Uganda: Mu minsi ibiri gusa impunzi z’abanyarwanda zigera ku 10 zimaze kwicwa mu nkambi ya Nakivale!

Publié le par veritas

Inkambi ya Nakivale muri Uganda irimo impunzi z'abanyarwanda

Inkambi ya Nakivale muri Uganda irimo impunzi z'abanyarwanda

Mugihe ibihugu by’amahanga bifite ingabo mu mutwe wa ONU uri muri Congo bikomeje gushyira imbere ikibazo cyo kurengera impunzi mu bikorwa byo kurandura imitwe yitwaje intwaro muri Congo harimo na FDLR, Paul Kagame na Kaguta Museveni bagiranye amasezerano yo kubanza kurimbura impunzi zose z’abanyarwanda ziri mu gihugu cya Uganda. Ayo masezerano bakaba barayise ayo kurwanya imitwe irwanya leta zabo ngo bakayibuza kubona abarwanyi bashya. Ayo masezerano yashyizweho umukono na Brig.Gen Peter Elwelu wa UPDF w’ingabo za Uganda na Brig.Gen Emmy Ruvusha wa RDF w’ingabo za Paul Kagame. Kuva ayo masezerano yashyirwaho umukono, kuwa gatanu no kuwa gatandatu w’iki cyumweru turangiza hamaze kwicwa impunzi z’abanyarwanda zigera ku 10 muri Uganda. Amarira ni yose kandi bakeneye gutabarizwa, abafite ababo bari muri Uganda mugerageze kumenya amakuru yabo.
 
Umwaka ushize tariki ya 19 na 20 z’ukwezi kwa 12, impunzi z’abanyarwanda ziri mu nkambi ya Nakivale, zaraye ijoro ryose zifatwa na Polisi ya Uganda ibifashijwemo n’abakozi ba OPM, bahagarariwe na Sentamu Commandant w’inkambi ya Nakivale, impunzi z’abanyarwanda zirahunga izindi zirafatwa zirakubitwa , zirafungwa , izindi ziburirwa irengero.
 
Police ya Uganda ntabwo yanyuzwe kuberako hari undi mupolisi wa Uganda wagerageje kurimbura impunzi z’abanyarwanda  ziri mu nkambi ya Nakivale , kuri iyi tariki ya 29 /01/ 2015, Uwo mupolisi akaba yaraturutse mu Station ya Police ya KABAHINDA; Muri iryo joro uwo mupolisi tukiri gushakisha amazina ye, yagiye kwica impunzi z’abanyarwanda ahitwa KABAZANA B( MAYANJA). Chief defense witwa Kamanzi( akaba ari impunzi y’umunyarwanda) amubajije ibaruwa yo kuza gufata impunzi z’abanyarwanda, arayibura, chief defense amubwira ko adashobora kwinjira adafite ibaruwa imwemerera kuza gufata umuntu, uwo mupolisi yahereye ko amurasa agwa aho. Impunzi z’abanyarwanda ndetse n’abandi bari aho bahereye ko bavudukana uwo mupolisi n’umujinya mwinshi cyane, Umupolisi agenda arasa kuri izo mpunzi ngo azitere ubwoba, bamwe muri izo mpunzi arabakomeretsa, ariko impunzi ntizacitse intege zakomeje kumwirukankana, bageze muri Village ya KITYAZA, impunzi zifatanyije n’abanyagihugu  zifata wa mupolisi zimukubitana umujinya nawe yitaba Imana!
 
Chairman wa KASHOJWA( Witwa Muhayimana Thomas Alias KIVIRI akaba ari impunzi y’umunyarwanda), afatanyije na Chairman w’umugande wa Kityaza, batwaye imbunda y’uwo mupolisi wishwe kuri Station ya Police ya KABAHINDA yari hafi yabo,  bagezeyo batanga raporo y’ibyabaye n’imbunda yafashwe, Police yahise yemeza ko uwo mupolisi wagabye igitero ku mpunzi ari uwo kuri station yabo; ariko iyo polisi ivuga ko uwo mupolisi wishwe atari umugizi wa nabi (kandi yari amaze kwica umuyobozi w’inkambi) cyangwa ngo abe igisambo. Ako kanya abapolisi bo kuri iyo station bahise bica Chairman w’umunyarwanda witwa Muhayimana Thomas.
 
