RDC : Ibitero bya FARDC kuri FDLR n’intambara cyangwa ni ubwicanyi ?

Publié le par veritas

Ingabo za Congo FARDC zirwanira mu modoka  zirwanya FDLR iri mu ishyamba!

Ingabo za Congo FARDC zirwanira mu modoka zirwanya FDLR iri mu ishyamba!

Kuwa kabiri taliki ya 24 Gashyantare 2015 nibwo hazindutse humvikana urusaku rw’amasasu y’ingabo za Congo muri Kivu y’amajyepfo mu misozi iri hafi y’umujyi wa Uvira, ingabo za Congo zikaba zivuga ko zafashe abasilikare 40 ba FDLR bamburwa intwaro naho abasilikare 3 ba FDLR bagwa muri ibyo bitero. Kuwa gatanu taliki ya 27 Gashyantare 2015, ingabo za Congo zikaba zaragabye ibitero kuri FDLR muri Kivu y’amajyaruguru hafi ya pariki y’ibirunga, ingabo za FDLR zikaba zaranze kurwana zihita zigira muri Pariki y’ibirunga. Biragoye kwemeza ko ibi bitero by’ingabo za Congo iri kugaba kuri FDLR byakwitwa intamba kuko havugwa intambara igihe hari imbande ebyiri zihanganye ziri ku rwana,nyamara  FDLR ikaba yaranze kurwana na FARDC!
 
Amakuru aturuka mubasilikare bamwe b’inkotanyi andi akaba atangwa n’abarwanyi bo mu mitwe inyuranye iri muri Congo yashinzwe na Kigali, ni uko abasilikare b’umutwe udasanzwe w’inkotanyi (Force spéciale) bacengeye igisilikare cya Congo banyuze mu barwanyi b’imitwe yitwaje intwaro iri muri Congo mu rwego rwo gusubiza abo barwanyi mu ngabo za Congo kugira ngo bareke ibikorwa by’ubunyeshyamba, abenshi muri izo ngabo za FPR bakaba barinjiye muri FARDC bitwa abarwanyi ba M23 batahutse. Abo basilikare  ba FPR binjiye muri Congo nibo bari mu ngabo ziyobowe na Mandevu ziri mu gikorwa cyo guhiga abanyarwanda bari muri Congo.
 
Ingabo za ONU ziri muri Congo monusco zamenye hakiri kare ko igisilikare cya Congo cyacengewe n’inkotanyi, Monusco isaba Congo gukura izo ngabo z’inkotanyi zacengeye mu ngabo za FARDC bahereye ku basilikare bakuru, maze ingabo za Congo zigahabwa ubufasha na monusco; Congo ikaba yarasanze ubwo busabe bwa monusco ari agasuzuguro, monusco nayo isanga kuba Congo itubahiriza ibyo isabwa ari agasuzuguro, ihagarika inkunga yagombaga guha ingabo za  Congo.
 
Amakuru ava muri monusco yemeza ko intasi zayo zamenye ko izo ngabo z’inkotanyi zacengeye mu ngabo za Congo zifite gahunda yo kwica impunzi z’abanyarwanda ziri muri Congo ku bwinshi no kwivugana abasilikare b’igihugu cya Tanzaniya n’Afurika y’epfo bari mu mutwe udasanzwe wa monusco ushinzwe kurwanya imitwe yose yitwaje intwaro iri mu burasirazuba bwa Congo. Kubera iyo mpamvu monusco yafashe ingamba zo kwikingira no kurengera abasivili.
 
FDLR iri kubyinisha muzunga FARDC n’Inkotanyi!
 
Mu bitero ingabo za Congo FARDC zifatanyije n’inkotanyi ziri kugaba kuri FDLR biri gufata ubusa! Congo ifite gahunda yo gufata abasilikare benshi bashoboka ba FDLR naho inkotanyi zifatanyije na FARDC zikaba zifite gahunda yo kwica abanyarwanda bose bari muri Congo ariko muri iyo migambi yose nta numwe uri kugerwaho kuko FDLR yanikiye inkotanyi muri tekiniki ya gisilikare!
 
