RDC : Urugiye kera ruhinyuza intwari ! Kudashishoza ku kibazo cya FDLR bitumye Russ Feingold yegura!

Publié le par veritas

Russ Feingold asize ibitenga bituzuye kuko agiye FDLR itararimburwa!

Russ Feingold asize ibitenga bituzuye kuko agiye FDLR itararimburwa!

Nkuko iyi nkuru tuyikesha BBC mu rurimi rw’igifaransa, Jennifer Psaki umuvugizi wa ministeri y’ububanyi n’amahanga wa Leta Zunze ubumwe z’Amerika (USA) yatangaje ko Bwana Russ Feingold wari intumwa idasanzwe ya leta zunze ubumwe z’Amerika (USA) mu karere k’ibiyaga bigari kuva mu kwezi kwa kamena 2013 yeguye kuri uwo mwanya !
 
Jen Psaki yavuze ko Bwana Feingold yagize uruhare rukomeye mu gushyiraho ibiganiro byahuje umutwe wa M23 na leta  ya Congo. Ubusanzwe , Russ Feingold na Mary Robinson wari uhagarariye umunyamabanga mukuru wa Loni mu karere k’ibiyaga bigari, bashyize igitutu gikomeye kuri leta  ya Congo kugira ngo igirane ibiganiro n’umutwe wa M23 warwanyaga iyo leta ariko abo bayobozi bombi batunguwe ni uko umutwe wa M23 watsinzwe urugamba rwa gisilikare kuburyo butunguranye bikozwe n’ingabo za Congo zifatanyije n’umutwe wa FIB (monusco), ibiganiro abo bayobozi bombi bashyiraga imbere ko aribyo bigomba kurangiza iyo ntambara, byakomeje M23 yaratsinzwe ! Ingaruka zavuyemo muri uko gutsindwa urugamba kwa M23 ni uko madame Mary Robinson yahise ahindurirwa imirimo kuko byagaragaraga ko adasobanukiwe n’ikibazo kiri mu karere k’ibiyaga bigari!
 
Bwana Russ Feingold yahise atangira gushyira igitutu kuri leta  ya Congo no kuri monusco, abisaba ko imbaraga byakoresheje mu gutsinda umutwe wa M23 arizo bagomba gukoresha mu kurasa impunzi z’abanyarwanda ziri muri Congo mu gikorwa yise kwambura intwaro no gusenya umutwe wa FDLR! Ntacyo Russ Feingold atakoze ngo FDLR irasweho biranga aho gushyira ibiganiro imbere nk’uko yabikoze kuri M23 ; iyo mitekerereze ye akaba yarayifashwagamo na let aya Kigali! Byageze n’aho Russ Feingold ashyira igitutu kuri perezida w’Angola aburizamo inama yagombaga kubera muri icyo gihugu taliki ya 15 na 16 Mutarama 2015 kugira ngo higwe uburyo bwo kurwanya FDLR.
 
Uko kuburizamo iyo nama ntacyo byatanze kuko kurasa FDLR byakomeje kunanirana kugeza ubwo Paul Kagame uvuga rumwe na Russ Feingold ahunze inama yari iyobowe na Ban ki-moon muri Etiyopiya ku italiki ya 31/01/2015 ihuje ibihugu byo mukarere k’ibiyaga bigari kugira ngo higwe ku kibazo cyo kwambura intwaro FDLR! Paul Kagame na Russ Feingold bavuga ko nta yindi nama igomba gukorwa kuri FDLR uretse kuyirimbura none Feingold ataye Kagame mu nama areguye! Kuvuga rumwe na Kagame ugashaka no kurengera ibitekerezo bye muri iki gihe biragoye cyane, n’Abanyamerika batangiye gusobanukirwa ikibazo cy’ubuyobozi bw’u Rwanda kuko bufitwe n’umunyagitugu w’umwicanyi!
 
