Mfitanye igihango na FDLR kandi « Amakoma ava ahakomeye » (Colonel Wilson IRATEGEKA)

Publié le par veritas

Colonel Wilson IRATEGEKA ari mu gikorwa cyo kuyobora inama y'impunzi z'abanyarwanda muri Congo

Colonel Wilson IRATEGEKA ari mu gikorwa cyo kuyobora inama y'impunzi z'abanyarwanda muri Congo

Guhera kuwa kabiri taliki ya 24 Gashyantare 2015, ingabo za Congo FARDC zatangiye kugaba ibitero kuri FDLR zihereye muri Kivu y’amajyepfo, Kivu y’amajyaruguru na Maniyema. Amakuru aturuka muri Congo akaba akomeje gukura umutima abanyarwanda bari hirya no hino ku isi cyane ko ibyo bitero biri gukorwa mu ibanga rikomeye ingabo z’umuryango w’abibumbye zibirebera bityo ibyo guhohotera ikiremwamuntu bikaba bishobora gukorwa n’ingabo za Congo nta nkomyi cyane ko izo ngabo bizwi ko zacengewe n’inkotanyi za Paul Kagame kugeza kuri 25% ! Kubera ibyo bitero kimwe n’ibindi bibazo abanyarwanda bibaza, Viritasinfo yagiranye ikiganiro n’Umuyobozi wa kabiri wa FDLR (2ème Vice-Président des FDLR) Colonel Wilson IRATEGEKA kuri uyu wa gatatu taliki ya 04 werurwe 2015, dore ibisobanuro yaduhaye !
 
1.Veritasinfo :Kuva aho ibyo bitero bitangiriye ubu ingabo za FDLR zihagaze zite ? Impunzi z’abanyarwanda ziri muri Congo zimerewe zite?
 
Col.Wilson Irategeka: Ingabo za FDLR zimaze imyaka hafi 15 ziba mu mirwano yo kurengera impunzi kubera ibitero by'ingabo za Paul Kagame. Icyo zirwanira rero zirakizi uretse ko ziraswaho zo ntizisubize kubera igikorwa cyo kurambika intwaro hasi FDLR yemeye kuri 30/12/2013, ikiyemeza kuyoboka inzira ya politike. Birumvikana rero ko impunzi z'abanyarwanda zimerewe nabi cyane, kuko abari bashinzwe kubarinda batagifite ibirwanisho. Baratakambira amahanga ndetse n'abandi bose banyotewe n'amahoro ngo babatabare.Ubu haravugwa inkambi ya Kirama yarashweho urufaya rw'amasasu y'ingabo za FARDC yari ifite impunzi zikabakaba ibihumbi 45000.
 
2.Veritasinfo : Leta  ya Congo iratangaza ko imaze gufata ingabo za FDLR zigeze ku 100, ibinyamakuru binyuranye bikavuga ko abo bafashwe ari abaturage ; ayo makuru avuguruzanya urayavugaho iki?
 
Col.Wilson Irategeka : Nk'uko nabikubwiye FARDC irarwana n'abatarwana. Uretse n'uko Ingabo zacu zarambitse intwaro hasi, n'iyo zijya kuzigira nta mpamvu yo kurwana na FARDC kuko icyo tugamije si ukurwanira ku butaka bwa Kongo, ahubwo tugamije gutaha iwacu i Rwanda, tugataha mu cyubahiro kandi twemye, hamaze kuba ibiganiro na Leta y'u Rwanda n'Amashyaka atavuga rumwe nayo. Kubera rero kurwanya abatabarwanya, birumvikana ko hari abo bafashe bacye cyane ndetse biyongeyeho impunzi zisanzwe.
 
3.Veritasinfo: Ingabo za Congo zivuga ko FDLR yanze kurwana kubera ko ifite intege nke, FARDC ikaba ivuga ko izakomeza kubakurikirana kugeza mutsinzwe burundu, mu bona ibitero Congo ibagabaho bizatsinda FDLR?
 
Col.Wilson Irategeka : Ingabo za FDLR  impamvu zitirirwa zirwana nayivuze haruguru. Ariko buri wese azi ibigwi byazo, cyane ingabo za Paul Kagame zahanganye nazo imyaka hafi 15. Abarota rero gutsinda FDLR  ku masasu basubize amerwe mu isaho kuko urwanira ukuri adatsindwa. Hari uwagize ati:"aho kwica Gitera bazice ikibimutera".
 
