Twumve dute uruhare rw’amashyaka ya opposition mu gusenya FDLR ?

Publié le par veritas

Uwo ufite imbunda mu ntoki ni Byiringiro Victor ufite inkoni y'icyuma aragije impunzi!

Uwo ufite imbunda mu ntoki ni Byiringiro Victor ufite inkoni y'icyuma aragije impunzi!

Abanyeshuri babiri bakoze ikizamini cy’imibare, bageze hagati umunyeshuri umwe anaga akajisho kurupapuro rwa mugenzi we, asanga muri formule yakoreshaga harimo umubare 2, uwo munyushuri wari ukopeye mugenzi we aribeshya ahita yandika -2. Mu gihe cyo kubona igisubizo cya nyuma urya wanditse -2 ashinja mugenzi we ko yamushutse bigatuma yica ikibazo ! undi nawe amubwira ko yakopeye nabi agashyira imbere ya kabiri ikimenyetso cya kuramo! Ni ubwo byagenze gutyo ntibyabujije uwatsinzwe gukomeza gushinja mugenzi we ko yamushutse ! Byiringiro ni umusilikare wagiye muri politiki, yisunga Twagiramungu muri CPC, bigeze hagati, yereka Twagiramungu ko inama amugira azisuzuguye ahubwo aranamwirukana ; Byiringiro akaba ashinja Twagiramungu gukorana n’umuryango mpuzamahanga, yibagirwa ko uwo muryango mpuzamahanga ariwo basaba gushyira igitutu kuri Kagame ! Niba se Byiringira ashobora kugera aho ataka ko Twagiramungu ashobora kumufungisha, impunzi aragije inkoni y’icyuma akaba azigejeje i Kisangani mu maboko y’umuryango mpuzamahanga, zagira ikihe kizere ko azazicyura mu mahoro kandi afite ubwoba bw’uwo yirukanye ?
 
Mu nkuru yasohotse mu kinyamakuru "Ikaze iwacu" ku itariki ya 05 ukuboza 2014 igaruka ku isenywa rya FDLR ngo riri gukorwa n’amashyaka ya Opposition akorera hanze. N’ubwo umutwe w’iyo nkuru atari cyo wari ugambiriye, ntibyabujije uwayanditse kugaruka ku ruhare rwa ONG zikorera muri RDC mu gusenya FDLR cyane cyane iyitwa SSRC, aho umuyobozi wayo Jason Stearns asaba ko abayobozi b’ingabo za FDLR bakwicwa umwe umwe, noneho abasirikari basanzwe bagasigara ari impehe, bakamanika amaboko bagataha mu Rwanda.
 
Uyu wanditse iyi nkuru asa n’aho agaruka ku itangazo rya Byiringiro ryo kwirinda gucamo FDLR ibice naryo ryanyuze ku "ikaze iwacu", ariko noneho we akabyitirira uwo Jason Stearns, kuko yavuze ko haba hari ibice bibiri muri FDLR ndetse ngo kimwe muri ibyo bice kikaba gikorana bya hafi na Faustin Twagiramungu. Umenya iyo nyandiko ya Jason Stearns ariyo yatumye Byiringiro yandika rya tangazo twavuze haruguru.
 
Ngo Jason Stearns akomeza avuga ko Bwana Faustin Twagiramungu ari gukora uko ashoboye kose ngo abayobozi bakuru ba FDLR nka Mudacumura na Byiringiro batabwe muri yombi, noneho ngo abasigaye bakajya mu biganiro na leta ya FPR-Inkotanyi. Muri iyi nkuru, umwanditsi wayo asa naho agaragaza ko Twagiramungu agiye gucamo FDLR ibice bibiri ndetse no gufatisha Mudacumura na Byiringiro ngo baburanishwe.
 
Uruhare rwa Twagiramungu mu gucamo FDLR ibice bibiri.
 