Urugero twatanga ku bitero biri kugabwa kuri FDLR muri Congo ni uko kuwa kabiri taliki ya 24/02/2015 ingabo za Congo zagabye igitero ku gasozi kitwa Mulenge kari hafi ya Uvira zishaka kugota ngo zifate abasilikare ba FDLR; ingabo za Congo zageze kuri ako gasozi FDLR yaragiye kera, izo ngobo za Congo zica abaturage 3 zibita abasilikare ba FDLR zifata n’abagore babiri b’impunzi z’abanyarwanda. Izo ngabo za Congo zahise zigaba igitero ku gasozi ka Nyundwe, zisanga FDLR yahavuye kera, zirakomeza zigaba igitero ku gasozi ka Kanyovu zisanga FDLR yagiye kera, kuwa kane taliki ya 26/02/2015 ingabo za Congo zigaba igitero ku gasozi ka Lulingwe zisanga FDLR yarahavuye kera, amakuru atangwa n’abaturage bari muri ako karere bakaba bavuga ko FDLR yasubiye ku gasozi ka mbere ka Mulenge yambaye imyenda y’ingabo za Congo, ubwo bikaba bisaba ko ingabo za Congo zongera gusubira inyuma zigatangira zikajya kwirukana FDLR ku dusozi twa mbere yasubiyeho, gutyo gutyo! Ng’uko uko imirwano yifashe muri Kivu y’amajyepfo, none se ibi twabyita intambara? Congo ko ishaka ko FDLR iva muri Congo ahubwo ikaba ihungira muri Congo bizagenda gute?
 
Kuwa gatanu taliki ya 27/02/2015 ingabo za Congo zirimo Force spéciale za Paul Kagame zagabye igitero kubasilikare ba FDLR hafi ya pariki y’ibirunga muri Kivu y’amajyaruguru, izo ngabo za Congo zafashe abaturage 7 zivuga ko ari abasilikare ba FDLR, kandi ingabo za FDLR zarahise zanga kurwana na FARDC zikigira mu ishyamba rya pariki y’ibirunga! Ingabo za Congo zakomeje kurasa ibisasu ziri mu modoka kandi zidashobora kugenda mu mashyamba! Muri ibyo bitero byose uwitwa Sayinzoga ushinzwe ikigo cyo koza ubwonko abanyarwanda bavuye muri Congo giherereye i Mutobo aracyahanze amaso mu kirere ngo ategereje ingabo za FDLR zishyize mu maboko y’inkotanyi, ariko yarahebye!
 
Tekiniki ikomeye yo kurwana ingabo za FDLR zikoresha kandi ikaba yaratesheje umutwe ingabo za Congo na Kagame ni uko zanze kurwana zigahunga Inkotanyi na FARDC zikirirwa ziruka imisozi zigacoka, ubu zikaba zimeze nkizataye umutwe kuko zitabona abo zirwana nabo. Kagame na Kabila kimwe n’ababatera inkunga bose bibwira ko FDLR imeze nka M23, ko ifite ibigo bya gisilikare cyangwa uturere yigaruriye, nyamara siko bimeze, FDLR iri hose muri Congo, ikaba idashaka kugira ubutaka bwa Congo yigarurira kuko igihugu cyayo ni u Rwanda, ntabwo rero wayigabaho ibitero uvuga ko wayambuye ibigo n’udusozi itigeze ifata, ibyo nibyo byatesheje umutwe Congo!
 
Ibitero bya FARDC n’inkotanyi bishobora gufata indi sura!
 
Leta ya Congo na Kigali byateguye neza ibi bitero maze bakora intambara y’itangazamakuru (guerre médiatique) kugira ngo batere ubwoba impunzi z’abanyarwanda ziri muri Congo kugira ngo zishyire mu maboko y’inkotanyi ku ngufu ariko ntacyo bishobora gutanga kuko abanyarwanda barabisobanukiwe neza, ni muri urwo rwego mwagiye mubona amakuru ashyushye cyane avuga ko ngo FDLR bayambuye intwaro nyinshi cyane harimo n’iziremereye ngo ndetse n’ibirindiro byayo birafatwa kandi ibyo byose ntabyo FDLR ifite! Ugasoma mu binyamakuru byo mu Rwanda ngo ingabo za FARDC ngo zishe Général Major Damascène Ndibabaje wa FDLR uzwi ku izina rya Musare kandi uwo mu Général ataba muri FDLR, ngo bafashe Major wa FDLR utagira izina n’ibindi!
 
