Rwanda:Guharanira uburenganzira bwacu ni inshingano ndakuka!

Publié le par veritas

Bamporiki nubwo yagira ate ntiyarata Kagame kurusha Kizito Mihigo wamwise intare none akaba yaramuteye ijanja!

Bamporiki nubwo yagira ate ntiyarata Kagame kurusha Kizito Mihigo wamwise intare none akaba yaramuteye ijanja!

Iyo gukorera abantu ikibi bibaye itegeko, guharanira uburenganzira bwabo biba inshingano yabo, (quand faire le mal devient une loi, combattre pour tes droits devient un devoir); iyi nteruro ikaba isobanura ihame mpuzamahanga ry’uko abaturage ubwabo aribo bagomba kwirwanaho mu kwibohoza igitugu n’urupfu bakorerwa n'abategetsi babi babica.
            
Mu nama y’urubyiruko yabereye muri Canada kuva taliki ya 25 kugeza taliki ya 27 Nzeri 2015, aho umushyitsi mukuru yagombaga kuba perezida Paul Kagame utarashoboye kwemerwa kuhagera kubera imiziro yikoreye muri ibi bihe, ikinyamakuru www.igihe.com cyashoboye kutugezaho umujinya w’umwe mu bayobozi b’agatsiko ariwe Bamporiki; mu muvugo yatuye abatavuga rumwe na Leta y‘u Rwanda: “Bamporiki yatokoye abatiriganya batutuba bagambana ku batindi batatanze amata mu Rwanda”.
 
Icyo ngirango nibutse Bamporiki, ni uko kwifatira abantu ku gahanga akabatuka, kwishongora no gukinira ku mubyimba abaturarwanda barimo bicira isazi ku jisho atari byo bizatuma ahorana ayo mata mu kanwa yahawe na perezida Paul Kagame. Niba Bamporiki ataramenya ko, iyo gukorera abantu ikibi bibaye itegeko nkuko bimeze mu Rwanda, icyo gihe bene gukorerwa ikibi bahita bagira inshingano zo guharanira uburenganzira bwabo, azarinda yipfira ataramenya icyo bamuhora.
 
Umwanzi w’igihugu ni inde? Ni uharanira uburenganzira bwe cyangwa ni ubumwima?
 
Abategetsi ba FPR mu kunyunyuza imitsi y’abaturage bakoresha imbaraga nyinshi, amafaranga menshi, haba mu ngendo zitateganijwe mu ngengo y’imari, mu biterane bidafitiye abaturage akamaro (Rwanda day) n’andi manama, basobanura uburyo bafite imiyobore iruta iyabandi kandi bwahe yo kajya! Umutungo bakoresha bahiga abo batavuga rumwe, bajya kubica babaziza ko bashaka guharanira bwa burenganzira bwabo FPR ibavutsa; umutungo bakoresha bashoza intambara mu bihugu by’abaturanyi, amafaranga baha abamaneko ngo bamenye aho impunzi ziherereye ku isi bazijujubye; iyaba bawushyiraga mu iterambere ry’icyaro u Rwanda ruba rutemba ayo mata Bamponki aduciramo amarenga.
 
Depite Bamporiki niwe mwanzi w’igihugu kuko ari we mu by’ukuri ugomba kwitokora kuko atiriganya atutuba agambana ku bayobozi, akicisha abanyarwanda umunyururu n’inzara, imbunda n’akagozi , kubaroha mu nzuzi, kubasenyera n’ibindi… Gusobanura ikibazo cy’u Rwanda uko kimeze si ukuba umwanzi w’uRwanda, numva ari inshingano zanjye zo gusobanura ko nkunda u Rwanda cyane rwose, ariko ko nanga bidasubirwaho amafuti ya FPR na Kagame kubera impamvu navuze haruguru no kuba bakoresha umuntu nka Bamporiki ufite ikirimi cyasumbye iminwa, wirebera amata ye atitaye ku y’abaturage bo mu cyaro.
 
Abadepite n’Abasenateri b’u Rwanda bakwiye gukura abantu mu gihirahiro cya jenoside ya 1994, bakareka tugakorera igihugu.
 
Bamporiki, kimwe n’abandi badepite n’abasenateri bagifatako gusobanura iyicarubozo rikorerwa abanyarwanda cyane cyane abahutu ari ugutobera u Rwanda, bakwiye kureka gushinyagura. Ntabwo bakunda u Rwanda kurusha abahutu! Kuri izi ngirwa ntumwa za rubanda, u Rwanda ni ka gatsiko ka FPR, u Rwanda ni Kagame. None se andi mashyaka azaba iki? Azaba he? Abatari mu mashyaka bazaba abande?  Senateri Tito Rutaremana aherutse gushimangira ko demokarari y’uRwanda ishingiye ku mateka. Ariko ntiyasobanuye ayo mateka ari ayahe!
 
