TWIGIRE IKI KU BARWANASHYAKA BA PSD BANZE MANDA YA 3 YA KAGAME ?

Publié le par veritas

Umenya kwiga menshi ntacyo bimaze! Kubona Biruta ufite diplome ya Doctorat abeshya abantu ngo PSD ishyigikiye ko Kagame yongera kwiyamamaza bitabayeho kubera ubwoba!

Umenya kwiga menshi ntacyo bimaze! Kubona Biruta ufite diplome ya Doctorat abeshya abantu ngo PSD ishyigikiye ko Kagame yongera kwiyamamaza bitabayeho kubera ubwoba!

Mu nama y’abarwanashyaka b’ishyaka riharanira imibereho myiza y’abaturage na demukarasi PSD, bamwe mu banyamuryango b’iryo shyaka banze ku mugaragaro gushyigikira icyifuzo bagejejweho na biro politiki y’ishyaka cyo gushyigikira ko ingingo ya 101 y’itegeko nshinga ihinduka kugira ngo Kagame abashe kongera gutorerwa kuyobora u Rwanda. Bamwe mu banyamuryango b’iryo shyaka ntibatinye gusohoka mu cyumba cy’inama kubera ko batari bishimiye icyo cyemezo gifashwe n’ishyaka ryabo. Abashyigikiye ihindurwa ry’iyo ngingo bemeza ko nta wundi muntu wayobora u Rwanda uretse Kagame.
 
Gusa njye ndibaza kuri iyo myifatire y’abo banyamuryango ba PSD. Ese mu Rwanda harya hari umuntu wemerewe kugaragaza ko adashyigikiye Kagame ? Ese koko biriya bivugwa ko banze ko iyo ingingo yahindurwa nibyo koko cyane cyane ko byavuzwe na televiziyo y’u Rwanda ? Aho ntiryaba ari rya tekenika rya FPR kugira ngo bagaragaze ko ntawe baniganye ijambo n’iyo yaba avuga ibyo FPR itifuza ? Iyo wumvise umunyamakuru wakoze iyo nkuru, wibaza niba itora ryabaye mu ishyaka PSD ryaranyujze mu mucyo.
 
Umunyamakuru, yifashishije amashusho, avuga ko iyo ubonye ukuntu bakomera amashyi menshi umuntu wabaga avuze ko adashaka ko ishyaka ryabo rishyigikira ihindurwa ry’ingingo ya 101, ntiwakwemera ko itora ryari kwemeza gushyigikira ko Kagame yongera kwiyamamaza. Nyamara niko byagenze daaaaa !!!!! Aha naho umuntu akaba yakwibaza uko byaje kugenda kugira ngo abantu bisubireho batyo. Wasanga buriya harabayeho gutera abantu ubwoba noneho bose bamara kudagadwa bagakurikira, ni uko bagatora uko i bukuru babyifuza. Ibi ntitwanabitindaho na gato kuko Dr Ntawukuriryayo, nyuma yo kumwegezayo ku buyobozi bwa Senat, banamwegejeyo ku buyobozi bw’ishyaka rya PSD kugira ngo Dr Biruta abashe gushyira neza mu bikorwa umugambi wa FPR.
 
Abo rero basohotse mu cyumba cy’inama bo bemeza ko icyemezo cyafashwe na biro politique kitatowe n’abarwanashyaka ba PSD. Nyamara Dr Biruta we akemeza ko cyatowe n’abarwanashyaka benshi ku buryo no kubara amajwi bitari ngombwa. Twakwibutsa ko uretse Green party, andi mashyaka yose yamaze gushyigikira ko ingingo ibuza Kagame kwitoza bwa gatatu igomba guhindurwa maze bakongera bakamutorera indi manda. Aha rero umuntu akibaza icyo amashyaka yo mu Rwanda amaze. Niba abereyeho kugaragira FPR, niyerure maze asenyukire muri FPR bigire inzira naho ubundi aratubeshya ngo ni amashyaka kandi atari yo.
 
Ishyaka se ridashaka ubutegetsi, harimo na perezidanse ya repubulika ribaho ! Ntabwo ishyaka ari ishyirahamwe ry’abahinzi b’amateke mugani wa Me Ntaganda Bernard.  Nasoza rero nibutsa izo ngirwamashyaka ingingo 2, 7° y’itegeko rigenga imitwe ya politiki mu Rwanda. Iyo ngingo igira iti «Umutwe wa politiki ni Ihuriro ry’abenegihugu bahujwe n’ibitekerezo n’imyumvire imwe mu guteza imbere imibereho myiza y’abaturage bose n’amajyambere y’Igihugu, bagamije kugera ku butegetsi mu nzira za demokarasi n’amahoro, kugira ngo babashe kubishyira mu bikorwa ». Biragaragara ko ibyiyita amashyaka bitakiri byo kuko umwe mu mugambi w’ishyaka batakiwubahiriza ariwo wo kugera ku butegetsi.
 
