Rwanda : Ubwenge n’ubushishozi by’umuyobozi wa IBUKA byasimbuwe n’urwango!

Publié le par veritas

Byaba bimaze iki uri Dogiteri ariko ugatekereza nka Dusingizemungu?

Byaba bimaze iki uri Dogiteri ariko ugatekereza nka Dusingizemungu?

Umuyobozi w’umuryango w’abahezanguni ba IBUKA Dr.Jean Pierre Dusingizemungu yatangaje ko asaba guverinema y’u Bufaransa kongera kuburanisha umunyarwanda ufite ubwenegihugu bw’ubufaransa witwa Charles Twagira, uhimbirwa ibyaha bya jenoside n’abahezanguni b’abatutsi bibumbiye mu mutwe witwa IBUKA bafitiye urwango abahutu, urutse kurekurwa n’ubutabera bw’u Bufaransa ! Jean Pierre Dusingizemungu agira ati : « Turasaba guverinema y’u Bufaransa kongera kuburanisha ukekwaho jenoside akoherezwa mu Rwanda kugirangiza igihano cye. Ntitwishimiye umwanzuro wafashwe n’urukiko rwo mu Bufaransa, turarwamaganye ». Uyu mugabo Dusingizemungu uvuga ibi afite impamyabushobozi y’ikirenga (Doctorat) ariko imitekererezeye imeze nk’iy’umuntu utarakandagiye mu ishuri ry’ikiburamwaka kubera urwango afite rushingiye kubuhezanguni bw’ubwoko !
 
Iyo Dusingizemungu aba umuntu muzima udafite uburwayi bw’urwango rw’abahutu, aba yarakoresheje ubumenyi afite bujyanye n’impamyabushobozi afite akamenya ko guverinema y’u Bufaransa idaca imanza, ko ari urwego nyubahirizategeko rutandukanye n’ubutegetsi bw’ubucamanza, ko mu gihugu cy’u Bufaransa haba demokarasi kandi ko buri rwego rw’ubutegetsi rufite ububasha ntavogerwa bwo gukorerwamo n’urundi rwego rw’ubutegetsi ; ko iyo ariyo mikorere iranga leta igendera kuri demokarasi. Mu Rwanda Paul Kagame niwe mukuru w’igihugu, akaba umucamanza w’igihugu akaba ari nawe muyobozi w’ikirenga w’inteko ishingamategeko, mbese muri make ni umwami utegeka muri repubulika, Paul Kagame akaba ariwe byose bishingiyeho, ko kandi igihe azahirima n’igihugu cyose kizahirima nk’uko babyivugira akaba ari nayo mpamvu badashobora kubona undi mukuru w’igihugu wamusimbura !
 
Iyo Dusingizemungu asaba guverinema y’u Bufaransa kuburanisha Charles Twagira, bihita byumvikana neza ko mu bumenyi bwe Perezida w’u Bufaransa François Hollande agomba gukora nka Paul Kagame, abacamanza bagaca imanza bakurikije ibyemezo bya perezida nk’uko bikorwa mu Rwanda rwa Paul Kagame ! Mu Bufaransa iyo perezida agiranye ikibazo n’umuturage nawe ajyana ikibazo imbere y’inkiko ntabwo akora nka Paul Kagame ngo ategeke abicanyi be kwica umuntu wese atifuza cyangwa umuntu wese ugerageje kuvugisha ukuri.
 
Uyu mu Dogiteri Dusingizemungu utazi ibyo avuga, agaragaza urwango afitiye abanyarwanda bo mu bwoko bw’abahutu ariko akanagaragaza ko afitiye ubwoba bukabije ingoma y’abicanyi ya Paul Kagame, byombi biteranye bigatuma ahinduka injiji  yize cyangwa akigira igicucu kugira ngo batamuca umutwe ! Dusingizemungu arasaba guverinema y’u Bufaransa kuburanisha Twagira kandi ubutegetsi nyubahirizategeko budaca imanza ! Iyaba Dusingizemungu yari afite ububasha bwo gukoresha ubumenyi bwe yagombye kuba yarashyikirije ubutabera bw’igihugu cy’u Bufaransa dosiye irimo ibyaha byahamye Twagira mu ngirwa nkiko za Gacaca zuzuye abashinjabinyoma, zitagira abacamanza b’umwuga cyangwa avoka, bityo ubucamanza bw’u Bufaransa bukabona gufata ibyemezo byo guhana Twagira kuko buba bufite dosiye irimo ibyangombwa bigaragaza ko yakoze ibyaha koko, naho ibyo kuzana ibyemezo bya Gacaca mu nkiko z’u Bufaransa ni uguca umugani ku manywa!
 
