Ibitekerezo: Ibihuna mu byashara by’ibigarasha, umutwaro ukomeye wa FPR

Publié le par veritas

Igihuna (umuhutu) Bosenibamwe akinishwa na FPR nk'ikarita yo gusimbura Ibigarasha

Igihuna (umuhutu) Bosenibamwe akinishwa na FPR nk'ikarita yo gusimbura Ibigarasha

Ku bazi umukino w’amakarita, ibigarasha ni amakarita bavugako afite inota rya zero (ubusa). Mu ma karita habamo amoko y’imikino aha amakarita y’ibigarasha agaciro kangana na zero mu gihe bari kubara amanota iyo umukino urangiye ngo hamenyekane ufite amanota menshi. Igitangaje ariko, ni uko iyo ikarita y’ikigarasha yasohotse mu makarita yagizwe iturufu, ikarita y’ikigarasha n’ubwo itabara ishobora kurya ikarita ya Bwana (itari iturufu) ifite amanota menshi. Bityo, IKARITA KUBA ARI IKIGARASHA NTIBIYIBUZA KUBA IKARITA KANDI IKARYA. Nk’uko buri wese amaze kubimenya Perezida Polo Kagame yakunze gukoresha cyane ijambo IKIGARASHA nk’izina yabatije abahoze muri FPR INKOTANYI nyuma  bakayivamo batabyumvikanyeho. Mu yandi magambo Pola Kagame afata abayoboke ba FPR- inkotanyi nk’ amakarita akikinisha mu mukino we wo guhonyora abanyarwanda!
         
 
Impunzi zo muri 1959 - FPR Inkotanyi – Ibigarasha
 
Kuva FPR INKOTANYI zatera u Rwanda ku ya 01/10/1990 nakunze gukurikirana amateka y’u Rwanda. Ahanini INKOTANYI zari zigizwe n’abanyarwanda bahunze imyivumbagatanyo yo muri 1959 (kimwe n’ababakomokaho), igihe ubutegetsi bwa cyami bwari bumaze gutsindwa no KWISHYIRA HAMWE KW’ABARI BARAKANDAMIJWE N’INGOMA YA CYAMI. Amakosa yakozwe n’ubutegetsi bwa cyami ni yo yatumye abanyarwanda bishyira hamwe bakora revolution yo muri 1959. Iyi revolution ikaba yararangiye ikuyeho iyicwa rubozo, ingoyi, akandoyi n’uburetwa, gukorera ubusa, n’ibindi bibi byose byibasiraga inyoko muntu; bityo abanyarwanda batari babangamiwe n’ingoma ya cyami barahunga.
 
Izi mpunzi ubwo zifuzaga kugaruka mu Rwanda, ubutegtsi bwa MRND bwazibwiyeko u Rwanda ARI RUTOYA CYANE, buzigira inama yo KWAKA IBYANGOMBWA BAGATURA BURUNDU AHO BAHUNGIYE. (Nibutse abasomyi ko ejobundi  PREZIDA w’u Rwanda POLO KAGAME nawe yavuze ko u Rwanda  ari  rutoya, ko ari yo  mpamvu  abanyarwanda  barimo  baruhunga  ubu ku bwinshi). Nibwo izo mpunzi zateye u Rwanda muri 1990  zirufata muri 1994. Nubwo FPR INKOTANYI  yafashe ubutegetsi ariko, kugeza ubu  ntiyabashije  gukemura  ikibazo cy’impunzi  ahubwo  yatumye  noneho  hahunga abanyarwanda benshi ndetse na bamwe mu bagize FPR INKOTANYI NABO BARAHUNGA NA NUBU  KANDI BAGIHUNGA  KUBERA AHANINI UBWUMVIKANE BUKE BWATEWE NO GUCURANWA  UMUTUNGO W’IGIHUGU  N’IBINDI  BASAHUYE MURI  KONGO KINSHASA.  
 
