Rwanda: Meya wa Rusizi Nziyimana Oscar yaraburiwe ntiyabyumva none atashye mugihome!

Publié le par veritas

Meya Oscar nzeyimana

Meya Oscar nzeyimana

Kuri uyu wa kabiri taliki ya 6 Mutarama 2015, Meya w’akarere ka Rusizi (Cyangugu) Nzeyimana Oscar yafashwe n’abapolisi ba FPR bamukuye mu nama yarimo ayobora, bamujyana muri gereza! Abari muri iyo nama bose bahise bahahamuka bava mu nama bataha mu ngo zabo, ariko umutima utari mu gitereko! Ubusanzwe Meya niwe ufunga ariko noneho aba baturage b’akarere ka Rusizi bo babonye ikinyuranyo kuko Meya ariwe wafunzwe kandi agakozwa isoni zo gufungwa akuwe mu nama yayoboraga, imbere y’abaturage kugira ngo abo baturage nabo baboneko ntaho bari!
 
Ifungwa rya Nzeyimana Oscar si igitangaza, nta nubwo ariwe muyobozi ufunzwe bwa mbere cyangwa bwa nyuma, ibyo bimaze imyaka irenga 20 bikorwa n’ubuyobozi bushya bwa FPR irangajwe imbere na Paul Kagame! Itangazamakuru rinyuranye natwe turimo twanditse inyandiko nyinshi ziburira uyu muyobozi w’akarere ka Rusizi, tumwereka ko ari guhemukira abaturage kugira ngo ashimishe FPR ariko amaherezo nawe akaba azahabwa inyiturano yo kugirirwa nabi na FPR, ntiyatwumva ahubwo arushaho kugira nabi; none amaherezo ni uko nawe agerewe mu kebo yagereyemo abandi nk’uko bigendera abahutu bose bagizwe abayobozi na FPR bahemukira abaturage kugira ngo bayishimishe. Umuhutu wakoreye cyane FPR ahemukira abaturage amaherezo imucira nka shikereti yashizemo uburyohe!
 
Zimwe mu nkuru zikomeye twanditse ku makosa akomeye y’ubuyobozi bw’akarere ka Rusizi bwari buhagarariwe na Nzeyimana Oscar,  ni uko mu karere uyu muyobozi yayoboraga ariho hatangiriye igihano cyo guhana abaturage muri rusange ngo bitewe ni uko batinyutse bakajya mu mirima yabo bagaca ibigori byo kotsa ngo batabiherewe uburenganzira n’ubuyobozi; ibyo bikaba byarabereye mu murenge wa Muganza, aho Gitifu w’umurenge yahamagaje abaturage bashinjwa icyo cyaha cyo kotsa ibigori basaruye mu mirima yabo, akabaryamisha ku gasozi bareba mu zuba kugira ngo bapfe amaso! Uyu muyobozi Nzeyimana Oscar yashimiye uyu Gitifu w’umurenge wa Bugarama ngo bitewe ni uko yubahiriza gahunda za leta!
 
Nk’uko bigenda ku bahutu benshi muri iki gihe bari mu buyobozi bwa FPR, Nzeyimana Oscar yagombye kubanza gukorerwa dosiye kugira ngo arusheho kugira nabi ngo FPR itamushyira mu mufuka ikamunyuza mu ruzi rw’Akagera agataha mu kiyaga cya Rweru! Dosiye uyu Nzeyimana yakorewe ni uko mu gihe yari atangiye kubaka inzu mu kibanza yaguze, yahise ashinjwa icyaha cyo gupfobya jenoside yakorewe abatutsi kuko bavuze ko aho yubatse iyo nzu hashyinguwe umututsi wishwe muri jenoside! Iyo dosiye yabijije icyuya Nzeyimana Oscar ariko mu byukuri bukaba bwari uburyo bwo kumucira amarenga ko ntaho ari, ko nawe azanyuzwa inzira nk’iy’abandi bahutu bene wabo bari abayobozi banyuzemo!
 
