Rwanda : Niba Kagame akunda igihugu, yagombye kwemera ko hari n’abandi bashobora kuyobora !

Publié le par veritas

Rwanda : Niba Kagame akunda igihugu, yagombye kwemera ko hari n’abandi bashobora kuyobora !
Kuri uyu wa kabiri taliki ya 11/08/2015 Bwana Faustin Twagiramungu  perezida wa RDI Rwanda Rwiza akaba n’umuyobozi w’impuzamashyaka ya CPC yagiranye ikiganiro na radiyo mpuzamahanga y’abongereza ya BBC agira icyo avuga ku ihindurwa ry’ingingo y’101 y’itegeko nshinga. Abadepite ba Paul Kagame bakaba bariyemeje guhindura iyo ngingo kugirango Paul Kagame azagwe k’ubutegetsi.
 
Bwana Faustin Twagiramungu yavuze ko abaturage bahatiwe ku ngufu kwandika amabaruwa ngo yo gusaba ko itegeko nshinga ryahindurwa, Twagiramungu yagize ati : «mu Rwanda ntabwo abantu bishyira ngo bizane, iyo abanyarwanda baza kwishyira bakizana, bakumva ko hari demokarasi, bakumva ko hari ibyo bashobora kuvuga kubyerekeranye n’ubuyobozi bw’igihugu, bakaba mbese bashobora kubunenga aribyo bita gukritika, bari kubivuga ariko ibyo bintu ntibibaho, tubiheruka cyera, nkaba nsanga abantu 15 kuri miliyoni 2 ari ukubeshya, ni nko guhindura abantu ibicucu ! » 
 
Umunyamakuru wa BBC yabajije Bwana Twagiramungu uburyo yemeza ko ibyo leta y’u Rwanda ivuga ari ukubeshya kandi atari mu gihugu, Twagiramungu yamusubije ko amakuru menshi amugeraho avuye mu Rwanda kuburyo bwinshi harimo n’abanyarwanda bari mu gihugu avugana nabo kandi hakaba n’amakuru menshi akura mubinyamakuru byinshi na BBC irimo, Twagiramungu yakomeje agira ati : « … njyewe abanyarwanda ndabazi bihagije kandi mbazi kurusha Kagame ! Kagame ntiyabaye mu Rwanda kurusha njye imyaka nahamaze, nta myaka 21 yari yahamara, abo bategekana nziko mu byukuri nta na expérience bafite muri ibyo by’ubuyobozi uretse kwihakirwa, Kagame akaba yarabacengejemo ikintu kitwa INGARUZWAMUHETO,… »
 
Twagiramungu avuga ko uko abantu bagiye basinya izo mpapuro bizwi, abenshi muri abo baturage  bakaba batazi no gusoma, bakaba baratereshejwe ibikumwe no kwandikishwa ibyo batumva, impapuro bakazishyira mu nkangara bakajya kuzitura nk’ibwami ; Twagiramungu yagize ati :
 
« …Ibyo rero nkaba numva atariyo demokarasi twarwaniye, kandi nkubwize ukuri twatanze ibitambo bitabarika, twarwanyije ubutegetsi ubwo aribwo bwose bwatwimye demokarasi…ntabwo numva ko Kagame yaje afite ibitangaza…ibyo byo kubaka amazu, imihanda yo yarayisanze kiretse niba avuga ko yaje kuyikubura, ariko demokarasi yo si ibintu byo gukinisha… muri demokarasi niba koko uri umuntu ukunda igihugu, wagombye kwemera ko n’abandi bashobora kuyobora… »
 
Abadepite ba Paul Kagame bakaba baremeje ko bagiye gushyiraho itsinda ryo kuvugurura iryo tegeko nshinga ariko hakaba hasigaye kwibaza niba hazaba referandumu yo kuryemeza kandi ngo abantu batifuza ko ingingo y’101 ihindurwa ari 15 gusa kuri miliyoni ebyiri zibyemera ! Ese ko itegeko nshinga rigiye guhinduka kugira ngo Paul Kagame akomeze ayobore abanyarwanda kandi ibyo bikaba bisabwa n’abanyarwanda nk’uko ikinyoma k’ingaruzwamuheto z’abadepite babyemeza, hari amatora y’umukuru w’igihugu azabaho mu Rwanda mu mwaka w’2017 ? Niba nta matora azabaho bizagenda bite? Niba se ayo matora yo abayeho azaba amaze iki kandi ugomba kuyobora igihugu yaremejwe kera ? Ibi bibazo byose Ingaruzwamuheto zizabisobanurire abanyarwanda.
 
