Burundi: Nkurunziza yirukanye maneko we kubera raporo yamukoreye ihanura amakuba ku gihugu!

Publié le par veritas

Général Godefroid Niyombare

Général Godefroid Niyombare

Hashize iminsi mike, maneko mukuru w’igihugu cy’u Burundi Général Godefroid Niyombare akoreye raporo umukuru w’igihugu cy’u Burundi amubwira uko ibintu byifashe mu gihugu cyose, muri iyo raporo Général Niyombare yakoze ikosa ryo kugira inama perezida w’u Burundi y’uko atazongera kwiyamamariza manda ya gatatu; kuko uko kwiyamamaze kwe gushobora gushyira igihugu mu kajagari gatewe n’umutekano mu cye nk’uko raporo ye yakoreye perezida ibigaragaza. Ni ubwo bamwe mu nkoramutima za perezida Nkurunziza batari bashyigikiye ko uwo mu General ahanirwa raporo yakoze bitewe ni uko ivugisha ukuri, ntibyabujije perezida Nkurunziza Kwirukana Général Godefroid Niyombare ku mwanya wo kuba maneko mukuru w’igihugu cy’u Burundi kuwa gatatu taliki ya 18 gashyantare 2015.
 
Kwirukana maneko mukuru w’igihugu Général Niyombare ni ikimenyetso ndakuka kerekana ko Perezida Nkurunziza atsimbaraye ku cyemezo cye cyo kwigundiriza kubutegetsi ku ngufu, akaba aziyamamariza manda ya gatatu kandi akarwanya umuntu wese utazashyigikira icyo cyemezo cye; ibyo bikaba byemezwa n’inshuti za hafiza za General Godefroid Niyombare. Ntabwo kandi ari Général Niyombare uhuye n’icyo kibazo bwa mbere kuko mu mwaka w’2013, Nkurunziza yirukanye umugaba mukuru w’ingabo z’u Burundi wo mu bwoko bw’abahutu. Uwo mugaba mukuru w’ingabo akaba yararinze Nkurunziza igihe kirekire mu gihe bakoraga intambara ya kinyeshyamba muri icyo gihugu, ariko bakaba barashwanye bitewe ni uko uwo mugaba mukuru w’ingabo yamugiriye inama yo kutazongera kwiyamamaza!
 
Mu kwezi kwa cumi na kumwe 2014 nibwo Nkurunziza yahamagaje Général Niyombare ku mwanya w’ambasaderi yari afite mu gihugu cya Kenya, amugira Maneko mukuru w’igihugu cy’u Burundi, uwo mwanya yari ahawe mu gihugu ukaba ukomeye cyane kuko ariwo uba ubumbatiye ibanga ry’umutekano w’igihugu. Bitewe ni uko Général Godefroid Niyombare akoresha ukuri mu kazi ke, byabaye ngombwa ko abwiza ukuri Nkurunziza ko kwiyamamaza kwe bwa gatatu bizakururira igihugu cy’u Burundi amakuba akurikije amakuru yari afite, kubera uburakari Nkurunziza yagize bwo kutamushyigikira mu gikorwa cye cyo kongera kwiyamamaza byatumye yirukana Général Niyombare n’abamwungirije babiri ku mwanya wo kuba maneko mukuru w’igihugu cy’u Burundi! Gusa rero umuntu ntiyabura kwibaza niba kwirukana maneko mukuru bihindura amakuru yamugejejeho y’uko kwiyamamaza kwe bizakururira igihugu akaga!
 
Amakuru dukesha radiyo mpuzamahanga y’abafaransa RFI yemeza ko amakuru iyo radiyo ifite yemeza neza ko Nkurunziza yafashe icyemezo cyo kwirukana Général Godefroid Niyombare ku mwanya wa maneko mukuru kugira ngo atere ubwoba abayoboke b’ishyaka rya CNDD-FDD bashobora nabo gutera hejuru bakavuga ko badashyigikiye ko Nkurunziza yiyamamaza dore ko bari kugenda baba benshi, bityo Nkurunziza akaba ashaka ko abo bose batekereza gutyo baceceka!
 