Sinzi uyu Uwimana Josepha wanditse iyi nkuru ku « Ikaze iwacu » agaciro aha ibitekerezo bwite bya Jason Stearns wavuze ko muri FDLR haba harimo ibice bibiri, maze ngo igice cya Colonel IRATEGEKA Wilson kikaba cyifatanyije na CPC ya Twagiramungu Faustin. Uwimana Jésepha yagombye kutubwira ukuri nyako kw’ibyo bice bibiri biri muri FDLR niba atari ibyifuzo bye, akatwereka n’ibimenyetso byerekana ibyo bice maze tukamenya ukuri kwabyo, naho kubifata nk’impamo ngo n’uko byanditswe n’umuzungu kwaba ari ukureba hafi kandi akaba amira bunguri ibivuzwe n’abanyamahanga. Keretse Uwimana Joseph wanditse iriya nkuru, we ubwe aduhaye amakuru koko agaragaza ko ibyo bice 2 biri muri FDLR bityo akaba we yandika ibyo azi adasamiye hejuru ijambo rimwe ryavuzwe n’umunyamahanga maze akaryambika umwambaro yishakiye !
 
Ndemeza ko Uwimana Joseph yifashishije inyandiko ya Jason Stearns mu kutugaragariza position ye cg se ibyo nawe yemera. Dore uko abivuga : « Kuri iyi stratégie yo guteza akavuyo muri FDLR ubona ko isa naho yatangiye aho ubona ko hari amashyaka yitwa ko ngo ari muri opposition irwanya FPR-Inkotanyi yahinduye isura y’urugamba yarwanaga ahubwo akaba asigaye arwanya ku mugaragaro FDLR ».
 
Ayo mashyaka ashaka kuvuga se ni ayahe uretse ayo Byiringiro yifatiye mu gahanga muri rya tangazo rye twavuze haruguru. Nako ntiyavuze amashyaka ahubwo yavuze abayayoboye aribo Twagiramungu Faustin na Nahimana Thomas. Iyi ntambara ya Uwimana na Byiringiro kuri Nahimana na Twagiramungu sinzi ko izaborohera kuko kugeza uyu munsi wa none nta muntu uzi cg wakwemeza ko hari ibice 2 muri FDLR. Keretse niba Uwimana Joseph yemeranywa n’ibyanditswe na Jason Stearns, gusa we asa nugaragaza ko ibyo bice atabyemeza ahubwo agasa n’ukeka ko biriho aho atangira interuro ye avuga ngo “There seems…”.
 
Mu kurangiza, njye ndahamya ko ibice biri muri FDLR ntabiriho ahubwo Uwimana aribyo yifuza ko byabaho, ibyo ndabishimangira bitewe ni uko amakuru mfitiye gihamya yemeza ko ku italiki ya 29/11/2014 habaye igikorwa gikomeye cyo kuvugurura no kuzuza ubuyobozi bwa FDLR binyuze mu matora yaranzwe na demokarasi isesuye ; uyu Uwimana cg undi utekereza nkawe azampakanye ko amakuru ntanze ari ibinyoma. Bityo kuri iriya taliki navuze amatora yarabaye muri FDLR, Byiringiro na Irategeka bagirirwa icyizere n’inteko itora ya FDLR. Dore uko ayo matora yagenze :
 
  • Byiringiro Voctor, Visi perezida wa mbere n’amajwi 25/26(yari umukandida rukumbi).
  • Irategeka Wilson, Visi perezida wa Kabiri n’amajwi 15/26 (bari abakandida 4).
  • Mbarushimana Callixte, Umunyamabanga nshingwabiorwa n’amajwi 26/26 (yari umukandida rukumbi).
  • Kalisa Emmanuel, Umunyamabanga nshingwabiorwa wungirije n’amajwi 25/26 (umukandida rukumbi).
Aya matora yakozwe FDLR yiyunze, ntakibazo ifite, niba Uwimana atangiye kuzanamo inkuru zo gucikamo ibice kwa FDLR, akabigereka kuri Twagiramungu utabana na FDLR ni uko haba hari gutegurwa ikintu kimeze nkaya makuru avuga ko Twagiramungu yatanze igihugu nk’umuntu umwe kandi atari umusilikari ntabe no mu nzego z’ubuyobozi ! Aha rero nkaba nibaza nti ahubwo se ko icyumweru gishize hataratangazwa ibyavuzwe mu matora, ubwo nta coup d’état nk’iyakorewe Twagiramungu muri CPC irimo itegurwa? Gusa ni uko iyo coup d’Etat yo muri CPC itamuhiriye !
 
