Abantu 11 bahangayikishije cyane agatsiko kayoboye u Rwanda

Publié le par veritas

muri iki gihe Paul Kagame asigaye yishisha buri wese ariko cyane cyane abatutsi kuko azi neza ko aribo bazamwica!

muri iki gihe Paul Kagame asigaye yishisha buri wese ariko cyane cyane abatutsi kuko azi neza ko aribo bazamwica!

Mu Rwanda ubu hari abantu 11 babuza agatsiko gusinzira kubera kubikanga. Iki gitekerezo cyacu twagiteguye dushingiye kubyo twagiye tuganira n'abantu batandukanye bari mu gihugu hagati kandi bazi gusesengura politike y'u Rwanda muri uyu mwaka w’2015.
 
11.Dr David Himbara :
Uyu mugabo ufite impamyabushobozi ihanitse yo ku rwego rwa Doctorat mu by’ubukungu, yabanye igihe kirekire na Paulo Kagame ari umujyanama we. Ni umututsi wavuye Uganda kimwe na perezida Paulo Kagame bivuze ko byanze bikunze afite abantu mu gatsiko kayoboye igihugu baba bamufasha kumenya ibibera mu mbere. Amenyerewe kandi mu kuba asobanukiwe neza uburyo n’amayeri akoreshwa mugusahura umutungo w’igihugu. Uwacyekwa wese ko afitanye imishyikirano n’uyu mugabo yahura n’ibibazo bikomeye. Ni muri urwo rwego murumuna we Colonel Tom Byabagamba na muramu we General Frank Rusagara batawe mu mvuto.
 
10.Dr Donald Kaberuka :
Uyu mugabo nawe w’umuhanga cyane muby’ubukungu ni umwe mubatutsi baturutse mu gihugu cya Uganda. Yabaye ministri mu Rwanda mbere yo kujya kuyobora Banki Nyafrika y’iterambere (BAD). Uyu mwanya watumye yiyegereza abanyabubasha benshi i Burayi na Amerika tutibagiwe na Afrika. Uyu amaze iminsi mike atangiye kwibazwaho niba igikundiro n’inoti yigwijeho adashobora kubikoresha mugushaka kwiyamamariza kuba perezida w’u Rwanda. Yifuje kwiyamamaza 2017 byahungabanya agatsiko kayoboye u Rwanda ubu kuko kugeza ubu ntacyo babona bamushinja.
 
09.Ally Yusuf Mugenzi :
Uyu ni umuyobozi w’igisata cya BBC kivuga ikinyarwanda n’ikirundi. Nubwo BBC yafunzwe, itakivuga mu Rwanda (ndlr : ku mirongo ya FM) birazwi ko hari imishyikirano irimo kuba kugira ngo iyo radiyo yongere ivuge mu Rwanda (si ubwa mbere byaba bibaye). Nubwo bwose byagiye bihwihwiswa ko uyu munyamakuru wa BBC yaba yaragiranye imishyikirano ya rwihishwa n’abanyabubasha ba Kigali; bityo bakaba bashingira k’uburyo iyi Gahuzamiryango mbere gato y’uko ifungwa yari isigaye ihitamo komenti zo kuri facebook mumakuru yabo, bagasoma gusa izitumvikana nabi mu matwi y’abanyabubasha b’i Kigali, ndetse mu batumire mu imvo n’imvano hakaba hari hasigaye hatumirwa abatabangamiye cyane agatsiko. Ubu hibazwa uko uyu mugabo azitwara mu mwaka w’2016 na 2017 mu gihe ibihugu by’ibihangange byakomeza gushyira igitutu ku Rwanda ngo rufungure BBC Gahuzamiryango.
 
08.Dr Theogene Rudasingwa :
Uyu munyarwanda nubwo yibera mubuhungiro muri Amerika , ahangayikishije cyane abicaye ku ntebe i Kigali. Kuba azi neza inshuti za Paulo Kagame zimwe akaba yaragize uruhare mukuzihuza na Kagame, kuba kandi afite uburambe mubya politiki; kuba kandi yarayoboye RPF Inkotanyi, ibi bimushyira ku mwanya wabuza gusinzira agatsiko kayoboye u Rwanda. Kuba passport ye yaragizwe imfabusa hagamijwe kumubuza gutembera ariko bikanga bikaba iby’ubusa akaba atembera mu Burayi na Amerika bituma aba umwe mubabangamiye kandi banahangayikishije agatsiko kayobowe na Paulo Kagame.
 