Muri uko guhuzagurika kose, Leta  ya Congo yiyemeje kwambura intwaro yonyine FDLR nta nkunga ya ONU ihawe ariko ikaba itaratangira ibikorwa bya gisilikare kuri FDLR, ministre akaba n’umuvugizi wa Congo Lambert Mende yavuze ko kwambura FDLR intwaro bishobora kuzaba mu gihe cy’ukwezi kumwe cyangwa se bikazaba mu gihe cy’imyaka 10! Monusco nayo yavuze ko igomba gukurikiranira hafi imyitwarire y’ingabo za Congo kuko zishaka kwica impunzi zikabeshya ko ziri kurwanya FDLR, ibyo akaba aribyo amashyaka hafi yayose atavuga rumwe na leta y’i Kigali yagaragaje !
 
Abazungu ntibazarira mu gufata ibyemezo iyo ibyo biyemeje babonye bidashoboka! Nkuko Russ Feingold yizeraga ko FDLR igomba kuraswa nka M23, none ubu akaba amaze kubona ko bidashoboka, bibaye ngombwa ko yegura ! Niba ibyo kurimbura FDLR bidashoboka ubwo umwanya ugomba guhabwa ibiganiro bya politiki, birumvikana ko Kagame azabyanga bikaba bizagaragarira amahanga yose n’akarere k’ibiyaga bigari ko nyirabayazana w’umutekano muke mu karere kose ari Paul Kagame na leta  ye! Kwibeshya no kubeshywa na FPR bitumye Russ Feingold asezera ku mwanya we mu gihe yari afitiwe ikizere kinshi n’Abanyamerika kubera uburambe yari afite muri politiki cyane ko yabaye senateri igihe kirekire mu nteko ishingamategeko y’igihugu cy’Amerika !
 
Birumvikana ko uzasimbura Russ Feingold kuri uriya mwanya kimwe na bagenzi be basigaye bagomba gufata ibyemezo mu bushishozi ku kibazo cya FDLR ! Ubusanzwe mu mategeko y’umuryango w’abibumbye nta hantu na hamwe hafatwa icyemezo cyo kurasa abantu basaba uburenganzira bwo gukora politiki mu gihugu cyabo, aho akaba ariho Russ Feingold yibeshyeye cyane kandi akaba ariho hatandukanya FDLR na M23! Muri ONU iyo ufashe intwaro ukarwana bagusaba kuzishyira hasi ibyo warwaniraga ukoresheje intwaro ukabiharanira ukora politiki, nibyo FDLR isaba,bikaba bihuje n’amategeko ya ONU !
 
Abemera Imana bazi neza ko Imana ivuga kandi ubutumwa bwayo ikabunyuza kubantu baciriritse, niba ikibazo cya FDLR kizakemuka nk’uko Imana yabibwiye abahanuzi ntacyo umwana w’umuntu agomba kugikoraho uretse kwemera icyo imana itubwira, umwe mubahanuzi yagize ati «bazakora ibishoboka byose ngo batsinsure Rwara rw' umugara rubundiye mu mashyamba, nyamara nabyutsa umugara igihuru kizabyara igihunyira. Bazafatanya n’abanyamahanga, nyuma bibe zero, ahubwo intambara yongere itangire ikazahagarikwa na l'ONU ya gatatu » !
 
Ese aho ibyo uwo muhanuzi yabwiwe n’Imana sibyo turi kubona muri iki gihe ? Buri wese abyibazeho !
 
Ubwanditsi.