Iyi niyo yabaye intandaro yo kurwanira gutegeka yatumye imiyoborere y’u Rwanda imeze uko tuyibona ubu, u Rwanda rukaba rutangiye guhabwa akato n’amahanga; ibyo bikaba byaratumye PREZIDA KAGAME arakara umujinya w’umuranduranzuzi akaba ari kumarira ku icumu abo  basangiye amaraso. Abacitse iryo cumu ryo kurwanira ubutegetsi kubafatanyije kubohoza igihugu, byabaviriyemo guhunga uwo mwicanyi Kagame maze ahita ababatiza izina ry’IBIGARASHA BICITSE!
 
Ikigarasha nacyo ni ikarita, iyo kibuze mu mukino uba wapfuye!
 
Nk’uko twabibonye haruguru, dushobora kuvuga ko FPR INKOTANYI igizwe n’amakarita (abayoboke bayo Kagame yabahinduye amakarita), mu yandi magambo FPR ubwayo ni umukino w’amakarita duhereye ku mvugo za Kagame. Kuri perezida Kagame ikarita isanzwe ifite agaciro ka Bwana (ikarita nkuru) ayihindura ikigarasha uko abishatse bitewe ni uko iyo karita atashatse kuyirya uko abishaka! Nyamara n’ubwo Kagame yavuga ko ikarita ayihinduye ikigarasha yibagiwe ko Ikigarasha ari ikarita kandi iyo karita ikarya izindi karita iyo ikinishijwe neza! Ikigarasha rero n’ubwo cyaba gicitse gikomeza kuba ikarita.
 
Byumvikane  neza ko  IBIGARASHA byose ari  IKARITA (FPR-INKOTANYI), abanyarwanda babangamiwe n’ubutegetsi bwa FPR bakwiye kwitondera propaganda zayo, cyane ko mbona ko imvugo “ibigarasha” yaje ishaka kujijisha rubanda, kandi mu mukino w’amakarita  kugira ngo ube wuzuye kandi ushobore kuwutsinda ni ngombwa ko n’amakarita y’ibigarasha nayo akinishwa. Abo twita ibigarasha rero baracyari amakarita, baracyari FPR, propaganda zabo ni zimwe ntahandi ziganisha ni ku ndunduro y’umukino (Hima Empire). Ibi kandi byagaragarira n’umwana uvutse ejo bundi!
 
Amakarita (FPR) y’ibigarasha mu Mpunzi za 1994
 
Umuhanuzi BIKINDI SIMON  yavuze ko FPR  niramuka  itsinze  ko  ayo  mashyaka  yose  azagenda  nka  nyomberi  ntihagire  na  rimwe risigara, ni ko byagenze  da !!!! Nta shyaka  na rimwe riri mu RWANDA,  yose FPR yarayamize  ayandi  irayasenya, abahabwa  umwanya  ni abemeye  kuyoboka  FPR gusa. Nk’uko Paul Kagame yabatije bamwe ibigarasha, Bikindi na we yari yabatije abahutu bamwe (niba atari bose) izina ry’IBIHUNA. Iri zina yaryise abahutu batabona kandi bagendera ku byo inda zabo zibasabye gusa. IBIGARASHA  rero  ni IKARITA (FPR INKOTANYI)  kuko ibyo  BIGARASHA  aho bigereye  hanze byasanze  abahunze  IKARITA (abahunze FPR INKOTANYI) barashyizeho amashyaka ayirwanya.
 
Ibyo BIGARASHA byanze kujya muri  ayo  mashyaka   ahubwo bishinga  ayabyo  maze batangira kugurisha IBYASHARA bari bazanye byuko bazi neza ko PAUL KAGAME ari we wahanuye indege yarimo PEREZIDA HABYARIMANA JUVENAL na mugenzi we NTARYAMIRA w’u BURUNDI, ikaba  ari nayo mbarutso  y’ubwicanyi ndengakamere (genocide) yabaye mu RWANDA 1994. Bakongeraho ko yari imwe muri strategies za FPR zagombaga kubaha ubutegetsi badasangiye n’abandi banyarwanda.
 