07.Faustin Twagiramungu :
Uyu mugabo wigeze kuba ministri w’intebe wibera m’ubuhungiro mu gihugu cy’Ububiligi azwiho kuba atarya indimi mubyo avuga. Ni umwe mubahutu bizwi ko bigoye kuba wamugura ngo abe igikoresho. Byemezwa ko yanze ibyiza byinshi yashoboraga guhabwa n’agatsiko kayoboye Leta ya Kigali kuko yasangaga byamubuza kuvuga no kwisanzura uko bikwiye. Ni umunyapolitiki ubifitemo uburambe kandi ufite intoki zera zitajejeta amaraso, bityo aramutse yiyemeje gutaha mu Rwanda hakaba hibazwa uko agatsiko kabyitwaramo cyane ko kubona ibyo bamurega byagorana cyane.
 
06.Felesiyani Kabuga :
Uyu munyemari w’umuhutu ari k’urutonde rw’abantu bahigishwa uruhindu cyane ku isi. Nubwo yatangiwe amadolari menshi cyane ku muntu wazabasha gutunga agatoki aho ari, ntarabasha gufatwa. Umutungo we ntuzwi uko ungana kugeza ubu, hakaba hibazwa uko bizagendekera agatsiko kayoboye Leta ya Kigali igihe yaziyemeza gukoresha ubutunzi n’imbaraga bye byose kugira ngo ahirike ubutegetsi bwa Kigali.
 
05.Tribert Ayabatwa Rujugiro :
Uyu nawe ni umunyemari wagize uruhare runini mu ntambara yakuyeho ubutegetsi bwa Habyarimana Yuvenali. Azwiho uburambe muri politike yo muri aka karere u Rwanda ruherereyemo cyane ko yigeze gufungirwa i Burundi ku mpamvu za Coup d’Etat akahava atorotse uburoko. Kurebana akana ko mu jisho na Paulo Kagame ntibyamaze kabili bityo aza kwisanga yasubiye mubuhungiro. Uyu afata uyu mwanya wa gatanu mubahangayikishije ubutegetsi bwa Kigali. Hibazwa uko byazagendekera agatsiko kayoboye ingoma ya Kigali umunsi yakwiyemeza gushora ibye n’abe bose kugira ngo anyeganyeze ubutegetsi bwa Kigali. Birumvikana ko uwacyekwa kuba agirana imishyikirano ya bugufi n’uyu munyemari ari kubutaka bw’u Rwanda ntiyamenya ikimukubise.
 
04.Kigeli V Ndahindurwa :
Uyu mugabo hari abanyarwanda benshi bakimwiyumvamo nk’Umwami. Umunsi yatekereje gutaha murwamubyaye ntagushidikanya ko intebe Paulo Kagame yicayeho izahubangana. Kuba ahangayikishije leta ya Kigali byemezwa n’ingendo z’indege zihoraho z’intuma za Paulo Kagame ziba zagiye kumusaba gutaha. Ku banyarwanda bamwe bemera indagu, bemera kandi bakabyemeza abandi banyarwanda ko ntakabuza azataha kandi akaba umwami uganje i Rwanda. Ibi bituma agatsiko kayoboye u Rwanda ubu kamufata mubahangayikishije ejo hazaza h’ubutegetsi bwabo.
 
03.Marc Trevidic na Nathalie Poux :
Aba ni abanyamategeko bakurikirana uwarashe indege ya Yuvenali Habyarimana. Nubwo ari abafaransa ntabwo batuma agatsiko kayoboye ubutegetsi bwa Kigali gasinzira kuko hibazwa cyane uko anketi batangiye izarangira. Imbaraga bafite zo kuba bahamya RPF Inkotanyi kuba ariyo yahanuye indege ya Habyarimana no guhita basohora impapuro zisaba isi yose guta muri yombi agatsiko kayoboye ubutegetsi i Kigali, birahangayikishije. Aba bafaransa muby’ukuri bari kumwanya wa gatatu kuko imbaraga bafite nizo zatuma isi yose ifata RPF Inkotanyi nk’umutwe w’iterabwoba.
 