Aho guharanira kugera ku butegetsi, barifuza ko ubutegetsi bwagumanwa na FPR. Kandi buriya wazasanga mu mwaka w’2017 nabo baziyumya ngo batanze umukandida kuri perezidansi ya repubulika ! Ayinya, ko bamaze se kwamamaza Kagame ubwo baba bagiye kwitoza cyangwa kongera gutoresha Kagame ? Mu banyarwanda rero dukeneye abantu bameze nk’abo barwanashyaka ba PSD (niba atari rya kinamico rya FPR) banze ikibi maze bakacyamagana, babona batari kumvwa bagahitamo gusohoka mu nama ngo bitazitwa ko nabo bari mu batoye ko Kagame aba umwami w’u Rwanda uko ibihe bigenda bisimburana iteka.
 
Me KUBWIMANA Jacques

Commenter cet article

kuramba 02/06/2015 14:44

Abatazi Biruta, Ruhashya na Gitefano baravukana ni abatutsi uko guhuma amso abantu turabizi bizahera one day

Khaled Mbanda 30/05/2015 13:46

Njye buriya muranshimisha cyaneeee, iyo mwirirwa musakuzaaa, twebe abanyarwanda tuba mu Rwanda nitwe tuzi ikitubereye kuko aho mwirirwa musabiriza twe tuba twejeje abandi busness zigenda neza, none mushaka kuduhitiramo? Muribeshya tuzi aho twavuye kandi dufite n'icyerekezo cyaho tugana.

Umuturage 30/05/2015 05:43

Abahutu b' i Rwanda twikundira Kagame. Abahutu b'i Buraya mugasara kandi ntanicyo mwijyeze mutumarira. Kagame turamuzi kubarusha. Mwebwe mwibera mubihuha gusa mutubeshya mwibwira nkakera ko muturusha ubwenge.
Kwirengagiza ibyiza president amaze kutugezaho kuko mumwanga gusa, sicyo kizatubuza twebwe guhitamo uwadufashije, uwadukuye mukaga mwadusizemo, akatwakira, akadufasha, mwebwe mwaradutaye aho mwadushoye mumashyamba ya Kongo dukurikiye ibinyoma byanyu, nyuma ndetse ali nabyo byali byaraduhejeje yo.
Ubu rwose turatengamaye. Ntanzara, abana bariga, twese turavurwa iyo twarwaye, dufite umucyo, turacuruza tukunguka, Ikindi mushaka niki...? Aliko rwose mwibwiraga ko muzakomeza kudushuka ubuzira herezo ? Twali tuzi ko muzi ubwenge, hanyuma dusanga ahubwo alimwe mutabugira. Jye ndabona ahubwo akanyu karabaye. U Rwanda rwarabasize pe. Mbasabye kuzajya murekura abana banyu bakaza mu Rwanda rwabo, batazapfa urw'ababyeyi babo baheranwe n'impuha, amatiku, ubuhemu n'ubusambo.
Apuuuuu..........mwaracanganyikiwe kabisa. Twe nimutureke twarabamenye. Ahubwo mu Rwanda rw'ubu, twabonye ko injiji bali mwe.....Injiji mbisi pe....

Kabonano 29/05/2015 23:03

Oya Rwose Kagame nimureke asubireho aliko ntakabeshye ko ali abaturage babishaka kuko nawe arabizi ko batamukunda,nanjye nifuza ko asubiraho azakurwaho nabi,kuko umennye amaraso wese niko bigenda,

fg 29/05/2015 21:32

Ariko tubivuge tubisubireho, hagati aho HE akaba abatsinze icyumutwe kabisa!
None se niba abaturage bashaka ko itegegko Nshinga ryemerera HE manda ya 3, WOWE URI KWIVOVOTA INYUMA YA ECRAN YA COMPUTER, uzasobanurira umuzungu gute ko ko HE ariwe ubiri inyuma?
Niba abaturage bamushaka, agomba gukomeza gutegeka igihugu.
Clin d’œil aux sympathisants du système Habyarimana: ngirango mwabonye uko amatora yagendaga ! Tuvuge ko Habyarimana yategetse igihugu, abanyagitarama n’abanyagikongoro bamutora 100% bibavuye ku mutima ?
Sindikubwabo yabaye Perezida wa CND byagenze bite ?
BOSE NI BAMWE.
Ibyo rero birumvikana ko kuva ku butegetsi ku neza, bitarimo.
Nyamara RNC ishobora guhindura ibintu.