Aho kugirango Nzeyimana Oscar ashishoze ngo amenye icyo FPR iri kumubwira, yarushijeho kugirira nabi abahutu bene wabo ahereye kubakozi b’akarere yagiye ashinja ubuterahamwe no kwangisha ubutegetsi abaturage, abo bakozi bamwe barafunzwe akaba ubu abasanzemo, abandi barahunze ndetse hari n’abavugwa ko bapfuye! Nzeyimana Oscar ntabwo yashoboye kubona ko mugihe azaba amaze kurenganya bene wabo nawe azarenganywa ntawe uri bumuririre! Kubera gukora akazi ko gushimisha FPR, byateye Nzeyimana guhangayika bimukururira indwara y’umuvuduko w’amaraso, amera imvi imburagihe, azana iminkanyari mu maso, ahita asaza imburagihe!
 
Muri make Nzeyimana akaba ari rumwe mu ngero nyinshi cyane z’abayobozi b’abahutu muri iki gihe bari muri FPR. Uwari ministre w’intebe Habumuremyi Pierre Damien yashyizweho iterabwoba ryo kuzicwa no gufungwa bituma akorera ku kidodo cyamuteye indwara y’umutima; n’ubwo yakuwe kuri uwo mwanya, ntabwo FPR igomba kumuha agahenge kuko ubu yashyizweho idosiye yo gukorana na FDLR! Muri iki gihe abahutu bakomoka mucyahoze ari Gisenyi na Ruhengeri bari mu buyobozi bwa FPR mu Rwanda nibo bahawe akazi ko kuneka abatutsi banga Kagame bakaba bakorana na Kayumba Nyamwasa na RNC; kugira ngo ako kazi bagakore batizigamye, abo bahutu bashyizwe muri ubwo butasi bagiye bakorerwa dosiye zibacisha umutwe nk’uko byagendekeye Bosenibamye ushinjwa ibyaha bimwe na Habumuremyi!
 
Ng’urwo urupfu abahutu bari mu Rwanda bapfuye, FPR ibakoresha ibyaha byo gutuma bangwa n’abaturage, ibyo byamara gufata, bagahita bashimirwa na FPR ibahaye igihano cyo kwicwa cyangwa se ikabajyana muri gereza! Uyu Nzeyimana Oscar akaba yarashakiwe icyaha ngo cyo kuba akoresha impapuro z’impimbano, ashobora kuzafungwa igihe gito bakavuga ko agizwe umwere ariko igisebo n’agasuzuguro yatewe ntabwo azabikira ubuzima bwe bwose !
 
Ubwanditsi
 

Commenter cet article

barto 08/01/2015 02:49

Byaranyobeye rwose,ubu tugeze aharindimuka..uriya Meya ntiyafunzwe kubera ari umuhutu yafunzwe kubera amakosa...kuko Mihigo Kizito si umuhutu...Rucagu ko atarafatwa?kungoma zose bafunze abanyamakosa baba abatutsi abahutu abatwa,rero gukandamizwa byaranze ingoma zose nubwo igipimo cyo kurengana kitangana.Kagame akunda ubutegetsi bwe kandi siwe wenyine..ntabwo yabura gukotana kucyubahiro cye.sinigeze numva Prezida batuka ngo yogagize abamurwanya.Rudasingwa na Kayumba bakomeze bajijishe impunzi kuki batajya hamwe nabandi niba atari imitwe?ubutegetsi buraryoha ntawe upfa kuburekura...keretse intwari za rubanda nka Mandela..
Jyewe mbona na Rukokoma ataburekura....