02.Sylvestre Mudacumura:
Uyu ni umwe mubasirikare bayoboye umutwe wa FDLR. Ukulikije uburyo abasirikare b’Inkotanyi barwanye Kongo (DRC) bamuvuga biragaragara ko bafite icyo bamuziho. Hari abo twakundaga kuganira babona umuntu w’umwihanduzacumu bakamuhimba ngo ni Mudacumura. Ukulikije uburyo Paulo Kagame akunda kugaruka kuri FDLR kenshi mubiganiro bye biragaragara ko itoroshye. Kuba Inkotanyi zarajagajaze igihugu cya Kongo kenshi ariko ntibabashe gutahana agahanga ke kandi kari ku isoko biragaragaza ko nawe atoroshye na busa. Mu myaka ibili ishize byarahwihwishijwe cyane ko yaba yari mu mishyikirano n’agatsiko kayoboye leta ya Kigali ngo yifuza gutaha kuko arwaye diabete.
 
01.General Kayumba Nyamwasa:
Uyu mujenerali yabaye inshuti magara wa Paulo Kagame igihe kirekire kugeza ubwo n’abagore babo bafatanya imishinga nka Green hills. Abenshi bari ku ngoma i Kigali bashizweho na Kayumba Nyamwasa. Kuba ari umututsi kandi wavuye Uganda bihangayikishije cyane agatsiko kayoboye leta ya Kigali. Iyo ukulikiranye ibiganiro uyu mugabo atanga kumaradio uhita wumva neza ko afite abantu byanze bikunze bakimuha amakuru y’i Kigali. Guhushwa kwicwa kenshi n’ikimenyetso simusiga ko ari ikibazo gikomeye kuri leta ya Kigali.
 
Iri n’isesengura ryacu bwite uwakumva hari uwo twibagiwe cyangwa uwo twashyizemo bidakwiye yatumenyesha kurubuga rwacu rwa facebook.
 
Christophe Kanuma
Umusomyi wa veritasinfo

Commenter cet article

Kamparamaka 27/05/2015 23:38

Nanjye nifatanije n'abantu bemeza kandi ntashidikanya yuko KAGAME adatinya TWAGIRAMUNGU F. kuko amuzi neza kandi ingufu za TWAGIRAMUNGU muri politiki zigashingira mu GUTANYA ABANYARWANDA (DIVISER POUR REGNER). Iyo muri iyi mins iiyo hataza ibya politiki y'U BURUNDI TWAGIRAMUNGU n'abambari be biyita M NDIKUBWIMANA n'abandi usanga bari bafite gahunda ndetse batari bashyira hasi yo kurwanya FDLR. Mbere ya 1994 ibyabaye mu RWANDA TWAGIRAMUNGU yagize uruhare rukomeye mu gutanya abanyarwanda yishakira ubutegetsi kugeza na n'ubu usanga adasinzira aricyo aharanira mu buzima bwe. VERITAS INFO muri iki gihe imufasha gushegesha no gucamo ibice FDLR kandi azi neza yuko ari abanyarwanda bari mu bibazo bikomeye.Ikibabaza abanyarwanda nuko INGUFU ZA POLITIKI ZA TWAGIRAMUNGU azishyira mu kurwanya FDLR abanyarwanda babaye ,bari mu kaga aho kuzishyira mu kurwanya KAGAME.
ICYO KAGAME atinyira TWAGIRAMUNGU ni politiki ye y'aamacakubiri no kuba RUSAHURIRAMUNDURU atanya abanyarwanda ukabona ari ISHEMA KURI WE NDETSE N'ABAMUTERA INKUNGA NKA BA SANO NA KABONAMO.
ESE UKO MWASOMYE IBITEKEREZO HARI UNDI MWABONYE BATERA AMACUMU USINYE TWAGIRAMUNGU UKUNDA AMACAKUBIRI N'AKAVUYO MU BANYARWANDA??????????