Uruhare rwa Twagiramungu mu gufatisha Mudacumura na Byiringiro
 
Uwimana Joseph akomeza agira ati: « Jason Stearns akomeza avuga ko ngo Bwana Faustin Twagiramungu ari gukora uko ashoboye kose ngo abayobozi bakuru ba FDLR nka Mudacumura na Byiringiro batabwe muri yombi, noneho ngo abasigaye bakajya mu biganiro na leta ya FPR-Inkotanyi». Nibyo koko Stearns niko abivuga nyamara anagaragaza ko ibyo avuga abikura mu itangazo ryashyizwe ahagaragara na CPC rigasinywa na président wayo Faustin Twagiramungu ku italiki ya 6/10/2014. Iryo tangazo rirasobanutse, CPC ntiyigeze yiyemeza gufungisha abo bayobozi, ahubwo yasabye ko abayobozi ba FDLR bakekwaho ibyaha cg bafatiwe ibihano bakwishyikiriza ubutabera mu rwego rwo gukuraho urwitwazo rutuma Leta ya Kigali n’abayishyigikiye banga imishyikirano na FDLR. Ubusanzwe CPC ifite intego yo gusaba umuryango mpuzamahanga gushyira igitutu kuri leta y’u Rwanda kugira ngo yemere ibiganiro n’amashyaka atavuga rumwe na FPR, uwo muryango mpuzamahanga nawo ugasaba ko abo wahaye ibihano batagomba kugaragara mu myanya y’ubuyobozi bw’amashyaka.
 
Reka twibaze tunisubize: Ni gute Byiringiro yavuga ko asaba umuryango mpuzamahanga gushyira igitutu kuri leta  y’u Rwanda ngo yemere imishyikirano ariko agahindukira akavuga ko adashobora kumvira ibyo uwo muryango mpuzamahanga umusaba, ndetse agashinja na Twagiramungu ubugambanyi bitewe ni uko yubahiriza ibyo umuryango mpuzamahanga umusaba (une contraduction/igihirahiro)? Ntabwo rero ibyavuzwe n’abanyakuru byajya bitwererwa Faustin Twagiramungu nk’aho yabaye nyiri umutwe munini utarengwa n’imijugujugu! Ibi bikaba bigaragazwa ni uko ibinyamakuru byinshi bivuga amazina y’abantu bagomba kwishyikiriza inkiko ariko washaka aho Twagiramungu yavuze ayo mazina cyangwa yayanditse ukahabura!
 
Twongere twibaze: Niba Twagiramungu afite bushobozi bwo gufatisha Byiringiro, bitabaye kureba hafi, kandi bizwi ko uyu ashaka gufatisha Byiringiro yamwambuye ububasha ndetse akavuga ko abanyarwanda bose babyishimiye ko yamwirukanye; ni gute Byiringiro yatinyutse gusuzugura no kwandagaza Twagiramungu kandi azi neza ko afite ububasha n’ubushobozi bwo kumufungisha? Uwavuga ko Byiringiro yaba afite imibare mike ya politiki cg yarakopeye nabi ntabwo yaba yibeshye! Niba yarabikoze abizi rero, umuntu yamucira wa mugani ngo « urwishigishiye ararusoma ».
 
