INKOMOKO Y’IGIHUGU CY’U RWANDA N’ABANYARWANDA (igice cya mbere).

Publié le par veritas

INKOMOKO Y’IGIHUGU CY’U RWANDA N’ABANYARWANDA  (igice cya mbere).
Intangiriro:
Mu rurimi rw’igifaransa, baravugango: “Les mêmes causes engendrent les mêmes effets, si maintenant vous trouvez une anomalie dans les effets produits par les mêmes causes, il faut aller chercher cette anomalie dans les causes qui leur ont donné naissance.” Umuntu agenekereje mu rurimi rwacu twabisobanura muri aya magambo: “Impamvu zisa zitanga ibisubizo bimwe, noneho iyo habonetse ibintu bidasa mu bisubibizo byatanzwe n’impamvu zimwe, ni ugushakira icyabiteye ku mpamvu biturukaho”.
 
Iyi nkuru nyanditse ndi Umuhutu, nitwa Rubona-Rwa-Nzoga kandi ntuye Rubona-Rwa-Nzoga ya Murambi hafi y’u Mubari wa Byumba aho biciye Mutagatifu Nyirabiyoro, akaba Umuzigaba w’UmuHima-Tutsi, wari Umugabekazi w’u Mubari wa Kabeja ,akaba yarakiriye Ibimanuka mu gihe byazaga mu Rwanda nyuma ibyo bimanuka bikazamubera bya ntibitura. Mu bitekerezo byanjye nkaba nitwara nk’Abazigaba bahisemo kuba Abahutu, nyuma y’urupfu rwa Biyoro na Nyirabiyoro ubwo bakinjwe nk’ibitungwa, hali ahagana mu mwaka w’ i 1725 ubwo umuvuduko (chronomètre) w’umuvumo watangiraga ku gihugu cy’u Rwanda ugasingira akarere kose!
 
Mu mashyaka nta shyaka mbamo, iryanjye ni irizadusubiza igihugu cy’amata n’ubuki nkuko byahoze kera Ibimanuka bitaraza, bigatuma ubumuntu buyoyoka mu ba Banyarwanda. Impamvu nakunze kwibanda ku nkomoko, ni uko mba nibutse ko  hari umuririmbyi wavuze ati: “utazi iyo ava ntamenya iyo ajya”. Hari n’umugani wa bene wacu bo mu burasirazuba bw’Afurika uvuga ngo” Niba uri munzira ugenda, ukaba utakibona neza aho ujya, hagarara, nyuma usubire iyo wavuye”.  Ni byiza ko mu nyandiko irambuye nageza ku basomyi, ubushakashatsi nakoze kugira ngo numve iby’urwango rwabaye karande mu Banyarwanda b’ingeri zose, mu moko yose, mu turere n’indi migirire iteye isoni.  
 
A. Inkomoko y’u Rwanda hakulikijwe ubumenyi bw’isi (Géologie)
 
Imana Rurema yaremye ijuru n’isi harimo n’igihugu cy’u Rwanda, iraruringaniza, iruha imisozi n’ibisiza, iruha ibiyaga n’inzuzi, iruha amashyamba n’ibirunga. Urwanda ruli mu muhora (fossé) wicukuye ubwawo mu misozi yatumburutse muli Afurika yo hagati werekeza iburasirazuba, hakaba hashize imyaka hafi  milliyoni 65 ibyo bibaye, uwo muhora akaba ariwo witwa Graben nini y’Afurika (Grand Graben Africain), ukaba uturuka muri Afurika y’epfo muri za Malawi, uwo muhora wagera hafi y’u Burundi ukigabanya mo ibice bibiri, kimwe kikaba kigizwe n‘ umuhora w’uburasirazuba uca muli Kenya na Tanzaniya aliwo witwa Rift Valley harimo ikiyaga cya Victoria ( Nyanza) ukaba ukomeza ukagera no muri Etiyopiya ukagarukira ku nyanja Itukura.
 
