Rwanda: Ese aho FPR ntiyaba iri kugana mu nzira y'ishyirwaho rya leta y'agateganyo nyuma ya 2017 itabishaka?

Publié le par veritas

Niba amatora azaba ntagaciro agifite nyuma ya 2017,u Rwanda ruzaba ruyobowe rute?

Niba amatora azaba ntagaciro agifite nyuma ya 2017,u Rwanda ruzaba ruyobowe rute?

Nyuma y’ingirwa matora ya manda ya kabiri ya Paul Kagame yo mu mwaka w’2010, amashyaka ari hanze y’igihugu yakomeje gusaba ko mu Rwanda haba urubuga rwa politiki, kugira ngo abanyarwanda babone amahirwe yo kugezweho ibitekerezo bitandukanye by’abanyepolitiki bo mu mashyaka atandukanye bityo amatora y’inzego z’ubuyobozi bw’igihugu yo 2017 azagende neza. Iyi myaka 20 ishize ifatwa nk’igihembo cyahawe FPR Kagame kubera jenoside yatangije mu Rwanda, kwica abakongomani barenga miliyoni 6 no gusahurira abazungu ubukungu bwa Congo muri icyo gihe cyose. Nyuma y’inama y’abicanyi b’abakada n’intore za FPR yo kuwa 13-14/06/2015, hemejwe ko Paul Kagame agomba gukomeza kugundira ubutegetsi nyuma y’umwaka w’2017, bityo amatora yari ateganyijwe muri uwo mwaka akaba asa n’aburijwemo kuko ntagaciro yaba agifite! Niba amatora adashoboka mu Rwanda, bizagenda gute nyuma ya 2017 ?, Ese Kagame azabyifatamo ate?
 
Ishyaka rya FDU ryohereje Madame Victoire Ingabire kujya guhatana mu matora yo mu mwaka w’2010, Kagame ahise agira ubwoba amufungira mu gihome none ubu niho agiye kugwa ! Amashyaka arimo PDP Imanzi ya Déo Mushayidi, na RDI Rwanda Rwiza ya Bwana Faustin Twagiramungu yifuje kujya mu Rwanda mu mwaka w’2013 kujya gukorera mu Rwanda ; Semushi wari uhagarariye ishyaka PDP Imanzi yemerewe kujya mu Rwanda ariko bamushyiraho amananiza, ishyaka PDP Imanzi ntiryashobora no gukoresha inama nimwe iryemerera gukorera politiki mu Rwanda nk’ishyaka naho Bwana Faustin Twagiramungu we ntiyemerewe no gukoza ikirenge kubutaka bw’u Rwanda kugeza n’ubu akaba atarabyemererwa, ngo azagerageze atahe ku ngufu bamwereke!
 
FPR Kagame ikaba yariyemeje guhindura ingingo z’101 n’193 by’itegeko nshinga kugira ngo Paul Kagame akomeze kuyobora ! Niba izo ngingo z’itegeko nshinga zihinduwe kugira ngo Paul Kagame akomeze gutegeka, bisobanuye ko amatora azaba ataye agaciro mu Rwanda ; kuko ntaburyo itegeko nshinga ribuza Kagame kongera kwiyamamaza ryahindurwa kugira ngo agume kubutegetsi kandi binyuze muri referandumu y’abaturage bose, nyuma FPR ikabwira abanyarwanda ko igiye gukoresha amatora ashobora kwemerera undi muntu utari Kagame gutorwa ngo abe umukuru w’igihugu! Iryo kinamico ntirishoboka kuko abaturage FPR izakoresha mungirwa matora ya referandumu nanibo bagomba gutora umukuru w’igihugu, amatora rero ntashoboka kiretse hari abandi baturage bagomba gutora ariko batagize uruhare mu matora ya referandumu ! Aha niho itekinika rikomereye cyane FPR kuko uretse no gukuraho itegeko nshinga n’igikorwa cy’amatora nyirizina nacyo igitesheje agaciro !
 
Abanyamahanga benshi babwirwaga ko Paul Kagame ari umunyagitugu w’umwicanyi utazigera na rimwe arekura ubutegetsi ku neza bagatekereza ko abari kubivuga bashyiramo amakabyankuru no kugaragaza ko banga Kagame ariko ubu abo banyamahanga batangiye kumirwa ! Ubutegetsi bwa Paul Kagame bukomeje guhangayikisha abanyarwanda bingeri zose, ari abari mu gihugu, ari abari hanze y’igihugu, ari abahutu, ari abatutsi kugera no kubari muri FPR ubwabo barahangayitse kandi bafite ubwoba ko bashobora kugirirwa nabi umunota kuwundi n’agatsiko ka FPR Kagame!
 