Umwanzuro
 
Uwimana Joseph agira ati : « Aka kavuyo kari kuboneka hagati y’amashyaka akorera mu Burayi na FDLR, nta kindi kagamije uretse kugerageza gusenya FDLR ku buryo buhendutse nkuko « Enough Project » yabitanzemo igitekerezo. Biramutse bishobotse ubwo FPR-Inkotanyi yaba yongeye igasugira igasagamba kuko ibiganiro FDLR yari imaze iminsi isaba byahita byibagirana, ahubwo hakaba igabana ry’imyanya i Kigali ku mashyaka azaba yafashije mu gusenya FDLR. Ese ibyo ayo mashyaka na ziriya ONG zizabigeraho? Ese FDLR yo yiteguye guhara amateka yayo? Reka tubitege amaso, igihe kiraza kuduha ibisubizo ».
 
Biragaragara ko Uwimana Joseph yari yazinduwe no kunegura ba banyamashyaka ashaka kwereka abazasoma inkuru ye ko abo banyamashyaka ari ingambanyi za FPR zigomba gusenya FDLR maze zikajya kugabana imyanya i Kigali. Ntawamubuza gutanga igitekerezo cye ari ko ndabona kwihanukira ukavuga kuriya ari ukureba hafi cyane.
 
 
Maître Kubwimana Jacques
Gisenyi- Rwanda

Commenter cet article

kajeneza 07/12/2014 15:36

Iyi nyandiko ya KUBWIMANA Jacques iratwereka neza aho ahagaze muri politiki ye. NI UMUNTU udashyigikiye TWAGIRAMUNGU NA FDLR ahubwo biratwereka yuko ari umukozi w'INKOTANYI BUTWI
nta muntu ukunda abanyarwanda kandi ugerageza gusesngura akababaro kabo ushobora kwandika inyandiko nk'iyi. Ese we iyo ashishoze cyangwa agasubiramo inyandiko ye akayizirikanaho arabona ari inkuru nziza ihumuriza abanyarwanda bari hanze bababaye? Ni ubuhe butumwa atugejejeho bwatuma dukuramo amasomo y'umutima.KUBWIMANA uranga ukajijisha wigira injiji kandi ujijukiye mu guteza akavuyo abanyrwanda baba bhanze uri UMUKOZI W'INKOTANYI... uzabeshye abandi INYANDIKO Z'UMWANDA NK'IZI UJYE UZOHEREZA AHO ZIGOMBA KUJYA WARISHUTSE

