Burundi : Kuki Gen.Adolph Nshimirimana avuga ko azica Nkurunziza natiyamamaza? Ibanga ni urupfu rw’ababikira b’abataliyani!

Publié le par veritas

Burundi : Kuki Gen.Adolph Nshimirimana avuga ko azica Nkurunziza natiyamamaza? Ibanga ni urupfu rw’ababikira b’abataliyani!
[Ndlr :Bimaze kugaragara ko Gen.Adolph Nshimirimana ariwe watagetse ko ababikira 3 b’abataliya bicwa, abo babikira bakaba barazize ko hari amakuru akomeye batanze mu gihugu cyabo cy’ubutaliyani yerekeranye n’ibikorwa ingabo z’u Burundi zakoraga mu gihugu cya Congo kugeza ubwo radiyo RFI yandika ko ingabo z’u Burundi ziri muri Congo bikaza kwemezwa na ONU, bigatuma zivayo shishi itabona! Nkurunziza aramutse adakomeje kuba Perezida w’u Burundi, Gen.Adolph Nshimirimana yatabwa mu kagozi, gusa ikibazo ni ukumenya niba Nkurunziza akomeje kuba perezida w’u Burundi yakomeza kugira imbaraga zo kumukingira ikibaba ! Gen.Nshimirimana ashobora kuba yarishe ababikira b’abatariyani abiherewe uburenganzira na Nkurunziza, iyo akaba ari imwe mu mpamvu zituma Nkurunziza ashaka kugwa kubutegetsi kuko iyo dosiye iremereye! Umuyobozi wa radiyo RPA agomba igihembo gikomeye kuko ari mu bantu batumye amabanga y’urupfu rw’aba babikira ajya ahagaragara !Ni mwisomere uko iyi dosiye iteye:]
 
Nduwimana Juvent, Umukozi mu Biro by’ubutasi by’u Burundi, yatangaje ko yakoreshejwe mu bwicanyi bwahitanye Ababikira batatu b’Abataliyani biciwe mu Burundi. Nduwimana yahoze mu barwanyaga leta y’u Burundi nyuma y’amasezerano yo guhagarika intambara, asubizwa mu buzima busanzwe, yaje gushyirwa mu gisirikare ariko aza kwirukanwa kubera amakosa. Uyu mugabo akaba ngo asigaye akorera urwego rw’ubutasi mu Burundi. Yiyemerera ko yakoreshejwe mu bwicanyi bwakorewe ababikira, akaba yari yanavuzwe n’umupolisi witwa "Mwalabu" wari warabitangaje kuri Radio RPA, mu kiganiro cyatambutse kikanagira ingaruka zo gufungwa ku muyobozi wayo Bob Rugurika.
 
Mwalabu nawe wiyemereye ko ari mu bishe abo babikira, yari yavuze ko hari undi nawe wemera ko yakoreshejwe mu kwica aba babikira babaga kuri Paruwasi Guido Maria Conforti mu Kamenge. Nduwimana uvuka mu Kamenge, yavuze ko we n’umupolisi "Mwalabu" batangiye kubatumaho abantu mu ntangiriro z’ukwezi ubwo bwicanyi bwabereyemo. Baje kwitaba Maj Joseph Niyonzima bita "Kazungu", bajyana ari babiri we na"Mwalabu" kuko ari we wamubwiye ko bamutumyeho, hari icyo bamukenereye.
 
Bombi basanze Maj Niyonzima aho yubakishaga inzu, ababwira ko mu masaha aza kuza abashaka akagira icyo ababwira, ariko batari bazi. Uyu musirikare mukuru ngo yababwiye ko ibyo yenda kubatumamo bifitanye isano n’ababikira b’abazungu bashobora kuba bazi ukuri ku bikorerwa muri Congo. Inama yabahuje yabaye tariki ya 6 Nyakanga 2014, mu kabari "Iwabo w’abantu" ka Général Adolphe Nshimirimana wahoze uyoboye urwego rw’ubutasi mu Burundi, nawe akaba yari muri iyo nama.
 