Commenter cet article

Mbonyingabo Jean 23/02/2015 10:16

Nibyo koko urugamba rugiye kera ruhinguza intwari. Russ Feingold yikuriyemo ake karenge kubera kubogamira kubinyoma bya FPR na Kagame. FDLR mukomeze uwomukino wanyu mwiza; umupira urigukinirwa imbere yizamu ry'umwanzi. Niyibeshya akawukora iraba penalite

Cliff 22/02/2015 11:21

Ese baje batututse iyo za Amerika n'i Burayi bazanywe no kwica Abanyafrika !! Ese umugambi usanzwe uzwi cyane wo kugabanya, kwica no gusahura abanyafrika uracyakomeza ??? Ubu bugizi bwa nabi nta Munyafrika yiyubaha ashobora gukomeza kubyihanganira uretse gusa Paulo Kagame na Museveni. Ese ubundi ntabwo Abanyamerika bazanywe mu karere k'ibiyaga bigari na Paulo kagame na Museveni ??????
Ese uwo mugabo Russ Feingold, ntabwo yibuka neza ko iguhugu cye kiri inyuma y'urupfu rw'abaprezida n'abaturage bo mu karere kacyu ???
Ese akeneye ko tubimwibutsa niba yarabyibagiye ?? Ese ko batwanze bagarutse bate kudusaba ibyo badusaba ? Abanyafrika tuzi ko ntawusubira ko byo yarutse uretse ingurube.

MAGAYANE 21/02/2015 21:51

MAGAYANE ATI: BAZAFATANYA N’AMAHANGA....mureke na T. B n’abandi nkawe nibo bagiye Gukulikiraho. Ikibazo cy’ Urwanda UBU KIGIYE GUHAGURUKIRWA nababenecyo bariya banyamahanga bigizwe kuruhande. Uzashaka kubyitambikamo azabyirengera. Imyaka 25 KAGAME yica abanyarwanda IRAHAGIJE igisigaye nuguhaguruka twese TUKABYIHAGARIKIRA dore ko na BAN K MOON yivugira ko byananiranye: KANDI KOKO LONI byarayinani 1959, 1994, 1995 (KIBEHO) - 1996-2015 (DRC) aho hose baratwicaga IREBERAAAA igafata uruhande Rumwe urundi rwigaramiye. TUGOMBA GUHAGURUKA DUSHIZE AMANGA tukabwira amahanga ko DUSHAKA KWIKEMURIRA IKIBAZO. Abashaka DRC bazagende bageyo ariko u RDA batureke. Abantu bose POLO KAGAME yashutse AKABASHORA muri UBUBUJURA N’UBWICANYI, baza GUSHYIRWA KUKARUBANDA IZUBA RIVA KANDI U RWANDA n’ABANYARWANDA TUZABAGAYA ITEKA MUMATEKA YACU TUNABYIGISHE N’ABAZADUKOMOKAHO. Turasaba nibura AMARADIO na ITAHUKA - IJWI RYA RUBANDA kuzategura IKIGANIRO n’ABANYAMATEGEKO nka Charles KAMBANDA na Innocent TWAGIRAMUNGU bakazatuganirira KUBEREBANA N’UBUGWARI BWA LONI mumabi yose TAUGWIRIRIYE.

DORE ZA LINKS ZIMWE:

- https://www.youtube.com/watch?v=0ivlWwthB-g

- https://www.youtube.com/watch?v=sJ4tvOXsxCw

- https://www.youtube.com/watch?v=RFxdXVTTI_c

- https://vimeo.com/107867605

ABA BANYAMATEGEKO TWAZAGANIRA NABO TUBABAZA NIBA NTAHO LONI IREGWA cg INKIKO TWAGANA. Ndibukako Ingabo zo mu mubuhalandi zari zirinze Inkambi z’impunzi muri Bosinia (SINBUKA NEZA) ejobundi zagawe kandi hagasabwa INDI Z’AKABABARO KUBARI BABAHUNGIYEHO. Aha Loni twayibaza Icyo Igomba Gukora iyo uyihungiyeho MAZE ABICANYI BAKAZA BAKAKUVANA MUMABOKO YAYO! Iki kintu ni Serious MUKIBAZEHO.