marcel haguma 07/12/2014 07:05

Uyu maitre Kubwimana Jacques,sinzi icyo arimo maitre.Ariko uko mbibona mbona ari maitre mu bujiji kubera impamvu ebyili zikurikira:
1.Ati Twagiramungu ntiyari gutanga igihugu kandi atari umusirikare.Iyo Twagiramungu we ubwo yivugira ko akina politiki yo hejuru,Jacques ntasobanukirwa n'icyo biba bishaka kuvuga.Ubundi politiki ikinirwa hasi mu baturage.Iyo uyikina yageze hejuru abatagihuye n'abaturage.Twagiramungu rero ni igisambo,cyikunda kidashobora kuvunikira abandi.Uribuka,igihe yavugaga amateshwa,kugira ngo abantu bashiduke bagire ngo ni umunyapolitiki ushaka gukomeza amateka ya Revolisiyo yo muri 59,ashyeze intoki z'ibiganza byombi hejuru y'amatwi,ati ishyaka,ishyaka di!Ishyaka rya papa,ishyaka rya mama.Bwakeye mu gitondo FPR inkotanyi yamuteye amajanja,yibagirwa ko ishyaka yavugaga ari MDR-Paremihutu rya nyakwigendera Gregoire Kayibanda na bagenzi be ryakuyeho ingoma y'ubwiru,ahita asinyana n'Inyenzi-nkotanyi amasereno yo gucengeza amatwara yazo no kubiba inzangano mu ngabo z'igihugu les FAR no muri rubanda,yadukana nduga-nkiga.
Wowe Jacques uzatugaragarize icyo Twagiramungu yamariye abahutu bose yakumakumye akabagira amajyogi igihe yari ministre w'intebe wa FPR-Kagame.Coloni Pacide ntibamutwikiye mu nzu ari premier ministre.Prefet Rwangabo Inyenzi ntizamurashe agapfa Twagiramungu agaramye mu bureau n'abandi benshi nawe uzi niba utabazi kandi birakureba.
2.Twagiramungu avuye gusinyana n'Inyenzi-nkotanyi i Bruxelles ko bagiye gukorana,ntizahise zitera i Byumba no mu Ruhengeri,bamubaza bati amasezerano wasinyanye n'inkotanyi agamije iki,ntiyasubije ati niyo Byumba yafatwa,ahubwo akabisubiramo inshuro eshatu ati kabone niyo amaperefegitura abili yafatwa ati abo bavandimwe murabashushubikana mubajyana he?Ubu se ibyo yananiwe kwerekana ari ministre w'intebe ubu niho agiye kubyerekana.Kubera ubugambanyi bwe,Twagiramungu yakoreye Inyenzi-nkotanyi kugeza igihe zifatiye igihugu cyose aho gufata amaperefegitura abili gusa.
Abakiri inyuma ya Twagiramungu,alias Rukokoma bameze nka cya kirondwe cyumiye k'uruhu cg.umwite,inka yarariwe kera.Kubona abiba amacakubiri mu ngabo zari zishinzwe ku murinda akazisenya akemera kurindwa n'ingabo za FPR-Kagame,ubu zikaba zaramweretse ko ari igipampara,agakomeza kwihambira ashaka gusaba abo yahemukiye,ntabwo tuzamwemerera,FDLR yirwanyeho,irwana ku mpunzi zatewe n'akagamba ka Faustin Twagiramungu,ubu ntabwo aribyo twakwizera ko haricyo yamalira Abanyarwanda bari mu mshyamba ya Kongo cg.n'izi mpunzi kuko Twagiramungu ni umuntu utagira aho ahagaze ahora ahunduka nk'ibicu akerekera aho inyungu ze ziri gusa no kugira ngo yiyerekana ko ari umunyapolitiki w'inararibonye,injiji zose zikamukurikira.
Bwana Kubwina Jacques,niba uri maitre koko scrutez le passe,analysez le present pour prevenir le futur,niba utabishoboye usubize maitrise wibye.

zi 07/12/2014 13:53

Ariko haguma urasetsa cyane ukijijisha ukabeshya kandi nawe uzi ukuri utihandagaza ukavuga ngo Twagiramungu yazanye ibibazo bya kiga na nduga noneze twagiramungu ni we wakoze kudeta yo mu 1973? Dusubize ni we se wishe kayibanda? Abamwishe se wibwira ko batazwi ? Ukongera ngo Twagiramungu yasinyanye ninkotanyi nonese ko amashyaka menshi yaje miri 1991, Kanyarengwe wagiye kwizanira inkotanyi hakaza kwiyongeraho na Rizinde ko ntaho wabavuze? Abo bagabo mvuze haruguru iyo batabaho nubu ntakibazo cya fdrl tuba tuvuga ubu. Abo bagabo mvuze haruguru amabanga bari bafite arenze ayo twagiramungu yariguha inkotanyi kugirango zifate byumba. Ubu se urashaka kutubwira ko twagiramungu yarushaka Rizinde amabanga? Njyewe iyo muza mugahuragura ibigambo gusa ariko ntimuvuge ukuri muba musetsa. Please ntuzongere no kuvuga ibyo gutanga igihugu cg byumba. Nawe uzavuge ngo byumba ifatwe turebe ko bucya mugitondo fdrl iyifata.