Ibihuna mu mutego w’ibyashara by’ibigarasha
 
IBYASHARA by’Ibigarasha byakiriwe neza n’izo mpunzi ndetse zikingura imiryango ngo IBIGARASHA (abavuye muri FPR)byinjire bifatanye nazo kurwanya PAUL KAGAME babinyujije mumashyaka yabo! Nkuko umuhanuzi B.S.  nawe yabatije izo mpunzi z’abahutu ko ari IBIHUNA bigendera inzira ubugali (ubunini)…..bitazi gushishoza…. Niko byagenze rero  y’amashyaka yose  ari  hanze  IBIGARASHA (IKARITA)  BYARAYINJIYE  BIYATEZA indwara yitwa MURARAMO yo kutumvikana  no kudashyira hamwe nk’uko muri 1959  babigenje  bakigobotora ingoma  ya  CYAMI yari  yarabakandamije imyaka irenga 400. Amashyaka  yose y’IBIHUNA ubu arimo acikamo kabiri, dore ingero zimwe:
 
  • Ishyaka FDU INKINGI  rya INGABIRE VICTOIRE intwali yitanze igasiga  abagabo   mu bitanda  ikajya  ku rugamba  none  irimo  iborera  mu GIHOME, Ibihuna byasigaranye ubuyobozi bw’ishyaka murebe  aho barigejeje kubera kudashishoza  no kutumva. Ese mwambwira ko idéologie ya FDU ihuye niya RNC? Perezida wa FDU ati dukeneye gushyingura n’abacu  kandi nabo  bishwe n’IBIGARASHA(IKARITA) kera  bakiri ikarita! GAHIMA nawe akivugira  ibindi…. naho NYAMWASA   ati “ntidushobora  gufatanya  nabo  tudahuje ideologie!
 
  • Biteye ubwoba, ubanza  IBIHUNA  barabiroze  kabisa kubona bakomeza gukomera  amashyi  umuntu uvuga  ko  yishe  prezida  wabo!  Biteye isoni n’agahinda … ubanza koko  Ibihuna   BITAKIGIRA  UBWENGE. Mu mwaka wa 2013 umwe mu banyarwanda   nawe w’UMUSHABIZI  nka  VICTOIR  INGABIRE yaratinyutse  avugira ku karubanda  ko  agiye gufatanya  na  FDLR kuko ari abanyarwanda b’impunzi bafite  uburenganzira  nk’ibindi biremwamuntu byose ku isi.
Kubera ko IBIGARASHA  byari byarangije  gucengera  abanyarwanda  bari  hanze,  byabateye ubwoba  ariko  mu by’ukuri byari bigamije  kuburizamo  umugambi  wo GUSHYIRA  INGUFU  HAMWE kuko ibigarasha byose ntibishobora kwibagirwa ko ugushyira hamwe ari intwaro ikomeye yakoreshejwe mu ihirikwa ry’ingoma ya cyami muri 1959. Kubera kumenyera  gutekinika  no gucengeza  propaganda  bikorwa  n’IBIGARASHA cyane ko  ari  impuguke muri ibyo bintu, byatumye  IBIHUNA birindagira bivunira  ibiti  mu matwi  byanga  kumva  impuruza   yiyo NARARIBONYE cyangwa se ngo binamwungure ibindi bitekerezo. Ahubwo babyutsa ibirego by’ibinyoma ngo uwo muntu niwe watanze u Rwanda. Kuko  yigeze  agaragaza  ko  FPR INKOTANYI  bari abanyarwanda bashakaga  gutaha  iwabo,  ko bari bakwiye   kudahezwa,  ahubwo ko bagombaga kumvwa.
 
Umwanzuro
 
Nyuma yo kwegezwayo k’umugambi mubisha wo kurimbura impunzi  ziri muri KONGO, habayeho kwigaragambya kuwa 29 Mutarama na taliki ya 4 Gashyantare, kandi biracyanakomeza hagamijwe kwamagana iraswa ry’impunzi. Ni byiza kuko ni urubariro rukenewe ku nzu. Ariko se kuki hatabayeho gutumira wa wundi wagaragarije amahanga bwa mbere ko FDLR ari impunzi nk’abandi?
 