Naho uriya weguye YAGIZE UBUTWARI TWANABIMUSHIMIRA, ahubwo na BAMUTUMYE BARI BAKWIYE KWEGURA cg B K MOON AKEGURA KUBUYOBOZI BWA LONI kuko agaragaza Double Standard!

russ 21/02/2015 20:34

Imana ihora ihoze. ..ibinaniye abanyamerica se noneho plan B y inyenzi iraba iyihe. ..

Kizza 21/02/2015 21:47

Reka tubitege amaso tureke amarangamutima

james 21/02/2015 20:22

America ibaye ikuyemo akayo karenge! Bazabigarukamo urugamba rukomeye bavuga ko baje guhosha, kagame agiye kwirara avuge ati "fuck you guys, ndajya muri congo mbiyicire" ashatse yakwitonda ariko kuko abo azoherezayo bashobora kuba aribo bazamubindukorana bakamurwanya, nabo barsmbiwe imirwano, idafitiye urwanda akamaro

Nzabandora 21/02/2015 13:47

"Bazakora ibishoboka byose...ariko nyuma bibe zero"

Rubanda 21/02/2015 22:15

Bacumugani ngo inkware yinyabugigo itora mwitongo ryuwayihigaga.imwanzi agucira akobo imana igucira akanzu.

ndishimye 21/02/2015 18:39

Uyu munyamerika yirirwaga aririmba ngo abanyarwanda bari congo baraswe none ntatinze kubona ko yibeshye....harakabaho Tanzaniya .....kubera ko itarya iminwa kubibera mu Rwanda...".Fdlr ni abanyarwanda bashaka gutaha mu gihugu cyabo ku neza naho M23 ni abanyamahanga bashaka gufata ubutegetsi mu gihugu cy'abandi kungufu"

BIZANDORA 21/02/2015 15:50

Nibyo urugiye kera ruhinyuza intwari! Russ aguye muri rwagakoco ya FPR,arahindanijwe kubera kudashishoza ngo amenye ibyihishe mu marira y'abayobozi b'u Rwanda bahora basaba abahisi n'abagenzi agahanga ka FDLR! Mwitonde gato na babandi ntiriwe mvuga hano barakaraba intoki nka Pilato babwire Kagame bati: Nyakubahwa irwarize waratubeshye imyaka 24!!!!!!!!

RNC 21/02/2015 13:21

FDLR niterwa natwe tuzayitabara rwose.

Kuri RNC 22/02/2015 02:24

Mukomere .Harakabaho ubumwe bw'abanyarwanda n'abarutuye !

Aimable 21/02/2015 13:19

Imana ishimirwe amahoro ikomeje kugaragara muri DRC. Icyampa ngo ayo mahoro asakare hose.

1. Ntanyungu n'imwe iva mukumena amaraso cyane cyane y'inzirakarengane. (amaraso arasama uwo waba uri we wese)

2. Kubakira ku kinyoma ni nko kubaka inzu y'umuturirwa kumusenyi

3. Abaharanira amahoro BOSE, Imana ikomeze ibibafashemo amanywa n'ijoro. Abanyotewe no kumena amaraso Imana ibafungure amaso bave mumwijima, bicuze, basabe imbabazi

4. Abarenganyijwe, ababuze ababo, abamugajwe n'izi ntambara z'urudaca, ni mukomere Uwiteka ni Umutabazi kandi ni Umucamanza mukuru.

Bakunzi b'amahoro murakarama!

Tuzatsinda

safari 21/02/2015 13:11

Ndabona ibyo uyu muhanuzi yavuze bigiye kuba rwose.

Gakuba phibert 21/02/2015 13:09

Amatwi yujye urupfu ntiyumnva ntekerezako Kagame yari akwiye gushyira ubwenge kugihe akarengera Abanyrwanda muri rusange nti hongere ku meneka amaraso kuko impande zombi twarapfuye bihagije. Abagira inama Kagame bagombye gufata ibyemezo kabone nubwo byaba bidashimishije Umutware wabo, bakarengera inyungu rusange za ABANYRWANDA. NGO Abwirwa benshi akuvwa na beneyo.