Iyi ntambara y’itangazamakuru ihishe gahunda yo kwica impunzi nyinshi muri Congo bikavugwa ko ari FDLR bishe, aha akaba ariho imiryango inyuranye ya ONU, abanyarwanda bari hirya no hino ku isi ndetse na monusco bahanze amaso kuko impunzi nizongera kwicwa nk’uko byakozwe mu myaka yashize bishobora kuzagwa nabi leta ya Joseph Kabila ariko igihangayikishije cyane ni uko inkotanyi ziri mu ngabo za Congo zishobora gutinyuka kwica ingabo za monusco zirimo abatanzaniya n’abo muri Afurika y’epfo nk’uko zabihawe mo inshingano kugira ngo ibyo bihugu bikure ingabo zabyo muri Congo maze intambara igahindura isura , ingabo za ONU zikarwana na FARDC ishyigikiwe n’inkotanyi za Paul Kagame!
 
Niba se ibitero biri kugabwa kuri FDLR ariko ntirwane kandi ntibashobore kuyifata amaherezo azaba ayahe ko ikomeje kuguma muri Congo? Ikimaze kugaragara ni uko ibitero bya gisilikare ntacyo bigomba gukemura ku bibazo by’umutekano muke w’akarere, nta nubwo bishobora kurimbura FDLR nk'uko bamwe babyifuza; ikigomba gukorwa ni uko amahanga yafunguka amaso agashyira igitutu kuri leta  ya Paul Kagame, akemera ibiganiro bimuhuza n’abatavuga rumwe n'ubutegetsi bwe, u Rwanda rugatekana, abanyarwanda bakabona gusubira mu gihugu cyabo mu mahoro, naho ibindi byose bizakorwa hatarimo ibiganiro bizafata ubusa! Gusa rero Kagame nakomeza kwinangira bizamukururira intambara yo ku mukura kubutegetsi kugira ngo akarere kose kagire amahoro nk'uko byagendekeye abandi banyagitugu bose!
 
Ni ukubitega amaso.
 
Ubwanditsi

Commenter cet article

Kabayija 02/03/2015 21:16

NONGERE MBISUBIREMO, IKI NI IGIHE IMANA ISHAKA GUPIMA ABANYARWANDA, IREBE NEZA KO HARI ICYO BIZE MU MASOMO BACIYEMO! NIBA HARI URUHANDE RUKIRI KWIBONA KO ARIRWO RUKWIRIYE KUBA MU RWANDA RWONYINE, AHUBWO N'ABARURIMO BARAZA GUSANGA ABANDI MU MASHYAMBA, KUGIRANGO BUGUREYO GUKUNDANA BAGARUKE BUMVA KO ARI ABAVANDIMWE. FDLR NI ABANYARWANDA, FPR NI ABANYARWANDA. NAHO IBINDI MWIBWIRA MURARUSHYWA N'UBUSA.
MBABAJWE N'UKO NIMUTIHANA RUZATURWA N'ABANYAMAHANGA MWARAMAZE KUMARANA!
UMUTI NI UMWE RUKUMBI: KWEMERANA. MWIBWIRA KO ABO MWITA FDLR BADAFITE BENE WABO SE? URUMVA WAKORESHA IYIHE STRATEGY KUGIRA NGO URANGIZE ABANTU RUNAKA? ABABAKOMOKAHO SE NA BO WABARANGIZA? ABO WITA INYENZI SE BO NTA BENE WABO BAGIRA? GUKEMURA IKIBAZO CY'ABANYARWANDA NI UKUBAFATA KIMWE, UKABAHA UBURENGANZIRA BUNGANA KU GIHUGU CYABO.