Kuba IBIHUNA bisa n’ibikomeje kwirengagiza aho MANU yatumye batarasa kuri FDLR yavuye ni ukuberako birangariye mu byashara byazaniwe n’IKARITA zitwa IBIGARASHA. Nabwira cyane abatumva, bamenye ko burigihe ibigarasha bibarirwa mu makarita byaguranwe (FPR) kandi iyo bitarimo amakarita agize umukino ntabwo aba yuzuye. Kagame rero si umuswa, afite impamvu yahisemo gukoresha amagambo “ikarita” n’”ibigarasha”. Mufite amaso ariko   ntimubona,  mufite  amatwi  ariko ntimwumva!
 
 
Umusomyi wa Veritas,
Colonel RUKARA DAMIEN
NASHO, KIBUNGO
 

Commenter cet article

Karenzi 10/02/2015 21:30

Ariko nkawe wanditse iyi nyandiko ubugome ubuterwa n'iki? Ngo abahunze mu 1959 ni abatari babangamiwe n'ingoma ya cyami? Mbega ubugome! Ni nde uyobewe ko bahunze kubera kumeneshwa abandi bakicwa abandi bagatwikirwa?

Gaca 10/02/2015 14:53

Rwose wa mugabo we iriya nyandiko yawe yaripfuye kugira ireme ariko kubera kurangiza nabi ibineyemo byose. Mbese ni nka ya ntore ihamiriza neza rwose ariko kwitakuma kugirango irangize isohoke bikayinanira. Ntabwo ntekereza nka ba new generation, ariko Rukokos igihe cye cyararangiye. Sinzi impamvu abantu bibeshye bamushyira mu ndagu za Magayane nk' aho ari amasezerano ya Arusha.

1 10/02/2015 10:03

Abanyapolitike cg abanyamashyaka bakomeje kugendera inzira ubugari nu, Ibihuna. Nibyo koko bafite amatwi ntibumva imvugo ya gaciro, bafite amaso ntibabona ibyuzuye muri rweru no kumuhima, ntibanasubiza amaso inyuma ngo babone isoko rya gaciro ahahisha harya kugisozi

Kuri 1 10/02/2015 10:34

Uvuze neza .Abwirwa benshi akumva bene yo . Ayo mabarwa yandikiwe Kimuna agaceceka ni angahe ngo amateka azabimuryoze ? Imigambi ya gashakabuhake mu karere ko izwi kuva kera ; bakeneye utubuye ; dukeneye kuramuka . ko nta shak
a nako ishyaka rirabegera ngo ribasabe bunamure inkota n'uriya musazi wabo !

lucky 10/02/2015 01:02

wa mugabo we ufite ivangura ryinshi kandi mubyukuri ntaho rizakugeza!!

Rwarakabije 10/02/2015 18:32

ariko kuko habaho kuvangure iyo havuzwe abatutsi, ariko bavuga banyakujya (abahutu) bikaba ibisanzwe, igihe cyose mutaremera ko n'abandi nabo bafite uburenganzira bwo kuvurwa no kuvuga ntimuzarinda narimwe mugera kubyo mushyaka, nako muribwira ngo mufite ubutegetsi ra !! reka tubyemere, ariko se mububayemo mute? nanubu murara mudasinziye kuko nyine mutinya ukuri !!) kdi nyamara amaherezo niyayandi ... muzatungurwa umusi umwe mwongeye kwisanga ... nyamara mwari mufite umwanya n'uburyo bwiza bwo guhindura ibintu bityo mukabaho ntacyo mwikanga kdi n'abandi nabo bakabaho neza (nta bwishishanye)

Mbandaka 10/02/2015 02:57

Mureke abantu bivugire icyo bashaka nuko bashaka .Nguhe urugero : Niba Kagome yarakwiciye ,uburyo uzandika mesaje yawe ikinyabupfura kizaba gike ugereranije nuwo yagaburiye . Mubyo banditse hano ujye ufata ibyo ukeneye ibindi ntibikureba . Merci vertas info. Utuma abantu binigura ! Hano iwacu i Rwanda turi ba ndiyo bwana ; Hano kuri net urahumeka .Nubwo Imana itagitaha i Rwanda iracyadufite ku mutima kandi igihe nikigera izagaruka . Ngaho rero : " Dawe tukiri hano . " Uwibuka uwo mugani azawudusobanurire.

