Rwanda: Ya majyambere ahora aririmbwa, Kagame yayaciye amazi! Ngo bazayandike mu kinyamakuru abe ariho ayasomera!

Publié le par veritas

Ni ubwo yakora ate, nta majyambere Kagame yabona aruta uburenganzira bw'ikiremwa muntu!

Ni ubwo yakora ate, nta majyambere Kagame yabona aruta uburenganzira bw'ikiremwa muntu!

Nigeze numva ikiganiro Kagame yagiranye n’umunyamakuru wo muri Amerika, ariko icyo kiganiro cyarangiye numiwe! Kagame n’uwo munyamakuru baganiriye byinshi ariko bageze ku birebana n’iyubahirizwa ry’uburenganzira bw’ikiremwamuntu, ibisubizo bya Kagame bita umurongo maze akajya asubiza umunyamakuru asa n’aho ari kumubwira ati “Mbaza ibi, maze ibindi ubireke”! Aho gusubiza ikibazo umunyamakuru yari amubajije, Kagame yabwiye uwo munyamakuru ati :”ibyo nta mwanya twabitaho rwose, ahubwo mbaza ibirebana na economic growth, gender equality n’ibindi”.
 
Ibi bisubizo Paul Kagame yatangaga bitandukira umurongo w’ikiganiro yagiranaga n’uwo munyamakuru nta kindi byari bigamije uretse gushaka kurata ko ngo u Rwanda rwazamutse mu bukungu ku buryo buteye ubwoba, ko amajyambere ari munangi, ko u Rwanda ari rwo rwa mbere ku isi rufite abagore benshi mu nteko ishinga amategeko n’ibindi n’ibindi. Gusa nashimishijwe n’uko uwo munyakuru atayobejwe na Kagame, akaba yarakomeje kumubaza no kumwibutsa ko atasubije ikibazo cye!
 
Aya magambo arata ubukungu, iterambere n’amajyammbere by’u Rwanda nta munyarwanda utayazi, ndetse ababa mu gihugu n’iyo ntero bagira mu kanwa. Ikibazo cyose ubajije bagisubirisha amajyambere igihugu cyagezeho. Iyi mvugo ya Kagame rero n’abambari be umenya batazongera kuyivuga cyangwa se no mu gihe bayikoresheje bakazajya babanza kuyisasira(diluer). Muti gute?
 
Muri wa mwiherero w’abayobozi tumaze iminsi tuvugaho , Kagame ntaho yaduhishe ku birebana na ya majyambere ye, yatweretse ko ahubwo ibintu byadogereye. Uretse no kuba yari ababajwe n’uko hari byinshi bitakozwe, Kagame afite impungenge zitagira uko zingana zo kumenya ahubwo niba na bicye byakozwe bizashobora kubungabungwa bikaramba! Izi mpungenge za Kagame ntizishingiye ku busa, nyiri ubwite yamaze kubona ko ibintu byageze iwa ndabaga. Ibyo bikaba binashimangirwa n’ibyo Russ Feingold, wari ambasaderi w’Amerika mu karere k’ibiyaga bigari yavuze igihe yegura.
 

Uyu Russ Feingold wari warabaye umuzindaro n’umuyoboro wa politiki ya FPR, umenya yaraje kugera aho akabona isura ye izahangirikira maze akiyemeza kwitandukanya n’iriya ngoma ngome. Ibyo Russ Feingold yabikoze muri cya kinyabupfura kiranga abazungu mu gihe yeguraga ku mirimo ye. Mu ijambo yavuze asezera yibukije ko niba urubuga rwa politiki rukomeje kunigwa mu Rwanda nk’uko bimeze ubu, na ya majyambere bavuga azasenywa! Ni ubwa mbere uyu munyamerika yari avuze ijambo ridasingiza FPR. Iyo mvugo ye igaragaza ko yari amaze kwibohora ya ngoyi yari imuziritse maze ururimi rwe rukagobodoka akavuga ibintu mu kuri nyako. Kagame nawe yagaragaje impungenge ze ku ibungabungwa ry’ibikorwa bike byubatswe.