Dusingizemungu arinyuramo kuburyo bukabije, arasaba guverinema y’ubufaransa guca urubanza rwa Twagira noneho akongeraho ko Twagira yarangije gucirwa urubanza kera, none se ubwo Twagira baramuburanisha iki kandi yarakatiwe ? Uku kwinyuramo kwa IBUKA gutangiye kuba inshoberamahanga kuburyo kubahiriza ibyo isaba bigoye cyane ! Ese Dusingizemungu niwe ministre w’ubutabera w’u Rwanda ujya gusaba ko umuntu wakatiwe n’inkiko z’u Rwanda yoherezwa mu Rwanda ? Niba se IBUKA ivugira abacitse ku icumu uretse ko ibeshya, ni kuki itavuga kuri ibi bikurikira:
 
1.Kuki IBUKA itarasaba amahanga gukora iperereza ku ihanurwa ry’indege yari itwaye umukuru w’igihugu Juvénal Habyarimana taliki ya 06/04/1994 ko icyo gikorwa cy’ubugome ariyo mbarutso y’irimburwa ry’abanyarwanda harimo n’abatutsi ?
 
2.Ni kuki IBUKA itarasaba leta y’u Rwanda gukora iperereza ry’ubwicanyi bukorerwa abacitse ku icumu imbere mu gihugu nka Rwigara Assinapol, Dr Gasakure, Rwisereka, Semadwina, Assiel Kabera… ?
 
3.N kuki IBUKA itarajyana mu nkiko ibimenyetso bishinja jenoside aboherejwe n’urukiko rw’Arusha mu nkiko z’u Rwanda ahubwo imanza zabo zikaba zaradindiye bitewe ni uko bashinjwa ibinyoma, leta ya FPR Kagame ikaba iriho ikora ibikorwa byo gutekinika ibahindurira abavoka ku ngufu ?
 
4.Ni kuki IBUKA itavugira abasaza bari gufungwa nta cyaha bakoze ngo ni uko ari abahutu bakaba bararangije ibihano bififitse bahawe by’igifungo, ariko nyuma bakongera gufungwa nta mpamvu ? None se ubwo butabera bukorerwa abo basaza nibwo IBUKA izazana imbere y’inkiko z’abafaransa ?
 
Mubyukuri se iyi IBUKA itarengera abacikacumu ikorera nde ? Birababaje kuba abatutsi bariciwe ababo (abahutu bo sinakirirwa mbavuga) bitewe n’umugambi mubisha wa FPR Kagame wo gufata ubutegetsi, iyo FPR ikaba iteranya abatutsi n’abandi banyarwanda none ubu, abo batutsi bakaba barahindutse ruvumwa ku misozi kubera leta ibashora mu bukorwa bibi byo guhohotera inzirakarenga ! None se twakwemeza ko iyi IBUKA ikorera abacitse ku icumu cyangwa ni umuzindaro w’ubutegetsi bwa FPR Kagame kandi ikaba iri kurushaho gucukurira urwobo abatutsi?
 
Buri wese afite uko abibona !
 
Ubwanditsi.

Commenter cet article

patati patata 14/06/2015 08:38

Uriya muyobozi wa ibuka mumufashe hasi mwabahezanguni mwe b, abahutu none se mushaka ko avuga ibibashimisha? Kugirango se mutamugira gute? Igihe cyanyu cyararangiye, iyo mumfashe ubutegetsi mutsemba nyamucye au lieu de la protéger mushaje nabi avec umuvumo wo kuzerera isi nka gahini amaze kick Abel. Muzapfana agahiri n'agahinda kandi ikibabaje kurushaho nuko mudashobora kumva ko ibihe byahindutse ahubwo mukumva kuba muri mu bufaransa ari umutamenwa murimo.

Paulin Semanzi 10/06/2015 10:24

Kugira ubwenge bivuze iki ?