STRATEGIES ZA FDLR:Mumenye imigambi yabo 02/03/2015 16:24

FDLR ubu igiye gutangira gushyira ku mugaragaro STRATEGIES ZAYO Z'INTAMBARA BITA GUERILLA.FDLR ifite plans nyinshi cyane. FDLR ishaka kwereka umwanzi ko KURWANA ataribyo bizakemura ikibazo cya FDLR +IMPUNZI. Ngirango mwabonye ko batangiye kwicwa na muzunga aho barimo bavuga ngo bishe FDLR nyamara nta na FDLR imwe yigeze igira ikibazo.IBYO BALIMO BAVUGA NI PROPAGANDA. Bazaruha basubire mu RWANDA na KINSHASA nkuko baje naho FDLR yo izaguma ibe intact. IKINDI: mwirinde abswa mu ntambara barimo bavuga ngo: KUKI FDLR ITARWANA? NGO KUKI FDLR IHUNGA? Ubundi se FDLR yagiye muli CONGO kurwana? irwanira iki muli CONGO? FDLR se ikeneye gufata ubutaka bwa Congo? FDLR se ikeneye ubutegetsi bwa Congo? oya! Bityo rero nta mpamvu yo kurwanya FARDC. FDLR irwana ishaka kulinda IMPUNZI gusa.Hazagire uhohotera impunzi maze wirebere UKO BIGENDA.

www www.goo 02/03/2015 13:33

Bana b iwacu tu bari i nyuma kandi urugamba murwanda nurwanyu n urwacu ntuduhwema kubaragiza Imana kandi amahoro murwanda Íman yamaze kuyabategurira ubundi mugatunga mugatunganirwa abanyarwanda bose bakabubahira ubwigenge mwagize muguharanira amahoro asesuye mu banyawranda bose. ..Rugira abahezagire

Matayo 02/03/2015 11:53

FDLR bana bacu ; mukomere ! Nashimishijwe no kumenya ko muri kumwe n'abanyamulenge bahunze umwicanyi Kagome bamaze kumenya amanyanga ye .Félicitation ! Mukomeze mukine umukino wo mu lya kimeza . Nabonye ukuntu umukumu aguruka mu biti ahongaho ndavuga nti yayayaaaa....guruka guruka wo kagirimana we tugufatiye ily'ibulyo .ONU yicisha inzirakarengane yakagombye kurinda kuva muri 1996 "va s'autodétrouire lui meme". Ndagena sindagura .tuzakizwa na ONU nshya No 3 . Umunyarwanda aho ari hose akomere . Ahazaza niho heza kandi haduhishiye byinshi !

FDLR:@Matayo 02/03/2015 12:38

Komera MATAYO we!! arega ntabwo FADLR ilimo kurwana na FARDC. Ni inkotanyi zinjiye FARDC zikaba zarazanywe no KWICA IMPUNZI hano. IZI NKOTANYI turazizi,tuzi neza uburyo bwo KUZICINYA. Ni nayo mpamvu ZATAYE UMUTWE.Muli makeya gahunda ni iyo KWICA IMPUNZI kandi ni KAGAME ulimo abikora

FDLR irimo gutsinda ibitego 02/03/2015 11:52

FDLR ilimo gukoresha TACTIC MILITAIRE zatunguye FARDC. Urugero: FARDC iraza ikirukuna FDLR ahantu,FDLR ikigendera. Nyuma y'amasaha 6,FDLR ikagaruka hahandi bayirukanye. Nuko FARDC ikagaruka. IBIMBAYITA GUTATANYA BASILIKALI.None se abasiikali bo kurwanya FDLR bazavaha hehe ko FDLR kandi ilimo gukoresha basiikaili 3 gusa. Urugero FDLR islimo kujya hantu ikarasa kandi ari abasilikali 3 gusa ,nuko FARDC ikagenda ikajya kureba aho hantu. HARYA IYI NTAMBARA MURUMVA ITAFATA IMYAKA 30?

