Birakekwa ko u Rwanda rwashimuse umwami w’Abanyamulenge nk’uko rwari rugiye kubikora kuri Kigeli Ndahindurwa !

Publié le par veritas

Uyu ni Général Pacifique Masunzu intwari y'umunyamulenge wahambirije Inkotanyi zikava muri Kivu y'amajyepfo!

Uyu ni Général Pacifique Masunzu intwari y'umunyamulenge wahambirije Inkotanyi zikava muri Kivu y'amajyepfo!

[Ndlr : umwami w’abanyamulenge yanze intambara kuva kera, ingabo za Paul Kagame ziyambaje abanyamulenge mu gikorwa cyo kwica abanyarwanda bahungiye muri Congo, abo banyamulenge barabyanze ahubwo barwanya ingabo za Kagame, imirwano ikaze yabereye mu misozi ya Minembwe, Général  Pacifique MASUNZU w’umunyamulenge yirukana Inkotanyi muri Kivu y’amajyepfo izuba riva! Kuva ubwo Kagame yabitse umujinya waje no kwiyongera mu gihe yasabaga abanyamulenge gufashe M23 bakanga ! Kubera iyo mpamvu Paul Kagame ahisemo gushimuta umwami wabo! Iyi tekiniki yo gushimuta abantu ikorwa na leta ya Kagame gusa ku isi kandi ibyo gushimuta umwami ntabwo ari igikorwa gishya kuri we kuko na Kigeli wa V Ndahindurwa yari agiye gushimutwa na Paul Kagame muri Amerika (USA) Imana ikinga akaboko! Twizere  ko uyu mwami w’umunyamulenge atamunyuza inzira y’ikiyaga cya Rweru, ahubwo akamurekura bidatinze !]
 
Rwema Gendarme Umutware Gakondo w’Abanyamulenge, ufatwa nk’Umwami wabo mu Minembwe yaburiwe irengero mu cyumweru gishize, umuryango we ukaba usaba ko abamushimuse bamurekura agakomeza imirimo ye. Umutware Rwema Gendarme yari asanzwe atuye mu gihugu cya Uganda aho afite urugo, ariko agakurikirana bya hafi imirimo ye nk’umwami gakondo w’Abanyamulenge mu Minembwe.
 
Umuhungu we Vedaste Ndamiye yatangarije BBC ko Rwema Gendarme akomora ubwami kuri sekuruza Karojo Vedaste. Umuhungu we yongeraho ko Rwema Gendarme yarangwaga no kwanga intamabara, igitekerezo yari ahuriyeho n’Abanyamulenge batari bake. Umugore we Prossy Bonabana avuga ko aheruka kuvugana n’umugabo we kuwa kabiri w’icyumweru gishize (tariki ya 7 Mata 2015) ubwo umugabo we yari ageze i Kisoro muri Uganda ahahana imbibe na Cyanika y’u Rwanda.
 
Akihagera yakodesheje imodoka (Voiture) yo kumugeza i Goma muri Repubulika iharanira Demokarasi ya Congo, ariko ntiyarenze umutaru kuko yayikuwemo n’abantu bambaye imyenda ya Gisirikare. Mu gihe Ndamiye Vedaste umuhungu wa Rwema avuga ko hari igihugu cyashimuse umubyeyi we akanasaba ko cyamurekura, umufasha wa Rwema, Madamu Prossy Bonabana yatangarije the Monitor ko icyumweru gishize telefoni y’umugabo we idacamo, kandi ko nta n’umuntu n’umwe wo mu muryango we uzi aho aherereye.
 
Ndamiye yongeraho ko atazi icyo yashimutiwe n’ibyo bari kumukoresha. Rwema yari amaze igihe atuye muri Uganda, kuva mu mwaka wa 2002. Kuba yarashimutiwe ku mupaka w’ibihugu bibiri u Rwanda na Uganda, byatumye umugore we ajya kubaririza kuri Ambasade y’u Rwanda na Uganda ababa barashimuse umugabo we.
 
Ambasade y’u Rwanda muri Uganda ikaba yaramubwiye ko uretse no kuba itabizi, Leta y’u Rwanda ntiyakora igikorwa kigayitse nk’icyo!
 
Source:Igihe

Commenter cet article

Masabo 15/04/2015 11:55

Wowe TWARABAMENYE,ubwo urunva ibyo urimo wandika wabanje gutekereza?uwakubwiye ko FDLR iyobowe na Ntiwiragabo ninde?Ntugafate inzozi zawe ngo wumve ko ari ukuri ushake no kumvisha abandi ko inzozi zawe ari ukuri.wakabaye se uri impunzi urwanya ubutegetsi bwa Kagame,urabona uburyo uri kwitwara utari gutiza umwanzi umurindi?Kuki mwumva ko kugirango mufashe bene wanyu bari kubabarira mumashyamba ya Congo aruko arimwe mugomba kuba mubayoboye?Imyaka yose bamaze mwishyamba bahigishwa uruhindu na RDF mwarihe?None dore abo izo mpunzi zikesha kurokoka nibo murimo mutera amabuye!!! Ubwo se mukibwirako uko ari gukunda izo munzi kandi mushaka kuziryanisha?icyakora mumenye ko imigambi yanyu mudateze kuzayigeraho kuko impunzi zizi aho abo murimo mutera amabuye bazikuye,niba mutisubiye ho mwerure ko mukorera umwanzi tubimenye ariko mureke gukomeza kuzana amacakubiri mumpunzi zibabariye,mureke kuzisonga.

iseta 15/04/2015 11:47

Muratubwire. Iyi ntwari Mahoro Masunzu aracyahumeka?