 
Tuvuze ku ba mbari ba Kagame, aba bo ntibaramenya ko ibintu byahindutse, ahubwo bo baracyibereye mu zasabwe barata amajyambere yagezweho Kagame nyir’ubwite atabona! Muri uwo mwiherero, inshyanutsi y’umunyamakuru (Umusajya) yarihanukiriye ati: “nyabune perezida ntimuheranwe gusa n’ibitagenda neza nabyo bike, ngo mwibagirwe ko nibura 70% by’ibikorwa by’amajyambere byakozwe kandi ko ahantu hose mugiye babibashimira!” Mu nyandiko yanjye y’ubushize kuri veritasinfo nibajije impamvu uwo munyamakuru afata ijambo ashaka gusubiza ibibazo, byabazwaga abayobozi kandi atari umwe mu bayobozi babazwaga.
 
Igisubizo nta kindi ni uko bivugwa ko uwo munyamakuru ari umutoni wa Kagame kubera ko yirirwa ahitisha inkuru zishimagiza FPR mu kinyamakuru cye “The independent”. Uyu munyamakuru ariko ntibyamworoheye kuko Kagame yamweretse ko imvugo nk’izo ntaho zihuriye n’ukuri, ahubwo ko ari icengezamatwara rya politiki rigamije kwerekana ko FPR ari ishyaka rikwiye koko u Rwanda. Kagame mukumusubiza yagize ati “Genda uzabyandike mu kinyamakuru cyawe, nzabisomera aho”. Mu by’ukuri iyo mba uwo munyamakuru  nari kumwara maze ngaceceka!
 
Ntibyagarukiye aho kuko uwo musajya yarakomeje asa n’ushyogozanya na Kagame. Kagame niho yongeye gushimangira ko ya majyambere ari ntayo. Yagize ati “Iyo 70% uvuga y’ibyakozwe, ingana n’impungenge mfite z’ukuntu iyo 30% isigaye itarakorwa, naho iyo 30% y’ibitarakozwe ingana n’impungenge mfite z’uko n’ibyakozwe bitazabungwabungwa. Ibi ni ukuri kwambaye ubusa. Erega ushobora gusanga iyo 70% yakozwe ifite agaciro gake cyane ugereranyije na 30% itarakozwe!
 
Ikindi gitangaje ni uko Paul Kagame yavuze ko n’ibyo byakozwe, ababigizemo uruhari ari abantu bake cyane. Aha ndemeranya nawe 100%. Muti gute? Ayo majyambere baririmba uwayagaburamo ibice bibiri wasanga ibyo avuga ari byo. Amajyambere yagezweho na leta n’ayagezweho n’abikorera. Mu majyambere leta yaba yarakoze, abantu bake nibo bayagizemo uruhari kubera ko hari itsinda rifata ibyemezo rigategeka abandi kubishyira mu bikorwa cyane cyane abahutu nk’uko nabigaragaje mu nyandiko maze iminsi nandika. Umuturage nawe nta jambo agira ku bikorwa bimukorerwa bityo akabifata nk’aho atari ibye.
 
Kagame ibi arabizi akaba ari nayo mpamvu yibaza niba koko ibyo bikorwa bizaramba! Naho mu majyambere yagezeho n’abikorera, ntibigoye kubyerekana. Ayo mazu yose yazamuwe i Kigali(gusa) ni ay’abantu bamwe batoneshejwe na FPR bonka igihugu bakikura, bakaba barakize bakaminuza naho abandi bakaba barahindutse nk’abagaragu babo. None se iyo Kagame avuga ngo ayo majyambere abayagizemo uruhari ni bake aho aba abeshye nihe?  Kagame azi neza ko ari aho ipfundo rizingiye, ipfundo ry’impungenge ze ko ibyakozwe bitazabungabungwa.
 
Umwanzuro
 
Mu kwanzura reka mbabwire iyi nkuru y’impamo nzi. Umupadiri wera wabaga muri Kongo yitegereje urugendo rurerure abagore bakoraga bajya kuvoma amazi, maze agahinda karamwegeka. Agiye mu mu biruhuko (vacances) iwabo ashobora gukusanya udufaranga two gukora umushinga w’amazi meza kugira ngo aruhure abo bagore. Umushinga warakozwe amazi meza agera hafi ya buri wese. Nyuma y’amezi nk’atandatu, abantu babyutse mu gitondo basanga impombo zazanaga ayo mazi zose bazirimbaguye, barazicoca zirashwanyagurika!
 
