Burundi : Imyigaragambyo n’ihirikwa ry’ubutegetsi byahindutse intambara (kurikira) !

Publié le par veritas

Ingabo zishyigikiye Gen. Niyombare zimaze kwigarurira radiyo y'igihugu RTNB

Ingabo zishyigikiye Gen. Niyombare zimaze kwigarurira radiyo y'igihugu RTNB

21H04: Kuri uyu mugoroba mu mujyi wa Bujumbura ntamasasu ari kuvuga ariko abaturage bari mu rujijo cyane ko n'amaradiyo yabagezagaho amakuru yagabweho ibitero akaba atari gukora, umunyamakuru wa BBC uri muri uwo mujyi atangaza ko abasilikare b'ikigo gikoresha intwaro nini cyane bita blinde (bataillon blinde) aribo bivumbuye kubutegetsi bwa Nkurunziza, muri uyu mu goroba abo basilikare bari gusohoka mu kigo cyabo n'intwaro zabo berekeza ahantu hatazwi; umugaba mukuru w'ingabo z'u Burundi ushyigikiye Nkurunziza akaba yemeje ko bari gutegura igitero simusiga bagomba kugaba kuri abo basilikare bitarenze ejo mu gitondo cyo kuwa gatanu ko kandi abo basilikare nabo babimenyeshejwe. Igihugu cya Tanzaniya nacyo cyatangaje ko Nkurunziza yavuye mu gihugu cyabo ariko bakaba batavuze igihugu yerekejemo, amakuru amwe akaba yemeza ko yagiye mu gihugu cy'Afurika y'epfo naho andi makuru akaba yemeza ko yasubiye mu Burundi anyuze inzira y'ubutaka; umunyamakuru wa BBC mu Burundi yavuze ko umuvugizi wa Nkurunziza Willy Nyamitwe yamuhaye ubuhamya kuri telefoni akamwemerera ko Nkurunziza yageze mu Burundi ariko akaba atasobanuye aho ari n'uburyo yahageze! Uko biri kose Nkurunziza yagaruka i Burundi atagaruka, ibintu byahindutse cyane kuko ubu ntawe ukivuga igikorwa cy'amatora cyangwa se manda ya gatatu ya Nkurunziza, abantu benshi bafite ubwoba bw'uko ibyo byose bishobora gusimburwa n'intambara ikomeye cyane kandi idashobora guhagarara vuba!

16H00: Umuyobozi wa radiyo y'igihugu RTNB arabeshyuza amakuru avuga ko radiyo iri mu maboko y'abahiritse ubutegetsi, kuri iyo radiyo hakaba hanyuzeho amajwi ya Nkurunziza avuga ko yiteguye kubabarira abamwivumbuyeho. BBC nayo iremeza ko radiyo y'igihugu iri mu maboko y'abari ku ruhande rwa Nkurunziza.
 
15H36: Amakuru aturuka i Bujumbura ariko atangwa n'abasilikare bashyigikiye Nkurunziza ariko akaba ataremezwa n'abanyamakuru bigenga bari muri uwo mujyi aremeza ko ingabo zishyigikiye Nkurunziza zashoboye kwigarurira ikibuga cy'indege cya Bujumbura ndetse Nkurunziza akaba yiteguye gutaha mu Burundi; hagati aho radiyo y'igihugu yigaruriwe n'abakuyeho Nkurunziza ubu yongeye gutambutsa ibiganiro byayo ariko ntabwo amajwi yayo ameze neza ikaba iri guhitisha umuziki gusa!
 

15H07: Nk'uko bitangazwa na televiziyo y'abafaransa "France 24" ingabo zishyigikiye Général Godefroid Niyombare wahiritse ubutegetsi bwa Nkurunziza zashoboye kwigarurira radiyo na televiziyo by'igihugu muri aya masaha ya nyuma ya saa sita, biramutse bigenze gutyo bikaba byaba bihaye abarwanya Nkurunziza uburyo bwo gucecekesha abamushyigikiye. Uko ibintu byifashe ubu i Bujumbura biragoye kwemeza amakuru nyayo kuko ibintu bigenda bihinduka umunota kuwundi.