Kabonano 27/05/2015 22:41

Niba se Kagame adatinya Rukokoma wa Mugani kuki yanga Espace Pilitique,ubundi Ubundi iyo Umuntu yizeye ko akunzwe ntatinya Guhangana n'abandi,na Habyalimana yali azi ko adakunzwe niyo Mpamvu yali Amukandida Rukumbi,Kagame azi ko habaye amatora adafifitse Ntawamutora kimwe n'uko habyalimana Uretse ab'Iwabo bamutoraga ahandi byali Agahato.

nkunda 27/05/2015 20:58

Ntukageranye ibidasa ngo kabuga afatanije na Rujugiro? Kabuga yaguze imihoro yo gutema benewabo wa Rujugiro ubu nibafatanya Bazagura iyo gutema nde? Ntibinashoboka

Rwandan 27/05/2015 16:41

Hahahahah none se umu ujya iwabo yaka visa!!! Nubwo passport yayita ntabwo yabura kugera iwabo!!! Naho gutsinda nuko ibibi bilutana kandi bakaba alibo bombi bali bazwi cyane ubwo abaturage bakavuga bati ibibi birarutana bagapfa gutola rukokoma!!!! Suko nawe babaga bamukunze kwali ukubura undi batora!!!! Mwe rukokoma muramutaka kandi ali icyago mubindi!!

Sano 27/05/2015 13:07

Gutinya Rukokoma aramutinya kuko yamweretse ko atamutsinda mu matora kuko yamutsinze na kagame we Ubwe arabizi,none se atamutinya yamwimiye iki Visa yarayimuhaye se yanga kuza? azi ko Rukokoma nta Bwoba agira kandi ko atali kumufunga Umunwa no kumufunga wenda bitali bushoboke,ahitamo kumwereka ko afite ingufu aravuga ati Guma iyo mu Bubiligi,nono se muli aba bandi ninde wifuje gutaha Bamwima Visa?

kajeneza 27/05/2015 12:39

VARITAS INFO niyo niyo yonyine isigaye ikorera PUBLICITE ALIAS RUKOKOMA TWAGIRAMUNGU ntabwo KAGAME RWOSE WE AMUTINYA

vincent 27/05/2015 11:16

Burya ibuye ryabonetse ntiribaricyishe isuka.amayeri{strategy}yashakaga gukoresha yatahuwe murizanziraze1500nahitemo indi iyoyanze

vincent 27/05/2015 11:16

Burya ibuye ryabonetse ntiribaricyishe isuka.amayeri{strategy}yashakaga gukoresha yatahuwe murizanziraze1500nahitemo indi iyoyanze

vincent 27/05/2015 11:15

Burya ibuye ryabonetse ntiribaricyishe isuka.amayeri{strategy}yashakaga gukoresha yatahuwe murizanziraze1500nahitemo indi iyoyanze

Kabisa 27/05/2015 10:46

Abantu bose mwavuze KAGAME koko arabatinya usibye TWAGIRAMUNGU we n'inkinzogera yirengera arasakuza gusa nk'imbwa imoka izunguza umurizo . Abandi bakora mu ibanga kandi bakabikorana ubwenge batagereje yuko isaha izagera. TWAGIRAMUNGU AMBABARIRE cyangwa abamushyigikiye ubona abuze prudence muri politiki aracyasa nk'umwasama ,igihubutsi yishakira KUGARAGARA CMME LIDER,NA POPULARITE mu banyarwanda kandi batamwemera.
KAGAME ni umunyabwoba cyane ntabwo waba warahagaritse GENOCIDE ngo utinye umugore uje kwiyamamaza mu matora ndaviga INGABIRE VICTOIRE BYEREKANYE yuko KAGAME ari ikinyabwoba no gutinya kandi bariya bagore bavuga ishapule banyuze kuri prezidence INTWARANE byatweretse yuko adasinzira. Abantu batize bivuga amasengesho ugata umutwe uri PRESIDENT!!! yabbaaaa...

