Burundi: Abahoze muri CNDD-FDD bahunze bashyizeho Ihuriro rya Politiki

Publié le par veritas

Gervais Rufyikiri

Gervais Rufyikiri

Abanyapolitiki bakomeye bahoze mu ishyaka CNDD-FDD rya Pierre Nkurunziza batangaje ko bagiye kwihuza bagakora Ihuriro  aho bavuga ko bazakora ibishoboka byose bagatuma amasezerano ya Arusha akurikizwa bityo niyo Nkurunziza yatorwa ariko bakazagaragaza ko yishe amasezerano ya Arusha yasinye.
 
Bamwe muri aba banyapolitiki ni Gervais Rufyikiri wahoze ari Vice Perezida w’Uburundi ubu wahungiye mu Bubiligi na Pie Ntavyohanyuma wahoze ayobora Inteko ishinga amategeko mu Burundi nawe wahungiye mu Bubiligi. Mu itangazo bashyize hanze ryasomye n’ikinyamakuru the East African rivuga ko ubu bamaze kwihuza n’ingabo zashatse guhirika Nkurunziza zari ziyobowe na Gen Niyombare Godefroy.
 
Izi ngabo ziherutse gutangaza ko ziyemeje kurwana n’igisirikare cy’Uburundi kugeza zihiritse ubutegetsi bwa Nkurunziza. Ntawamenya niba ririya huriro rizaba ari ishami rya politiki rya  bariya basirikare. Kimwe n’abatavuga rumwe na Leta baba mu Burundi, abatavuga rumwe na Leta baba hanze bavuga ko Nkurunziza yanze gukurikiza amasezerano ya Arusha ndetse n’Itegeko nshinga ry’Uburundi, bakavuga ko aho bigeze nta kindi cyakorwa uretse kumwirukana ku butegetsi bakoresheje ingufu.
 
Ubu bategereje ngo kuzitabira inama izabera Addis Ababa muri Ethiopia ngo barebe uburyo banonosora uko bashyiraho uriya mutwe wa Politiki. Iryo tangazo riragira riti: “ Turatumira abagize amashyaka atavuga rumwe na Leta ndetse n’abagize Sosiyete sivile bose kuzaza tugahurira mu nama duteganya kuzakorera Addis Ababa aho Africa yose ihurira ikiga ku bibazo biyugarije.” Iri huriro  bivugwa ko rifite gahunda ya Politiki yo kwerekana uburyo bushya bwatuma Uburundi bugira amahoro ibibazo byose bibwugarije bikabonerwa umuti.
 
Aba  banyapolitiki kandi bemeza ko bashyigikiye ubuhuza bukorwa ba Perezida Museveni ariko ngo ubuhuza bwe bugomba kwita ku masezerano ya Arusha n’icyo avuga ku buryo ikibazo cya Manda kigomba gukemurwa. Itangazo ry’aba batavuga rumwe na Leta rihamagarira Abarundi bose kuyoboka ibitekerezo by’abashinze ririya huriro kuko ngo ariryo ryonyine rifite uburyo bwo kubonera  igisubizo ibibazo by’Uburundi kandi mu buryo buhuje n’amategeko. Abandi bari muri iri huriro ni Hussein Rajabu wahoze akomeye mu ishyaka rya CNDD-FDD. Harimo kandi Alexis Sinduhije washinze Radio Publique Africaine, Pacifique Ninahazwe, umuyobozi  w’ihuriro ry’imiryango itagengwa na Leta.
 
Undi muyobozi ukomeye uri muri iri huriro ni umukuru w’ishyaka FNL, Agathon Rwasa wemeye ko azafasha abagize iri huriro. Abagize iri huriro bemeje ko bazakora ibishoboka byose bagatuma ubutegetsi mu Burundi bukora bukurikije itegeko nshinga n’andi mategeko. Iri tangazo risohotse mu gihe mu Burundi hari Perezida Museveni wa Uganda woherejwe n’abakuru b’ibihugu byo muri aka karere k’Africa y’Uburasirabuza, akaba yaragiyeyo kugira ngo ahuze impande zitavuga rumwe mbere y’uko amatora atangira mu minsi icumi iri imbere.
 