13H45: Radiyo y'igihugu cy'u Burundi yahitishije ikiganiro ragiranye na Nkurunziza kuri telefoni, avuga ko i Burundi umutekano ari wose ko kandi imipaka y'igihugu ifunguye, kubera icyo kiganiro cya Nkurunziza cyahise kuri radiyo y'igihugu irinzwe n'umutwe w'abarwanyi kabuhariwe bashinzwe kurinda umukuru w'igihugu byahise bitera uburakari abasilikare bahiritse ubutegetsi bwa Nkurunziza bahita bagaba igitero gikomeye ku nzuru radiyo y'igihugu na televiziyo RTNB bikoreramo, ubu twandika iyi nkuru imirwano ikomeye irakomeje hagati y'impande zihanganye mu kwigarurira iyo radiyo, mu kanya gato gashize iyo radiyo y'igihugu ntabwo iri gushobora gutambutsa ibiganiro, yahagaze (cfr: RFI-JA).

 

11H50: Nk'uko bitangazwa n'umunyamakuru w'AFP uri i Bujumbura, muri aya masaha imirwano itangiye kugenza amaguru make hagati y'imitwe yombi ihanganye hagati y'abasilikare bashyigikiye Nkurunziza n'abamukuyeho i Bujumbura. Hirya no hino mu mujyi wa Bujumbura hari kumvikana urusaku rw'imbunda nto naho imirwano ikoresheje intwaro ziremereye yahagaze. Uruhande rw'abasilikare bakuyeho Nkurunziza ruremeza ko ruri kugenzura igice kinini cy'umujyi wa Bujumbura nk'uko byemezwa n'umuvugizi wawo Vénon Ndabaneze. Nk'uko byemezwa n'umwe mu basilikare bashyigikiye Nkurunziza, abo basilikare bafite imbaraga bahabwa n'umutwe w'ingabo zishinzwe kurinda inzego za leta (garde rapprochée), uwo mutwe ukaba ugizwe n'abarwanyi kabuhariwe, akaba ariwo urinze radiyo y'igihugu RTNB kimwe n'ibiro bikuru by'ishyaka rya CNDD FDD. Naho abasilikare bahiritse ubutegetsi bwa Nkurunziza bakaba bafite imbaraga bahabwa n'umutwe kabuhariwe w'abarwanyi bo mu kirere (11è bataillon parachitiste) ari nabo bagenzura ubu ikibuga mpuzamahanga k'indege kiri i Bujumbura. Indi mitwe y'abasilikare bari kwirinda kuvuga uruhande babogamiyeho iri kugenda irinda ahantu hakomeye mu mujyi wa Bujumbura, urujya n'uruza rw'abantu muri uwo mujyi ni rucye cyane (cfr AFP).

 
Nyuma y’aho Général Major Godefroid Niyombare atangarije kuri radiyo yigenga ko ahiritse ubutegetsi bwa Nkurunziza, ntabwo ibintu birasobanuka i Bujumbura ku muntu ufite ubutegetsi mu byukuri ; kuko ingabo ziyobowe n’umugaba mukuru w’ingabo z’u Burundi Prime Niyongabo zishyigikiye Nkurunziza zikomeje kugenzura radiyo na televiziyo by’igihugu ndetse n’ingoro y’umukuru w’igihugu, ingabo zahiritse Nkurunziza ziyobowe na Général Godefroid Niyombare zicunze ikibuga cy’indege n’imipaka.
 