Ubwanditsi

Commenter cet article

Mayibobo 13/08/2015 21:40

Ikibazo njye nibaza nuko ibyo guhindura iryo tegeko nshinga byahindutse GUTORA KAGAME. Ese reka tuvuge ko rihindutse da! Niki kemeza ko Kagame ariwe uzatorwa agatsinda abo bahatanye bose. Aha niho ubuna ko u Rwanda ruri mu kaga gakomeye!!

kkk 13/08/2015 21:25

Intore iyo mutuka Twagiramungu muba mumuhora iki ? Muba mwabuze uko mutuka uwo Kagame wabahekuye? Reka mbibutse uko yabahekuye: Kagame yishe Rwigema, yica Rwigara, yica Sendashonga, yica ikibeho, yahanuye indege ya Habyara, yishe Ndadaye , kagame yibye igihugu aguramo indege , yamenesheje Sebarenzi , ubu ari gusenya amazu yose abona abangamiye ya Tower ye yakuye mu bishanga yambuye abaturage (ngo ibyo bishanga we na Kayumba babyeguriye abahinde), intore zo muri RNC niza FPR ni mwe muba witukisha Rukokoma kuko muzi ko atari umunywamaraso, niwe mwiruhukirizamo mukamumariramo ibikwiye Umwicanyi wanyu. Nyamara ntawe uyobewe ko mubayeho mukebabuza. Reka ndangize mbabwirako iriya ngingo ya 101 izabakoraho nyamara.

leah 13/08/2015 18:20

Wowe utuka Twagiramungu no mu mutwe uraharwaye,ibyawe nta importance bifite uri umupfu tiara!!

robert 13/08/2015 13:38

Ikibabaje ni uko abanyarwanda badakura isomo kubyahise. Muri ba mwidishyi. Umunsi byaturitse muzareba uko bayabangira ingata. Mukomeze mutuke Faustin blzageraho ayp mwasahuye muri Kongo Kinshsa mubura uyabakirira. Ibintu Inkotanyi zikora bimaze gutera isesemi. Mwibwira ko cyami na gihake byari byoroshye?

juvenal 13/08/2015 13:19

twagiramungu icyo nazi ni gusaba inama rukokoma.ikivumu cye cyarumye nonengo ingingo ya 101ntivugururwe!!yewe niyitonde we nazi uko yatsinzwe2003kumugaragaro nacishe mâle iturufuye yivangura yaramupfubanye Ubu Turin.muri ndi Umunyarwanda tuyobowe na KAGAME.Mbivuge iriyangingo ya 101nihinduke.Dukeneye Kagame.igihe.chose agihumeka.!!!Rukokoma puuuuuuu!!!

Lili 13/08/2015 11:32

Yewe ga TWAGIRAMUNGU ! hihihihihhihi hahahaha huhuhuhu, imbavu we ni mu mfate! HABYARIMANA atarapfa yakubwiye ngo ngwiki? "Kuba umugaragu kujyeza upfuye"ngwino tuguhake cg ugwe ishyanga.

RUTIKANGA 13/08/2015 11:28

HALYA UWITWA TITO RUTAREMARA YABA ARENGEJE IMYAKA 30?

Inararibonye 13/08/2015 08:14

Uyu musaza ndamwunva. None se ko atazabona amafaranga yo kwishyura inzu zabasaza aho ari mu Bubuligi cyane ko kuva yahagera ntakindi yakoze uretse kwirirwa abwejagura akora politiki kuri Internet .

Ngo Abanyarwanda arabazi? None se ntago azi ko abantu bahinduka, bagatera nimbere mu myunvire. Icyo namusaba ni uko ytaha akajya gusazira iwabo akareka gukomeza kwanduranya no kwisebya kuko kuva namumenya aba muri opposition none dore agiye no kuipfiramo

Bene 13/08/2015 06:17

Yewe ga Twagiramungu ! Nawe mbese shenge nawe ngo arashaka gutegeka ? Burya koko ngo nta nkumi yigaya.

kamuhanda 13/08/2015 06:02

nibyo koko kagame yarayisanze ahubwo yaje kuyikubura....naho ibyo akorera abanyarwanda bigaragaza neza ko atabazi..umunyarwanda c'est un être mysterieux....agukomera amashyi wagenda agasigara aguhema...kagame rero disi buriya iyo tumukomera amashyi aba azi ko tumushyigikiye.....WAPI? ntaba azi ko tuba tugirango bucye kabiri turebe ko imana yamudukiza.....bariya 15 yatekinitse ahubwo nibo bamushaka.....bonyine....sinzi niba kagame nabana be bamutora abaretse bakisanzura....

kamali 13/08/2015 18:19

Ko mbona FDLR itavuguruza ko yafashe in gate z'abayisilamu Bo muli Tanzania aho iracyabaho? Cyangwa byarayishimishije! Opposition ya Balinga pe!

Niyonzima jean de Dieu 13/08/2015 11:28

Uko biri kose Twagiramungu ntiyategeka nka Kagame.