PAUL KAGAME 07/12/2014 00:29

Wa muswawe wiyita Kagame icyiza wavuga ni Ikihe iyo wiyise Izina nkiri Uba wigaragaje

Sha kambabwire mwirigwa musutagura ibigambo mutera Impunzi AMACUMU.
ngo nuko mwibereye za Burayi. mwitonde muzabibazwa. Abanyarwanda baciye Umugani ngo Akabaye icwende ntikoga. Twagiramungu Rwaka Igisambo kabuhariwe Manzi nabandi ntarondoye Amazina abanyarwanda bazi, woza Ingurube mukanya gato Ikivuruguta mu Ibyondo cyangwa Amazirantoki yayo,

Umwanditsi wa The rwandan niwe wavuze ngo Urwanya impunzi zo muri Congo aba yikururira Abanzi benshi,

Paul Kagame 06/12/2014 23:46

Reka mbabwire: Aka kavuyo kose kavugwa kuri FDLR ni BYiringiro ukazana kuko yiha kwamagana Twagiramungu kandi ibyo amuhora byabayeho mbereeeee, mbere y'uko CPC ijyaho. Twagiramungu ntabwo agambanira Byiringiro kuko Nations Unies yatangiye gukemanga Byiringiro na bagenzi be mbere y'uko uyu musaza ashinga RDI (tutiriwe tuvuga CPC y'ejobundi).
Ikindi FDLR si kamara, nibareke kumva ko aribo opposition ishingiyeho. Ahubwo Twagiramungu yari yakoze kuko yatumye amwe mu mashyaka yemera kwifatanya na FDLR! none se ni inde uyobewe ko za IHUMURE, za IMANZI, za ISHEMA zahakanye kumugaragaro kwishyira hamwe na FDLR? FDLR rwose itabayeho ntibizatuma FPR tutayirwanya kandi tukayitsinda igaseswa burundu ikagenda nk'ifuni iheze yo gateterwa.
Gusa FDLR irakenewe nk'ishyaka rya politiki rishobora gutabara aho rukomeye. Cyakora Byiringiro niyitwaza ubusirikari b'ubujenerari bwe akica Twagiramungu cyangwa Nahimana, yizereko na we atazara.
Akabazo: Kuki kuri Irategeka Wilisoni abakandida bari 4 naho ku yindi myanya bakaba umwe umwe rukumbi? Nyamara Gen Byiringiro ni umunyagitugu kabombo.

Kami 07/12/2014 02:10

Ubu se uvuze iki? Ngo Ishema? Ngo nuzatsinda FPR nta FDLR? Mute se? Kuri facebook se? Nuzayitsindira kuri veritasinfo se? Yewe uri urw'amenyo

Sugita 06/12/2014 23:23

Sugira ni akabwa

Kami 07/12/2014 02:07

Wowe uri iki?

Sebahinzi 06/12/2014 20:26

Ko Byiringiro atihutiye gucisha itangazo ku ikaze atubwita iby'amatora kandi yaragiriwe icyizere? Tubwire vuba tubone icyo tujya dusubiza akakutwanya.

Niyonzima jean de Dieu 06/12/2014 23:41

Uyu maitre wigize avoca wa Twagiramungu ntabwo azi aho batangira ikirego, niba yumvako ubugambanyi barega uyu musaza bamubeshyara asisunge inkiko arenge abo bareangaya sebuja.FDLR ni agati kateretswe ni Imana kadahungabanywa ni imiyanga iyari yose. nkuko uwambanjirije ya bivuze kuba FDLR Yaratumye bamwe bacyika uru rundogoro kandi yari imaze imyaka irenga 20 itavugwa , niko Uko Imana yabonye ko ntawundi Gideyoni waboneka wo guhagararira abantu bayo ngo ibakize Abamidiyani. murarwanira ubusa kuko ntawakuraho gahunda Yi Imana. biragoranye kwizera abanyarwnda bitwa ngo barajijutse kuko nibo bagerageza guhembera inzangano na amatiku mu bantu. ariko ko nyine Akababaro kacyu Imana yamazeze kukumva Iza dukiza idakoresheje izo maitrise zanyu za amafuti na matiku.

Mudacumura 06/12/2014 20:21

Aaah, ndumva FDLR yarivuguruye igatora daa, ubwo se ni ukuvuga nta abayobozi b'agateganyo bakiriho?

Amatora 06/12/2014 20:22

Byiringiro se ko atadutangariza uko amatora yagenze raa cg uwanditse inkuru yadupfunyikiye amazi?