turabategereje 07/01/2015 21:39

Bimaze kugaragara ko abatavuga ubutegetsi na Kigali bagamije gukiza no kurwanira imyanya y'ubutegetsi aho gukiza no kurwanira abanyarwandakazi n"abanyarwanda barenganyijwe. Ibi bigararagarira aho benshi bishyize imbere nk'ikirenge ngo bazajya kwiyamamariza kuba prezida n'abadepite mu Rwanda nubwo Polo kagame na luwiza mushikiwabo batazabemerera. uwabaroze bose ni umwe batekereza nka Kanyarengwe,Pasteur Bizimungu,na Seth Sendashonga dukomeza gusabira Baravuga ngo Imana ifasha uwifashije n'abanzungu kandi ni uko bafasha ufasha abandi akanihagararaho. Nicyo Kagame yabarushije azanabarusha mpaka abakuye muri ubwo bururi mwihishamo i Burayi na Amarika.ingero ni nyinshi zuko yihagarayeho: *Yamanaje na Daller woherejwe na ONU amwihera udutwaro:uwo tutakoze mu nda atere urutoki hejuru. *yagize inkambi z'ikibeho umuyonga ingabo za ONU zirebera *inkambi nini ku isi yazitwikaga amaze kuganira na Sadako Ogata wari uhagarariye impunzi ku isi yishakira i gihemba cy'amahoro .Imiryango mpuzamahanga yose yakoreragamo yari itazise umugambi mubisha? *Ibiryo byagemurirwaga impunzi yafataga amakamyo yabyo akayakatishiriza mu Rwanda inkotanyi zikaba zirariye Rukokoma asabako bamukuraho umutaka ngo azibwire none ari kurwanira kuziyobora(Ntibizoroha pe) *Yirukanye Onu n'abagiraneza ku Gisenyi na Ruhengeli atwika igihumeka cyose ahuye nacyo atibagiwe no gutwika ubuvumo n'ibihumaka byose byari byahungiyemo(pasteur Bizimungu ngo ntacyo ndi Prezida kandi Rucagu Nsekarije n'andi batambyi b'inda tuzafatanya *Bakadogo bagera i Kinshasa bica banaiga sebahinei aho ari hose Ibihugu byose birebera na ba Sarafina mukantabana ushinzwe ubu impunzi bakadogo bamuhushije kenshi none yarigemuye. *Muri gereza miliyoni z'abahutu zimaze kuhagwamu gihe cy'imwaka 20 muzambarize Rwarakabije(Rwaramutindiye) uko zicwa.ikiboko,inzara,utuzi,amacupa n'ibindi *Mushikiwabo Luise ubu ingirwa mashyaka ya oposition yaramwihaye kuberako avuga ukuri ndetse abamara ubwabo anabereka icyakorwa Arikose mwasobanura mute ko mutari amabandi asaba imisanzu gusa mukaba n'abana bacuruza bombo batinya polisi. Nanjye nunge murye -Kuki mudakorera politiki ahagaragara mugahitamo kwihisha inyuma y'amataragite na orudinateri. -Niba muvugira abanyarwanda kuki mudahurira n'abo kagame atuma muri onu n'ahandi mu bihugu bikomeye ngo muhangane mubitekerezo ko bo bahora mu manama yo kubafatisha no kwigaragambye kugaragaje ibinyoma byabo kuki mwe mudakora amanama yo kwirinda,kurinda abanyu no kwigaragambya mwerekana akarengane. Iriya Ntwari Zuma n'abandi barabatumira i Luanda muri Angola kuya 15 n'iya 16 mutarama 2015 ngo mujye kwigira hamwe n'abandiikibazo cy'impunzi n'uko umutekano wagaruka mukarere k'ibiyaga binini aho muva ariko mwatangiye kudagadwa no guhitwa mu bukoti buboze.nanese Mushikiwabo Luise nabatangayo akavugako muri amabandi ,abana ndetse n'imbungerezi muzamurenganya? Nonese muzabwira iki abo mwirirwa mubeshya mu tunyandiko twamafuti. Ndizerako Rukokoma Twagiramungu premier Ministre désigné atazahabura kuberako ari inararibonye kandi azwe cyane no mu mishyikirano nk'iya Arusha. Ba Rusesabagina,ba karegeya,ba padiri Thomas bazwiho ubutwari no gushishoza nibagera mu nama i Luanda Angola bazaduhumurize batwohereze udufoto bari kumwe n'abandi banyacyubahiro. Ba majoro habyarimana na Kayumba niko kanya babonye ko kubonana n'abandi bajenerari bravo muzagire urugendo n'ibiganiro byiza muri Angola. Abayoboke banyu bose bategereje amateka n'ibyiza muzakura muri Angola VIve Democratie dans le multipartisme partagé Abacunguzi namwe mukomere Imana izanabarinde kurimburwa

kajeneza 07/01/2015 13:42

VERITAS INFO turabasaba dukomeje rwose yuko abantu nka KUBWIMANA JACQUES mwagombye kumwima amayira cyangwa se ijambo kuko ibintu yandika ni amarangamutima ye ntacyo yungura abanyarwanda bari mu buhungiro cyangwa bari mu gihugu.Ni umuganda muzaba mutanze bituma benshi badasoma VERITAS INFO kubera ibitekerezo byo gushyamiramya abanyarwanda bimwaritse mu mutwe we.

