Rwanda : igihugu kiragana he ? Ngo « twavamo umwe twashira ! »

Publié le par veritas

Uyu ni Evode Uwizeyimana , ngo ubwenge bwe bwavuye mu mutwe bujya mu gifu kubera gukorera FPR!

Uyu ni Evode Uwizeyimana , ngo ubwenge bwe bwavuye mu mutwe bujya mu gifu kubera gukorera FPR!

Muri iki gihe mu gihugu cy’u Rwanda hatangiye gahunda yo gutekinika uburyo bwo kubeshya amahanga n’abanyarwanda, ngo « abaturage barashaka ko ingingo y’itegeko nshinga y’101 ivugururwa kugira ngo Paul Kagame azongere kwiyamamariza manda ya gatatu mu mwaka w’2017! Iryo tekinika rikaba riyobowe na bamwe mu nkomamashyi z’abanyarwanda zivuga ko ari impuguke muby’amategeko, tukaba twavuga nka Evode Uwizeyimana wigeze kuvuga ko gukorana na FPR bisaba ko ubwenge buva mu mutwe bukajya mu gifu, ibyo akaba ari nabyo Evode yahisemo !, Ibitekerezo bya Evode ntagaciro na gake abanyarwanda babiha kuko nyirabyo yabitesheje agaciro kuva yafata icyemezo cyo kusubira kubyo yanze nk’imbwa !
 
Tugarutse ku bitekerezo biri gutekinikwa hirya no hino mu Rwanda bibeshyera abaturage ngo barifuza ko Paul Kagame afata manda ya gatatu ntacyo bishobora guhindura ku cyemezo Paul Kagame yafashe cyo kugundira ubutegetsi kugeza apfuye. Ubwo yafataga ubutegetsi mu mwaka w’1994, yihaye umwanya wa vice-président w’igihugu, uwo mwanya nta hantu na hamwe wari uteganyijwe mu mategeko cyangwa se mu masezerano yari ariho icyo gihe, nta nubwo Paul Kagame yabajije abanyarwanda niba bamwemereye gufata uwo umwanya, amaze no kuwurekura nta wundi muntu yawuhaye! N’icyemezo cyo kugundira umwanya wo kuba Perezida wa repubulika Paul Kagame yagifashe cyera, umunsi n’italiki inkomamashyi z’abadepite zizateraniraho zikabeshya amahanga ko zigiye gukoresha referandumu yamaze kugenwa, bakaba bari gutegura imiti ya rubanda bakoresheje ba Evode, mbere yo gutangaza iyo taliki ngo batazatungurwa!
 
Ikibazo Kagame afite kugeza ubu si uko adashobora guhindura iryo tegeko nshinga kugira ngo akomeze yigundirize kubutegetsi, ahubwo kugeza ubu ikibazo kimubangamiye ni ukubona impamvu yo gusobanurira abamuhaye ubwo butegetsi (ibihugu bikomeye) impamvu adashobora gusimburwa n’undi muntu uwo ariwe wese yihitiyemo ! Ibinyoma no gusakuza cyane Evode yirirwa ashyira mu banyarwanda ntabwo bishobora kumvisha umuzungu wahaye Kagame ubutegetsi impamvu adashobora kuburekura, akaba ariyo mpamvu ibiganiro byo guhindura itegeko nshinga bitareba abanyarwanda, ahubwo bibatesha umwanya, si ngombwa kubitega amatwi kuko ari ibinyoma biteye isoni !
 
Abanyarwanda barimo ibice 2, hari igice cy’abanyarwanda bahunze ubutegetsi bwa Kagame kubera ubwicanyi bwe, n’abanyarwanda bari imbere mu gihugu. Abanyarwanda bahunze leta  ya Kagame nta burenganzira bafite ku gihugu, nta nubwo bashobora kugira icyo bavuga ku butegetsi bwa Kagame kuko batari mu gihugu. Ubutegetsi bwa Kagame, bwahindura itegeko nshinga kugira ngo akomeze ategeke kugeza yezu agarutse nk’uko babyivugira, yashyiraho Cyomoro akaba ariwe umusimbura, ntacyo ibyo byose bibwiye impunzi z’abanyarwanda, igihe cyose ubutegetsi bubi bahunze bukiriho!
 