Byiringiro 06/12/2014 19:44

Ariko ninde wababwiye ko FDLR ari kamara kugira ngo abakora politiki bayikore? Ese aho mujya mwibaza impamvu fdlr muvuga ko imaze imyaka 20 itavugwa, none mukaba muyivuga. Ese icyo gihe cyose mwe muyamamaza mwabaga he? Mwagiye musubiza amaso inyuma maze mugashishoza. Tuzi twese ko nta mbwa yurira igiti, nimugira mutya mukayibona mu giti, muzamenye ko hari uwayishyize muri icyo giti. Mujye rero muvuga ariko munazige, mwibuke iyo muvuye, ndetse n'uhabavanye mwibuke kumushimira.

MUSINGA 06/12/2014 19:09

Ariko mwa BAHUTU mwe, ubwo murapfa iki? Komwese muri bamwe!!
Mugihe tudashyize hamwe ntakintu nakimwe dushobora kugeraho. Iyo FDLR ntacyo iricyo ntanicyo yakwimarira itarikumwe nabandi banyepolitike, kandi nabo banyepolitike bakwiye kumvako injury za FDLR zikenewe cyane muri politike yabo. Abishyize hamwe nyakibananira. Bavugango ingwano yibihori n'umunsi mukuru kugisiga. None iyo ducanamo biba inyungu nini kuri babicanyi kabombo b'ikigali (pilato kagome n'agatsiko ke)

kazungu 07/12/2014 11:18

Ndashaka kubaza abavugango fdrl niyitange bafite nyunguki?ese rukokoma umanuka escarator sa gare du midi ameze nkutaziyajya KO atabwiye kagame ngo yitange kandi yararwaniraga abatutsi bababaye nkuko babivugaga.ndabamenyeshako fdrl iharanira ubusugirebwabanyarwanda kuko nabatutsi balade kunanizwa nababacunguye.nibafata abayobozi bâ fdrl ubutaha bazakurikiza ho gusaba uruhinja rwumu fdrl kuko fdrl kurimpatsibihugu ni umuhutu.rukokoma rero natekereze KO ariwe abahutu bakesha aka kagaUbu ntikimenya inzara ngo twibagirwe inzigo

Muvara 06/12/2014 20:18

Erega FDLR ni abana b'u Rwanda. Ubanga ubwo nawe ariyanga niba ari umunyarwanda. Ikibazo FDLR ifite ni abayobozi babi kandi iyabize abagabo b'intarumikwa bayiyobora neza batimitse izo bashoreye mu ngwizamaronko

Kanuma 06/12/2014 19:51

Ntabwo politics ziki nirwa muri aya matakaragasi .Dufite aho dukinira ndetse mbabwire, muzumirwa. FDLR muyifashe has I. Akazi kayo irakazi.

Kanuma 06/12/2014 19:51

Ntabwo politics ziki nirwa muri aya matakaragasi .Dufite aho dukinira ndetse mbabwire, muzumirwa. FDLR muyifashe has I. Akazi kayo irakazi.

Sugira 06/12/2014 16:13

FDLR Oyeeeeeeeee, Byiringiro Oyeeeeeee, Twagiramungu mukotanyiiiiiiiiiiiiiiiiii, Veritas yahindutse Rushyashya.com.

kwizera 06/12/2014 15:35

Ariko FDRL muyishakaho iki ko mwasizoye ibyose bitangiye kubashyushya imitwe kuko mwunvise ko FDRL igiye kuraswa? Nitaraswa muzamwarirahe? Mbere FDRL yabaho mwabagahe?utu tugabo ngo ni twa maître turi Gutanga amasomo atagize icyo avuga

Sugira 06/12/2014 20:14

Wowe wuzuye amacakubiri. Ntibisaba kuba mu ishyamba kugira ngo ubashe kugira abaririmo. Twagiramungu yaravuze ngo ijambo yavuha ryarengera impunzi kurusha imbunda.