Muzi ari bande bamennye izo mpombo? Ni ba bagore padiri yagiriye neza. Muti bazimeneye iki ? Anketi yakozwe yagaragaje ko abo bagore bazimennye kubera ko batari bakibonana ngo baganire, buri wese yari yarabaye imfungwa y’urugo rwe ! Mu kujya kuvoma ayo mazi, niwo mwanya abo bagore babonaga wo kuganira bagaturana agahinda buri wese akavuga ibye maze bakaruhuka ku mutima.
 
Mu kwanzura rero navuga ko amajyambere umuturage atagizemo uruhare ngo abazwe icyo yaba akeneye kandi yifuza, ayo majyambere ntashobora kuramba, wa muturage azayasenya kuko atabona icyo amumariye. Uwatekereje mu mwanya we buri gihe akemura ikibazo kidahari cyangwa kitihutirwa. Uko niko Kagame na Rupiyefu ye bayoboye abaturage. Ku mpungenge za Kagame ngira ngo mubwiye bumwe mu buryo zashira niba koko yivuza kubona ibisubizo. Bitari ibyo rero namubwira nti « Kenyera zikubone  cyangwa zikurye !».
 
Me KUBWIMANA Jacques

Commenter cet article

Interahamwe 12/03/2015 11:48

Nabonye hano hari abari kwita abantu interahamwe bakibwira yuko arigitusti, bikaba bigaragara yuko badasobanikiwe icyo akokazina gasobanura. Interahamwe nabantu bashyize hamwe kugirango bagere kuntego nziza biyemeje, kandi icyo nicyo dusabira abanya Rwanda bose. Kagame ntabwo yagayaga abayobozi be aruko ababazwe ningorane abantu bafite, ahubwo nibwabucakura bwa FPR iligushaka ahantu yahera kugirango yiyamamaze. Ibirero turabimenyereye kuko iyo amatora yegereje bigira abantu beza bakerekana yuko badukunze ariko amatora yarangira bakaba impyisi.

Kanimba: impamvu nta majyambere mu RWANDA 11/03/2015 15:38

ntabwo RWANDA yagera kumajyambere ifite impunzi nyinshi hanze.Ayo majyamabere avugwa ntacyo amaze niba hari abanyarwanda bayahejwemo. HAZABA IBIBAZO BYANZE BIKUNZE

Rwaka 11/03/2015 12:08

Iyi foto ni ikimenyetso cy'imitekerereze n'imikorere ya FPR-inkotanyi. Nkuko Me Kubwimana yabivuze ibintu byose bikoranwa ubuhubutsi n'ubuswa bitangaje bikaba nk'urwiganwa rw'amajyambere atatatekerejweho neza kandi adakemura ibibazo bya rubanda.Imyambarire ya Kagame muri uyu muganda iragaragaza ko atazi icyamuzinduye.Mbona iyo yiyamamaza nibura ashyira akagofero ka FPR mu mutwe ngo gakingire izuba iriya misoso ye nyamara hano yayanitse kandi ngo agiye gucukura imirwanyasuriitaka rishobora kwisuka ku mutwe.Iriya suka ifite umuhini ureshya naho bwakereye ntiwayihingisha ngo uzacyure umubyizi. Ahantu ahagaze biragaragara ko ari ukwifotoza gusa kuko hariya uhahagaze isuka yawe ntiwayikubita aho ushaka gucukura. Ahantu hatoranijwe gukorerwa umuganda haraterekereye ntabwo hakenewe imirwanyasuri kandi biranagaragazwa ko nta baturage bandi bari baje gufasha uwo muperezida ukunzwe cyane n'abaturage k'uburyo atorwa na 95% kubahiriza uriya muhango. Nta topograhie yari yakozwe kugira ngo imirwanyasuri ikorwe mu buryo koko bwarinda ubutaka. Mu by'ukuri uriya si umurwanyasuri kuko udafite aho uturuka naho werekeza ahubwo wasanga ari bya byobo rusange ashyiramo abo amaze kwivugana.Kariya kagabo kateze impanga muri uriya mwobo nako kanitse igitiyo gusa aho kugikoresha gashobora kuhasigara.Umugabo w'ipantalo y'umuhondo wishingikirije umuhini w'isuka nk 'inkoni y'umushumba arabeshya Kagame k'umugaragaro ibyo arimo ntaho bihuriye n'umuganda.Uriya mugabo w'agashati k'ubururu n'akagofero nibura asa naho yari yiteguye kuba yakora umuganda ariko ahageze asanga ari igikorwa cyo kwifotoza gusa abura uko yifata.Kariya kagabo katagaragara neza gatunga intoki mumwobo rusange bahinduye umurwanyasuri umenya kereka Shebuja rya buye rigaragara ritagomba kwica isuka.Abandi bose buri wese yibereye mu bye, barabeshya baratekinka amafoto yo kubeshyano kurangaza rubanda ngo bashyigikiye umuganda kandi batanazi icyo aricyo, Veritas info izabshyirireho ifoto ya Habyarimana atangiza umuganda muri Nyarugunga wenda byafasha intore kumva ko kubeshya ntacyo bimaze.