Abanyamahanga benshi bagiye bagerageza kubwira impunzi z’abanyarwanda ko ntagahora gahanze, ko Kagame azavaho bagataha, ko ndetse byanditse no mu itegeko nshinga; ariko guhindura iryo tegeko bizaba bihaye izo mpunzi impamvu yo kumvikanisha neza isura y’ubutegetsi bwa Kagame bagiye basobanurira amahanga kenshi ntayumve, ntayindi nzira izaba isigaye uretse gufasha izo mpunzi urugamba rwo gusubira mu gihugu cyazo, icyo akaba aricyo kibazo Paul Kagame afite kandi amagambo ya Evode akaba ntacyo yagikoraho!
 
Abanyarwanda bari imbere mu gihugu nabo barumiwe ! radiyo Rwanda n’ibindi binyamakuru mu Rwanda bitumira abantu 3 bagatangaza ko abaturage bashyigikiye ko Kagame azagwa kubutegetsi, abo bantu bavuganye n’itangazamakuru bakaba bahindutse abaturage bose basaga miliyoni 11 ! Paul Kagame ategurirwa urugendo rwo gusura abaturage mu ntara, bagahita bategura n’abaturage barimo abakecuru bashaje baza kubwira Kagame ko nadakomeza kuba umukuru w’igihugu baziyahura! Iryo tekinika ryo kugundira ubutegetsi kwa Kagame rikaba ryarahindutse urwenya !
 
Birazwi ko ubutegetsi bwa Kagame budashyigikiwe n’abaturage ahubwo bwashyizweho kandi bushyigikirwa n’ibihugu bikomeye by’amahanga ; impamvu zose zo guhindura itegeko nshinga kugira ngo Kagame azagwe kubutegetsi zikaba zigenewe ibyo bihugu bikomeye kugira ngo bikomeze bishyigikire ubwo butegetsi bwa Kagame, naho abanyarwanda bo bararengana, ikibazo gikomeye Kagame azagira nyuma y’umwaka w’2017 ni ukumenya niba ibyo bihugu bikomeye bizakomeza kumushyigikira, nibimukuraho amaboko , imbwa zizaba zimuriye ! Ngizo impamvu z’ikinamico abanyarwanda bari kumva buri munsi ryo guhindura itegeko nshinga!
 
Uburambe bwa Paul Kagame kubutegetsi buzahinduka impfabusa !
 
Muri iryo kinamico ryo kugumisha Paul Kagame kubutegetsi, Evode n’abatekereza nkawe bavuga ko Paul Kagame aramutse atabaye umukuru w’igihugu, ibintu byose yagezeho byasenyuka! Niba ari uko bimeze, u Rwanda rwaba rugana mu kuzimu kuko amaherezo ruzasenyuka kuko Paul Kagame atazatura nk’umusozi! Ni gute muri miliyoni 11 habura undi muntu ukunda u Rwanda ? Imyaka irenga 20 Paul Kagame yamaze yubaka (uretse ko tutarabona urutonde rw’ibikorwa by’ibitangaza yakoze) ; ibyo byose bizaba impfabusa niba igihe cyose azaba atari k’ubutegetsi, ibyo yakoze byose bizasenywa! Abantu benshi baramutse bafite iyo myumvire, ntabwo ibikorwa Kagame yakoze abanyarwanda baba babyishimiye kuko bazabisenya igihe azaba atakiriho!
 
Abantu batekereza nka Evode bashimangira ko guhindura itegeko nshinga ari ngombwa kugirango Kagame azagume kubutegetsi kugeza igihe Yezu azagarukira, niba ariko bimeze nta mpamvu yo gukoresha amatora mu Rwanda kuko itegeko nshinga riba ryarahinduwe kugira ngo Kagame agume kubuyobozi ! Bisanzwe bizwi ko amatora yo mu Rwanda ari ikinamico ariko byaba bisekeje abaturage batoye ko Kagame akomeza kuba umukuru w’igihugu bigatuma n’itegeko nshinga rihindurwa kubera iryo zina rye, nyuma ukongera guhamagara babaturage ngo nibaze batore undi waba umukuru w’igihugu ! Ibi bakaba babyita kwinyuramo ! Nyuma y’umwaka w’2017, ikitwa demokarasi ishingiye ku matora nta gaciro izaba ifite mu Rwanda, akaba ariyo mpamvu abanyarwanda bakomeje kuniganwa ijambo kuko baramutse bavuze ko badashaka kuyoborwa na Kagame twabasanga mu kiyaga cya Rweru ! Ariko kandi niba hari abanyarwanda bashaka ko Kagame akomeza kuyobora, hakaba n’abandi bashaka ko hajyaho undi, ibyiza ni uko itegeko nshinga ryaguma uko riri aho guteza intambara mu gihugu.
 