Yarimo kandi ngo na Guillaume Harushimana ushinzwe imari mu kigo Centre des Jeunes Kamenge, umupolisi Ayubu, hamwe n’umuzungu witwa Claudio Marano wayoboraga Centre Jeunes Kamenge, ariko we ngo ntiyamaze umwanya munini muri iyo nama. Nyuma ngo baje guhabwa ubutumwa bwo kwica abo babikira. Nduwimana akomeza avuga ko yagiye akoreshwa kenshi mu bikorwa by’ubwicanyi, yahamagarwaga na Gen Adolphe Nshimirimana, hamwe na Gen Ndirakobuca Gervais bahimba "Ndakugarika".
 
Kuri ubu Nduwimana ari muri AMISOM, mu bikorwa byo kugarura amahoro muri Somaliya. Ababikira bishwe ni Olga Raschietti w’imyaka 83, Bernadette Boggia w’imyaka 79 na Lucia Pulici w’imyaka 75.
 
Inkuru y’igihe

Commenter cet article

jérémie 13/04/2015 12:47

ukora iciza ukagisanga imbere wakora inabi naho ikaguherekeza!

kiki 02/04/2015 13:46

iyo photo si iya Adolphe Nsh biragaraga ko urega uwo utazi !!!!!!

Ivanovitch 01/04/2015 21:01

Iyo photo ntabwo ari iya Adolphe Nshimirimana n'iya Major general Godefroid Niyombare!

Cibitoke 01/04/2015 19:56

Iyicwa ry'ababikira rirmwo Nkurunziza , Adolphe na Kagame kandi birazwi neza ko Kagame yashigikiwe kandi ashigikiwe n'abategetsi bamwe ba Amerika n'uburaya bafatanije kwica Abahutu b'abarundi, Abanyarwanda , Abakongomani eka mbere n'abandi banyamahanga. Akaba ari nayo mpamvu, ukuva k'ubutegetsi kwa Nkurunziza gushobora kugorana kuko hari amabanga menshi y'abicanyi b'abazungu na Kagame ashobora guca amenyekana, Ayo mabanga na beneyo , hamwe n'ubusahuzi bibera muri Kongo bikanyura mu Rwanda ,bishobora kuzokingirwa kubera ko hari abasirikare b'abanyamerika bashika hafi ibihumbi cumi bagiye kuza mu Burundi kandi bakazohamara imyaka irenga itanu. Mbere bamwe baza baramaze gushikayo biyoberanije.

Bolingo 01/04/2015 18:06

Noneho ngo Rutayisire Boniface aramagana ibyunamo byitwa "Mpime Rutayisire Boniface". Mwisomere ngiyo inkuru yose mvanye kumbuga:

NTABYUNAMO BYA MPIME RUTAYISIRE BONIFACE ABANYARWANDA BASHAKA MURI 2015

Banyarwanda, Banyarwandakazi namwe Nshuti z'u Rwanda,

Nk'uko bisanzwe bigenda buri mwaka, ukwezi kwa kane, Tubeho Twese n'abandi banyarwanda babiharira kwibuka inzirakarengane zose zishwe muri genocide hutu na genocide tutsi zabayeho mumateka y'u Rwanda.

Muri uku kwezi niho buri wese ahamarigarirwa kwibuka buri munyarwanda wishwe azira icyo yari aricyo hagamijwe kumutsembaho wese cyangwa igice, haba muri 1994, mbere y'aho na nyuma yaho.

Uku kwezi kandi bimaze kumenyerwa ko kubamo imihango myinshi hirya no hino ku isi no mu Rwanda. Hari abategura za misa n'amasengesho, hari abategura ingendo zo kwibuka, hari abategura ibiganiro mbwirwaruhame, hari abategura ibikorwa byo kungurana ibitekerezo, ndetse n'abiyemeza kwibukira mumago yabo cyangwa hagati y'imiryango, hari n'abategura ibitaramo n'ibindi. Kubera ubwinshi bw'ibikorwa hamwe no kugirango bose biborohere kwibuka, hari ibikorwa bikomeza nyuma yukwezi kwa Mata ndetse hari n'ibindi biba mbere.