Ntabwo byarangiriye aho kuko ku munsi ukurikiraho tariki ya 30, abo bapolisi bagarutse ahitwa  KITYAZA batwara impunzi z’abanyarwanda mu modoka 2 za OPM (office of Prime Minister) incuro eshatu, kandi twamenye ko hishwe abandi banyarwanda bagera kuri batatu, hari mo uwitwa Kazungu wari utuye muri Kityaza village; tukaba tugikurikirana amakuru arambuye y’urupfu rw’izo mpunzi, gusa ntabwo bitworoheye, kuko polisi ya Uganda yariye karungu, Sentamu arimo kuzengurukana n’imodoka irimo polisi babaza impunzi y’umunyarwanda aho iherereye.
 
MUHAYIMANA THOMAS wivuganywe na Polisi ya Uganda yari arengeje imyaka 5 ari Chairman w'impunzi muri KASHOJWA A village; Yari afite umugore n'abana 4. Andi makuru tumaze kumenya ni uko hari impunzi z’abanyarwanda zatangiye kwiyahura kubera kubura amahoro mugihugu cya Uganda, urugero ni urw’umugabo witwaga BYAMUNGU LAURIEN akaba ari impunzi y’umunyarwanda nawe wiyahuye kubera ubwicanyi bwari bumaze kubera mu nkambi y’impunzi.
 
OPM yo mu nkambi ya Nakivale, ikomeje guhatira impunzi z’abanyarwanda gukomeza guhamba imirambo y’ababo polisi ya Uganda yivuganye. Umwe mu mpunzi wavuganye n’umusomyi wa veritasinfo iri muri iyo nkambi yagize iti:” turabashyingura kugeza ryari ko bakomeje kwica umusubizo? Polisi ya Uganda ikaba ikomeje akazi ko kwica impunzi kandi ayo mabwiriza akaba yaratanzwe n’inzego zo hejuru ziyikuriye. Umwe mu mpunzi yabwiye umusomyi wa veritasinfo ko na abakozi ba UNHCR bamaze guhunga inkambi ubwo bamenyaga ko hari umugambi wo kwica impunzi; ubu impunzi zo muri Uganda zikaba ziri kwicwa nta gitabariza zifite!
 
Abanyarwanda bose aho baho bari ku isi kimwe n’imiryango irengera ikiremwamuntu nka HRW ndetse n’imiryango nyarwanda iri hanze, bagomba gutabariza impunzi z’abanyarwanda ziri muri Uganda kuko zigiye kurimburwa na Kagame na Museveni amahanga yicecekeye!
 
 
Ubwanditsi

Commenter cet article

Bizimana Aboubakar 03/02/2015 16:35

Nimutabare amazi ageze aho arenga inkombe! na Kagaba koko twibwiraga ko dusenyera umugozi umwe ni aha atugeze! Aho tubivuga ko yari afitanye ubucuti bwihariye na Donat! Tuzakomeza kwirwanaho uko dushoboye.

Umuti w'ikibazo dufite turaza kuwuvuguta kandi ntibizagire uwo bibabaza mu bazawunywa uhereye ku bayobozi b'inkambi ukageza kubaturimo bataturimo.

bikora 03/02/2015 19:24

Niwowe uzabanza kuwunywa. Ahubwo witonde, urcucira mukaso rugatwara nyoko!

Shame 03/02/2015 15:17

Ariko aba bantu bazanye inkotanyi mu Rwanda iyo bareba akaga abanyarwanda barimo bararya, bakandyama? Aha ndavuga nka ba TWAGIRAMUNGU n'abandi nkabo! Njye iyo mbona bene wacu bicwa nk'amatungo ntacyo nakora, nibaza icyo Imana idusigira niba ari ukubona akababaro nk'aka! Ariko kandi bintera kwibaza uko aba babica kimwe nabo jya numva bishimye ko bagiye kwica impunzi niba bajya bifata akanya ko gutekereza uko byazaba bimeze igihe bazaba bibonye muri même situation! Kandi birashoboka cyane, kuko ni Afrika, ntabwo aritwe twigenga ngo tumenye icyo ejo haduhishiye! Imana ikomeze ibarinde!