4.Veritasinfo: Abantu benshi bakomeje kwibaza niba FDLR igishobora gukoresha inzira z’ububanyi n’amahanga (diplomatie) mu kumvikanisha ikibazo cyayo, niba ataribyo ubu iyo nzira yifashe ite ? Ese  FDLR ikorana ite n’impuzamashyaka ya CPC ?
 
Col.Wilson Irategeka : FDLR mu rugamba rwa politike yiyemeje byumvikane neza ko iyi nzira ikiyikomeje mu rwego rwo guhindura ibitagenda mu gihugu cyacu. Ni inzira itoroshye ariko ukuri guca mu ziko ntigushye. Turarwanira ukuri rero kandi ntituzasubira inyuma kabone n'iyo barasa gute, dore ko na Mandela yafunzwe imyaka makumyabili n'irindwi ntiyatezuka, bituma Afrika y'Epfo igera aho igeze ubu. Ku bijyanye n'uko FDLR  ikorana n'Impuzamashyaka CPC, navuga ko habaye ukutumvikana hagati y'Umukuru w'Agateganyo wa FDLR, Gen Byiringiro Victor n'Umukuru wa CPC, Bwana Faustin Twagiramungu bigatuma hazamo agatotsi mu mikoranire. Ahaba abantu ntihabura uruntu runtu, ariko hakaba n'abagabo b'umutima bo gukemura ibibazo bivutse. No muri iki kibazo cyavutse rero barahari, turizera ko nabyo birangira vuba hakaba imikoranire izira amakemwa, kandi icyo kibazo kiri munzira yo gukemuka.
 
5.Veritasinfo: Hari inyandiko iri kunyura kuri interineti ivuga ko wavuye muri FDLR ubu ukaba warafashe inzira werekeza i Kigali, uravuga iki kuri iyo nyandiko ?
 
Col.Wilson Irategeka : Niba ari umuntu utari Intore wabyanditse, navuga ko yaba ari"Umuta mutwe". Gusa bisanzwe bizwi ko iyo ariyo mvugo y'umwanzi cyangwa se abakorana nawe mu gushaka gusenya Amashyaka atavuga rumwe nawe cyangwa se guharabika uwo babona ababereye ikibazo mu migambi mibi yabo. FDLR rero nayibereye umwe mu bayobozi bayo  kuva muri 2006 binyuze mu matora démocratiques aho nagizwe Umunyamabanga Nshingwabikorwa w'Ungirije, muri 2011 nyibera Umunyamabanga Nshingwabikorwa w'Agateganyo kugeza kuri 29/11/2014 ubwo habaga amatora mashya, ngatorerwa kuba Visi Perezida wa 2. Kugeza ubu rero ndi umwe mu bayobozi bo hejuru bayo, kandi mfitanye nayo igihango. Umugambi wa FDLR niwo mpagazeho rero kugeza iwugezeho ariwo nyine wo kwerekeza i Kigali twemye kandi mu cyubahiro, kuko mbona uwayanditse we ashaka ko abana b'abanyarwanda bakwigumira mu ishyamba kuko mbona we adatekereza Kigali.
 
6.Veritasinfo : Muri iyo nyandiko havugwamo ko ari wowe wateranyije Général Major Victor Byiringiro uyobora FDLR, agashwana na Twagiramungu Faustin umuyobozi wa CPC, wasobanura ute icyo kirego bagushyiraho ? Ese ubona iyo nyandiko igamije iki?
 
Col.Wilson Irategeka : Abo bavugwa ni Abazehe basheshe akanguhe badateranywa ahubwo bagomba kunga. Ntacyo icyo kirego ngisobanuraho rero, kuko abo bavuga si ibiragi, ni abasaza b'inararibonye ntekereza ko bafite muri bo gufasha ababagwa mu ntege, kugirango bazakore nka bo cyangwa babasumbye. Ngize icyo mvuga rero kandi abo kukivuga bahibereye naba mbaye bukorikori bwa Nzikoraho! Iyo urebye rero icyo iriya nyandiko igamije, usanga ishaka kunyangisha imbabare twababaranye muri Kongo kugeza ubu ndetse n'izindi mpunzi zinyanyagiye ku Isi yose kubera ko abona ndi umwe mu bo zibonamo nanjye nkazibonamo mu kugerageza gufatanya n'abandi gushaka igisubizo cy'ingorane zirimo.
 
7.Veritasinfo :Abantu benshi bahereye kuri iyo nyandiko bafite impungenge ko nta bumwe buri muri FDLR, bakaba batinya ko hazavuka isubiranamo nk’iryabaye muri M23 aho basubiranyemo bigatuma bakwirwa imishwaro, abatekereza batyo wababwira iki ?
 