Tubeho Twese mumirimo yayo ikunze guhuriza hamwe ibikorwa biteganijwe hirya no hino ku isi no mu Rwanda kugirango n'ababyitabira bamenye aho biherereye, udafite ibisobanuro nawe abibone, ndetse Tubeho Twese ntaho yiheza mubireba ibyunamo byose.

Ariko mbere y'uko tubatangariza imbonerahamwe rusange, turagirango mu iri jambo ryo gutangiza icyunamo cya 2015 kumugaragaro, twibutse abanyarwanda bose ko umuco wagiye ubaho mubihe bishize kuri bamwe bagiye bategura IBYUNAMO ABANYARWANDA BISE MPIME RUTAYISIRE BONIFACE bigamije gupfobya icyunamo kubwoko bumwe no gushyira hejuru ubundi bwoko kubireba genocide hutu na genocide tutsi, abanyarwanda barasaba ko uwo muco wacika burundu kuko noneho ukuri kumaze kumenyekana.

Nibyo koko mubihe bishize, muri opposition nyarwanda no mubanyarwanda bandi b'imbere mugihugu no hanze, habayeho ibihe wasangaga ikibazo cya genocide hutu na genocide tutsi hafi bose hari igihe basigaraga baragihariye Rutayisire Boniface, bamwe bagahindura imvugo, abandi bagakoreshwa n'ubwoba ndetse n'ubuhezanguni buranga bamwe n'ibindi.

Kubera ko Rutayisire Boniface yabayeho yitangira abanyarwanda bose agasobanura ikibazo cya genocide hutu na tutsi kandi akabihagararaho kugeza kundunduro igihe abandi bahuzagurika, byatumye ibyo byunamo bitinya kuvuga genocide hutu cyangwa tutsi babyita ibyunamo by'amabwabwa ndetse babiha n'izina rya MPIME RUTAYISIRE BONIFACE kuko hari n'aho byageraga bikaba ngombwa ko acyebura abo bantu.