Umuntu uwo ariwe wese arangwa ni UBWENGE hamwe na CARACTERE. Ushobora kuba uzi Ubwnge warize amashuri menshi ariko kubera Caractère mbi ukarangwa no kuvuga amafuti. Urugero ni nka Goebels (Propagandiste wa Hitler). Dusungizemungu rero we kubera caractère mbi ari icyo aricyo: Exremiste dominé par sa haine, bituma atakibasha gushishoza. Akaba ariyo mpamvu abona isi dans sa logique kuburyo yumva ko Justice ya Bafaransa igomba kujya mu murongo wa FPR, Ikaba ibyo bita JUSTICE PATRIOTIQUE nkuko Justice, Eglise rwandaises bimeze.
Wa Muhezanguni subiza amerwe mw' isaho, abafaransa ntabwo ari Abazungu b' ABAHUTU.

Akebo kajya iwamugarura 10/06/2015 06:10

Ntawe ushyigikiye ubwicanyi iyo buva bukagera . Twebwe aba rescapes ba genocide no 1 ou 2. Igihe cyacu cyo kulyoza abacu mwica kuva muri 90 na nubu mugikomeje ...Tuzaba twarabonye amasomo ahagije . Umugani wa son exellence Kizito umupfu ni nkundi .Gufunga BBC sibyo bizasiba rapport mapping : untold story ! Wait and see . Nuwatanze cotisation muri uriya mulyango genocodaire tuzamushyikiliza urukiko !......Ibyo mukora mwiyita abere !Murabesshya nde ?Umuzungu wabifashije yibereye mu bye ? Akariro gake na feri muzaruka abacu mwariye mwa mashyano mwe .

Gakuba phibert 09/06/2015 23:46

Iri ni injiji butwi .ngo banze icyemezo cya Government y'Ubufaransa, kandi bategeka ko iyonzirakatengane yoherezwa mu Rwanda ako kanya. mbega kwishongora no kwishyira hejuru. kuri Ibuka , ubutabera bwose budashyinja ibinyoma cg se bunyuranya ni ibyifuzo byanyu si ubutabera? mwagiye mugira gushyishoza nti mukomeze kurangwa nu Umutima w'Ubunyamaswa.

YY 09/06/2015 20:48

Mwebwe rero mwarahaze mutuvaneho umurengwe .Iyo KAGAME PAUL mumwikoma mwibuka ko yabakomye mu nkokora mushaka gutsembaho Abatutsi n,Abahutu batemeraga gahunda yanyu!Arashoboye ahubwo yibande mu nzego z'ibanze zihohotera abaturage.

Sisi 09/06/2015 19:12

Hano Mukasa uvuze ukuri ndagushimiye cyane ! ese ugirango abahutu bicanye ni bangahe ? ariko genocide yabaye ubucuruzi ibyo rero bituma genocide ihinduka nk'umukino noneho buri wese utari umututsi akaba yumva yazayihanirwa kandi yaranarokoye abatutsi ! ibyo niyo ngengabitekerezo nyayo ! kuko bitesha agaciro genocide ! bacikacumu nimuhaguruke murwanye abantu bitwaza akaga abanyarwanda bahuye nako kugirango buzuze ibifu byabo !

jozz 09/06/2015 19:08

SinziMokomere cyane! Nabonye noneho bari kudutangariza umubare wabatutsi bapfuye! None jye uko mbibona leta yagombye gukora ibarura ry'ubwoko bwose abahutu, abatutsi na abatwa ndetse na banyamahanga kuko nabo bapfuye! FPR nibwo tuzemera ko atarabahezanguni! Ndetse igihe kizaza dushake abashakashatsi dupime amagufa yose ari munzibitso! Zirihano mu rwanda! Kuko harimo nabavandimwe bacu babahutu! Jye ndabizi neze kuko harimo data! Mumumbarize uwo mudogoteri ibyo avuga niba ari mukuri niba abahutu twese tugomba kwita ubutabera! Naho abatutsi nabere se?sinzi nibakomeza gutya ikizaba sinzi uko bizitwa!

Mukasa 09/06/2015 17:49

Mu byukuri mbona abahezanguni nk`uyu mudogiteri uhagarariye ibuka n`abandi bameze nkawe nibo bapfobya genocide yakorewe abatutsi. Iyo bashaka kujyana ibinyoma n`irondakoko ryabo hanze y`igihugu cyane cyane mu bihugu bigendera ku mategeko, bihita bitanga isura mbi ku bayobozi b`igihugu badakumira ubuhezanguni n`ibinyoma,kandi bigapfobya ubwicanyi ndengakamere bwakorewe inzirakarengane. Ubuhezanguni ni uburwayi bukomeye,iyo bugeze no mu bayobozi igihugu cyiba cyagushije ishyano !!!!