Mukiza 03/02/2015 11:56

Something new that I have just learned about Veritas info:
Kabanda wrote the following ....

A message to Veritas info and TWAGIRAMUNGU Faustin = Umusomyi wa VERITASINFO w’i Rubona - rwa - Nzoga ya Murambi / Byumba (=The thief)

You plagiarized Mwalimu Mureme's books, and you made this your own work. You could find this information from Wikipedia, very helpful to you. Good luck apologizing to Mureme and Rwandan People!

Plagiarism:

From Wikipedia, the free encyclopedia
...

Plagiarism is the "wrongful appropriation" and "stealing and publication" of another author's "language, thoughts, ideas, or expressions" and the representation of them as one's own original work.[1][2] The idea remains problematic with unclear definitions and unclear rules.[3][4][5] The modern concept of plagiarism as immoral and originality as an ideal emerged in Europe only in the 18th century, particularly with the Romantic movement.

Plagiarism is considered academic dishonesty and a breach of journalistic ethics. It is subject to sanctions like penalties, suspension, and even expulsion. Recently, cases of 'extreme plagiarism' have been identified in academia.[6]
….
TWAGIRAMUNGU FAUSTIN (= The thief). Do you think showing Rwandans PICTURES OF NAKED WOMEN will make them forget that you are a criminal. Plagiarism is a crime. That is it, A CRIME, and You are a CRIMINAL.

:-) :-) :-)

NDIKUMANA 02/02/2015 18:45

ARIKO NTIMUGASHYUSHYE ABANTU IMITWE!
NIBA IBYO BYABAYE,MUHERA HE MUBISHINJA LETA ZOMBI? MWAKOZE PEREREZA KI KURI IBI BIBAZO? AHUBWO SE USIBYE KURINDAGIZA ABANTU,NI GUTE KO UMUNTU YIYAHURA NGO NUKO MU KARERE ARIMO KABAYEMO UMUTEKANO MUKE? AHUBWO NDABONA MUFITE VIRUS YANDUJE UBWONKO BWANYU KUBERA IMYAKA MYINSHI MUMAZE MU BUHUNGIRO MUKABA MUTAZI AHO URWANDA RUGEZE RWIYUBAKA.CYOKORA BYANASHOBOKA KO UWO ANIYAHURA KUBERA GUSINDA AMARASO Y'INZIRAKARENGANE BASIZE BANYOYE NONE BAKABA BAGIFITE INYOTA YO GUKOMEZA KUNYWA ANDI...CYANE KO MURI IZO NKAMBI ARIHO BIBWIRA KO BIHISHE UBUTABERA.IMPAMVU YO KWIRWA BANDIKA IBI NI UGUKOMEZA KUYOBYA UBURARI UMURYANGO MPUZAMAHANGA NO KWIYAMBIKA UMWAMBARO WERA HEJURU Y'UMUTUKU

Kagaba Leodigald 02/02/2015 18:32

Ndi mu nkambi ya Nakivale,nkaba najyaga ngira uruhare mu gutanga amakuru kubirebana n'imibereho y'impunzi z'abanyarwanda,ariko kubw'impamvu z'umutekano wanjye nkaba mbivuyemo mbikuye ku mutima kuko akenshi amakuru dutanga aba ari ibinyoma kandi agamije gushyushya abantu imitwe no kugaragaza ko dufite ikibazo cy'umutekano muke kugirango natwe turebe ko twabyuririraho tukagirirwa ubuntu bwo kujyanwa mu bihugu by'uburayi n'America nk'uko UNHCR ibikorera izindi mpunzi.Nshingiye rero kuri aya makuru kimwe n'andi tumaze iminsi duha ibi binyamakuru kandi tukaba dushyiramo nkana amarangamutima no kubeshya kubw'impamvu nagaragaje haruguru;ndasaba abantu bose kutajya baha agaciro aya makuru kuko ari ibinyoma...ubu ndabizi kuba mvuze ibi ni nko kwikura aho nari ndi kuko abo twari dufatanije bagiye kumfata nk'umugambanyi...ariko ntako bisa nko kuba wazira ukuri!
None se,iyo modoka irimo aba polisi ba Congo,ihindutse aba Uganda gute barimo kubica mu nkambi?