TEMBERE 11/03/2015 10:45

INKONJI MURI IKI GITONDO.

Abacunguzi bavuze ko ntantambara bashaka ko bagitanga amahirwe yuko ibintu byatungana hatamenetse amaraso nubwo kungoma y'agatsiko ya Kagame iyo amaraso atamenetse ibintu biba byadogeye.
Murwego rwokwerekana ko kuba turi kubabererekera ataruko turi abagore babo,Muri ikigitondo ABACUNGUZI Bokubise INKONJI abiha ngo bari kubahiga ahagana Irwidi hitwa RUBIRIZI, ahabereye ka échauffement kakanya gato,ubu barindwi muri abo bakaba bahafatiwe,abandi bagakizwa n'amaguru ,bahasize idukoni twabo.
Twarazibahaye none bari kuzidusubiza,

INZIRA 11/03/2015 11:26

Nimubakubite bo kavunumuheto.
Mujye munyuzamo muce agasuzuguro. Izo nkoni zabo mwongere muzegeranye.

Ntiyamira 11/03/2015 09:47

Abahutu n'Abatutsi barwanya Umwicanyi Kagame: Harageze ko twiyunga tukaba umwe tukunamura u Rwanda

Ubwiyunge bw'Abahutu n'Abatutsi barwanya umwicanyi Kagame n'ibisambo bye niyo ikwiye kuba intambwe yambere muri uru rugamba turiho. Ibintu byitwa amashyaka bikwiye gushyirwa kuruhande, amashyaka akazashingwa umwicanyi atagicura inkumbi mu Banyarwanda.Ubu ikihutirwa kandi cya ngombwa ni Inkubiri y' "Impinduramatwara Gacanzigo".

Ubuhutu n'Ubututsi tubishyire kuruhande, amateka adutanya tuyashyire kuruhande, dufatane urunana duhagurukire icyarimwe turwanye uriya mwicanyi turi umwe!

Umwicanyi yashinze bamwe mubambari be kujya biyambika impu z'Abahutu cyangwa Abatutsi b'abahezanguni kugirango bakomeze guteranya no gushyushya urwango mu Banyarwanda, ariko aba batindi dukwiye kubima amatwi tukunga ubumwe kuko nibwo buzaduha intsinzi yo gutsinda Nyagutsindwa!

Ben Rutabana ati "Wima amaraso igihugu imbwa zikayanywera ubusa"

Ngarambe 11/03/2015 09:30

Niba se u Rwanda rutera imbere interahamwe zikababara kandi nazo ari abanyarwanda ubwo murumva ayo majyambere ari amahoro? Abanzi b'u Rwanda ngo ni abanyarwanda kandi n'abitwa abayobozi niko babibona , none se murumva icyo gihugu hari ubuzima gifite igihe abaturage bacyo bifuza ko gisenyuka? Ibyo mu Rwanda ni amayobera!