Aho Tito ntiyatinye kuyavuga kuko azi neza ko amateka u Rwanda rushingiyeho muri iki gihe ari yo ari gutuma perezida muzima nka Kagame yangirwa kwinjira muri Canada gusoza inama Bamporiki yari amutegerejemo? None Bamporiki nawe ati hari “stooge people, agatanga Padiri Nahimana Thomas ho urugero kuko ashaka kwiyamamaza kuba umukuru w’igihugu ngo ariko akaba agendera mu iturufu y’amoko. Sinzi amoko bamporiki avuga, niba ari uko Nahimana ari mu basobanuye ibibi bikorerwa abahutu hakoreshejwe abahutu b’inda nka Bamporiki, iyo nta ndorerwawo y’amoko irimo, ahubwo biri mu nshingano (devoir) za Nahimana.
 
Bamporiki we!  Reka nguhishurire, mpereye mubyo wavuze muri Canada, n’ibindi uhoza mu kanwa uhebeba imbere ya FPR, dore nta kindi baguhora cyera kirabura, baguhora ikirimi kibi cyawe kandi mu Kinyarwanda baca umugani ugira uti:” Nyiri kirimi kibi yatanze umurozi gupfa!”. Narangiza nkubwirako amata ya Kagame asharira nutayacira hakiri kare ejo azaba ari kukurya mu nda, uri kwiruka kubera gucibwamo.
 
Umusomyi wa Veritas
Kamembe

Commenter cet article

Mbonyingabo 05/10/2015 10:06

JUVENSON uribeshya cyane, kuko ntakintu nakimwe kizigera gisimbura ubwoko bwumuntu. Ubwoko bwatangiranye niremwa ryabantu, ntabwo buzigera bukurwaho nibyo binyoma byanyu. Bamporiki mumureke akomeze ate ibitabapfu kuko nkuko Evode yabivuze, gukorera FPR Kagame nugukura ubwenge mumutwe ukabushyira mugifu, ntabwenge agifite mumutwe.

Em 05/10/2015 01:26

Ariko bamporiki siyasake magayane yaraguye bahu ngo imwe ibika igeze kumutambiko

Ange Kagame 04/10/2015 08:17

Musaza wanjye arandangije: imisate y'iminwa ya Bamporiki ipfobya amata naho amazuru ya Rucagu na Rwarakabije agapfobya jenoside. Nibyo ! well.

Coko coko 04/10/2015 14:08

Mwese mwasaritswe n'amacakubiri.Bizabamarira iki kurara Rwantambi ntacyo mushya mwokora?Cyakoza uwabishinga yararira ishingwe.

Cyomoro 04/10/2015 08:08

Bishoboka bite ngo Makanji abe ataraza gutuka abahutu ko ari ibinywamaraso , aho ntiyanze kuza kuberako uyu bavunamuheto Bamporiki ari umuhutu wigize umwega ? Nashake yivugire dore Bamporiki yabaye igishorobwa byararangiye , yigize umusizi w'injiji: ngo GUTUTUBANA AMATA? Ni ukuri uyu muntu ni ikijibwe, kirihoma ku batutsi kandi kitazi kuvuga amata. Ariko ndakirenganya, iriya misate y'ibinwa byacyo imize nk'imisate y'agatuba ka kanjogera wa none harikindi yavuga kitari gututuba amata? FPR twarayibwiye, ibyo bihutu byama bipfobya genoside kubera amazuru yabyo none bitangiye gupfobya amata kubera imisate y'iminwa yabyo.

@ juvenson na quatre vingt 03/10/2015 23:30

Aba bantu bombi bapfa kuvuga ibibaje mu mutwe batabanje no gusoma inkuru yatanzwe kandi niyo banasomye ntibanasobanukirwa. Irondakoko mu Rwanda rirahari ku bwinshi: BA MISS RWANDA BOSE NI ABATUTSIKAZI, BA EMBASADERI BOSE ABATUTSI URETSE BA RUGIRA NA NDUHUNGIREHE, ABA NABO BAKAGIRA ABASIRIKARI BABATUTSI BABUNGIRIJE BAFATA IBYEMEZO, ABAOFISIYE BAFATA IBYEMEZO BOSE NI ABATUTSI, ETC. Ayo materambere muvuga si ariya matower ya Kagome gusa? Bamporiki ni igishwi nta muhutu ukomba innyo kariya kageni? Bamporiki ntaruta Rwigara na Sendashonga.