Rukara Damien 10/02/2015 02:47

Simvangura ndavuga ukuli

Rukara Damien 09/02/2015 23:33

Ese Bihuna bene data aho natwe amateka ntacyo yatwigisha?Harya ngo ikibazo ni Rukokoma kuki mumutinya cyane mwaje tukamwegeka akegama
mumatora da?!!!Ndabona ko mumutinya nkuko ishyaka ritinya irindi ko Igitekerezo cye ari kiza niyihe mpamvu mutamwegera ngo basi mumukosore?
Ni uko afite icyo abasumvya muri politiki
nyamara mwibagirwa ko muri politiki ukorana numuntu kubera inyungu za politiki umufiteho
kabone nubwo waba utamwemera Nanjye ndi Igihuna ariko maze gutangira guhumuka
Nimuze dushyirehamwe sinon baratumara
ndagatora maman

Rukara Damien 09/02/2015 23:21

Ndabashimiye mwese mumaze gutanga ibitekerezo byanyu.Gusa namenyeshaga abavuze ko natukanye atari byo ahubwo ikibazo nuko nakoresheje inyito dukura kubantu baranze amateka yUrwanda
uko biri kose Kagame ni prezida wuRda niba muri abanyarda rero ni prezida wacu.
kubijyanye no gutanga inama nkuko uwitwa Aimable abivuga nibyo ariko uba inama umuntu umaze kumenya amakosa ye cga aho ari kwibeshya
Niba koko atari uburyarya amayeri menshi wansobanurira ukuntu twese ari Ibihuna n.ibigarasha
tugiye gushirira kwicumu dutsembwe numuntu Kagame ariko bikatunanira kwishyira hamwe ngo tumurwanye?Ngo kudashyira hamwe biraterwa na ideologies zidahuye?
Ese ko Ibigarasha byemeza ko guhanura indege yarimo Juvenal ariyo mbarutso ya genocide ariko bagahindukira bakitana abicanyi nyamara nyirabayazana umwicanyi Ruharwa yigaramiye akomeje kutunigagurira hamwe ?aho Ibigarasha ntibirwanya Kagame bagashyigikira système bishyiriyeho wenda bagishyigikiye?

Dan 09/02/2015 22:18

http://www.enca.com/media/video/africa-360-fdlr-terrorists-or-freedom-fighters

Niyonkuru Felesita 09/02/2015 17:37

nemero yambere 1) Gupfira intama: Victor Byiringiro nabagenzi be
Victoire Ingabire Umuhoza
numero ya kabili 2) kurwanira Demokalasi niyo bisaba gutanga ubuzima. intwari zirahari hatarimo
ibihuna nibigarasha.
abazungu baca umugani ngo: Freedom is Not Free. mukinyarwanda ni Demokarasi barayiharanira cyangwa bakayirwanira ntiyizana gusa.
ibihuna nibinyenda nini ndabibona cyane kandi buri munsi muri Amerika no mu Burayi.
abi ntwari ni mukomere kurugamba. Mandera "Victoire Ingabire Umuhoza nakomere kurugamba"
"Byiringiro Victor Nakomere nabagenzi be nibakomere kuntama zabo kuzirinda nkuko biyemeje" ibi bazabihemberwa mwijuru no mwisi nibishoboka.
ubu kuri barahari, abi binyoma barahari, mpatsi ibihugu irahari, gutsemba no kurimbura abanyafrika birahari, nibindi.
Ikuzimu harahari ni ijuru ririho.

Satani iri kwisi kandi ikayobora isi.

mukomere kurugamba, urugamba ni rurerure ariko ruri kwiherezo.

Mukomere mwese

Aimable 09/02/2015 17:36

Umusomyi wa Veritas,
Colonel RUKARA DAMIEN
NASHO, KIBUNGO

Ko bigaragara ko uri umuntu ushishoza, Ese aho nti byaba byiza gutanga inama aho gutunga agatoki?

Jye mbona izo karita zakinishwa cyangwa se ntizikinishwe, ibihuna cg abatari ibihuna: AMARASO Y'ABANYARWANDA YAMENETSE KANDI AKIMENEKA NI MENSHI. UYU MUVUMO URI MUBANYARWANDA UKWIYE KUTUVAMO. AMARASO ARASAMA.