Col.Wilson Irategeka :Abavuga batyo baribeshya. Ubwo rero ibyo batekereza ko twashwanyuka bazabitegereza bahebe. FDLR ni Urugaga rumwe kandi rudahungabanywa. Kubera rero ko ari Icyama kigendera kuri demokrasi, birashoka ko abantu badashobora guhuriza ku gitekerezo kimwe, bityo ikigize ukuri kurusha ikindi kikaba aricyo gifatwa. Byumvikane rero ko tutasimbuza igitugu ikindi mu gihugu, kandi turimo turwanira démocratie isesuye kuri buri muturarwanda wese. Tugomba rero kubyitoza kare, ntituzabyiga tugezeyo. Abatekereza rero ko twasubiranamo kubera kutamenya ibanga ryacu ni basubize amerwe mu isaho!
 
8. Veritasinfo:Wabwira iki abaturage n’abacunguzi bari muri Congo muri ibi bihe bari kugabwaho ibitero n’ingabo za Congo?
 
Col.Wilson Irategeka : Icyo nabwira ABACUNGUZI ,Abacunguzikazi ,ni ukubasaba kwihanganira imibabaro barimo, mu muruho barimo bakawuragiza Imana cyane, bakereka Yezu Kristu ko nawe yigeze guhunga bashaka kumwica ariko nyuma y'aho akaza guhunguka, ko natwe dukeneye guhunguka. Natwe ntidusinziye turakora amanywa n'ijoro kugirango abo Imana yanyujijeho kuducira akanzu babishyireho umutima. Bakomere rero ntibarambirwe kuko "amakoma ava ahakomeye".
 
Ku bandi baturage ba Kongo, nabo nabasaba kwihangana kuko byose Imana irabireba. Ni basabe gouvernement yabo ko yareka intambara ahubwo igahagurukira gufatanya n'andi mahanga gusaba gouvernement ya Kagame ko yakwitabira ibiganiro n'amashyaka atavuga rumwe nayo harimo na FDLR, ikabikora kandi nta yandi mananiza.
 
Veritasinfo: Turabashimiye kandi Imana ibongerere imbaraga zo kurwana urugamba rwo kubohoza abanyarwanda bari mu karengane gakabije.
 
Ubwanditsi. 
 

Commenter cet article

NAKIVARA 01/04/2015 22:04

Votre commentaire UYU WIYISE OMARI. NTAGUSHIDIKANYA NI DEMAYI NTUTEKEREZEKO HARI UMUCUNGUZI NUMWE WAYOBYARWOSE!!!

lol 05/03/2015 17:24

Hari aho nasomye commentaire ku rundi rubuga. iyo commentaire iravuga iti:

"Icyo twavuga rero ni uko kugira ngo Faustin Twagiramungu abe yakwiyamamariza kuba Perezida wa Repubulika y’u Rwanda yanyura inzira ebyiri zitoroshye : (i)Yasaba cyangwa hagira abamusabira binyuze mu nzira amategeko ateganya, ko Itegeko Nshinga rya Repubulika y’u Rwanda rihinduka, iyo ngingo ya 99 tuvuze haruguru igakosorwa. Iyo nzira iragoye, ni zereko ataryama ngo ayirote ayinyuramo. (ii)Ashobora guhitamo kwiyambura ubwenegihugu bw’ububiligi (Renonciation à la nationalité belge). Iyi nzira nayo ni ihurizo ritamworohera kubera amateka ye no kuba ubu yishimira cyane ko yabaye umubiligi, umuturage w’igihugu cyakoronije u Rwanda. Ese aramutse yiyambuye ubwenegihugu agambiriye gusa kwiyamamariza kuba Perezida wa Repubulika, Kandidature ye yakwakirwa ?".

NONE SE, ANYUZE INZIRA y'ISHYAMBA nk'uko RPF yabikoze.
Mbaye mbashimiye.

llll 05/03/2015 14:26

Iki cyari cyo gihe cyo gutegura no gukora imyigaragambyo kuri bose kandi hose. Inyandiko zihamagarira amahanga kwita ku kibazo cy'impunzi no kutazirebera zipfa bene aka kageni. Ndi mu bihugu by'i Burayi iyo, ariko iyo ndeba amaashusho y'aba bagore, abana n'abagabo b'inzirakarengane bariho babuyerezwa agahinda karanyica.
Ariko kuki ONU isinya amasezerano yarangiza ntiyubahirize? Guhunga si uburenganzira bw'umuntu kuko? Ibihugu byahungiwemo bifite inshingano zo kurinda umutekano w'impunzi ( nk'uko Kayumba n'abandi babikorerwa muri Afrique du Sud), none abanyarwanda bashiriye muri Congo amahanga arebera. Ziriya nzirakarengane koko bazibabariye? Ba Twagiramungu na ba Rudasingwa ko tutabumva bari he? Morodikayi ati yewe Esteri naho wakwicecekera, ntakizabuza abayuda gutabarwa. Mana tukuragije abana b'abanyarwanda bariho barenganira muri Congo.