MWAHURIRA ?

Kabisa 29/05/2015 16:12

M KUBWIMANA JACQUES noneho atangiye guhumuka, atangiye guca akenge aho noneho yashyize ku ruhande ibitekerezo byo kuba UMUMOTSI wa TWAGIRAMUNGU arwanya kandi ashaka kuzanamo umwuka mubi muri FDLR. Ibitekerezo wandika urwanya FRDL ubuta ingufu zawe z'ubusa kandi ubu ugosorera mu rucaca. FDLR ni AGATI KATERETSWE N'IMANA ibyako n'abazungu byarabananiye.. Bariya bantu barababaye cyane ntugakomeze kubasonga ubushinyagurira.
NDASHIMA YUKO NONEHO yuko ugiye gutuma dushyira hamwe turwanya UMWANZI W''ABANYARWANDA WARUHEKUYE AKABA AKOMEJE AMAYERI YE KUGIRA NGO ATAZAGARAGARA YIHISHA INYUMA YO GUHINDURA ITEGEKONSHINGA YISHYIRIYEHO.
M KUBWIMANA komeza iyi gahunda yo kubaka u Rwanda turwanya umwanzi wacu waduhekuye. Naho nuhindura gaunda yo kurwanya FDLR abantu babaye bari ku gasi n'IMANA ntiyazabikubabarira kuko waba wikururiye UMUVUMO uukomeza no gukurikirana KAGAME.

umuefudereri nyawe. 30/05/2015 01:36

Kandi ba sha , barimo nawe Kabisa, mushatse mwaha twagiramungu amahoro. Mushatse mwacisha make. Twagiramungu yafashije FDLR cyane ku buryo ahubwo mwari mukwiye kureba kure kuko uretse Twagiramungu nta wndi tubona uzabajya inyuma ngo bimukundire. Ni akazi kanyu kandi utazi ikimuhatse areba impamba ya se igitsure.

Ok 29/05/2015 14:21

Nteye muly 'uwavuze ngo : nimwemera ruriya ruzingo rugakomeza kubazunguza ; amateka n'ababakomokaho bazabita ibibwa n'ibigwari !

HURU RWANDAIS 29/05/2015 10:34

IBYO MBONA BITERA AGAHINDA: Paul Kagame asize umugani i Rwanda !

mascarade

Burya koko ntizikora ababyinnyi nk’abarebyi!

Ese turagana he?

Ese tubaye abande ko amenyo ya rubamba abonye abana b’abanyarwanda! Kera kabaye bati ntisubiyeho naba mbaye imbwa, nyamara naremereye bose ku mugaragaro ko ntakeneye kugundira hato akagozi katazacika nkagwa ingarame. Ariko mu buryo bwo kuyobya amarari nkinze igihu amahanga, reka nifashishe abo nahinduye nk’ingaruzwamuheto n’imvumbuzwabuhiri ziri munsi y’ibirenge byanjye, itampa rugari ngo nkore ibyo nshaka nyihonyore.

Ibintu byahumiye ku mirari, nta service n’imwe yaba iya leta cyangwa se iy’abigenga wabona utabanje kuzuza impapuro zemeza ko itegekonshinga rihindurwa mu ngingo yaryo ya 101 ivuga ko umukuru w’igihugu agomba kugira manda ebyiri zonyine maze akareka n’abandi bakayobora. Abo inda none zamaze kubata bose bitwaza ngo nta wundi muntu babona wayobora abanyarwanda kandi na bo ari abagabo. Ni gute umugabo muzima ashobora guhagarara n’amaguru abiri akavuga ati nta wundi muntu wayobora?! Na we ubwe aba yisuzuguye, byerekana ko n’urugo rwe atabasha kuruyobora. Mugukubiranya ayo manyanga yose rero basanze nta yindi nzira itari ugukomeza gushyira igitugu ku bari mu gihugu hakoreshejwe inyandiko-mpamya.