Kidoma 27/05/2015 00:39

Abo Perezida wacu atinya ni benshi. Kuvugako atinya Twagiramungu Faustin simbyemera kuko iyo aza kumutinya ntaba yaramuretse akiyamamazanya nawe. Ikindi ntaba amaze imyaka irenga 20 hariya mu Bubirigi aba yaramurangije kera. Wikwibeshya rero. Naho Ingabire Victoire we ntacyo yamutinyaho kuko ntabwo amubangamiye na gato. Ikindi mu Bacunguzi hari umugabo wingenzi umwe ubu atinya kurusha abandi (simuvuze nzamuvumba kuko ni intare batinya ). Naho Mudashi we amaze gusaza. Hari akandi gahungu kitwa Higiro Prosper ubu niko bari guhigisha uruhindu kuko kabakoreye ishyiga rishhushye. Abandi wavuze ni byo koko arabatinya cyane.

umuefudereri nyawe. 26/05/2015 23:27

Kabuga na Rujugiro babishatse Kagame yarara avuyeho. Nibagurize opposition inoti igure utubunda 5 gusa maze murebe KO ibibazo bidakemuka! Kabuga na Rujugiro nimutabare dore igihe Ni iki

City 26/05/2015 17:02

umunsi USA yamukuyeho amaboko abe aribwo muzagira icyomutangaza, nahubundi murarusywa nubusa jye mfite gihamyako ntanumwe ushobora kwibesya kuri Paul only IMANA, undi akaba USA! kuko ababesyesha amabuye yasahuye DRC.

nkunda 26/05/2015 16:55

Wowe utuka umukuru wigihugu urikwitera umuvumo utazakira numuryango wawe naho ibindi murakangata abantu 11 ntibaruta million 11 Zimukunda.

jete 26/05/2015 16:09

Menya hano mutarashishoje cyane!Errare...none Ingabire Victoire arihe?

lll 26/05/2015 14:58

Ese ko areba nk'uwo basuriye?!!! Afite isesemi aho ni hatari.

karangwa 26/05/2015 14:31

Ahumbwo ntabyo muzi ,iyo yumvise KABERUKA ntashobora gusinzira!Erega abamushyizeho barashaka kw'imika kaberuka!kuko yarabemeje umbwo yayoboraga bank nyafrika.Kuyobora urwanda rero byamworohera,Kagame rero amufitiye umbwoba kuko ntibahangana muri byose.isesengura ryanyu ndaryemera PE,murabambere

Kalizo 26/05/2015 13:13

Genda Kanuma uzi kureba kure . Abanyarwanda nibemera gukomeza kuzunguzwa na ruriya ruzingo ; mumenye ko : histoire n'ababakomokaho bazabita ibibwa n'ibigwari.

Sano 26/05/2015 12:52

Impamvu ali Umunyabwoba n'uko kugeza ubu icyo areba n'Umutekano we gusa abandi ntacyo bamubwiye,kandi Umunyabwoba ahora yikanga icyo ali cyo cyose,akaruhuka akilimbuye,ahubwo ashobora kuzicwa n'Umutima kuko nawe n'Umuntu nkatwe twese,simpamya ko asinzira neza ahora yikanga bamuvanyeho niyo mpamvu iyo arose ko kanaka yamukuyeho aruhuka ali uko atakiliho ameze nka President wa Corea ya Ruguru niwe wahahamuye ibyegera bye nta n'Uwitsamura

Chiba Trust 26/05/2015 12:37

Wowe nkunda nubwo urangajwe n'amoko nkaba ntazi icyo uricyo usibye ko jyewe ibyubwoko ntabiha agaciro cyangwa ngo bize bintu bifite akamaro.Nanjye mbona utanga analyse ko Kagame afite ubwoba yaba yibeshya...Kagame ntagirubwoba.
1.ahora atuka abazungu kandi bamufasha.
2.yavuze ko azarimbura inkambi z'impunzi yarabikoze
3.Kikwete baririmbaga ngo ni enemy y'Urwanda birahamagarana ku matelefone.
3.igihugu aragicunga, yavuze kandi yemera urupfu rwa Karegeya.
4.Kagame azi kubeshya abaturage akuraho abayobozi badashakwa.
5.Nta ministre we wari wavuga amagambo y"ubugoryi nka ba Nsekalije.
Nibindi byinshi.bibeshye bashyiramo Rukokoma kandi agira double language.ubuse mwibagiwe yishongora kuri radio ikondera ngo FDRL niyaterwa bazayitabara.ubuse yatabaye ryari? Hanze ni hanze mukomeze mwishuke....

