Uganda : Museveni ararwana n’ingabo zande hagati y’iza Riek Machard na Salva Kiir ?

Publié le par veritas

Muri izi nshuti 2 zirashyamiranye, izindi ebyiri zisigaye zizabyifatamo zite?

Muri izi nshuti 2 zirashyamiranye, izindi ebyiri zisigaye zizabyifatamo zite?

[Ndlr :Museveni ni inshuti magara ya perezida wa Sudani y’epfo Salva Kiir kuburyo yohereje n’ingabo za Uganda muri icyo gihugu kujya ku murwanirira ndetse bikaba bivugwa ko n’ingabo za Paul Kagame zateye ingabo mu bitugu abasilikare ba Museveni mu kujya kurwana muri Sudani y’epfo. Kubera uko gushyigikira perezida Salva Kiir byateye uburakari bukabije uwo bahanganye Dr Riek Machard kuburyo yageze naho avuga ko namara kubohoza Sudani y’epfo azahita ajya gushaka Museveni i Kampala ! None ubu Museveni ari kuvuza iy’abahanda ngo yatewe n’ingabo z’igihugu cya Sudani y’epfo !! Izo ngabo Museveni ahanganye nazo ni izande hagati ya Riek Machard na Salva Kiir ? Kagame, Museveni, Kenyatta na Salva Kiir bashyizeho umutwe w’ingabo wo gutabara buri gihugu, none se ko Uganda ishyamiranye na Sudani y’epfo uwo mutwe w’ingabo uzarwanira nde ? Umenya akarere ka Afurika yo hagati n’iburasirazuba karatewe n’umuzimu w’umurwanyi!]
 
Uganda yasizoye mu guhangana n’ingabo za Sudani y’Epfo ngo zayiteye zikinjira ku butaka bwayo mu buryo butemewe n’amategeko. Uganda yavuze ko ingabo za Sudani y’Epfo zinjiye ku bukata bw’iki gihugu mu birometero birenga icyenda cyangwa cumi na kimwe. Lt George Musinguzi umuvugizi wa divisiyo ya 5 mu gisirikare cya Uganda, yabwiye daily monitor ati "Twatewe n’Ingabo za Sudani y’Epfo, zinjira mu birometero 9 mu gihugu cyacu, abasirikare ba Sudani y’Epfo barenga 200 binjiye mu gace ka Lokung ku wa gatanu w’icyumweru gishize.
Hashize iminsi mike izi nshuti z'abaperezida ziri gutangiza umuhanda wa gare ya moshi none ziri kunigana!
Yakomeje agira ati "Abana n’abagore ubu bari mu nkambi ya Ngomoromo, abasirikare ba Sudani y’Epfo baravuga ngo aka gace ni akabo kandi barashaka gukomeza mu birometero 14.” Avuga ko ubwo aba basirikare ba Sudani y’Epfo bazaga muri Uganda, babwiye ingabo za Uganda ko zigomba kuva muri ako gace mu minsi itarenze itatu gusa, bahita bahashinga ibendera ry’iki gihugu.
 
Yavuze ko Ingabo za Uganda ubu zirimo gukora ibishoboka byose ngo zirinde ubusugire n’imbibe za Uganda nk’uko ngo biri mu itegeko nshinga ryabo, ubu ngo bamaze kohereza ingabo zikomeye muri aka gace ngo zibagabeho ibitero.
 
Hari amakuru avuga ko ingabo za Uganda UPDF zarashe ku za Sudan zigakwira imishwaro ari nako zihungira imbere mu gihugu cyazo. Aka gace gashyamiranyweho cyane aho buri wese akita ake.
 
Inkuru ya daily monitor  yahinduwe n’imirasire.com

Commenter cet article

patati patata 07/08/2015 21:51

Mwasigajwe inyuma n'amateka, ni inde wakubwiye ko M7 yaterwa akabura imbaraga zo kwirwanirira comme Habyarimana ? M7 ni umunyafrika uzi kubana neza n'abaturage be ntamacakubiri n'amoko mu ndangamuntu biba mu gihugu cye nko kwa Habyarimana. Atewe abaturage be bayirwana si nka mwe mwagiye gusaba ubufasha I Paris bakabashuka ngo mukore génocide mukaba mumeze imvi mwangara.

Chiba Trust 06/08/2015 09:45

Ibintu nshidikanyaho nibiriya bita Hima-Tutsi.kuko iyo urebye History bavuga ko abatutsi bavuye muli Ethiopie noneho ukareba labantu bo muli Eritriya bameze kimwe nabanyethiopie noneho urwangano bafitanye ni rurerure ni nko gufata abatutsi b'abanyamurenge bakangana nabo mu Rwanda.Sudan yepfo nayo harimo ubwoko busa na abaethiopie kuki Ethiopie itafasha Salva kiir? Museveni na Kagame bakorera abanyamerika n'uburayi naho ibyo kuvuga ngo bakorera inyungu za Hima-Tutsi mbona abantu basubiranyamo amoko.Kagame yica uwariwe wese ubongamiye inyungu ze...
Sinon Kigeri aba adaheze I Shyanga.Naho abashaka ko ibitabo bigurishwa muhimbe inkuru ariko mbona ari ugusenya inyabutatu.Ntazibana zidakomana amahembe mais l'unite fait la force....

rukundo 06/08/2015 08:11

haha murabyemeye rero....70% by'ingabo za sudani bajyanye na Riek machari wari vice prezida ...muri make salva kiir arinzwe nabande! museveni amukuyeho amaboko na nisaha yashira salva kiir ari kubutegetsi...ubwo se izo ntege zo gutera uganda zavahe..ubona nibura iyo bavuga bati Riek mashari...yaduteye....bariya bajamaa ntimubazi bariho baraturangaza ...mukanya urumva barashe Nkurunziza....

Chiba Trust 06/08/2015 06:56

Ariya ni amayeri yo kugirango binjire muri sudani yepfo nta nkomyi..nonese wafasha ukirurwa biriya...uriya Dr Machard agomba kwivuna..M7 amayeri ayarusha satan.Aribyo ubu Kagame aba yagezeyo.

Anaclet Kaman 06/08/2015 05:35

Ntimugakabye kubeshya namwe. Museveni na we yaterwa? Yazabwira HABYARA ngo iki? Kereka niba afite ukundi kuzimu yajyamo! HAaaahhhhhaaaaaaaaaaaaaaaaaaaaaaa!!!!!!!!!!!!!!!!!!!!!!!!!!!! Muransekeje. Ariko ndigaruye. Reka mbe umunyarwanda akateye! Harya ngo "NA NYINA W'UNDI ABYARA UMUHUNGU"! Ariko birashoboka ko aterwa da !

Olivier 06/08/2015 01:09

Igihe kizaza maze mbone ikuzo ryawe Nyagasani,...