Gacurama 09/06/2015 17:17

iyo ndebye ibibera mu Rwanda ngira agahinda gusa !! ntacyo mpfa n'abatutsi muri rusange ariko iyo ndebye umututsi wigira kuriya ndumirwa !! koko niba Ibuka ivuga icyo ishatse mu Rwanda, yibwira ko no mu Bufaransa yazana iby'inka yarembye ?? ese Ibuka y'abahutu yo niza igasaba gusobanura ibyabaye I Gakurazo, Kibeho, Tingitingi, Kisangani n'ahandi hiciwe abahutu ibihumbi n'ibihumbi bizagenda bite ? kandi cyo gihe kizagera rwose ! Banyarwanda bavandimwe, twaretse gucuruza genocide ko ntawe itakozeho ?? umuntu wiyita Docteur ngo nuko wacitse ku icumu urategeka ubufaransa gusubiramo urubanza ? uri iki se ?? jya ubanza umenye ko Ubufaransa atari u Rwanda mwirirwa mutoba uko mwishakiye !

JJ 09/06/2015 17:15

Aba bayobozi ba IBUKa uko bagiye basimburana wagirango inyundo yabacuze nimwe! Bose ni ugutera bakikiriza indilimbo imwe ya FPR yo kuvuga ko umuhutu wese ari interahamwe kandi ko yakoze génocide! Jye njya nibaza iba aba bayobozi barakurikiye imanza zaciriwe Arusha aho ruriya rukiko rwemeje ko génocide ivugwa ko yakorewe abatutsi itigeze itegurwa! Aba bayobozi ba Ibuka aho kwita ku bacikacumu ngo babakure mu gahinda k'ubwicanyi bwabaye mu Rwanda, usanga ahubwo barigize abacamanza batagira umupaka! Kuva maze kubona amashusho yasohowe n'ikinyamakuru cyandikirwa mu Rwanda aho umubyeyi VUGUZIGA Zudeda w'umucikacumu yibera mu musarane hamwe n'abana be wakwibaza icyo bariya bayobozi ba Ibuka bamaze kikakuyobera! Mubareke barangije kwivuruga kubera kudashishoza! Ntiwavuga ko ugamije kwimakaza ubutabera ushora abantu mu nzangano, inzika, guhora no guhohotera ngo uvuge ko hari umusaruro uzabona! Abayobozi nk'aba bazongera bagushe igihugu mu miborogo! Ni aho gusenga!!

muhire caxte 09/06/2015 16:24

ngaho namwe nimumbwire umuntu nkuliya icyiza yamalira igihugu kwiga ukagezaho uba docteur,alikowareba ibitekerezobye,ugasa numwana wincuke atatekereza nkawe.

Chiba Trust 09/06/2015 15:53

Ariko se abaserukira u Rwanda bagira umutima nubwenge? Nonese ibuka niyo mucamanza wize kurusha abandi? Kuki se mutasabye Arusha ngo isubiremo imanza za Kabiligi, Bagosora, Zigiranyirazo, Bagirishema nabandi? Uriya Twagira ndamuzi ari muri ba badivantiste bategereje Yesu.vraiment sinzi ko nuwapfuye agarutse yashinja uriya mudoctor...Ibuka mwivanemo amoko niba mushyigikiye iyo gahunda ya :ndi umunyarwanda"....Mufate uwitwa Babona Evariste w'umugogwe azasobanure uko benewabo bishwe ariko kubera ari umututsi we ntiyabazwa ibyo azi...Muzaduhe invitation tubabwire interahamwe z'abatutsi naho ziri....

Chiba Trust 09/06/2015 15:53

Ariko se abaserukira u Rwanda bagira umutima nubwenge? Nonese ibuka niyo mucamanza wize kurusha abandi? Kuki se mutasabye Arusha ngo isubiremo imanza za Kabiligi, Bagosora, Zigiranyirazo, Bagirishema nabandi? Uriya Twagira ndamuzi ari muri ba badivantiste bategereje Yesu.vraiment sinzi ko nuwapfuye agarutse yashinja uriya mudoctor...Ibuka mwivanemo amoko niba mushyigikiye iyo gahunda ya :ndi umunyarwanda"....Mufate uwitwa Babona Evariste w'umugogwe azasobanure uko benewabo bishwe ariko kubera ari umututsi we ntiyabazwa ibyo azi...Muzaduhe invitation tubabwire interahamwe z'abatutsi naho ziri....