Chiba Trust 26/05/2015 12:37

Wowe nkunda nubwo urangajwe n'amoko nkaba ntazi icyo uricyo usibye ko jyewe ibyubwoko ntabiha agaciro cyangwa ngo bize bintu bifite akamaro.Nanjye mbona utanga analyse ko Kagame afite ubwoba yaba yibeshya...Kagame ntagirubwoba.
1.ahora atuka abazungu kandi bamufasha.
2.yavuze ko azarimbura inkambi z'impunzi yarabikoze
3.Kikwete baririmbaga ngo ni enemy y'Urwanda birahamagarana ku matelefone.
3.igihugu aragicunga, yavuze kandi yemera urupfu rwa Karegeya.
4.Kagame azi kubeshya abaturage akuraho abayobozi badashakwa.
5.Nta ministre we wari wavuga amagambo y"ubugoryi nka ba Nsekalije.
Nibindi byinshi.bibeshye bashyiramo Rukokoma kandi agira double language.ubuse mwibagiwe yishongora kuri radio ikondera ngo FDRL niyaterwa bazayitabara.ubuse yatabaye ryari? Hanze ni hanze mukomeze mwishuke....

umuefudereri nyawe. 26/05/2015 23:16

Wowe Chiba Trust ubeshyeye Rukokoma. Kora iyawe analyse ntumushyiremo ureke kwigira nyiranzakaha. Rukokoma ntiyanze kandi ntiyananiwe gutabara FDLR ahubwo ba Byiringiro banze kujya inama nawe, bamukura muri CPC batabifitiye ubushobozi, bakomeza kumutuka arabihorera. Wigeze wumva abatuka? Rekera aho di, tuzi ukuri tuzi naho ibintu bipfira.

nkunda 26/05/2015 11:54

NGO Kagame numunyabwoba? Ariko abahutu ntimwabuze byose mufite ururimi. Umva ntamuntu utazapfa ariko Kagame. Ntabwo abo uvuze bamubuza gusinzira

Gakuba phibert 27/05/2015 05:58

nIBA ATARI UMUNYABWOBA NI UMUTEKA MUTWE BIRIYA BIPAPURO YIRIRWA YIKOREJE ABATURAGE NI IBYI IKI? AMAFARANGA YA MUSHYIRANYE NONE CYA KIGORYI CY'UMUSUDANI GISA NAHO BWAKEREYE CYA SABYE ABAHUTU NGO KWISHYURA IBYO FPR YANGIJE MUNTAMBARA. ABAPFUYE BARIHUSE BATABONYE ISHYANO UKO RISA.

nduwimana 26/05/2015 10:12

nibyiza cyane ahubwo abobose mutybwire nibishyire hamwe bavunire umuheto uwo wugize umwami #kagame . tubarinyuma

Sano 26/05/2015 09:01

Ili sesengura ryawe n'Ukuli,erega n'ubwo mubona Kagame akangata kuliya ushobora gusanga aliwe Munyabwoba wa mbere,kuko yikanga icyo ali cyo cyose Umuntu wafunze Kizito koko mubona Kizito hali Ubwoba ateye,cyangwa yamufungiye ziliya Ndilimbo ze z'Imana,n'Umwami witwa Nero nawe yaziraga abavuga Imana kugeza ubwo yaje Kubatwika bagashya balilimba,nyuma agatangazwa n'uko balilimbaga.

king mashira 27/05/2015 11:22

muri aba bose na bagabo nemera cyane!!ariko mya main man ni mudacumura!!