Abanyarwanda, ni bikorere imirimo yabo, abashobora gukiza amagara yabo bisimbukire naho ubundi ubu butegetsi bwa Kagame buzasiga ingerere !
 

Ubwanditsi

Commenter cet article

Masabo 19/03/2015 14:26

Mumureke atuyobore igihe n'icye,ariko amaherezo ntazategeka ubuziraherezo,igihe kizagera aveho aryozwe abacu yishe ndetse n'abanyamahanga yishe bose.

RWARA 19/03/2015 10:14

NTABWO MWESE MWIBUKA RWARAKABIJE ALIMO YEMEZA KO INKOTANYI NTAMPUNZI ZISHE MULI KONGO. YABIVUGAGA SE ABIVANYE KUMUTIMA. EVODE RERO NAWE NTIMUMURENGANYE!

NAVAHO 19/03/2015 04:59

NTABWO ALI UKUMUKUNDA AHUBWO NI UBWOBA. KANDI RERO UNO MUKINO TURAWUMENYEREYE. BIZIMUNGU PASTEUR SE WE NTIYAVUZE KO IBYO YAVUGAGA BYOSE, YABAGA YATUMYWE.HALI ABIYAHURA KUBERA KO KAGAME ALIHO-NGO HALI NABAZIYAHURA ARAMUTSE AVUYEHO. ICYO TUZI NI UKO NAVAHO, ABANTU BENSHI BAZAVUZA IMPUNDU.

Sano 18/03/2015 23:23

Evode Ali mu bakulikiye amatora mu Rwanda muli 2003,yabonye neza uko yagenze bili no mu byatumye ava mu Rwanda,akaba impunzi muli Canada,kuba afite ubwene Gihugu bwaho ntibyatuma bashatse kumuhambira batabikora na Ingabire afite ubwo mu Buhorandi,ntago abantu bose babasha kugira indimi ebyili nkawe.

kayitesi 18/03/2015 23:05

Il faut que dés demain matin le 19/03/2015, tous les partis politiques d'opposition commencent à se faire entendre partout au Rwanda: se faire inscrire officiellement, recruter leurs adhérents ouvertement sans peur du FPR-Kagamé.
ce n'est en 2016 que les Twagiramungu Faustin,le Mwami Kigeli,le géneral Kayumba Nyamwasa,le Prêtre Nahimana Thomas,les rescapés du génocide de FPR-kagame(FDLR abacunguzi),le fdu,les urukatsa, et autres grands et petits politiciens; commenceront à s'approcher le peuple rwandais pour le sensibiliser au changement du pouvoir et au réconciliation nationale.
donc les personnes déterminées pour sauver le Rwanda,le peuple rwandais et l'administration rwandaise doivent dés maintenant commencer leur politique au Rwanda pas sur l'internet,pas dans les journaux ,pas aux buvettes ou dans la rue.
si les fondateurs ont peur d'être emprisonnés comme Madame Victoir Umuhoza Ingabire lesconseils que je les donnent c'est de partir tous ensemble ou de demander d'être accompagnés par la securité internationale,regionale ou nationale comme le FPR inkotanyi a fait pour être loge dans le CND
si vous n'êtes prêts à faire ça nous allons demander où vous êtes en refuge ou pas de fermer vos site et vous rapatrier par force car vous êtes ibigarasha et vous distrairez beaucoup de