Banyarwanda, Banyarwandakazi namwe Nshuti z'u Rwanda, aho mutegura icyunamo hirya no hino muri, muzirikane ko intambwe yo gutinya kuvuga ibya genocide hutu na tutsi abanyarwanda batakibifiteho ikibazo uretse abarwaye ububwa karande n'ubuhezanguni. Impamvu dukoresheje aya magambo akomeye nuko noneho umunyarwanda uwo ariwe wese adafite urwitwazo na rumwe. Muribuka ko amashyaka hafi yose ya opposition y'abahutu n'abatutsi n'uturere twose ndetse arimo n'abahoze mungoma zose zayoboye igihugu n'abatagira aho babarizwa muri ibyo bikuta, aherutse guhurira hamwe mu Bubirigi tariki ya 02/04/2014 agakoresha ayo magambo ya gocide hutu na tutsi mumurongo wo gusaba ko ababikoze bose bahanwa. Muribuka ko mumvugo za ONU ayo magambo ya genocide hutu na tutsi arimo. Muribuka nanone ko buri munyarwanda (nutari uhari) amaze kumenya neza ko abahutu n'abatutsi bakorewe genocide hutu na tutsi ndetse amahanga atavugirwa n'abasanganywe imico y'abicanyi arabyemera,etc. Nigute rero umunyarwanda muzima yatinyuka kunyuranya n'uko kuri. Ese hari ijambo wabona rifite uburemere wakwita uwo muntu? N'iki byamugezaho kuguma agasetsa imikara se ngo arapfobya cyangwa arahunga inyito runaka kuri ubu bwoko?
Turasaba abanyarwanda bose kuba intwari kuri iyo ngingo ntibabarirwe mubatinya cyangwa abahunga ukuri. Kubahoze mungoma ziregwa za genocides bashobora kumva birega, Tubeho Twese irateganya kugirana ibiganiro n'abanyarwanda kugirango higwe uburyo umuntu wemeye gusobanura ibibi by'ingoma yahozemo atafatwa nk'umuntu ufite ubushake buke kandi we yagaragaje ubutwari. By'umwihariko, kubireba FPR turasaba ko uwayo cyangwa uwayivuyemo utinya kuvuga ukuri kwa genocide hutu mumagambo yabyo bwite yafatwa nk'umwicanyi cyangwa umuhezanguni cyangwa umuntu w'imbwa utazagira icyo agezaho u Rwanda kuko bamaze kuba benshi bemeza bahoze muri FPR kandi bose bakemeza ko FPR yakoze genocide hutu. Igihe rero abantu bariho bashira ukabavugira ubapfobya uba urushaho kongera ububabare bwabo kuburyo ugomba kwamaganwa.
Turasaba kandi abanyarwanda kuzirikana ko ingoma ya Kagame Paul ikomeje ibikorwa byo gukomeza genocide tutsi kuko ikomeje gutsemba abatutsi ndetse buri mututsi utaragerwaho n'iryo tsembabatutsi narambure amaso afate n'imigambi ihamye kuko abatutsi nabo barugarijwe. Kagame kandi akomeje genocide hutu mumigirire inyuranye kuburyo abahutu nabo batagombye gukomeza kuba indangare.
Turasaba abanyarwanda aho bari hirya no hino ku isi kwibuka muburyo bushoboka bwose. Abo bizakundira mujye mubigeza kuri Tubeho Twese, abandi namwe bizorohera mushobora kudutumira aho muri hirya no hino.
Intero y'uyu mwaka ibe iyo kwamagana abategura ibyunamo bamwe bise Mpime Rutayisire Boniface bigamije gupfobya ibyakorewe ubwoko bumwe bigashyira hejuru ubundi.
Bitangarijwe I Bruxelles tariki ya 01/04/2015
RUTAYISIRE BONIFACE
President w'association y'abavictimes Hutus Tutsis n'abandi TUBEHO TWESE-CIVHEMG akaba na President wa Banyarwanda Party
Tel (32) 488 25 03 05
Email: infotubeho@yahoo.fr (yahoo.fr)







NB: Mwarabibonye kandi ko muri ibi bihe tugezemo, amateka arimo aturura FPR akayitimbura hasi ntampuhwe kuburyo ibyo twababwiraga mubihe bishize ko FPR yahirimye ibisigaye ari amateka ari ukuri. Abakiriyirimo cyangwa nayo ubwayo rero ikwiriye kudakomeza kurushya abanyarwanda kandi ikemera ihame ko ubutegetsi ari ubw'abanyarwanda bose.
FPR NO HASI NGO Piiiiiiiiiii

----------------------------------------------------

Le Dimanche 15 février 2015 15h49, TUBEHO VictimRwanda a écrit :


Hari umunyarwanda wasabye Tubeho Twese ngo igire icyo ivuga kuri aya makuru y'amatora y'ukuri munteko y'itangazamakuru yabereye mu Rwanda mumwaka w'i 2000 Rutayisire Boniface akayatsinda ari uwa mbere, turagirango tumumare impungenge (hamwe n'abandi ) ko ibyo aribyo kandi niko byagenze. Arakoze kandi kuba yatubajije kuburyo yiyongeraga no kubandi babijije no kuri za telephone. Uwanditse iyo nyandiko aravuga ukuri. Icyo atasobanuye cyane n'uko iyo nteko y'itangazamakuru ihuza abigenga n'aba leta yari yahuriwemo n'ingeri zose z'imyumvire iba mubanyarwanda n'itangazamakuru, kandi byari mubihe bigoye cyane abantu benshi batumvikana kubera imyumvire itandukanye kuburyo gutorwa ugahurizwaho amajwi n'impande zombi ukaba n'uwa mbere ntabwo byari ikintu cyoroshye. Bamwe mubari muri iyi nteko y'abanyamakuru nka Bwana Mbonigaba Ismail wari Directeur w'umuseso icyo gihe yabihamya. Rutayisire Boniface we yari yiyamaje kurwego rugoranye cyane kubera inshingano zidasanzwe baruhaga ko rugomba kuba rugizwe n'abantu buri wese yaba uwigenga cyangwa uwa leta yisangaho rwa comité de surveillance bise comité des sages. Nibikunda tuzagaruka ku bisobanuro birambuye ku mateka ya Maison de Presse du Rwanda (Press House)
TUBEHO TWESE
-------------------------------------------