Hali n’igice cy’uwo muhora cy’uburengerazuba cyitwa Albertine kirimo ibiyaga nka Kivu, Edouard (Rwicanzige) na Albert (Ntanzige), ibyinshi muli ibyo biyaga bikaba bikungahaye kuli petrole n’amabuye y’agaciro, ubwo bukungu akaba aribwo buduteza iyi nyazi y’intambara kubera ba bagabo basa n’impinja bahora baburalikiye. Hashize imyaka igera kuli milliyoni 5 igice rwagati cy’uwo muhora cyaratangiye kwika, inkengero zawo zitangira gutumburuka (kujya hejuru). Ni ho havuye isunzu rya Congo Nil mubona ubu ngubu ritandukanya amazi y’uruzi rwa Kongo n’urwa Nil.
 
Ivuka ry’ibirunga ryahinduye imitembere y’Amazi mu Rwanda
Mu karere k’ibiyaga bigali, haje kuvuka ibirunga, hakaba hashize imyaka hafi miliyoni enye (4) nkuko tubikesha ubumenyi bw’isi ( Géologie) hali mu bihe bita Miocène-Pliocène.
 
Amazi y’uruzi rwa Kongo
 
Mu gihe ibirunga byarukaga byakoze urugomero (barrage) rwabanje kwifungira i Cyangugu nyuma rwongera kwifungira i Goma, ikiyaga cya Kivu uko tukizi ubu, kiba kiravutse. Urwo rugomero rwahinduye imitembere y’amazi muri ako karere ka Kongo Nil. Mbere ikiyaga cya Kivu n’imigezi yacyo yose byatembaga bijya muli Nil binyuze mu kiyaga cya Edouard, ibirunga bimaze kuvuka, Amazi y’ikiyaga cya Kivu n’imigezi yacyo yose byahise bifata inzira igana mu kiyaga cya Tanganyika biciye mu mugezi wa Rusizi ubundi byose bikisuka mu mugezi wa Kongo biciye mu mugezi wa Lufira wo mu gihugu cya Kongo.
 
Amazi y’uruzi rwa Nyabarongo
 
Mbere y’uko ibirunga bivuka, umugezi wa Nyabarongo watembaga ujya i Buganda unyuze mu nzira tuzi ubungubu y’umugezi wa Mukungwa. Aho hali ikibaya kinini cyazimiye kubera ivuka ry’ibirunga. Amazi yanyanyagiye (inondation) mu bisigara bw’icyo kibaya ni yo yaje kubyara ibiyaga bya Burera na Ruhondo. Nyabarongo ibuze inzira yo gukomeza ijya mu Bugande, igice cyayo cyagarutse inyuma gihinduka  Mukungwa, gihura n’ikindi gice kiva ku Gikongoro bihurira i Ngaru ya Gitarama aho bita mu nkokora ya Nyabarongo ( coudes).
Uru ni uruzi rwa Nyabarongo, Aha munsi ruvuye za Kibilira, hejuru i bumoso ruhuye na Mukungwa. Ubwo Nyabarongo igakata igana i kigali ( iburyo ) mu nzira itali isanzwe.

Uru ni uruzi rwa Nyabarongo, Aha munsi ruvuye za Kibilira, hejuru i bumoso ruhuye na Mukungwa. Ubwo Nyabarongo igakata igana i kigali ( iburyo ) mu nzira itali isanzwe.

Ibyo byabaye bashize imyaka hafi miliyoni enye. bityo uturere twinshi tw’u Rwanda turushaho gutohagira. Nyabarongo ikomeza urugendo rutali rusanzwe igana i Kigali ubundi ijya guhura na Akanyaru bihinduka Akagera gafite amazi menshi kurusha mbere. Ubu rero niko gakomeza kajya i Bugande kabanje kunyura mu Mubali wa Kabeja.
 