Semanzi 19/03/2015 09:37

Le comportement de Kagame ne surprend que les naifs. Kagame ne quittera pas le pouvoir de son propre gré. il sera là encore en 2020.
Contrairement aux dictateurs Nkurunziza & Kabila, Kagame a réussi vraiment à imposer la peur et la terreur, raison pour laquelle il n'y aura personne pour contester la violation de la constitution en cours!
Aux monstres de la carrure comme Kagame (qui tue tout ce qui n'est pas d'accord avec lui), il ne peut y avoir qu'une seule solution: le faire partir par la violence. Et c' est ici que se trouve la clé du problème. Est-ce que les rwandais sont determinés ? Pour moi, non, la pluspart de rwandais continuent à rêver que les occidentaux, qui ont hérissé Kagame au pouvoir, vont le faire partir miraculeusement. Magayane l'a prédit et ca arrivera!
Je serais le 1er à applaudir son départ, mais permettez-moi de douter cette stratégie fataliste, surjectif et fataliste qui me fait penser à un peuple drogué

Jay 18/03/2015 22:57

Njye nikundiye bariya baturagekazi bahatiye kuvuga ko bifuza ko Kagame azagwa ku butegetsi. Umwe ati: no kwiyahura nziyahura niba adakomeje ngo adutegeke! Undi na we yungamo ati: azigumireho kugeza Yezu agarutse! Ibi aba baturagekazi , ndetse na Kadihirambetezi Evode, bavuga bazi ko bidashoboka ariko nyine barabwira FPR ibyo ishaka kumva! Niba rero iyo FPR ishaka kumva ibintu nk' ibi, igeze aharindimuka. Niveho!

Manzi 18/03/2015 19:24

Mubareke basonge mbere mu kavuyo (mess) ka politiki !! Ba Evode n'abandi bashishikaye mu gushuka abanyarwarwanda mbatuye akaririmbo" Umuntu ni nkundi" Mugire amahoro ya Nyagasani.

FDLR: Kuvukana "imbuto" kwa KAGAME 18/03/2015 19:20

Mbese KAGAME yaba yravukanye imbuto? ko cyera abatutsi bavugaga ngo bavukanye imbuto,aho uyu musazi we ntiyaba yarazivukanye? Ayi ayinya!!!!twebwe FDLR tuzarwanya ikintu cyose cyavukanye imbuto mu RWANDA kuko tutemera ibyo

KAGAME =Umwami=King! 18/03/2015 19:17

arega u RWANDA rwahindutse KINGDOM! ngo na KAGAME kandi ngo ni UMWAMI W'U RWANDA!Ibi bikavuga ko azaguma kubutegetsi kugeza apfuye KUKO NGO NTA MWAMI WEGURA!

john 18/03/2015 18:12

Tuvuge kuri ba advocat baburana imanza z’amahugu, kandi bagatsinda !
Uwo Evode mumuhe amahoro kuko ari ku kiraka !
Mbese ari wowe uri ku mwanya we, wabyifatamo ute ?
Wavuga ngo « Kagame dehors ! ». Keretse uri ikihebe, washatse kwiyahura.
Buriya aragoswe. Avuga rero ibintu bamutegetse ko avuga.
Natwe rero, tujye dushyira mu gaciro.

nzabandora 18/03/2015 18:02

Harya iyo Doctorat evode yayiboneye hehe ra???? Muri ULK cg ni kagame wamuhaye kuri zimwe birirwa bamuha uwo evode yavuye muri Canada ahunga ubushomeri yarabuze akazi usibye kwirirwa akorera fotocopi abarimu bo muri kaminuza bari mubushakashatsi hari ikindi yigeze akora muri canada? Ntacyo komereza aho aho kwicwa n'ubushomeri wakwicwa n'amasasu gusa yaba utabeshyaga abaturage. Ayinyàaaaaaaaaa

Mugarura 18/03/2015 17:49

Rwose Mbonyingabo uvuze ukuri, impamvu zo kurwanya Kagame hakoreshejwe intwaro ziruzuye, ahubwo njye mbona atari FDLR gusa igomba kwitegura, hashobora kuvuka indi mitwe yitwaje intwaro ishyigikiwe n'abandi banyepolitiki kuko Kagame nahindura itegeko nshinga azaba abaye umu dictateur wujuje ibyangombwa ugomba gukurwaho n'imbaraga za gisilikare! Abanyarwanda babe biteguye kongera kwiruka !

