukokokoma wacu w 'Abanyarwanda !
Imana ikomeze ikurinde rwose !

iyakaremye 06/12/2015 07:40

Nonese wumvise bavugako Kiliziya isaba imbabazi ya genocide yakorewe Abanyarwanda muri rusange? Kiliziya Gatorika yo mu Rwanda ni parti politi ikorera mu kwaha kwa FPR Ikoresheje bariya ba padiri Uparidi wigisha Abahutu gusaba imbazi na batutsi kuzitanga. I yo witegereje iyo gahunda igamije kwereka amahanga ko Abahutu muri rusange ARI aBICANYI NYUMA aBATUTSI BAKABA ABANYAMBABAZI. I cyihishe inyuma yibyo ni uko nta muhutu uzongera kwegura umutwe kuko nu uzavuka azavukana icyo cyashya. Ikindi wibeshya ni ukumvako abaatutsi bava amaraso nka aya bahutu! niko bygombye kugenda ariko benshi muri siko babyumva bumva kwica Umuhutu ntakibazo kirimo kuko babafata nka classe inferieur. Ibyo kandi babisshyize mu bazungu nabo babyemera gutyo. Uzitegereze ibibera Iburndi aho ibyihebe byo mu rwanda bitwika abahutu ku mugaragaro amahanga agafatira ibihano Nkurunziza.reba abantu baguye kibeho, mumakampi ndetse nubu bicywa ariko abazungu bakavuza induru ngo Genocide irimo irategurwa kuko aribo bayitegura bagfatanije nizo za bulldogs zabo nkuko babikoze mu Rwanda. Abo basenyri bo mu Rwanda iyo baza kuba bakorera Imana nibura bab barashyinguye bagenzi babo bishwe na ibingira. Ntabwiyunge bushoka iwacu kuko ubwibone bwamaze kuzura Imitima yabamwe mu Batutsi bumvako Umuhutu atari Umuntu bityo akwiye kwica nki itungo rigufi. Igishoboka ni ukuva muri iryo dini , cg se mu karibamo ariko ntimwongere kwitabira gahunda zaryo kugeza igihe abo basenyeri bumvise ko nta NTAMA IRUTA INDI. Ikindi gishoboka ni uko twashaka uko dushyirahamwe kugirango tuvuguruze uko abo bene wacu badufata. Nta kiliziya gaturika iri Mu Rwanda hari FPR. BAZA UTI fPR IRIMO IKORESHA KILIZIYA GUTE KUGIRANGO IKOMEZE IMARE ABANTU?

AMAHEREZO YA POLO ARI BUGUFI 06/12/2015 02:02

REKA MBABWIRE:
- Ubu POLO ageze aho twita ngo AMAZI YAMURENGANYE INKOMBE.
Ubu nuwafata INTWARO ngirango n’amahanga YAMWUMVA.
NGAHO NAHAMAGAZE REFERANDUM maze WIREBERE. Ibyabaye kuri KADAFI na SADAMU bizaba bibi cyane.

http://www.blogtalkradio.com/radioitahuka/2015/12/05/kwamagana-manda-ya-3-n-ibihugu-by-ibihangange-intangiriro-y-iherezo-ya-fpr

Makanyaga 06/12/2015 01:01

R N C = F P R

R N C = F P R

Never forget that ! plz !!!

kamanzi 06/12/2015 15:49

and what? ubwo uvuze wiki??????

No byo Rwose 06/12/2015 00:54

Imbwa Kagome itazi n'agafaransa uretse kuvuga ngo les faits sont tetus atazi ko ari we wicaga umugani. Ninayo mpamvu kanga abafaransa burya. Uyu musaza Rukokoma azatwigisha indimi zose no kubana na bose kandi agarure igifaransa cyacu.

RUKOKOMA 06/12/2015 01:52

Njyewe RUKOKOMA namubabariye IBYAHE BYE BYOSE kandi NZONGERA MUTORE NKUKO NAMUTOYE 2003 INKOTANYI ZIKAYIBA. RUKOKOMA URUMUGABO DUKENEYE

Munyarukato 05/12/2015 23:28

Basomyi b'imbuga,
ndabasabi imbabazi cyane k'ubwi nyandiko narimazeiminsi nandika nshima kagame Paulnandagaza n'abahutu na FDRL;
nabikoraga ndi guca inshuro ngo ndamuke cyangwa mpabwe akazi;
nkurikijeibiri gukorwa no kuvugwa mu Rwanda no hanze;ntangiye kubonako ubutegetse bwa FPR bwakoze amahano kandi bukiyakomejeno hanze;ikimbabaze ubu ni uko maze kumenya ko bunyiciyeumuvandimwe bukanyereza n'inshuti yanjye magara;
abicanyi mwese ni ukubasabira mugahinduka cyangwa mukava kuri iyi si;
Mbashyize mu maboko y'Imana abe ari yo ibagenera ni mukomeza ubwicanyi

Munyarukato 05/12/2015 22:40

Dore wa mwiyemezi we icyo abihayimana bakwigisha.


Kiliziya Gatolika igiye gutangira gahunda y’imyaka itatu, irimo gutanga imbabazi no kuzisaba ku ruhare rwayo muri Jenoside yakorewe Abatutsi mu 1994.

Igikomeye muri iyi gahunda izarangirana na 2018 ni urugendo rw’ubumwe n’ubwiyunge, aho abakirisitu basaba imbabazi no kuzitanga, nk’uko Musenyeri Smaragde Mbonyintege yabitangarije Kigali Today mu kiganiro kihariye yagiranye nayo.

