Ishyaka RDI mu myiteguro y’isabukuru y’imyaka 5 rimaze rishinzwe

Publié le par veritas

Ishyaka RDI mu myiteguro y’isabukuru y’imyaka 5 rimaze rishinzwe
Kuwa gatandatu tariki ya 20 Kamena 2015, inama y’ubuyobozi bwa RDI-Rwanda Rwiza yarateranye, iyobowe na Prezida w’Ishyaka, Nyakubahwa Faustin Twagiramungu. Mu ngingo zasuzumwe, harimo izi zikurikira :
 
-Uko ibintu byifashe mu karere k’Ibiyaga bigari, cyane cyane mu gihugu cy‘ u Burundi
-Imikoranire y’amashyaka ya opposition nyarwanda
-Imyiteguro y’isabukuru y’imyaka 5 ishyaka RDI-Rwanda Rwiza rimaze rishinzwe
 
A.Ku byerekeye ibibazo byugarije igihugu cy’u Burundi, ishyaka RDI ribabajwe cyane n’amakimbirane ya politiki akomeje kuranga impande zishyamiranye, akaba yarateje imvururu zahitanye abantu batari bake, akanahungabanya bikomeye gahunda y’amatora yagombaga kuba mu mpera z’ukwezi kwa Gicurasi n’ukwa Kamena 2015. Abari mu nama bifuje ko ibihugu byo mu karere k’ibiyaga bigari n’iby’amahanga ya kure byasigaho kwivanga mu kibazo cy’u Burundi, bityo Abarundi ubwabo bagashakisha umuti ubanogeye, hashingiwe kw’ihame ridakuka ry’uko ubusugire bw‘igihugu cyabo bugomba kubahirizwa nta zindi mpaka.
 
B.Ku byerekeye imikoranire y’amashyaka ya opposition, abari mu nama bashyigikiye ko ari uburenganzira bwa buri shyaka gushakisha ubwaryo ingufu zarifasha kugera ku ntego ryiyemeje, ariko nanone bagatsindagira ko ubufatanye ari ngombwa hagati y‘amashyaka aharanira ko ibintu bihinduka mu Rwanda. Koko rero, nta yindi nzira yakwihutisha isezererwa ry’ingoma ngome ya FPR-Kagame, uretse uguhuriza hamwe ingufu kw’abiyemeje kurengera u Rwanda, barukiza ubutegetsi bw’igitugu bumaze imyaka irenga 20 bwica urubozo abenegihugu; ari abavutswa ubuzima, ari abafungirwa akamama, ari abacuzwa utwabo, ari abicishwa inzara n‘umukeno, n’abandi benshi bavutswa uburenganzira bwabo mu buryo bunyuranye kandi bwagambiriwe. Niyo mpamvu abari mu nama basabye Prezida wa RDI akaba na Prezida wa CPC, gukora ibishoboka byose kugira ngo iyo mpuzamashyaka ikomeze inshingano yiyemeje, atitaye ku mvugo n’inyandiko zikerensa ibikorwa yagiye agerageza, agamije kongerera opposition nyarwanda ingufu zaturuka mu kwishyira hamwe kw‘abayigize.
 
C.Ku bijyanye n’isabukuru y’imyaka itanu y’amavuko ishyaka RDI rizizihiza mu kwezi kwa Kanama 2015, inama yashyizeho itsinda ry’abashinzwe imyiteguro, bakazanononsora ingingo zizibandwaho mu butumwa buzagezwa ku Banyarwanda n’inshuti z’u Rwanda. Mu nyandiko zizifashishwa, harimo manifeste shingiro y’ishyaka RDI, n’inkuru zinenga ubutegetsi bw’igitugu turwanya, zateguwe na bamwe mu bayobozi ba RDI, zigatangazwa mu binyamakuru bya Internet, zose zihurije ku mutwe wiswe “Imyaka 20 u Rwanda rumaze rugushije ishyano ryo kuyoborwa na FPR-Kagame“.
 
Bizaba ngombwa kandi gukomeza gutsindagira impamvu nyamukuru y‘ishingwa ry‘ishyaka RDI ari yo : guharanira u Rwanda rwiza, rurangwa n’ubutegetsi bwa demokrasi y’amashyaka menshi ishingiye ku bwisanzure bwa buri wese, ku kuri kw’amateka y’igihugu cyacu, no ku butabera burengera uburenganzira bw’abenegihugu bose, bugaca burundu umuco mubi wo kudahana ibyaha bya bamwe. Ikindi gitekerezo kizashyirwa imbere, ni ugukomeza kumvikanisha ko RDI ari ishyaka ry’urubyiruko, ko ritazatezuka na rimwe ku nshingano ryiyemeje, yo gushishikariza abasore n‘inkumi gushiruka ubwoba, bagaharanira impinduka izatuma bagira uruhare rugaragara mu micungire y’igihugu cyabo.
 
Mu gusoza, Prezida wa RDI yongeye gushimira abari mu nama ubwitange n’umutima ukunda igihugu badahwema kugaragaza, ashishikariza abayobozi bose mu nzego zinyuranye, gukaza umurego mu gushakira ishyaka amaboko mashya, cyane cyane mu rubyiruko. Aha yongeye kwibutsa ko politiki yitozwa hakiri kare, bishobotse umuntu atararenza imyaka 30, kandi ko kuyikora nyabyo ari ugushingira ibitekerezo kw’isesengura ry’amateka.
 