Ubushize ubwo hari kuwa mbere ku itariki ya 25/5/2015 mu masaha ya saa tanu, nanyarukiye ku kigo cy’ishuri rya Mutagatifu Visenti Pallotti riherereye mu karere ka Kicukiro, umurenge wa Gikondo ngiye gusura umwana wanjye wigayo, mpageze baramunyima ngo hari gahunda za leta bakirimo baratunganya. Narategereje, kera kabaye umwana araza mubajije ambwira ko hari impapuro barimo buzuza zivugako itegekonshinga rigomba guhinduka mu ngingo yaryo ya 101 twavuze hejuru ibyo isobanura. Nakomeje mubaza ansobanurira ko hari impapuro (formulaire) buzuzaho amazina, numéro y’indangamuntu, numéro ya téléphone hamwe n’umukono bigaragaza ko ubyemeye.

Ibi birabera no mu midugudu yose mu gihugu, aho udashobora guhabwa icyangombwa utabanje kuzuza ziriya nyandiko zihamagarira inda y’umujinya gukomeza kumiraza abana b’abanyarwanda batari abonkangoma. Abacuruza za butiki (Boutique) n’utudukuru bo babyuzuza bihuse kuko baba bafite impungenge ko ejo bashobora kubahambiriza cg bakabashinja ibindi binyoma nk’uko byahoze kuri iyi ngoma, bigatuma ubucuruzi bwabo buburizwamo na bo ubwabo batabaretse.

Ibyo bigo byo murabyumva ko ari ibindi bindi, abatazabyemeza business zabo zizagendwaho nk’uko byagendeye umushoramari Sina Gerard (Nyirangarama) ubwo yatangaga udufaranga duke mu kigega agaciro kazaca abanyarwanda maze agafatirwa ambarigo (embargo) ibicuruzwa bye bikabora, ariko umuturage utazi ruhe na ruhe we ni iterabwoba gusa rihita rimusinyisha. Ariko ko umuco wacu udutoza ko biryoha bisangiwe, mwaretse n’abandi bagafataho, kandi ko abafite umutima wa kimuntu bahari aho kugira ngo iyo mungu ikomeze kumunga imitsi y’abana b’abanyarwanda biganjemo abahutu bashinjwa ubuterahamwe bwa hato na hato n’abatutsi batemera amahano akorwa na Leta ya Kagame n’abambari bayo.

Nyamara n’ubwo wahemukiye abanyarwanda wari ugiye gutekereza neza ariko ya nda y’umujinya yaguhanze irongera ibyutsa umugara, none warekuye mu mahoro ukemera na ya ngirwa demokarasi uhora uririmba tukabona ko ishoboka none murabigaragaje mu ruhando rw’amahanga ko nta demokarasi y’ahatari diporomasi, nta na politiki y’ahatari ukuri n’ubutabera…

Perezida Paul Kagame ubona ikinamico nk’iri, akicecekera, akaryemera, na we ni ntawe, ntaho ari , nta kirimo : asize umugani i Rwanda ! Ntibizatinda kujya ku karubanda. Wait and see.

KAMALI(CYUMBA/BYUMBA)

ME EVODE UWIZEYIMANA 29/05/2015 09:32

Arega KAGAME ni JESUS wa Rwanda!! Ninde se utatora uyu mubyeyi? mwebwe mugiye kuzicwa n'ibisazi ngo murarwanya KAGAME?

OLIVIER NDUHUNGIREHE 29/05/2015 09:31

Ngo PSD ntishaka ko mandate ya 3 ibaho? ARIKO UMENYA MWARATAYE UMUTWE? udashaka ko HE PAUL KAGAME yiyamamaza se ninde? MUKOMEZE MWIKIRIGITE,MUSEKE!!! ubundi twbwe hano turimo GUTERA IMBERE

KAMANA(KIGALI) 29/05/2015 09:29

Biliya byabaye ni "TEKINI8KI" yahimbwe na OLIVIER NDUHUNGIREHE,ntimugire icyo mwizera na kimwe. Ngo buliya bashakaga kwerekana ko mu RWANDA haba DEMOCRACY,ko abantu bafite uruvugiro. Ngo bashaka kweraka ko bose badashaka ko KAGAME afata mandate ya 3 nako ko yibera KING wa Rwanda ARIKO ko la majority babishaka.NTIMURANGAZWE NA RILIYA TEKINIKA

Shun 29/05/2015 08:56

Mubintu FPR itinya harimo ko hagira utinyuka kuyigaya cg kwamagana imigenzo yayo mibi muruhame kuko izi neza yuko byatinyura benshi bapfukiranwe nagahinda nubwoba batewe nayo. nkaba mbona nta tekinika ryabayemo abantu benshi ntabwo bashaka FPR mu Rwanda na Kagame wayo. UBUYOBOZI bwa PaulKagame bwarimbuye umuryango nyarwanda nukuri nuko ari amaburakindi. u Rwanda rumeze nkimva yubakiye neza ariko imbere ari umunuko.