Bitumba 06/12/2014 17:49

Komera cyane Kwizera ,
Icyo kibazo ubajije abanyamashyaka nanjye mpora nkibaza. Nawe se imyaka 20 irashize abantu birukanka mu mashyamba ,mumbeho n'imvura ,batunzwe n'ubuntu bw'Imana gusa . Imana yarabahaye ingabo zibarinda ,zirirwa zirwana n'umwanzi umunsi kuwundi ,ibitero by'ingabo za RDC ,u Rwanda na ONU bitabarika kandi izo ntambara zose ziriya ntwali zacu: MUDACUMURA ,BYIRINGIRO , IRATEGEKA ,OMEGA , NICOLAS n'abandi...nibo bazirwanye barazitsinda . None abanyapolitiki nyuma y'imyaka 20 babonye igihangange FDLR gikomeje kwesa imihigo no kumenyekana cyane ,bati reka turebe ukuntu twabacamo ibice maze twigarurire ziriya mpunzi. I burayi murabizi ko mumashyaka byabananiye hafi ya yose yamaze gucikamo ibice umuntu atabara ,ubu rero baribwirako na FDLR bayiciyemo ibice aribwo FPR yazabagororera byinshi. Kubwange ndabona bibeshya cyane ndetse nagirango mbaze muzee Twagiramungu na Padiri Thomas icyo bazakora ku itariki ya 3 /01/2014 nibabona FDLR itarashweho . Muzarigitirahe ?Ari gewe nahita ndeka gukora politiki. Cyangwa ngakora irya yo mukirere ya Rukokoma. Mwa banyapolitiki mwe ,mwabyanga mwabyemera impunzi zimaze imyaka 20 mu ishyamba zirwanaho ,ntimuzikangishe ama doctorat ,na ma Phd ,ntimuzikangishe ngo mwirirwa murya imireti munywa na divayi ,ngo murara mu mazu meza . Ziriya mpunzi zibarusha ubwenge kure cyane kandi zizi neza umwanzi zirwana nawe uwo ariwe kubarusha . n'ikimenyimenyi zo ntizigeze zisigara mu gihugu ngo zikorane n'umwanzi . Ariko mwebwe abari abasivile yewe n'abasirikare bo mu rwego rwa offisiye ,nyuma yo kugambana mwasigaye mukorana n'umwanzi kubera ubwenge buke bwanyu hanyuma umwanzi ibyo yabahembye murabizi. Uyu munsi rero mbona mwari mukwiye kwicecekera ahubwo mugatega amatwi ziriya mpunzi kuko nizo zizi icyo gukora.

Karibu 06/12/2014 15:10

Abanyepolitiki bari bakwiye kujya basohora amatangazo atabandarika kuko amatangazo Byiringiro yatanze n'amagambo arimo ikinyabupfura gike n'agasuzuro nibyo bimuteje abasomyi n'abanditsi bo mu binyamakuru byo kuri internet. Banyepolitiki mujye musohora amatanga mushyizemo ubushishozi bwinshi muri iki gihe itumanaho risigaye ryihuta!

HIMBAZA 06/12/2014 18:17

MUJYE MWIHANGANA MUVUGE IBYO MUZI KANDI BIFITIYE AKAMARO ABANYARWANDA AHO KWIGIRA INTYOZA MUSESENGURA KANDI NTABUSHOBOZI MUFITE. IBYO BYIRINGIRO YANDITSE BIRASOBANUTSE NEZA YIYAMYE ABANTU BAGENDA BASABIRIZA BITWAJE FDLR NTAKINDI . ABO RERO YAVUZE NTANUMWE WABIHAKANYE KUKO USANGA MURI IYIMINSI BAMWE BIBAGIWE UKO BATUGAGA FDLR NONE BIGIZE ABAVUGIZI BABO. ESE KO ATARIBWO BWAMBERE BABARASHE MUBA MUSHYA MWARURA IKI ? NIMUREKE FDLR YIBEREHO KUKO UKO IBAYEHO NIYO IBIZI.