MUREKE TWANGE IBIBI DUKUNDE IBYIZA

Tuzatsinda

Majyambere 09/02/2015 16:56

rwose ibyo muvuga nibyo, ubunararibonye burihe; ndashima Victory Ingabire utaritaye kubushyuhe I burayi, Ntaganda utaremeye gufungwa umunwa, GEN Byiringiro na Bakunzi bake batitaye kumbeho y ishyamba, Gen Mupenzi wemeye kureka phd ye akinjira ishyamba n abahungu biyemeje kugwa inyuma y impunzi; ngizo intwali

Mbonyingabo 09/02/2015 16:05

Victor, Ntaganda, Ruzibiza na Mihigo wumururumbyi nizo ntwari dufite zagararagaye kwisonga muri ikigihe cya FPR.

Mbonyingabo 09/02/2015 15:59

Mubyukuru uwanditse iyinyandiko nizere yuko ari umunya politic atari umunyamakuru. Niba arumunyamakuru akwiye kujya yandika inyandiko zunga opposition aho kuyisenya nogutukana nka Kagame, none Kagame kotuzi yuko arumushumba kandi gutukana ikaba ariyo vugo ibaranga, wowe bite? Ikindi kandi gewe simbona ubwo bunararibonye uhora uvuga bwa Twagiramungu, kuko umukino wa politic yarawukinnye ikizami kije kiramutsinda, ubworero ntukamwite inararibonye cyane. Uretse yuko dukwiriye kumwima andi mahirwe yukwikosora kuko ashobora kumenya ikosa yakoze akarikosora. Aho uvuga yuko batamuhamagara mumyigaragambo sibyo, muri politic umuntu yikinira umukinowe na Twagiramungu nabona angombwa azihamagarize iye myigaragambyo cgwa agire ikindi gikorwa akora. Kandi ntabwo nkumuntu ukurikira politic yu Rwanda warukwiriye kuvuga yuko ariwe utuma impunzi zitaraswa kuko hari politic nyinshi zikinwa ndetse FDLR ikaba ibifitemo uruhare runinini, ikindi kandu mukutarashwa kwimpunzi na FPR ishobora kubigira uruhare kubwibikosa bakora.

OyeeVicky 09/02/2015 15:53

Victoire niwe ntwali Numero 1 kko yavukanye nibihungu byibisambo bigenza inda aho kugenza ubwenge,bikina amakarita yacanzwe na kagame kdi bigakina kwitegeko rye,nkaho byo bitagira amategeko numuco.ariko ni mugihe abandi bigishije abana babo kubanga imiheto no kwihagararaho yewe no mubihe bikomeye abandi bize guhakirizwa no kwikorera amabuye nka bose nibamwe.
kugeza ubu nemera gusa abantu batanu(Ingabire Victoire,Ntaganda,Bakunzibake,Byiringiro,nundi umwe wiyemeje kuba mumashyamba arwanira uburenganzira bwa benshi birirwa batongana nkaho gushwana arumuti)
nimushaka murebe neza mwabasaza mwe mumitwe yanyu harimo iki koko? mwakwigisha cg mwatangaho urugero?ndavuga ibihuna
Mbwira abumvua

macari 09/02/2015 15:30

Afite ukuri. .niba umuntu aje afite objectifs zo gucamo abantu ibice no kubasenya ngo aburizemo imigambi yabo bazamwihorere ngo n amoko? Uzaza aje gutera ingabo mubitugu abandi. .yaba umuhutu umututsi cg se umutwa umunyamahanga uwo azashyigikirwa ntawuzamuheza..ubundi dushyire hamwe dusenyere umugozi umwe. Umuhutu umututsi usenya abandi nuwo kwamaganwa. .komera

muhire 09/02/2015 14:46

nyamuna murwanashyaka wa Twagiramungu warekeye aho? ko u ri gutuma ahubwo ibye bijya rudubi, colonel!!! ubu murabona ari igihe cyamoko koko? yewe yewe. saba imbabazi bazakubabarira humura. ariko mugirango nubwo wakwandika wihinduye , abanyarwanda tumaze kumenya imvugo zabanyapolitiki n abafana.