UKURI GUCA MU ZIKO NTIGUSHYE!!!

urimubenshi Anne Mari 02/02/2015 19:05

Kagaba twarabanye ndakuzi uri umugambanyi .ko uvuga ngo nukubeshya se izo ntumbi bahamba ziravahe? Ayo baguhaye uzayarya ashire .E se ko uvuga uko kuki utatashye ?iyo ninda mbi ikuvugisha.Aho ni uganda si Kagenyi uzabona nawe.

electricite paris 17 02/02/2015 04:19

J'apprécie votre blog , je me permet donc de poser un lien vers le mien .. n'hésitez pas à le visiter.
Cordialement

Igihuha? 03/02/2015 15:32

Ben! Kibaye ari igihuha bya ari amahirwe! Ariko abanyarwanda twagiye tuvugisha ukuri ko ntacyo bitwara! Si twe twashyize Kagame hariya, rero ntabwo mbona inyungu zaba ziri mukubeshyera kandi na nyiri ubwite adahakana ko ari umwicanyi! Gusinya amasezerano yo kwica impunzi ntabwo ari igitangaza rwose ku banyarwanda, keretse abatazi amateka y'iyi leta. Kwica ni umurage, baje bica kandi kuza na n'uyu munsi bara cyabikora. Ntabwo bigeze bunamura icuma. Usibye abasazi n'abandi bari banatize, badashaka kubibona, ariko burya ngo uhishira umurozi agashyirwa agukoze mu nda! Mugize ngo ndabeshya mwazabaza Léan Karegeya. Nawe yigeze kubivuga, ati "tumvaga ko Kagame yica ariko tukabigira urwenya kuko atari twe yicaga!" :)
Gusa abantu muri ibi byose bababje bwa mbere ni inzirakarengane yirenza buri munsi. Abandi bababaje cyane, aba bamwiruka inyuma kandi bazi neza ko yica arenganya kandi abo yica ari abanyarwanda kimwe nabo. Bakwiye kwibuka ko igihe cyabo nabo kizagera!

Ngabo 02/02/2015 06:49

Iyi nkuru n'igihuha kigamije gushyushya abanyarwanda imitwe. Nta bakuru b'ibihugu bibiri bashobora gusinya amasezerano yo kwica impunzi ngo bifotoze kuriya.
Ubuyobozi bw'ingabo imbere mugihugu bushobora gushyiraho amabwiriza yo gutsemba systématiquement igice cy'abenegihugu nkuko byagenze mu Rwanda muri 1994, ariko nta bihugu bibiri bishobora guhurira kuruwo mugambi nkuko mubitunyomeka.
So, mushakishe izindi mpamvu cg mutegereze iperereza niba koko ubwo bwicanyi bwarabaye

belthrand 02/02/2015 03:24

Why is the international community lending these deadly operations a blind eye and a deaf ear? Could the international community be blindfolded by renowned criminals while they carry out their atrocities? Who else has talked about these macabre killings? If it is not you guys “the oppressed”? It would have more weight in the eyes of the international community if it was being aired by those big media corporations. Let's hope they are on it and may communicate with the world timely. Let it not be the "untold Story about Rwandans” after so long again. God have mercy on your poor Rwandan refugees.

Kamonyo 02/02/2015 01:41

Ikibazo gikomeye tutari kumvikanaho nuko abatutsi bibwira ko hazako meza gupfa umuhutu gusa .Reka da ! Bareba inyungu zabo : diviser pour regner . Ahasihaye bagashaka ababakorera akazi .Ubu se ko iwabo w'aba bazungu ba nyirabayazana bimereye neza .Twe tubura iki ngo twirukane ibyitso byabo bitwica bikanatwicisha .Bana b'Imana duhuriye ku muco mwiza w'urwatwibarutse mukomere .