Kanyarwanda 05/03/2015 12:01

FDLR ntiteze kuzacikamo ibice nkuko umwanzi abyifuza ... Tugomba kuba maso tugadhyira hamwe kugirango umwanzi atatumeneramo ... Abahutu ni mukanguke nimugirana utubazo mwiyunge kugirango umwanzi atabameneramo ... Ntago dukeneye kumva KO abanyarwanda bimpunzi Basubiranyemo ntago ibyo twabyungukiramo ... Umwanzi niwe wabyungukiramo .. Mwe mushaka KO abantu bo muri FDLR bashwana bagasubiranamo nilusubize amerwe mwisaho nkuko Col Wilson yabivuze ..

Kamali 05/03/2015 08:08

Nsomye comment hano hejuru y'uwiyise OMARI ndumirwa! Imyumvire ye wagira ngo ni ya babandi bagiraga inama y'icyo bagomba gukora kugira ngo impunzi zitaraswa bagahita bandagaza ababagiriye iyo nama n'ibitutsi byinshi ngo baziragiye imyaka 20, ngo abashaka kuzivugira ni abashaka kuzirya! None nawe ngo ababajwe ni uko Colonel Wilson ngo atari mu ishyamba ngo yicwe!! None se imitekerereze y'umuntu nk'uyu itaniye he ni iy'umwanzi wa FDLR? Kugeza naho aranga aho umuyobozi wa FDLR nka Wilson aherereye kugira ngo agirirwe nabi! Birumvikana ko umusilikare nka Wilson ufite ibitekerezo byiza kandi bikomeye gutya agomba kugira abanzi no muri FDLR bitewe n'ishyari kandi ibyo biba hose , gusa ibitekerezo bye n'imyitwarire ye n'uburyo ayobora bizatuma atsinda pee!! Uyu mugabo Wilson niwe muyobozi mukuru wa FDLR uvugana n'itangazamakuru ryo ku isi yose, niwe ushobora gusohoka ishyamba akavugira impunzi zarenganye; Kigali ibonye uko imwikiza yakoresha umunsi mukuru kandi ibyitso byayo biri mu ishyamba nicyo bishinzwe uretse ko bitazabigeraho! Niwe officier wa FDLR utagira amanyanga na gato, ntacuruza amakara n'imbaho na Kigali nk'uko abiyita abashumba b'impunzi bazishyize mu kaga babikora! Ibigambo nk'ibi rero bitameshe ngo arihe ko atari mu ishyamba ntacyo byahungabanya kuri détermination ye! Ahubwo umuyobozi nyawe nyine ntiyagombye kuba mu ishyamba yagombye kuba ari aho ari kugira ngo asobanure ibibazo, iyo niyo ntambara nyakuri ! Gusa nkurikije uko Colonel Wilson akunzwe mu ishyamba umenya abamufitiye ishyari bazumirwa cyane ko ibitekerezo byabo ari bigufi cyane !

izere 05/03/2015 11:24

Erega ntakitaba kubantu imana itazi impamvu.bizarangira kdi akatengane gahoraho musenge kdi musabire abarengana abatukana abaca imanza nibatuze kuku bikira mariya ati mujye lwirinda kuvugabandi namwe mutiyizi.impunzi mukomere kdi imana izabatengana.mwibuke herode uburyo yahize yezu mukomere.

MAKENGA 05/03/2015 10:04

Uwanditse iyi nkuru asobanuriye iki abasomyi? Ahuruje guterana amagambo adafite akamaro!! Kwandika ko impunzi ziri kuraswa ntutabaze,ntunazereke uko zakwihisha ayo masasu, ntusabe inkunga yo kuzitabara, jye ndabona iyi nyandiko nta gisobanuro ifite!!

Nkolo 05/03/2015 09:01

Hari abantu bagifunze mû mutwe erega.utamenya uko bayeye.Ikiza cyose cyakorwa gikozwe n'abandi amashyari akavuka inzangano zikaza!Iyo umuntu Akira ibyo udashoboye ahubwo uramushyigikira niko gufatanya urugamba.OMAR rero waba uri umukozi wa fpr waba ufite undi ukorera udashaka KO fdlr itera imbere waba uri kuruhira ubusa kuko ntacyo muzatwara Wilson na fdlr.