Nkurunziza kandi yafashe icyemezo cyo kwirukana Général Godefroid Niyombare kugira ngo atere ubwoba abasilikare benshi babanye nawe mu ishyamba bo muri CNDD-FDD badashyigikiye ko Nkurunziza yongera kwiyamamaza, uko iminsi igenda yegereza itora niko abasilikare benshi b’igihugu cy’u Burundi bagenda berekana ko badashyigikiye ko Nkurunziza yongera kwiyamamaza, Nkurunziza nawe akaba atangiye gukoresha ububasha ahabwa n’umwanya arimo kugira ngo abatere ubwoba!
 
Uko ibintu byifashe ubu i Burundi birasaba imbaraga nyinshi cyane Nkurunziza kugira ngo ashobore guhangana n’abayoboke bo mu ishyaka rye CNDD-FDD badashaka ko yongera kwiyamamaza kimwe n’abasilikare benshi batamushaka hakiyongeraho amashyaka arwanya ubutegetsi bwe adashyigikiye ko yongera kwiyamamaza ndetse n’umuryango mpuzamahanga wagaragarije Nkurunziza ko udashyigikiye ko yongera kwiyamamaza!
 
Niba atari umuvumo uri mubayobozi b’ibihugu by’Afurika, Nkurunziza yari akwiye kurangiza manda ye mu mahoro, akaruhuka agakorera ishyaka rye, bitewe ni uko akiri muto ntibyazamubuza kuzongera kwiyamamaza muri manda itaha, naho ubundi arashaka kurangiza asenye igihugu nawe atiretse!
 
Ubwanditsi.

Commenter cet article

Inama 20/02/2015 17:54

Bantu bo kuri veritasi inama nabagira nuko iby'abarundi mwabirekera abarundi kuko mbona byarabihishe...Mureke kandi kurebera iby'abarundi mu ndorerwamo y'abanyarwanda....jyewe ubwanjye mperutse i Burundi iyo muvuga ngo byacitse i Burundi nyoberwa aho mubikura....Nkurunziza aho yavanye abarurndi barahazi....neza...ahubwo abanyarwanda mwiririre kuko abarundi badusize kera...

Damien 19/02/2015 15:49

Ikintu aboyobozi benshi biyibagiza ni ukudatahura ugucikamo ibice byishyaka iyi cndd yirukanye Rajabu ikamurunda mugihome arengana akibagirwa ko nawe afitemo abayoboke kimwe nabo twita indécis mu ishyaka , nabandi bo kwa Nyangoma ni uruvange
ahubwo azatangara abonye na Uprona biyunze nkuko Fnl yabikoze , nyuma......

Mbonyingabo jean 19/02/2015 14:36

Nkumunyamakuru rero ntabwo ukwiriye kujya utangaza inkuru nkiyi ukurikije uruhande rumwe, cyane cyane ko byaribikoroheye kumva nabari kuruhande rwa Nkurunziza icyobavuga. Ndabizi amakuru yerekerenye nu Rwanda kubona impande ebyiri harigihe bigora ndetse ukaba wahasiga ubuzima. I Burundi ho rero sikobiri. Jyugerageza uko ushoboye weregutangaza inkuru nkiyi yigice.

Brenda 19/02/2015 13:36

Bibiliya iravuga ko hagowe cane abinyegeza inyuma y'ijambo ry'Imana bagamije gukora ikibi. Burya rero watuma ukora ikibi ariko utihishije inyuma ya Bibiliya.Abantu bameze nka Nkurunziza; barafise ingorane imbere y'Imana n'imbere y*abantu.
Nkurunziza niyagira amahirwe , azogende yirire ya mavoka yirirwa atera hirya no hino. Mu mutwe wiwe harimwo imigambi y'amavoka gusa ; nayo gusobanukirwa n'ikibazo c'akarere kacu canke Afrika ntubimubaze. Uzomubaze kwica benewabo b'abahutu gusa no kugenda aturumbuye amaso nk'igikere gitunye k'umugezi w'amazi, cibaza yuko gishobora kubuza abaje kwivomera. Nkurunziza nakingure hinjire abasobanukiwe n'ikibazo co mu karere hamwe n'ibisambo vy'abicanyi b'abazungu birirwa basubiza inyuma ibihugu vya Afrika.