Itangazo : Radiyo Impala irasubukura ibiganiro byayo ku mirongo migufi.

Publié le par veritas

Itangazo : Radiyo Impala irasubukura ibiganiro byayo ku mirongo migufi.
Ubuyobozi bwa Radio Impala buramenyesha abakunzi bayo, ko guhera uyu munsi kuwa mbere taliki ya 30/03/2015 isubukura ibiganiro byayo binyura kumirongo migifi (SW). Radiyo Impala ikazajya yumvikana mu Rwanda no mu bindi bihugu by’Afurika  ku mirongo yari isanzwe yumvikaniraho mbere.
 
Radiyo Impala izakomeza kujya yumvikanira ku murongo mugufi SW wa metero 16 ni ukuvuga Khz 17540. Radiyo Impala izajya itambutsa ibiganiro byayo gatatu mu cyumweru ku minsi ikurikira : Kuwa mbere, kuwa gatatu no kuwa gatanu.
 
Radiyo Impala izajya itambutsa ibiganiro byayo ku isaha ya saa mbiri z’ijoro kugeza saa tatu z’ijoro ku isaha y’i Kigali, ubwo mu bihugu bya Uganda, Tanzaniya na Kenya bakazajya bumva radiyo Impala ku isaha ya saa tatu z’ijoro kugera saa yine z’ijoro ku minsi twavuze haruguru.
 
Ibiganiro bya radiyo Impala bizajya byumvikana kuri telefoni zigendanwa (mobile) no kuri interneti ku murongo wa https://soundcloud.com/radioimpala (ushobora no gushyira application yawe kuri mobile) cyangwa umurongo wa http://radioimpala.podomatic.com/ kimwe no ku rubuga rwa facebook.
 
Radiyo impala izakomeza kubagezaho ibiganiro bishimishije ndetse n’amakuru anyuranye  yo mu karere k’ibiyaga bigari no hirya no hino ku isi, radiyo Impala izibanda kubiganiro bishimangira demokarasi isesuye mu gihugu cy’u Rwanda, ubutabera, ubumwe n’ubwiyunge nyabwo mu banyarwanda, imyidagaduro n’umuco.
 
Radiyo Impala izakomeza kuba ijwi ry’abatagira kivugira no gutambutsa amakuru adahabwa umwanya uhagije cyangwa se yirengagizwa n’ibinyamakuru bya leta  cyangwa se ibikorera mu kwaha k’ubuyobozi.
 
Tubifurije ibihe byiza kandi tunabasaba kutugezaho inama zanyu mubinyujije kuri adresi e-mail ya radiyo Impala ariyo « radiyoimpala@gmail.com » no kurubuga rwayo rwa facebook arirwo « Radiyo Impala ».
 
Ubuyobozi bwa radiyo Impala.

Commenter cet article

DEMUKARASI 31/03/2015 06:23

MURAHO MUZADUSOBANURE IMPAMVU PFR IHORA IVUGAKO FDLR ARI ABATERABWOBA MAZE NAYAMASHYAKA YIRWA AVUGAKO ARWANYA KAGAME AKANGA GUKORANA NAYO UBWOSE SIPURA Y URWADA KUGIRANGO BATAKAZE IGUFU NIBAREBE AHO ISI IGEZE NAHO ICYO NIGIKANGISHO CYOGUKANGA AMASHAKA NDETSE NU BWOKO BUMWE MUZADUSESENGURIRE NAMATEKA .

José 31/03/2015 02:50

Twari tumaze kwicwa nagahinda ko kutumva Radio yacu twese abakomeje kunigwa nubutegetsi mpotozi bwa FPR

jean 30/03/2015 21:03

None mwatwizeza ko RNC na se FPR batazongera kubavangira? Erega nibo bavanga ngo abatutsi habayeho democracy ngo babura imyanya n' abo bakandamiza.

Anatole 30/03/2015 17:30

ok.TURISHIMYE CYANE.MUJYE MUNADUTANGARIZA MBERE IBYO MUBA MURI BUZE KUVUGA KUGIRANGO TWIPANGE.SKAZI KEZA.

Mbonyingabo 30/03/2015 11:27

Abanyarwanda bifuza Democracy mu Rwanda birakwiriye gukomeza gutera inkunga ibitekerezo byiza nkibi.