Mbonyingabo 05/03/2015 07:43

mubyukuri abantu bagomba kwitondera ibigambo bababavuga mubihe nkibi, bakareka abavugizi na bayobozi ba FDLR bakaba aribobavuga. Gutanganza inkuru nkiyo yuko Wilson arikujya ikigari atariwe ubwitangarije cyangwa atari abayobozi ba FDLR babitangaje namakosa, naho waba uvuga yuko wabihagazeho. Kuba wabihagazeho udafite uburenganzira bwokubitangaza byitwa ibihuha. We need reliable sources; inkuru zivuye ahantu hiringiwe.

maombe 05/03/2015 04:46

Gusa ndashimira ko ikaze iwacu yongeye gukora. Abeshi twari twahahamutse kubera iri tangaza makuru ritali rikili g
ukora.
Imana niyo nkuru.
ni mwibuke abisraeli mwegiputa. Kandi impunzi mwese mwihangane kugera kugupfa. Na Yesu yarabambwe.

Victor Byiringiro 05/03/2015 03:49

ABANTU BASA GUTYA NTA MWANYA BAGIFITE I KIGALI. IMISHYIKIRANO MUSHAKA NI IYIHE MWARAVUYE MU RWANDA MUKOZE GENOCIDE? NI RYARI IMPYSI YANEYE AMASE? INKA NiYO IYAGIRA AGAFUMBIRA IMYAKA NAHO AMAJIGO YUYU MUGABO NAYO WAYAFUMBIZA IBISHANGA

Semanzi 05/03/2015 11:16

Niko wowe usa neza. Nizeye ko ufita amasoso nka ya Kagame, ufite amatwi nkaye, n'ubugome nkubwe we qui a sacrifié sa propre ethnie, akica Abahutu b'abanyarwanda, b'abarundi, n'abakongomani (Rapport Mapping). Utibagiwe Million 6 z'abakongomani hamwe n' abagagende yafagiye. Icyakora nkuko ubivuga nta Mishyikirano yari ikwiye irimo Kagame na Nziza. Igituma Kagame n'abicanyi be badashaka imishyikirano nuko bazi uko izarangira bashyikirijwe Ubucamanza kabone nuwababaza ibyo bakoreye Karegeya, Asinapol gusa.

Kyabakambira 05/03/2015 07:31

Niko da, wowe usa neza aho waba utazapfa ngo ujye mu gitaka? Mu kabuno kawe ntihavamo amabyi anuka nkayo abandi bannya, isura nziza se urata utekerezako wayijyana imbere ya Kagame akayiguhesha akazi? Dore Rwarakabije, Bamporiki, Bosenibamwe n'abandi bafite amasura mabi bari kurya ingoma wowe uri gupfa nabi kuri internet.

RNC 05/03/2015 01:40

Inyandiko zose muzabona zica intege abarwanya FPR ziba zanditswe ku kagambane ka RNC na Rudasingwa na Kayumba, abagome babatutsi gusa bishakira EMPIRE hima na kagame na kaguta.

Nkolo 05/03/2015 08:24

Uyu Wilson akunzwe cyane n'aba FDLR kubera amaraso mashya yazanyamo amatora aherutse yazamuwe mû ntera aba 2vp mugihe uwitwa Victor yashakaga KO ngo batamutora kuko yaba arivkugambanira FDLR!Ariko kubera démocratie yacengeye muri FDLR abatora bamuteye utwatsi bâti udatoye Wilson watora nde?None uwo musaza Victor yahise arwara ajya mû buriri!!Tubabwire KO uwo col Wilson niwe mubyukuri watowe wenyine kuko ahandi ntamatora yabaye biyamamaje bonyine.uwo musasa wabaye Présida wa FDLR bimugwiririye yibagiwe KO abacunguzi twaciye mû bibazo bikomeye ntawatuzanaho ubudemagogie.

omari 05/03/2015 07:01

WILSON NA VERITASINFO MWIBESHYA ABANTU? KO UTAVUZE AHO URI? WATUMWE NANDE? WITINYA KUVUGA IBIBAZO WATEJE? UBUSE AHO TANZANIA URI KUBUBUTA UDASHOBORA KUJYA AHAGARAGARA NIHO URI KURWANIRA? GAMBANA UMENYEKO UKO WADUSIZE UTUZI NEZA; NTUKAVUGIRE FDLR KUKO UMUVUGIZI ARAHARI