Bikorewe i Sion (Suisse), kuwa 23 Kamena 2015.
 
Mbonimpa Jean Marie
Umunyamabanga Mukuru wa RDI
 

Commenter cet article

antirukokoma 27/06/2015 13:31

Rukokoma ko wisaziye warekeye? Tukuziho ideology yo kwanga abatutsi kandi ntabwo uyikura kwa sobukwe masudi haruguru ya Ruguramigozi gusa kuko nawe warayireranywe. None ngo ishyaka ryawe ni iry'urubyiruko? Mu Rwanda tubamo ntamuntu uzagushyigikira kuko ubu twe urubyiruko twabaye umwe turi abanyarwanda. Umuzimu wa sobukwe nakureke, muterekerere umuhongere aguhe amahoro nibura uzamusange utajyanye umudamu nk'uwo yajyanye kwa nyamuzinda nkumi yo guha uburozi abahutu no kumenesha abatutsi.

Gisamagwe 26/06/2015 03:00

Rukokoma Oyééé, tukuri inyuma twese.

bibi 25/06/2015 16:56

Ariko uru rusambo ngo ni Rukokoma mwirirwa muduhata mwibaza ko hari agaciro rukigira imbere y'abanyarwanda. Rwarangije kuyatamo rushatse rwakwigira muri pension ndabona igihe cyararenze.
Naho ibya politiki narekere abandi kuko iye icyo yatugejejeho twarakibonye.

kiga,nduga,hutu,tutsi 25/06/2015 15:52

Uyu rukokosi ariwe twagiramungu faustin navutse bamuvuga kumateka mabi uyu niwe wakuruye u rwangano mu banyarwanda yaminuje mushuri ryitwa Betting university kwibeshya

Gisamagwe 26/06/2015 03:02

Imana ikubabarire kuko utazi ibyuvuga kandi iguhe ubwenge bwo kumenya no gushaka kumenya.

lll 25/06/2015 11:10

Mwambari ndagushyigikiye! Nibave muri iryo vuzivuzi tubabone baduhamagarira kujya gushyigikira ifatwa rya Karenzi no gusaba ko ubutabera bwubahirizwa. Basabe ko n'abandi bafatwa. Abashyigikiye ikibi bahagurutse, barara amajoro kuri za amabassades, abandi bagiye imbere y'ibiro by'urukiko,... mwe ko tutabumva???? Abahutu mwe, ngo mutegereje uzabaterura akabicaza ku ntebe? Niyo mpamvu n'iyo muyigezeho mutamenya agaciro kayo, mukibera mu butesi na naiveté mukibona mwasubiye mu buhake. David Himbara ndamwamera, abonye nk'abandi bagabo batanu bafite umurava nk'uwe Kagamé ntiyamara 2 mu Rugwiro, ariko arasa n'aho akora wenyine abandi bibereye muri blabla mu ma salons yabo ku kirahuri cya vin? olalalalala. Muve i buzimu mujye i buntu mwa bagabo mwe , muri abo kujya kurwana mu matora gusa, bigaragara ko icyo mushaka nta kindi atari ubutegetsi, simbona ko mushaka kurengera abanyarwanda rwose ( nta bikorwa byanyu mbona qui me prouvent ca). Ariko urebye Himbara David, nta rari ry'ubutegetsi afite, arashaka kubohora abanyarwanda ingoyi y'igitugu. Ngaho nimumujye inyuma, muturangaze imbere, mudusinyishe ama pétitions yo guharanira ubutabera.

gerard 25/06/2015 07:16

Sha nukuli uyu musaza njyewe ntacyatuma muyoboka!!! Ibyo yakooze birazwi nubwo mugerageza kumutaka aliko burya igihe kizagera nawe asobanure byinshi!!!

FDLR 24/06/2015 23:41

Aliko uzi ko muli ba Rufyikiri koko ?

Ngwije 24/06/2015 22:01

Abanyarwanda muzapfa nabi! Wowe wiyise mana watubwira icyo Twagira yakwibye kugira ngo umwite igisambo? Niwe waguze indege, asahura congo, acuruza jenoside ndetse ashyirako n'Agaciro fund...? Uzasebye abandi uyu munyarwanda we agira uko agenda!

mana 24/06/2015 21:56

imana irarema yaremye igisambo nkiki ngo ni twagira! aho kumuyoboka nayoboka kgme

fakiyu 24/06/2015 23:52

Wowe ngo ni mana urakabura iyo ujya ujye kwa rukarabankaba kagame mujye gukomeza gusangira amaraso. Muragahangayika muragahora mwikanga uyu musaza Twagiramungu. Wa ntumbwe we hari igisambo kiruta uwo mugabo wa nyoko ngo ni
kagame?

Mwambari 24/06/2015 21:33

Ngaho se murenge stade ya za bla bla mutange ikirego ; murege Kimuna uhisha " mapping repport " aho kuyisora ngo bafunge bariya bagenocideri babyagiye mu rugwiro bibye abanyarwanda.