Kanamugire 19/03/2015 01:42

Buriya rero ukuri guca muziko nigushya Gusa abantu nubwo batakwibaza ibiriho ario amateka agaraza iherezo ryibintu byabayeho nibizbaho. Ntagushidikanya Ko u Rwanda rutayoborwa n'ibitekerezo by'abanyarwanda ahubwo n'ibitekerezo by'abapfumu. Ubu rero ntibyoroshye kuko nabarwanya ubupfumu ubu basigaye baramya ubutegetsi bwa Kigali. Muri bo ndavuga amadini akorera mu Rwanda, yituramiye azi neza ibibera mu gihugu, anatu barapfa, akarengane, nbindi bibi, ntanumwe uvuga ko ibintu biba ari bibi, Mana yange. Imana izikorera akazi kuko abo yabwiye gukora baranze nta kundi yo izamanuka kandi izabirangiza. Gusa mwitegure mumyaka micye.

Mbonyingabo 18/03/2015 17:18

Kagame ibinyomabye yabeshye byuko mu Rwanda hari imiyoborere myiza bigiye ahagaragara. Ntakintu Kagame ashobora kubeshya abazungu kuby`imiyoborere myiza mugihe yaba amaze imyaka 20 ayobora, ariko akaba atarabashije gutegura ushobora kumusimbura. Ba Evode nibo barikwibeshya, ntibashobora kubeshya umuzungu uzi ijambo (leadership) ubuyobozi icyo risobanura. Abigisha leadership bavuga yuko umunsi wambere winjiye muri ofisi ugomba gutangira gutegura ugomba kugusimbura, none ngo umuyobozi wintangarugero muri Africa (Kagame) amaze imyaka 20 atarateguye ugomba kumusimbura, ibyo nu rwenya!! Icyakora kagame niba ategura guhindura itegeko shinga FDLR nibe itegura intwaro kuko impamvu zokugaba ibitero zizaba zuzuye.

Karangwa 18/03/2015 16:55

Biteye agahinda! Burya koko ngo iminsi ntimujya inama! Kagame ageze aho avugirwa n'umuntu nka Evode wavuze ko ubutegetsi bwe ari nk'ubw'amabandi yitwaje intwaro! None se uyu Evode hari ukuri cyangwa ibitekerezo bizima afite abanyarwanda baha agaciro bazi imikorere ye!! Ngo ubwenge bwe bwagiye mu gifu!! Dore dosiye ya BBC igiye kubakubita hasi kandi baravuze ko igomba gufungwa mu Rwanda! none se buriya ba Evode bagabanyije igitutu amahanga akomeje gushyira kuri Kagame ko aricyo yari yarabashyiriyeho? Ngo iyo bijya gucika bica amarenga koko!!

MAKENGA 18/03/2015 23:50

Dore icyo bita politiki y'akavuyo (mess)!! Mubareke kuko igihe kirageze ngo politiki y'ikinyoma yiyanike ku gasozi izuba riva!! Igitugu cyakomeje kuvugwa mu Rwanda noneho gihawe umugisha n'umunyamagegeko witwa Evode!! Gukoresha abaturage mu bushukanyi bw'ibibazo bibarenze bya politiki nabyo ni igitugu kiri kwandagaza ubutegetsi bwa Kigali! Mubareke bivuyange maze Evode abatize umurindi tuzareba ikivamo! Ni agahinda gusa! Ba Paplo na Ntambara bari bakwiye kwiha akabanga ntibajye birirwa batukana kuri runo rubuga! Mbatuye indilimbo umuntu ni nkundi yenda hari abo yagira icyo imarira bakagarura ubumuntu!!!!!!

Mbonyingabo 18/03/2015 17:51

Nibyo Kagame ateye agahindi umuntu ushaka yuko abaturage bamuha impano yokuguma kubutegetsi, nibibi byose yabakoreye. Bacumugani ngo umugabo bwa asaba uwo yimye. Evode yiyemereye yuko gukorera FPR arugukura ubwenge mumutwe ukabushira mugifu, turamwumva ntabwo arubwege burikuvu mumutwe ahubwo nubwo mugifu. Nonese, FPR koko ayomagambambo ya Evode haragaciro iyaha?