Makwaza 02/02/2015 06:37

Aya makuru mutanga jye mbona harimo gukabya no kuyobya abantu mugamije izindi nyungu

Iyo hapfuye impunzi muri Uganda mubwirwa niki ko ari amasezerano yasinywe n'ibihugu byombi yo kuzimara??
Uwo mupolice warashe umuntu agapfa se niba byarabayeho koko, niki kibereka ko yaraje gutwara impunzi zo kwica, mbere yuko izo mpunzi zimwica? zamenye zite niba atari ikibazo bari bafitanye ubwabo cyane no atigeze agerageza kurasa mu mpunzi mbere yuko zimwirukaho ngo zimwice?

Abanyarwanda bakwiye kujya bashungura amakuru bahabwa kuko akenshi ari propaganda gusa.
Igihe inkuru itaratangazwa n'itangazamakuru ryigenga nka BBC n'abandi tujye dushishoza tureke guca ibikuba no gukwiza ibigambo.

Cesilya mukarwego 01/02/2015 23:45

Kwicwa kwa banyarwanda bimpunzi biva kuri UNHCR, USA in America. ayo mategeko ari kuva kuri UNHCR kandi mbivuge mbisubiremo UNHCR ni UN ni America USA. abanyarwanda nibahunge ariko ntibitwe impunzi. kandi nushaka gupfa nabi wishyire UNHCR. abanyamerika barahiriye kumara abahutu babanyarwanda . aha ndi muri amerika USA abahutu bicwa buri munsi. ntaho kubaza. abariho babanyarwanda bimpunzi nabakorana na UNHCR babafasha guhiga impunzi kuzitsemba no kuzirimbura. ugeze muri amerika ari nyakamwe ntarenza imwaka 1 cg 2 bataramwica. ntakubika, ntagutangaza ko hari umuntu wapfuye. ibyitso bya banyarwanda nibyishi cyane mu kurimbura no gutsembatsemba abanyarwanda ku isi hose.

nimwihangane gupfa nukwa buri wese, agahinda karuta akandi nukwicwa ntagitabara ku isi yose.


ntagutabaza, ntawo gutabara abanyarwanda nugupfa bashira nkuko Kagame na UNHCR babisinyiye.
nagiye gutabaza kuri UN aha muri amerika uko niko banshubije ko (No interesting to the Hutu Refugees, Rwandans Hutu's, murders, killings, we don't care). bavuze uko nti banakeneye no kubona umuhutu mu maso yabo.

RNC 01/02/2015 22:32

CPC nihaguruke itabare kandi itabarize izi mpunzi, CPC ntiyite ku manjwe ya Romeo na. Byiringiro

RNC 01/02/2015 22:27

CPC ni ihaguruke

kamali 01/02/2015 19:47

Kato we urandangije! ntabwo ari abahutu gusa bari i Burayi kandi kuba bariyo birumvikana kuko birukanywe mu gihugu, nonese uragira ngo bavugire abahutu bahungiye muri Uganda kuri nde? kuri Museveni se?; ahubwo wagombye kwibaza abatutsi bari i Burayi icyo bakorayo kandi bafite igihugu, ukongera ukambwira icyo abatutsi bari mu gihugu bamaze kandi kagame nabo ari kubica akabashyira mu bigunira akohereza muri Rweru! None se kubutegetsi bw'abahutu wigeze ubona aho ushinzwe kurinda umukuru w'igihugu abohwa nk'imbwa ngo yavuze akajugunywa mu buroko? Ingoma ziba nyinshi ariko iy'abatutsi igiye kuzaba akayobera abasuzumyi !

Murundi 01/02/2015 19:39

Shem,poleni saana guys!!Pole saana kumuryango wa Kivire(chairman Kashojwa A) kuko twakoranye neza muri FRC Nakivale.Kwica abanyarwanda Nakivale vyatanguye kera cane!!Akarorero n'abanyarwanda biciwe mukigo ca commandant (Soudan Zone)Nakivale muri 2011) abandi bakajanwa ahantu hatazwi n'amakamyo ya OPM.Benewacu banyarwanda amakuba y'abanyarwanda yatanguye kera.Poleni saana benewacu

kato 01/02/2015 16:54

Nyamara se ibihutu ntibirengeje akaguru ku kandi za burayi amerika n à handi binywa imivinyo birya yaourt bene wabo bashira nta gikoma!