kitumva 07/01/2015 12:39

Linda zanyu zaruse urukundo mukiyemeza kugambanira ni kwitandukanya na bene wanyu nizo muzira.uwiyishe ntaririrwa kandi usangira n'agaca kakagutobora Linda.bâ rucagu .sarafina KO abatindira.ngo bazakina iyo mukirere barushe sendashonga.kanyarengwe.karegeya...cyiza mukataze mumare bene wanyu.kunda MBI mwameze

Leboisé 07/01/2015 09:38

Ariko se ibyo bipfu by'abantu ( chikenshit ) bizumva ryari?????

kgl 07/01/2015 12:58

@semana imbwa nivuga ubusa ikaba wowe wa mpyisi, impimbi gusa!FDLR izaraswa na local defense gusa kuko RDF is too stong for u guys!
MURAGASHIRA!(ndavuga iminuko yabahutu)
Muzagire umwaka mubi kuko na satani yarabihakanye mwabivume mwe!

semana 07/01/2015 11:42

Yego, byaranditswe ngo" ntukishimire ibyago bya mugenzi wawe!
Ariko ibi ni byiza cyane, iyaba rupiyefu ikoze gutya ku bandi bazigaye bameze nk"uyu, usibye ko ari ikibazo k'igihe gusa, nabo bazabon igihembo cyo gukorera satani rupiyefu!!
Kwishimira ibintu nkibi, ku bwanjye mbona ari isomo abantu bagombye kureberaho, si ukwishimira ibyago bya mugenzi wanjye, kuko ukeza ingoma ya rupiefu wese, akayifasha kwica rubanda, uwo si mugenzi wacu ni mugenzi wa satani na rupiefu>>
Mbega ibyiza!
Za mbwa nka kgl na niyorurema, ko zidakoma, aho ntizaba zarinjiye ishyamba kujya kwirasira fdrl ra!!? Zizumirwa!

Savimbi 07/01/2015 00:30

Ifungwa rya Oscar rinyibutsa irya Bisengimana Elysée wahoze ari prèfet wa Cyangugu nyuma akaba na Député.Aba batypes bagirwa inama ntibumve.Oscar ubwe aziko yahoze aba kuri CDR yabonaga de bizarekeraho gusa?Iriya nzu yujuje izatezwa cyamunara maze havemo ayishyurwa ayo bahombeje munyandikompimbano.Ariko uyu muhungu Imana iracyanamurinze kuko nyuma yiyicwa rya Padiri Nambaje Evariste nawe abasirikari bapanze kumwicira kuri Nyungwe arokorwa nueamuriye urwara Aho kugenda mumodokaye atega twegerane.FPR aba yagabiye Bose cyane abahutu ikora kuburyo ibyisubiza Naho abahutukazi bahabwa imyanya kimwe nabarokotse jenosayidi bo abasirikari babashakiye imyanya babiruhukirizaho bakagenda babatwaye ubuzima kuko babasigamo nkongwa.Abarikira rufupei baritonde.

ngano 07/01/2015 12:11

Erega FPR ikoresha système ya " diviser pour régner " ! Nta kundi rubanda nyamuke cg agatsiko k'abantu bashobora kuyobora rubanda nyamwinshi badakoresheje kubaryanisha/kubasubiranishamo bivanze n'iterabwoba ngo babashobore !!! Ikibazo rero abanyarwanda benshi bafite cyane cyane abahutu ni inda nini n'ubwoba bituma bahemukira bene w'abo mu nyungu za FPR . N'aho abandi bahoze cg bari muri FPR ndemeza ko ari igihe gito gisigaye ngo babone icyuho gato bigaranzure ingoma idakurikiza ibyifuzo bya nyakwigendera GISA RWIGEMA na Colonel PATRICK KAREGEYA bifuzaga ko abanyarwanda bose basangira ibyiza bya démocratie none agatsiko ka bamwe babihejemo amoko yose yewe ndetse n'abacitse kw'icumu rya génocide babuze kivurira ahubwo bahindurwa ibicuruzwa bya génocide yakorewe abatutsi n'ubwicanyi ndenga kamere bwakorewe abahutu . M'uby'ukuri abatutsi n'abahutu ntacyo bapfa ikibazo ni ubuyobozi bubi bwagiye bukurikirana budashaka guhuza abanyarwanda kugirango bukomeze babayobore nk'intama zitegereje ibagiro ! Mukomeze ariko mwihangane banyarwanda ibyiza biri imbere kandi hafi aha !