Kalisa 15/04/2015 10:44

Ibinyamakuru biragwira! Amatiku muzayageza he? Ubu se ikintu kizima kiri muri iyi nyandiko ni ikihe?

AKA 15/04/2015 09:10

Wowe wiyise TWARABAMENYE iyi article yawe umaze kunyuza muri veritasinfo ni kirimbuzi! Mwagereje aho gusonga bene wanyu bashavuriye mu ishyamba! Birababaje cyane! Gukomeza gukurura inzangano hagati y'impunzi birerekana ko intambara 1990-1994 yabirukanye mu gihugu cyanyu mukiruka mutareba inyuma ntacyo yabigishije! Ayo matiku yanyu ntabwo yubaka impunzi
nuwaba abifitemo inyungu niyo mu gihe gito murarushywa nubusa! Aya matiku muri kwandagaza hano
aratiza ingufu umwanzi wiyemeje kubarimbura kandi nimukomeza iyi myitwarrire azagera ku mugambi
we! Muri kudusebya cyane!!!!!!!! Ibi binyamakuru Ikaze iwacu na veritasinfo bibaye rushenyi pe!
Biributsa ibihe twarimo mbere ya 1994! Aba bagabo Byiringiro na Twagiramungu bose barazwi! Kwirirwa mubagonganisha ntabwo aribyo ahubwo mwagombye kubagira inama bagahura bagakemura
ibibazo byabo ntibakomeze guteza impunzi abicanyi babigize umwuga! Nimukomeza aya matiku
yanyu abiba amacakubiri ashingiye ku turere n'amoko ndabarahiye urwishe ya nka ruracyayirimo!
Ntaho muzigeza kandi ntaho muzageza u Rwanda!!

Chiba Trust 14/04/2015 18:43

Ariko se aya makuru muyakurahe? Abanyamulenge buzuye mu Rwanda ko ntacyo bavuga? Ese baba ari abandi bamushimuse ??? Tubanze turebeee...ese niba bashaka empire hima bakaba bicana yewe aya makuru ni agatereranzambe ka nyina wa Nzambe...sinzi Kagame navaho abantu bazajya bavuga nde???

Cyomoro 15/04/2015 04:28

aya makuru bayakuye kuri wa muzindaro wacu witwa igihe.com

Kiksk 14/04/2015 15:53

Maze n<'Umuwami Francois Mubeza w

André Byaje 14/04/2015 15:30

Abanyamurenge cyangwa Abanyabyinshi bakomoka ku mwami Byinshi w'u Rwanda, ni Abanyiginya bakomoka kuri Gihanga,bageze i Kongo bahunga ubwo bari bamaze kwica RUGANZU kandi bari bafatanyije n'Abahutu bo kwa Mashira. Uyu Ruganzu nawe yari yaravuye iwabo i Karagwe abohoza Ubutegetsi bw'abanyiginya yica umwami Byinshi w'u Rwanda. Ruganzu yahise yigira u Munyiginya kandi ari Umuhinda w'i Karagwe. Naho Kagame ni u Mwega ushamikiye kuri Ndabarasa ku ruhande rwa nyina. Gushimuta umwami w'abanyamurenge ari guhorera sekuruza ku ruhande rwa nyina ariwe Ruganzu. Aha harimo uruhurirane rw'ibibazo by'Abanyiginya ba nyabo bo kwa Gihanga, ibibazo by'Abanyiginya bo kwa Ruganzu babohoje, n'Abega ba Kagame bo kwa Rwakagara bari ku ngoma.

mukaru 14/04/2015 15:25

Jyewe narabivuze kuva kera kandi nzahora mbivuga uyu mu Perezida ni umuti wamenyo,abamwirukaho mukomeze,ni ibandi ryahawe ubutegetsi n,abazungu kandi nabo bamaze kumurambirwa kuko amabi yose ari gukora nabo bazabibazwa.

Ngabu 14/04/2015 15:13

Ngaho daaa!! Ntangare amarira Kagame amaze iminsi aririra M23, ngo barayishe bayihoye uko isa none uyu mwami w'abanyamurenge agiye kubyishyura!! Koko perezida muzima ashimute abaturage be agere no kurwego rwo gushimuta abanyamahanga!

Muransetsa! 14/04/2015 17:55

None se bya bisasu Inkotanyi zadutegaga bigaturikira mu mamodoka no mu masoko ntibyari terrorisme? ko amahanga se ntacyo yabikozeho? kagame mumwihorere yibereye muri mission