Ibihe bihora bihinduka iteka
 
Kera, ni ukuvuga ahagana mu mwaka w’1725 nyuma ya Yezu, u Mubali wa Kabeja wali utuwe cyane utaruma ngo uhinduke Parike y’igihugu; kandi halimo ikiyaga kini cyitwaga i Gishamba kikaba cyari gifite n’ikirwa cyitwa  Ishango ari nacyo cyali umurwa mukuru w’u Mubali.
 
Abazigaba Hima-Tutsi bari bimuye umurwa wabo mu kinyejana cya 15, impamvu bawimuye ni uko Ibimanuka mu gihe cyo ku ngoma ya Yuhi II Gahima (1444-1477) byagabye ibitero biyobowe na Zuba mwene Gitore bikica Cyubaka mwene Nyabikezi Umwami w’u Mubari, wali ufite umurwa mukuru ahitwa  Mu-Mironko-ya-Nyagasiga, bafite n’inzu y’ubwami i Kiziguro hafi ya Murambi na Muhura muri Byumba. Ibimanuka byishe umwami Cyubaka binamutwara ikimasa cy’imihango ( taureau rituel ) n’ingoma y’ubwami bw’Abazigaba Sera I. Amateka atubwira uburyo Ibimanuka byaje no kubasanga no ku Ishambo, babakorera  irya mfura mbi bikabaviramo kuvumwa (reba veritasinfo -umuvumo wa Nyirabiyoro):
 
Abantu bashobora kwibaza impamvu akarere k’ Umubari kahindutse ubutayu:
 
Burya koko imana ishobora byose. Dore amagambo Mutagatifu Nyirabiyoro yasize abwiye Umwami Kigeli wa III Ndabarasa nkuko yabitumwe n’Imana ubwo yali amaze kumuha inzoga y’ubuki (inkangaza) kandi Umwami Yuhi wa IV Mazimpaka yali yarayici inzoga y’ubuki  mu mihango kuko yigeze kuyinywa agasinda bigatuma yica intore zali zamutaramiye bityo iyo nzoga akayita “ngunge”. Nyirabiyoro yabimubwiye muri aya magambo: “Murica abantu nk’ibitungwa, Umenye ko imitungo iturutse ku buhemu  ntacyo imarira umuntu”, Nyirabiyoro yongeraho ati: “Umpaye ingunge nali umwami nkawe? Nanjye nkugunze iliza ya Mubari ho mu Mazinga, aho yimiraga mu Kiraro”.
 
Imana ishobora byose, izi umubare w’imisatsi ili ku mitwe yacu, ivuga limwe ibyo ishatse bikaba. Ibyo yatumye byarabaye. Umubari warumye. Abatembereye muri pariki yacu, bagiye babona imivumu yashaje, yerekana ko higeze guturwa.
 
Biracyaza
 
Mubigejejweho n’Umusomyi wa VERITASINFO
w’i Rubona - rwa - Nzoga ya Murambi / Byumba

Commenter cet article

Bene 23/12/2014 15:16

Dusobanure uyu mugani:

Icyambere:

Uwawanditse yavaanze iki gitekerezo (conte) na science; Uti kuki ? Kuko Iburasirazuba bw'u Rwanda kugirango huume, ntibyatewe n'imivumo ya Nyirabiyoro, byatewe no kuvuuka kw'ibirunga birebire, kuvuuka kwa Crête Congo+Nil, bisigara bitangiira umuyaga uturutse muli Congo ufite humidité
itang'imvura. N'uuko humidité nyinshi ihera muli crête ndende ya Congo, indi igahera mu birunga by'iwacu. Ugana i burasirazuba bw'u Rwanda n'iburengerazuba bwa Tanzania, ubwo ndavuga Bugesera, Akagera n'Umutara na Karagwe naza Ngara, niyo mpamvu hahora huumye. S'umuvumo wa Nyirabiyoro.