Nyuma y’umwaka w’2017, ubwo Kagame azaba arangije kugundira ubutegetsi bwose nta mayeri agisigaranye yo kubeshya ko ari umudemokarate ushakira ibyiza abanyarwanda, azagaragaza ubugome bukabije kugira ngo akomeze atere ubwoba abatemera ubutegetsi bwe ! Nyuma ya 2017 Kagame azahabwa akato n’amahanga ndetse n’abanyarwanda, amashyaka ntacyo azaba akivuze kuko kwizera ko mu Rwanda hashobora kuba impinduka y’amahoro inyuze muri demokarasi azaba ari inzozi ; abanyarwanda bahangayikishijwe n’ubutegetsi bwa Paul Kagame kandi banyotewe no kubona impinduka bazarushaho kwiheba, gutotezwa bya hato na hato n’ingoma ya Kagame kandi nta n’ikizere cy’uko hari umuntu ushobora kubatabara, bizamara ubwoba abanyarwanda maze bahaguruke bahangane n’ingoma ngome ! Amaherezo igihugu kizinjira mu kajagari ndetse gashobora kuzakurura n’intambara ikomeye cyane izagorana guhagarika! Nguwo umurage FPR Kagame bigiye gusigira abanyarwanda !
 
Nyuma y’umwaka w’2017 u Rwanda ruzaba ruyobowe na leta yishyizeho, idafitiwe ikizere na gato, ihanganye n’amahanga ndetse n’abanyarwanda batayemera !  Niyo mpamvu ibyo Habineza wa Green Party atekereza byuko nyuma y’umwaka w’2017, u Rwanda ruzaba rufite leta y’inzibacyuho niba ingingo y’101 n’iyi 193 by’itegeko nshinga bizaba bihinduwe, bifite ishingiro !
 
Ibihe bizaza biduhishiye byinshi !
 
Ubwanditsi

Commenter cet article

MBONYINGABO 18/06/2015 09:20

Kuba FPR yiyemereye yuko nyuma yimyaka irenga 20 ntawundimuntu bafite ushobora gusimbura Kagame nikimenyetso cyuko Kagame yategetse naba. Abamumbwira yuko mumushigikiye mumakosa yose yakoze muramubeshya, mwarimukwiriye kumusaba gushira mugaciro. Ntamuntu numwe kwisi ushobora kuba kamara.

yes 17/06/2015 20:08

Kagame oyeee.Turamushigikiye kandi izo nduru z'interahamwe ntabwo zizamubuza kuyobora u Rwanda.Les chien..............la caravane passe.Tuzagutora abanzi bumirwe ntubundi wabaye president barya amenyo none ubu yarakutse ngo barashaka ko uvaho.bazumirwa...

yes 17/06/2015 20:04

Kagame oyeee.Turamushigikiye kandi izo nduru z'interahamwe ntabwo zizamubuza kuyobora u Rwanda.Les chien..............la caravane passe.Tuzagutora abanzi bumirwe ntubundi wabaye president barya amenyo none ubu yarakutse ngo barashaka ko uvaho.bazumirwa...

YOHANI(IPB /BYUMBAi 17/06/2015 13:57

Natwe ubu twumiwe kabisa hano I BYUMBA! nawe se Mujeri Kagame aradusaba kungufu ngo twemere ko akomeza gutegeka ra! aho kugirango atwice,maze adushyire mu mifuka,ajugunye muli RWERU,tuzahitamo kwemera. NONE SE AMATORA YO AZABA AYO GUKORA IKI? yewe umenya twinjiye MUNZUBACYUHO IDASHIRA

FDLR: kuki KAGAME yibeshya? 17/06/2015 13:54

Abaturage ko bari gusaba ko itegekonshinga rinhinduka KAGAME gakomeza gutegeka. Amatora ateganijwe azaba ayo kumara iki? Biliya bayita TACITE RECONDUCTION.Mbona ataringombwa kongera gutora AHUBWO TUZINJIRA MUZUBACYUHO,dukomeze dusabe amatora

Mbonyingabo 17/06/2015 13:25

Ubwo FPR irabona abaturage bazato yuko basaba yuko Kagame aguma kuyobora muri referandumu hanyuma bongere kubasaba gutora uwo Kagame ahanganye nundi muntu? Ubwose barumva nta contradiction irimo. Ikintu FPR ikoze yishize mukagozi ka politic itazigera yivanamo.

akamasa 17/06/2015 13:19

Kagame agomba kuvaho,arashaje,arananiwe,ibyo yakoye birahagije,abo yishe kandi akinica,abo ahejeje muburoko uburyarya bwe byose birarambiranye kandi siwe wenyine ugomba kuyobora,ababishoboye ni benshi niyemere rero agabane n,abandi abahe nabo batware,kandi ntibishoboka ntashobora kuzapfira k,ubutegetsi,nta ngoma imwe,nimusubire mumateka!!!!!

Mukobanya 17/06/2015 13:06

Tuzamutora maze tuzarebe icyo mukora. Ariko se nkubu koko muba murushywa niki igihe mwahereye muvuga Kagameeeeeeeeeee ntimurananirwa ngo muhebere urwaje?????????

Kami 17/06/2015 12:38

Ikinamico riragwira! Abaturage bazitorera ko itegeko nshinga rihindurwa kugira ngo Kagame akomeze abayobore! None ho ngo abo baturage bazongere bahabwe uburenganzira bwo gutora undi ushobora kuba perezida utari Kagame? Nitureke kuba ba Semuhanuka ahubwo twemere urwaje !

Gakuba phibert 17/06/2015 15:04

Iso ngo "ntakwanga akwita nabi" ndabwira mukobanyi! uri mukobanyi koko. naho guhebera urwaje bikorwa namwe mukora nka abiyahuzi. reba akajagari mumaze guteza mukarere. tuza ni wa mwijuto wi kinono utamenya ko imvura izagwa.