Source: Le prophete.fr
"Sinarinziko Rutayisire Boniface yarushije Ingabire na Mbonigaba dit: Hari akantu kakunze guca hano bamwe mutazi kandi ka rurangiza kuri icyo kigabo. Sinarinzi ko ngo Rutayisire Boniface yatowe n'inteko y'itangazamakuru mu Rwanda akarusha amajwi cya gihangange Ingabire Marie Immaculée cyayoboraga Imvaho Nshya ya Leta ya FPR, uwo Ingabire ngo niwe wawundi usigaye ayobora International Transparensy mu Rwanda. Ngo yanarushije amajwi Mbonigaba Ismail akiyobora umuseso ndetse n'umunyamakuru w'icyamamare cyane witwa Ntaganzwa wahoze akorera radio Muhabura nawe yaramurushije muri ayomatora. Nyamara Rutayisire Boniface wiyamamaza akarusha amajwi ibigugu byo muri FPR mubihe bikomeye si uwo gukinishwa. Ibyo bintu bikomeje kugaruka hirya no hino. Mperutse no kubyumvana abantu nubaha kuburyo atari ibyo gukinishwa. Kuba victime w'izo ngoma ukaba utabarizwa mubakoreye FPR na MRND ndetse ukaba waraciye no mumatora adafifitse mubintu byubahwa n'isi yose inteko y'abanyamakuru ni ikintu gikomeye ku isi !!!!!!! Nyamara icyo kigabo gifite amaturufu menshi. Njyewe iyo nitegereje nsanga ntawe bahiga muri opposition. Igikuta cya MRND n'ababirigi bamwe barindagiza iyo MRND ngo itagira imbaraga babayeho bicisha hirya burya koko ubanza batagira ubwenge. Njye nari naribajije icyatumwe Gasana aza muri opposition agahitamo umuntu nk'uriya ariko maze gusobanukirwa. Gasana koko ni umuhanga mukumenya aho imbaraga ziherereye n'aho amateka yerekeza."
------------------------------------------------------------

On Saturday, February 14, 2015 3:53 PM, TUBEHO VictimRwanda wrote:

INTEKO YO KUGANGAHURA IGIHUGU NO KWAMAGA IBIBI NO BYAKOZWE N’INGOMA ZAYOBOYE IGIHUGU IVUYE KUNTAMBWE Y’IGITEKEREZO IBAYE IGIKORWA


Bwana Byiringiro Zéphanie (n’abandi tuganira kuri iyi ngingo)
Ndagirango nawe ngushimire uburyo wigora ushaka ibisubizo kubibazo by’u Rwanda. Wagize uti “Muvandimwe Rutayisire Boniface, Ndagushimiye kutwigoro ugira kandi ufitiye umuhati wogushaka gutera urubariro kurugo nyarwanda”/Par Byiringiro Zéphanie.

Ngoma 01/04/2015 15:03

Ndabona iby'i Burundi bitoroshye , birasaba amasengesho kandi amaherezo bizambukira no mu Rwanda!

J.Damascène 02/04/2015 01:42

Nyabune abanyarwanda mwakwitonze mukita kuby'u Rwanda iby'i Burundi mukabirekera bene byo.Véritas ndabona yaraguye mumutego nkuwo ba Faustin Rukokoma baguyemo baririmba ngo Kinani navaho impundu zizavuga none ni imiborogo gusa.Imyandikire ya véritas ishaje nka politiki ya Rukokoma peee.

Niyonkuru Benoit 01/04/2015 15:21

Umukuru w'igihugu cuburundi yoboneraho akarorero ka mugenzi we wa Nigeria akamera ibwirizwa shingiro icorivuga, hama akarekera abandi bakitoza kuko igihugu si tongo rya bategetsi.