Reka mbabaze!! 02/03/2015 11:47

harya ngo bishe Maj Gen MUSARE? uyu se ko ataba muli FDLR? Ngo FDLR bayambuye ibirindiro harya? FDLR se igira ibirindiro bizwi hehe muli Congo? IBI BABYITA intamabra y'amagambo gusa: PROPAGANDE MEDIATIQUE andi ntacyo izageraho

Agnes 02/03/2015 11:43

Mureke abana bazi "GUERILLA" baze babigishe kurwana cyane.Maze tuzarebe ko hari uzatsinda FDLR. FDLR isigaye ili mu bantu bazi kurwanda "guerrilla" ku isi yose.

FDLR 02/03/2015 11:39

FDLR nkuko twabivuze kuva kare,dushaka DIALOGUE kandi dushaka AMAHORO. Ntabwo gahunda ya FDLR ari ukurwana na FARDC kuko ntabwo dufite gahunda yo gufata ubutaka bwa CONGO yaducumbikiye imyaka 15 yose. TWAMAGANYE INKOTANYI zaje kwica IMPUNZI gusa. Naho kuvuga ngo FDLR izafatwa ku ngufu byo ni ukwibeshya cyane. Urugero: FARDC iraza ikirukana FDLR ku musozi umwe,FDLR ikahava,nyuma y'amasaha 4 FDLR igasubiora hahandi bayirukanye YAMBAYE IMYENDA YA FARDC. Ibi nibyo bita "GUERILLA". Ni PLAN B. Hari andi mayeri mesnhi ,FDLR izakoresha. Arega kurwanya FDLR siwo muti: just DIALOGUE

Mbonyingabo 02/03/2015 11:00

FDLR mukomere kurugamba, byanze bikunze tuzatsinda izonkoramaso ngo KAGAME na KABILA mukomeze mubateshe umutwe. Byanzebikunze baravaho, dusigarane amahoro yacu. KAGUTA azabakurikira hanyuma, maze aho yashize Habyarimana nawe ahajye.

Abazadufasha 02/03/2015 08:16

Abazadufasha kugera kuri revolution nka ba Nyamwasa batinyutse kuvuga ukuri kuri Kagome wateguye genocide y'abatutsi b'imbere kugirango abagire igitambo cyo kuba Umwami;akadusobanurira iby'abajeune yigishije kwica iMakerere aribo yanyanyagije mu Rwanda hose ; aribo bagenzuraga ama barriere banakora propagande z'ubwicanyi....Bravo Mr . Ni umuganda ukomeye kimwe na BBC itararipfanye kandi izi ko hari inyungu za zahabu zigomba guhishirwa ........

Kuri muvunyi 02/03/2015 07:48

Hari n'uwishe umwana wari uvuye kwiyibira umwumbati wo guhekenya mu ntambara agirango awirire wenyine aho kumusaba ngo amuvunireho agace . Umwicanyi ni nkundi ! Ariko ubu turasaba ONU niba ikibaho gufata ariya mabandi yishe miliyoni zirenga 10 muri aka gace k'ibiyaga kandi ku buryo bwihuse ! Iyi genocide yakorewe "les bantous "mu Buganda, Rwanda;RDC;Burundi;Tannzanie + abanizwe ;abarozwe muri Afrika ...Mu byukuri : niba miliyoni 10 zishwe utazitabarije byihuse nuko hari icyo uhishe inyuma . Naho uwishe wese azabibazwa na gouvernement y'abanyakuri izajyaho nyuma ya revolution y'abaturage turambiwe tuzakora .Abatutsi ;abahutu n'abatwa b'abanyakuri mukomere turi kumwe . Abari kumwe n'Imana irabasanga kandi ntacyo bishisha kuko nta shyano bakora .Muhagarare bwuma tuzatsinda.