Icyakabiri:

N'uuko Ubugesera na Karagwe ntacyo byali byarapfuye na Nyirabiyoro. None se kuki nabyo byuumye ?
Icyakagatatu:

N'uuko ugira amalgame (uvanga) politique y'uubu nibyakeera. N'iba udakunda Ibimanuka, akaba alibo twita ubu inkomoko y'abanyiginya, nkaba numva ko abahutu ubu bamwe basigaye bakunda umwami, ndetse banashaka ko yagaruka, kuki mwishe umwikazi Gicanda ? Aho mbega Kigeli V nawe
muramushakira amahoro ? Cyangwa muramushaka mwibwira ko nataha bizateranya abatutsi indi ntambara ikavuka, mukaboneraho kumwicana n'abandi batutsi basigaye ?
Ntimukajye mwibwira ko n'abandi badatekereza.

Kayibanda 17/01/2015 17:49

Jyenda wa Rutwe we ... , igiswa n'igisambo. Nyamara abanyarwanda nubwo ducecetse, ibintu turabikurikira... Tuzi iyo biva n'iyo bijya.

Rubona Rwa Nzoga 26/12/2014 11:15

Kwungurana ibitekerezo ni byiza

Icya mbere

Bene, ndagushimiye ibyo bitekerezo byubaka utugejejeho. Ugize neza cyane muri conte no muri Siences turajyana: Kuba Umubari warumye, ibyo ni ukuri kudasubirwaho. Kandi byabaye nyuma ya 1725 nyuma ya Yezu. Nyamara crête congo-Nil imaze hafi imyaka ingana na miliyoni eshanu (5 millions). Ubugesera, n'Umutara biratuwe ntibimeze nko muri parc, byo bishobora gukizwa na poritiki nziza y'ibidukikije. Ariko parc n'iyo wagira ute!

Icya Kabiri

Nashakaga kukubwira ko ndashyigikiye na gato abishe Gicanda ndetse nabatumye apfa. Igaruka ry'umwami siryo rizateranya Abatutsi, kuko icyo bapfuye cyabayeho kuva kera, birabaje kuko umubano mu bantu niwo twifuza. Njyewe rero umbare mu bantu bifuza ko u Rwanda rwatemba amata n'ubuki hose mu gihugu kandi kuri bose.
Impamvu ituma umwami yitondera kugaruka aka kanya uyishakire mu byabereye ku Rucunshu, kuko abo yahunze sibo ari gutinya kugirango agaruke. Rucunshu yateguwe kandi ishyirwa mu bikorwa n'Abega bo kwa Rwakagara bamara Abanyiginya bakomoka kuri Ruganzu w'Umuhinda-Tutsi waje aturuka i Karagwe none ubu turi ku ngoma y'Umwega Kagame Paul ka Rutagambwa rwa Kmapayana ka Kigenza cya RWAKAGARA.

Bene 23/12/2014 14:17

Aliko rwose abantu bamwe bajya bavuga kuriyi site, abenshi basa n'abanyoye urumogi. Twali turiho twivugira amateka y'i Rwanda, ndetse tunashima ko Veritasinfo noneho yinyaye mwisunzu, umuntu witwa ngo Pirate mu mutwe we biba biraganguye, aba aradusaranye pe amaze gutumura kuli ka gatabi ke ati reka mbabwire i bya Jacques Attali, ibya ONU na Union Africaine. Burya ubanza atali abatutsi gusa bahahamutse.