Mu gitondo cyo kuri uyu wa kane hakaba habaye imirwano ikaze hafi ya radiyo y’igihugu ihuje impande zombi, Nkurunziza bikaba bivugwa ko ari mu gihugu cya Tanzaniya ahantu hatazwi, naho intumwa yajyanye nazo mu nama zikaba zicumbikiwe muri hoteli i Dar es salaam. Impande z’abasilikare zihanganye zikaba ziri mu biganiro mu muhezo kuva ejo kugira ngo zigire aho zihurira ku kibazo cyakuruwe na manda ya 3 ya Nkurunziza. Amakuru ava i Bujumbura aremeza ko igice cy’ingabo z’igihugu za kera (mbere y’amasezerano y’amahoro y’Arusha) nta ruhande zibogamiyeho mu bice byombi by’ingabo bihanganye, icyo gice kikaba gicunze ko ibyo bice byombyi by’abasilikare bimarana maze nacyo kikabona gufata ijambo !
 
Radiyo zigenga i Burundi ejo zari zatangiye kongera kuvuga ubu zagabweho ibitero. Radiyo Bonesha FM yigaruriwe n’abantu bambaye imyenda ya gipolisi barayifunga, Radio Renaissance kimwe na RPA nayo yari yongeye gufungurwa yatwitswe n’abashyigikiye Perezida Nkurunziza
 
Ubwanditsi

Commenter cet article

Ukuri Kubisi 15/05/2015 01:48

@ Kwizera !
Wihangayika cyane rwose ibintu biriko biragenda neza! Petero NKURUNZIZA ari i Burundi arimo arafata ikiyeri gikannye cg se ka "wine" ashimira n' inagabo na police by' i gihugu byakoze akazi gakomeye !!!!! Ntiwirirwe uhangayika rero ngo KAGAME !!!!!! Yibeshye asunutse yo ubuzuru ntago ari bumenye ikimukubise kabisa!!!! Uri bumukubite nta wundi ni uwashoboje NKURUNZIZA gusubira i BURUNDI kandi le general putchiste NIYOMBARE yari yafunze imipaka yose ndetse n' ikibuga cy' indege ?????? Ngaho nawe byibaze umuntu wari wakodesheje indege ya SOUTH Africa agiye mu nama, nyuma yuko abwiwe ko bamukoreye Coup d' Etat agasubiza indege ya' abandi we agafata inzira yihuse agasubira mu gihugu cye!!! None se yagiy ku "rutaro" rw' abanya gisaka ????? hahahaaaaaaa!!! Genda KIKWETE uzi gukina politiki abaswa nka KAGAME na MUSEVENI bakarindagira kweri !!!!!! Viva KIKWETE, Viva NKURUNZIZA !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

kanyama 14/05/2015 22:00

ndabona nta makuru turi kubona ariko ndabakangurira kumva France 24 iri kuyatangaza yose uko ari

Kwizera 14/05/2015 19:16

- Ahagana saa kumi n’ebyiri n’igice z’umugoroba: Haravugwa abasirikare bo ku ruhande rw’abashaka guhirika ubutegetsi bashyize intwaro hasi nyuma y’imirwano ikomeye yari igamije kwigarurira Radiyo y’igihugu.Abasirikare 10 nibo bimaze gutangazwa ko bashyize intwaro hasi

Kwizera 14/05/2015 18:45

Ko mbona muhugiye mu ntambara i Burundi ntimubuge ko ingabo z'u Rwanda ziri kwerekeza Bujumbura ? Ndabona mwabaye inkunda rubyîno fr24 ivuze ko Kagama atari gukomeza kurebera none muri kwandika ubukuru bufiditse

rumenerangabo john 14/05/2015 18:18

Amahanga namwe banyafurika, gutabarA Uburundi ni inshingano zaburi gihugu.

Chiba Trust 14/05/2015 16:25

Ariko se abarundi ntibashobora kumva uwiteka ngo barekeraho kumarana?

PEACE 14/05/2015 13:49

NI DANGER! NYAGASANI ABARINDE.

mayira 15/05/2015 00:18

Dusenge nkurunziza apfe

mayira 15/05/2015 00:18

Dusenge nkurunziza apfe

mayira 15/05/2015 00:18

Dusenge nkurunziza apfe

claude 14/05/2015 21:31

Ibibintu vyo mu Burundi je ndabona naho biruko nukubandanya dusenga