Muvunyi 02/03/2015 02:33

Lu pour vous:

DORE VIDEO YOUTUBE Y'Ikiganiro cya BBC Gahuzamiryango kukwibuka abanyepolitiki ba Republika ya mbere bishwe (igihe cya mbere uragisanga kuri iyi link (lien) :

https://www.youtube.com/watch?v=hNNzQtsUl1E

Muvunyi 02/03/2015 02:32

Lu pour vous:

DORE VIDEO YOUTUBE Y'Ikiganiro cya BBC Gahuzamiryango kukwibuka abanyepolitiki ba Republika ya mbere bishwe (igihe cya mbere uragisanga kuri iyi link (lien) :


https://www.youtube.com/watch?v=hNNzQtsUl1E


..

www www.goo 01/03/2015 23:56

Turi muntambara ikomeye kandi tugomba kuyirangiza inyenzi tuzirukanye mu gihugu cyacu...inyenzi ndi kuvuga nikariya gatsiko kamandi yabaganda birirwa banywa amaraso y abanyarwanda ngo bari gutegeka. .babeshye isi none yarabavumbuye ubuse bazajyahe koko. ...nukubakanira urubakwiye ibyo bita ampire hima bikabaviramo umuvumo. .biyumvamo ubunyenzi cyane niyo mpamvu bica nabi ukagira bo ntibava amaraso. .icyo basigaranye nukwiyahura. ..ubundi abanyarwanda twese tugatura tugatunganirwa baba abatwa abatutsi n abahutu. ..muze dusenyere umugozi umwe twikize ayo mashitani ...

Rwanyonga 02/03/2015 07:03

Uravuga ukuri rwose. Abanyakuri twese dukwiye kwamagana EMPIRE HIMA ya FPR na RNC. Mwibukeko ubu intambara iri kuba kuri FDLR, Rudasingwa ari Kugeza ngo ayiri inyuma mu gihe afite ikipe yohereje kuvugana na FPR !! Opposition mbere yo kwirukana inyenzi ibanze yirinde bihagije RNC.

www www.goo 01/03/2015 23:56

Turi muntambara ikomeye kandi tugomba kuyirangiza inyenzi tuzirukanye mu gihugu cyacu...inyenzi ndi kuvuga nikariya gatsiko kamandi yabaganda birirwa banywa amaraso y abanyarwanda ngo bari gutegeka. .babeshye isi none yarabavumbuye ubuse bazajyahe koko. ...nukubakanira urubakwiye ibyo bita ampire hima bikabaviramo umuvumo. .biyumvamo ubunyenzi cyane niyo mpamvu bica nabi ukagira bo ntibava amaraso. .icyo basigaranye nukwiyahura. ..ubundi abanyarwanda twese tugatura tugatunganirwa baba abatwa abatutsi n abahutu. ..muze dusenyere umugozi umwe twikize ayo mashitani ...

Cibitoke 01/03/2015 15:46

Yaba MONUSCO, yaba Leta ya KONGO, bose ni bashire ubwenge ku gihe; bareke kwica impunzi z'abahutu zibereho, hanyuma bashire inguvu zidasanzwe kuri Kagame, impunzi zitahe mu cyubahiro gukora politike mu gihugu cyabo. Ntabwo dushobora kwihanganira uwo mushenzi Kagame ngo akomeze yice Abantu.

Gakuba phibert 01/03/2015 13:15

Nibyo nabwiye inkotanyi zandika kuri uru rubuga ko FDRL Ntabutaka irinze muri Congo. niba Kagame na Kabila biyemeje kwica impunzi. Ubwo amahanga azabibabaza. Monusco nayo muri mandat zayo ntabwo ari ukurinda leta ahubwo ni ukurwanaho abatishoboye( abaturage ) babarinda inkozi zikibi. Ntakindi cyatumye Kabila yanga ubufasha bwa ONU ,NI UKO BARIBAFITE UMUGAMBI WO KWICA IMPUNZI A Abazungu bati"enough "

Kamali 01/03/2015 12:51

Iyi ntambara ya FARDC kuri FDLR ni ihurizo rikomeye! ubusanzwe imodoka zigenda ahantu hari imihanda kandi FDLR imaze imyaka 20 yibera mu mashyamba , aba bantu bazahurira he ngo barwane? FARDC iratinya ko niyiyemeza kujya mu mashyamba bazayitega imitego , igatakaza abasilikare benshi mu mashyamba dore ko FDLR ubu yamenye kurwana intambara y'ishyamba kurusha abandi basilikare bose babaho ku isi! Mu byukuri yabaye Rwara rubundikiye mu mashyamba koko!