pirate 20/12/2014 17:34

umuhanga witwa Jacques Attali muri une breve histoire de l'avenir yanditse impanuro zisohora .wagirango ni magayane.hasize imyaka irenga 9 yanditse ibi biri kuba kuri ba Général Kazura n'abandi.
kuri page228 y'icyo gitabo aragira ati:"aux pirates il faurda opposer des corsaires.Des entreprises de mercenariat se développeront,employant d'anciens militaireset seront utilisées comme sous-traitants des armées et de polices.En Afrique ,il existe déjà une centaine de sociétés de ce type...elles assureront bientôt des fonctions générales de sécurité:défense,protection voire attaque....Certaines de ces sociétés de mercenaires seront utilisées pour restaurer la paix là o'u les unités d'interposition de l'ONU ou de OUA auront échoué,comme ce fut déjà le cas de Sierra Léonne..." si vs examinez le gouvernement sanguinaire de Kigali dominé par ces maffiozi et pirates de piroto vous donnerez raison à cet écrivain.comment expliquer le comment les comando de morts de Kagame déjà laissés plus de 300.000 tutsi,plus de 2.000.000 hutu,plus de 6.000.000 congolais etc.. puissent être envoyé dans les missions de paix au Soudan,Somali, Haiti, Mali, Republique Centre Africaine,en Republique démocratique du Congo bientôt à Kigali même pour exterminer les pauvres rwandais et s'achever eux-même
Dans le même livre Mr Attali révère que ces maffieux et l'ONU se tourneront le dos l'un à l'autre pour tenter d'amener la paix.à vous d'apprécier si c'est ce qui commence à ce passer entre le chouchou onusien Rwanda et l'ONU ou la communauté Internationale

Mbifurije NOheli nziza umwana Yesu uzatuvukira azabazanire imigisha myinshi itari iyo kwikunda no kwikubira,itari iyo kugambana no kugaburiryo iby'abandi,itari iyo kwica ,kuroga,gufungira abantu ubusa.itari iyo gutotesza abahutu n'abatutsi b'umutima, utonesha abatutsi b'inkoramaraso n'abasajya
atariyo gukwiza ibinyoma n'ubwandu mu bandi ahubwo ibe imigisha y'urukundo n'urukumbuzi bw'abo mudahuje ubwoko,ubwonkwa,umutungo,akarere n'ibindi erega ngo byose bizashira hasigare urukundo gusa.uri mumaki ko udatangira kurushaka hakiri kare.ngo udashaka urukundo aba ashaka urupfu.
2015 izababere itara ritabaza aho kubabera intimba z'intambara

kabaka 20/12/2014 12:29

Rukundo, igisambo nikihe cyiyise maitre? Evode yagiye kurya ayumye sur place. ntakindi gisambo cya maitre mbona i mahanga. Uyu veritas akomereze aho

Rukundo 20/12/2014 11:59

Urakoze cyane kubushakashatsi wakoze ukatugezaho ayamateka yacu. Komerezaho, urabona yaba veritas yatambutsaga inyandiko
Nkizi ikareka amateshwa yuzuye inzangano n'amacakubira yacyagisambo cy'iyita maître.
Komerezaho rwose n'ibyiza.

Musoni 20/12/2014 07:46

Ni byiza ntako bisa,iyaba ibitekerezo bica kuri veritas byari nkibi gusa,bitajemo gushotorana...
Komeza utubwire,ndimo ndashyugumbwa,ndangije inkuru nkikeneye gukomeza.
Komera.

Kadogo 20/12/2014 07:22

Aya mateka utugejejeho ni meza cyane, ndi kuyasoma byari nko gukurikira umugani uryoshye umuntu atifuza ko urangira. Dutegereje ibikurikira mu buryo budatinze.Murakoze.

leila 20/12/2014 06:00

ni byiza pe!!!!
komeza utugezeho amateka yacu, n'abana bacu bamenye aho dukomoka. Guma guma.....

courage 20/12/2014 05:43

Ibuntu wanditse bifite ubushakashatsi bwimbitse. Ni byiza kutugezaho ibintu nkibi.

devis serrurier paris 20/12/2014 01:08

J'apprécie votre blog , je me permet donc de poser un lien vers le mien .. n'hésitez pas à le visiter.

Cordialement

Gumagu 19/12/2014 22:38

GUma guma rwose utugezeho amateka, bityo aba bana bacu FPR ikomeza kurogesha ibinyoma turebe ko bazaramuuka.