Bene 10/03/2015 23:53

Uko u Rwanda ruter'imbere niko Interahamwe mubabara, mushengeshwa nibyo abantu badasa namwe bajyezeho. Négativisme stérile ridicule yanyu niyo mvugo musigaranye. Nibyo musigaye mwita opposition na critiques da !!!!!Cerveaux zanyu mwarazineye pe !!!!!!
Namwe nimwiyumvire ibyo uyu muntu amaze kuvuga muriyi article yanditse.
Urwanya ubukene, ubujiji, ubunebwe na ruswa niwe ugaye ? Cyakora abo abwira bo ko atali Interahamwe nkamwe, amaherezo bazabyumva. Ibyo bamaze gutunganya sibikeya urebye uko Rwanda mwarusize naho rugez'ubu. Mwo gacwa mwe nta soni mugira ?
Ubu se ko Interahamwe mwarwaye amavunja kuva kera akaba aribyo Kagame akibavura, izarwaye amavunja mubwonko nkuyu zo azazivura ate ?

Kamali 10/03/2015 23:13

Ibyo Kagame avuga ni ukuri! Abantu benshi mu Rwanda usanga bari kuvuga ngo yabagejeje ku bintu byinshi ariko ntibavuge ibyo aribyo, kugira ngo abarebe neza gusa! Wa mugani wa Kagame bazandike ayo majyambere yazanye twese tuyasome ndetse tunayagereranye n'ayo yasanze! Ni imihanda ingahe Kagame yubatse? ni ministeri zingahe yubatse? ibibuga by'indege yubatse ni bingahe? Ibibuga by'imikino (stade)yubatse ni bingahe? amazu y'ubutegetsi yubatse ni angahe? Ibitaro yubatse ni bingahe? n'ibindi ntarondora. Nihamara kugaragazwa ibikorwa yagezeho tuzabigereranya n'ibyo abo yasimbuye bagezeho! Gusa ikizwi cyo ni uko leta ya Paul Kagame ariyo yabonye imfashanyo nyinshi cyane kugeza n'aho ibihugu by'amahanga bishyira amafaranga mu ngengo y'imari y'igihugu ntaho byigeze biba ku isi! Gukomeza abantu bavuza induru ngo amajyambere yatugejejeho BATAVUGA AYO ARIYO ni ukuducanga !! Ni ukumirwa gusa !!

Karangwa 10/03/2015 22:51

Ikibazo gikomeye mbona abantu bumvise ijambo rya 'nyakubahwa' batitaho ni iki: Kagame ntashobora kwitandukanya n'abategetsi yishyiriyeho ngo yigire umwere. Abashyiraho kugirango bamufashe kuyobora igihugu, uwo binaniye akaba afite ububasha bwo kumwicaza. Iyo ajya kubashyiraho ntabaza kubaza abanyarwanda, bityo iyo bakoze nabi singombwa kubataranga kuri radio na television. Ibi buvuze na none ko iyo bakoze neza niwe byitirirwa, bityo niyo bakoze nabi niwe ugomba kubibazwa. Niba bose bari 'useless' akabareka kandi abizi, nawe ni 'useless'. Niba bakora nabi ntagire icyo abikoraho kandi abizi, amakosa yabo niwe agomba kubazwa. Ibi nibyo byitwa kuba mukuru (umukuru w'igihugu). Mu yandi magambo, muri ririya jambo, Kagame ubwe yiyemereye ko gutegeka igihugu byamunaniye. Bityo rero kuberako we ubwe yiyemerera ko gutegeka igihugu byamunaniye, yagombye kurekura ubutegetsi, cyane cyane ko nta nicyo yasezeranije abanyarwanda ko agiye guhindura. Kuberako we ubwe yiyemerera ko gutegeka byamunaniye, yagombye kuvugira kumugaragaro ko atazongera gutegeka nyuma ya manda afite ubu ngubu. Mu gihe atarabivuga, abo ntumva ni abo bose birirwa basakuza ngo itegekonshinga rihinduke bazongere bamutore. Bamutore kugirango uRwanda rukomeze rutegekwe n'umuntu wiyemerera ubwe ko gutegeka igihugu atabishoboye?