Uyu munsi Museveni yahuye n’abatavuga rumwe na Leta ndetse n’intumwa za Leta abasaba kwikuramo amatiku ya politiki yabaranze mu bihe byashize ahubwo bagahuriza hamwe imbaraga, bakumvikana kugira ngo amatora azagende neza mu minsi iri imbere. Museveni yatangarije abanyamakuru ko impande zombi zihanganye ziyemeje gukomeza ibiganiro ariko leta y’u Burundi yavuze ko ntakintu gishobora guhagarika amatora !
 
Umuseke.rw

Commenter cet article

Iryamukuru 16/07/2015 16:05

Mbega akaga abarundi bafite! Musige aho mutikora mu nda! N'uwo Museveni na Kagame babashuka bazavanwaho n'urupfu none mwe Nkurunziza ushigaje imyaka itanu gusa atume muta urwo mwambaye ngo mukurikiye inama zizo nkoramaraso Museveni na Kagame! Musige aho mutaba nk'aba Bahutu b'i Rwanda bikoze munda ngo bararwanira Kagame! Ubu kagame yabamariye ku icumu yasigaje ibihuna( Abahutu binda nini banga ubwoko bwabo bakanena abandi bahutu ba Makuza, Murekezi, Ntawukuriryayo, Bazivamo, Rucagu, Bamporiki, Rwarakabije n'abandi benshi utarondora ngo urangize) byo kumukomera amashyi gusa. Abarundi mwirinde ibyo bihuna na Rufyikiri, Niyombare, Agato Rwasa, Radjabu, Ninahazwe n'abandi bakora nkabo bose bareba inda zabo mbere yo gushyira mu gaciro! Imana ibafashe!

Kagabo 16/07/2015 11:24

Ejo bazashyiraho na gouvernement yo mu buhungiro, ubundi basakuze nyuma y'amezi 6 bazaba babebera, Nkurunziza atangire abatoraguze uruhindu ahobahungiye. Mbabajwe n'abo badafite ubwenegihugu bwaba nyaburayi!!Amateka ntabwo yigisha....

Mbonyingabo 16/07/2015 08:10

Ngaho nibagerageze uretse yuko badashyira mugaciro, iyababashyiraga mugaciro bagombye kumenya yuko uko uburundi bumeze budakeneye imishyikirano (negotiation) ahubwo hakenewe ibiganiro (dialog). Ubworero dialog ntawe iha ubutegetsi atarafite ahubwo yiga ibibazo igihugu gifite, igaha inama abategetsi batowe uko bakwiye kubikemura.

KIU KLAX KLAN (KKK) 15/07/2015 23:09

Museveni ni we Kagame, kandi kagame ari gushaka u Burundi, ubwo se murumva haxigaye iki? Byago yagiye kurega asanga uwo arega ari we aregera. Na Nkurunziza ni uko rero. Abarundi bakwiye kwamagana Museveni niba bashAka kwirinda amakuba Kagame yabateguriye.

Gabiro 15/07/2015 20:39

Mbega umurengwe w abarundi .Bahisemo gufata intwaro maze Kagome abafashe kwihekura ! Kanyarengwe ; Sendashonga ;Lizinde .Kabila pere.....Uko byagenze ibara umupfu ! Usenya urwe umutiza umuhoro . Mbere yo gushahura bene wanyu mubanze mwitegurire imva mwa baswa mwe !

bok 15/07/2015 20:25

Ariko se, aba BARUNDI, ko ubutegetsi babufise, barashakiki? Buze bube bwa BURO BWINSHI?

balihuta 15/07/2015 20:17

Il n'est jamais trop tard! il fallait peut être commencer par là. On savait que l'opposition burundaise était divisée et sans projet et on peut se poser de sérieuses question quant à leur motivation. Si tous ces politiciens avaient former une coalition pour affronter Nkurunziza dans les urnes leur pays serait en paix aujourd'hui. Quelle crédibilité peut-on accorder à cet "appel" tardif ? L'avenir nous le dira. Je pense qu'ils amusent tout simplement la galerie parce qu'ils savent qu'ils ont perdu.

NGIRETNE 15/07/2015 22:47

LES BARUNDI SONT NAIFS;ils se laissent manipuler par les Rwandais.Ils deviendront des sauterelles.isenne nguko Kagame akunze kubivuga.