Quatre-Vingt 03/10/2015 21:38

Murinda mwiyicira isazi mujisho se mwatashye murwababyaye niba ntacyo mwicyeka?kdi niba kinahari mugasaba imbabazi.!ngo ukunda urwanda?yewe ndabona inyandiko yawe yuzuye urukundo kabisa.ariko ABAHUTU mwabaye mute?Ngo ingirwabadepite?yewe nturimbwa gusa gusa numurizo urawufite.ngo iyicarubozo rikomeje gukorerwa abanyarda ngo ariko cyanecyane ABAHUTU!nakumiro gusa.wagirango ABO BAHUTU BO SABANYARWANDA DA.sha muzahora mubwejagura MZEE wacu akomeze abayobore.nimwanga abategeke.mushatse mwacisha make.

Rugwe 04/10/2015 01:08

Abahutu ntabwo ari abanyarwanda nyine! ko ari ko shobuja Yuhi V Mazimpaka yabigennye se ahubwo wari uraho utabizi? Nizere ko muri Rwanda Day y'uyu munsi mwiyibukije ko mu y'ubushize Rwigara yari ayirimo nawe yaje gukoma amashyi no kwitesha agaciro .
Komeza ubwejagure aho wasanga nawe iy'ubutaha uzayumvira munsi y'igitaka. Inzira ntibwira umugenzi.

Edward 03/10/2015 19:33

nkunda veritasinfo.

juvenson 03/10/2015 19:01

Ariko banyarwanda mushyira irondakoko imbere mubona harinyungu irimo?Ariko ubanza mutarubamo .Ubu mu RDA Turi abanyarwanda bene kanyarwanda!nta muhutu nta mututsi! twese mugihugu turareshya turaharanira kwigira dukora cyane niyo mpamvu uwashaka wese kudutobera igihugu twiteguye kumurwanya ntashiti.Plz duhangayikishwe niterambere amatiku puuuu!U RDA rufite ejoheza KAGAME arurangaje imbere.intore izirusha intambwe!!!abakiri mbere ya 94 muzibona bus yabasize!muse twubake mureke amacakubiri.Naho rucagu.bosenibamwe.barebye Kure!!!!Ejo heza hazira amacakubiri nihotwifuza.

Rugwe 04/10/2015 01:02

@ Juvenson

Ngaho nsuhuriza Kigurube na Ninja.

mizero 03/10/2015 15:46

Ariko mwabanyarwanda mwe? Harya ngo muri abatutsi? Mbega impfu mbi cyane abanyarwanda bapfa? Bicwa?
Yewe ikiyaga cya rweru cyabonywe nisi yose kandi kiri kubonwa nisi yose. Harya ngo abo bazungu bakomeje gushyigikira ubutegetsi mu rwanda?
Nizere ko urwanda arurwo abanyarwanda atari urwabanyamahanga. Uzi neza ko agomba kurwana kubuzima bwe igihe cyageze cyera cyane kandi cyararenze uzi neza ko ubuzima bwe ari ubwe ntawundi nahaguruke vuba na bwangu, ukeneye ko ibiremwa byabantu bibaho natabare, uzi neza ko umuntu aruta ibindi biremwa byose nahagarare nuko twese hamwe icyarimwe tuti No. Tuti Oya. Kandi ntibizongere kubaho.

NTABWO TUREBA KURE 03/10/2015 14:51

EJO TWALILIMBAGA MRND TWESE. ABENSHI BISHAKIRA UMUGATI- IKIZA CYABYO NI UKO NTAWATABWAGA MULI RWERU KUKO ATATAMBIYE INGOMA. ABANTU RERO BENSHI MULI TWE NTABWO TUREBA KURE: BAMPOLIKI SE ARUSHA IKI: BIZIMUNGU PASTEUR-SETH SENDASHONGA-KAREGEYA-LIZINDE-KABUYE NUMUGABO WE-RUJUGIRO-NYAMWASA-ASSINAPOL-ETC..........

km 03/10/2015 13:22

Abahutu birirwa bakomba mu mwoyo wa Kagame bapfuye bahagaze! Mwigeze mubona umututsi witwara nka Bamporiki, Rucagu, Bosenibamwe...? Abo bahutu bararwaye mubihorere ariko ntibazashobora gukiza Kagame uburakari bw'abaturage ahubwo bazajyana nawe!