JPEG - 70.9 kb
Musenyeri Smaragde Mbonyintege avuga ko Kiliziya Gatolika izongera igasaba imbabazi.
Yagize ati “Mu wa 2018 tuzaba tumaze imyaka 25 u Rwanda rusohotse muri Jenoside yakorewe abatutsi, hazibandwa ku gusaba imbabazi no kuzitanga, ariko icyo tugamije gikomeye ni uguhindura abakirisitu bakabana neza.”

Musenyeri Mbonyintege usaznwe ari umushumba wa Diyosezi ya Kabgayi, yavuze ko n’ubwo Kiliziye ihora ishinjwa kuba idasaba imbabazi ku mugaragaro, muri iki gihe nabwo bazongera bakabikora.
Ati “N’ubwo tuzisaba bakongera bakavuga ngo ntitwazisabye, tuzongera tuzisabe, ariko icy’ingenzi ni uko abakirisitu bahinduka bakamenya kubana n’Imana no kubana nk’abantu”.

Gahunda y’ibikorwa by’imyaka itatu iratangirana n’imirimo y’ubuyobozi bushya bw’Inama y’igihugu y’Abepisikopi mu Rwanda buyobowe na Musenyeri Philipe Rukamba wasimbuye Musenyeri Mbonyintege warangije manda ze.

Musenyeri Mbonyintege asobanura ko iyi gahunda itashyizweho kubera ubuyobozi bushya, kuko n’ubusanzwe abepisikopi bakora bimwe kandi bubahiriza amahame ya Kiliziya Gaturika kimwe.

Mu zindi gahunda z’imyaka itatu harimo umwaka uw’impuhwe z’Imana wa 2016, aho abakirisitu bazigishwa kubana n’abantu n’Imana, mu mwaka wa 2017 hakazaba umwaka w’Ubusaseridoti uhurirana n’imyaka 100 ubusaseridoti bugeze mu Rwanda.

Uyu mwaka niwo uzasuzumirwamo amateka y’abasaseridoti mu Rwanda uko bitwaye n’uruhare rwabo mu kongera kubanisha abantu, no kumenya uruhare rwabo mu guhuza Imana n’abantu.

2018 isoza niho hazasuzumwa uburyo bwo gusaba imbabazi hibandwa ku rugendo rw’ubumwe n’ubwiyunge uzasozwa no gutanga imbabazi no kuzisaba mu mibanire y’Abanyarwanda.

Mutemberezi avuze ukuli 05/12/2015 20:53

Mutemberezi05/12/2015 20:47Répondre

Burya ngo ukuri kurakurugutura.

Ibyo nanditse bitari ukuli ni ibihe ?

Ngaho nibahakane ko Ndereyehe atahawe passeport yu Rwanda muriyi minsi ?

Ngaho Bukeye na Nkiko nibahakaneko uyu Bonifasi Twagirimana abishyigikiwemo na Bukeye na Ingabire hamwe nabahoze ari aba RDR ubu basigaye muri FDU-Inkingi, batagiranye imishyikirano ya rwihishwa na FPR, kuburyo aho byari bigeze DMI ariyo yari isigaye iyobora Inkingi, mbere yuko iryo shyaka ryongera gusandara umwaka ushize ?

Gihamya yibi mvuga yatanzwe numugore witwa Alice Muhirwa wagemuriraga Ingabire buri munsi muri 1930. Yamaze gushwana na Bonifasi uyu, nuko agira umujinya izo gihamya zose azoherereza Nkiko. Icyo gikorwa cya Alice ngo nicyo cyatumye abandi bayobozi bo hejuru bo mu Inkingi yicyo gihe bari barahishwe ubwo bugambanyi nabo babimenya. Ngo za Kongre za FDU zabaga umusubizo muribyo bihe, ni icyo kibazo zigaga, ukuntu FDU isigaye iyoborwa na DMI.

Naho wawundi aba RDR bita "Inka yacu", Dogiteri MWISENEZA Manweli, kuba yaremeye kwikorera coup d'état mubyabereye Alost, aba RDR bamukoreyeho chantage ikomeye cyane bakoresheje uwo ndereyehe, bamwumvisha ko Kagame yemereye Ingabire, Bukeye na Bonifasi ko le 31/12/2014 azaba yafunguwe, nukobumvisha Nsanzineza ko natemera kwikorera coup d'état iyo responsabilité yo kuba yaratumye Ingabire ahera muri mabuso izamwandika ku gahanga.

Na Mwiseneza ubwe yarabyivugiye, ibi si ibinyoma.

Twemere ko dufite ingirwa banyapolitike b'injiji gusa, bibwira ko gukora opposition ari ukwibera ilizembe gusa, naho njye Mutemberezi murampora ubusa kuko ibyo mvuga nabiboneye gihamya.

Uriya mugore Kagame azakomeza kumumanipula kugira ngo agenzure FDU-Inkingi, kuburyo nta rugamba sérieux rwa opposition ishobora gushora kuri Kagame. C'est impossible. Uretseko ifungwa rye barihahisha, bigatuma babona nubusa bwo kwandika mu matangazo yamafuti nkiri rya Bahunga, nkaho ariyo azahirika ubutegetsi bwinkotanyi.

Ayi nya !!!!!!!!!!!!