Uganda: Yoweli Museveni atangiye kwamaganwa n'abayoboke bo mu ishyaka rye RNM,bamusaba kwegura!

Publié le par veritas

Amama Mbabazi ushyigikiwe n'abayoboke benshi ba RNM

Amama Mbabazi ushyigikiwe n'abayoboke benshi ba RNM

[Ndlr: Museveni atangiye kwamaganwa n’abo mu ishyaka rye, bamushinja uburiganya bwo kubeshya abadepite bo mu ishyaka rye NRM bamugize umukandida ku mwanya wo kwiyamamariza kuguma ku mwanya w’umukuru w’igihugu cya Uganda kandi binyuranyije n’amahame agenga ishyaka rye ! Niba Museveni atangiye kwamaganwa n’abayoboke be birasaba ko yiyambaza agafuni akica abo batavuga rumwe nawe akabashyira mu mifuka akabajugunya mu kiyaga cya Victoria naho ubundi guhangana n’Amama Mbabazi baziranye neza bizamugora cyane, kurusha uko yari ahanganye n’abo muyandi mashyaka batavuga rumwe!]
 
Abashyigikiye uwahoze ari Minisitiri w’Intebe wa Uganda, Amama Mbabazi babinyujije mu ihuriro ry’urubyiruko rw’abashomeri banditse basaba abagize ishyaka NRM (National Resistance Movement) riri ku butegetsi kwirukana umuyobozi waryo, Perezida Yoweri Museveni.
 
Ikinyamakuru Chimpreports kivuga ko abashyigikiye Amama Mbabazi bashyikirije ibaruwa Al Hajji Moses Kigongo, uyoboye akanama ngenzuramyitwarire ka NRM, barega Museveni gukoresha nabi inshingano zo kuyobora ishyaka yahawe akayobya abarwanashyaka. Abanditse iyo baruwa bahagarariwe na Shakur Walusimbi hamwe na Kato Isa basaba ko Museveni yakorwaho iperereza ku gushinga udutsiko no kuzamura amatiku mu ishyaka .
 
Bati” Muri Gashyantare 2014, mu mwiherero wa NRM mu kigo cy’imiyoborere cya Kyankwanzi, Museveni yaretse abagize inteko ishinga amategeko bamugira umukandida rukumbi w’ishyaka mu matora yo mu 2016. Uwo mwanzuro ntiwemewe n’amategeko y’ishyaka kuko unyuranye n’ingingo ya 39(1), 35 na 39(2) y’amategeko agenga NRM. Museveni ibyo byose yari abizi ariko arabyirengagiza. Ntiyigeze yerurira abagize inteko ishinga amategeko ko ishyaka rye ritamwemerera kongera kwiyamamaza.
 
Ishyaka rya NRM rimaze iminsi mu mvururu za politiki, abashyigikiye Museveni bashinja Amama Mbabazi, wahoze ari minisitiri w’intebe kwihisha inyuma y’udutsiko tw’urubyiruko ngo yandavuze Museveni. Nubwo Mbabazi ahakana ko yaba aziyamamariza kuyobora Uganda muri 2016 ntiyari yitandukanya n’ibikorwa by’abamushyigikiye. Mbabazi wari uherutse kwirukanwa ku mwanya wa Minisitiri w’Intebe akanahabwa ikiruhuko ku ngufu ku mwanya w’ubunyamabanga bwa NRM, akomeje kugira ingufu ziturutse mu bamushyigikiye bemeza ko yayobora Uganda neza kurusha Museveni.
 
Urubyiruko rwa NRM rwibumbiye mu ihuriro ry’ abashomeri, bagiye bafungwa bagafungurwa bari mu bikorwa byafatwaga nk’ibisebya Perezida Museveni. Basaba ko Museveni yavanwa ku buyobozi bwa NRM akaryozwa ibibi byose byakorewe iryo shyaka kandi ntiyongere kugira igikorwa na kimwe kijyanye n’iryo shyaka agiramo uruhare. Bashaka kandi ko Museveni yisobanura imbere ya komite ngenzuramyitwarire.
 
 
Iyi nkuru yashyizwe mu kinyarwanda n’igihe

Commenter cet article

Nsengera 22/11/2014 12:50

uyu mugabo Mbabazi rwose nzahora musengera we na Besigye. hagize igihinduka iwabo ubwo n'iwacu byaba biri munzira

barto 22/11/2014 03:31

Sinzi icyategeye bene Kanyarwanda commentaire z'abantu bize ntizibamo gutukana cyangwa kwitesha ubupfura.Museveni ndumva abagande bagomba gukemura ikibazo cyabo.Mureke rero bene ibiryo babirye.Uriya ufana ubutegetsi nawe ni son droit ye mais nuko yerekana gufana cyane atukana.kandi Blaise yarafite benshi cyane ntabwo arabavuye hanze bamuhiritse...


Rero nkunda critiques zubahana....

Kinama 20/11/2014 22:00

Ariko abanyarwanda bazasara pee!, Abagande barimo berekana ko batifuza Museveni, abanyarwanda bakajya gutukana ngo bavuze Kagame!! None se burya abakunda kagame bazi neza ko Museveni nagenda nawe azahita amukurikira? Niba se ariko bimeze ibitutsi bishobora kubihagarika? Ni ukumirwa gusa !

KABALISA 21/11/2014 22:44

(sinarangije igitekerezo cyange ndagirango nkomeze)... Uganda yaradusize,abaturage ntibatora cg ngo bakundire Perzida wabo ko bahuje ubwoko cg akarere nkuko byagiye bibaho mu Rwanda.Abaganda Leta bashaka ni ituma bakora utwabo mumutuzo bakabona isente.Naho twe naho Perezida yatwicisha inzara,turakomeza tukamunambaho ngo ni uko dukomoka hamwe.Nyamara akanwa karya ntubimenye iyo gatatse ntiwumva.
Kagame rero ntazatura nk'umusozi kimwe n'abamubanjirije.

KABALISA 21/11/2014 22:38

Emmanuel Niyorurema ,ndagira ngo nkubwire ko atari abantu tugena igihe ubutegetsi buzamara.SiMuseveni ugena igihe azamara kubutegetsi.Icyo ashobora gukora ni ukwifuza kuburambaho gusa,ariko igihe iki bita TIME kiragatsindwa.Iyo iherezo rya Museveni rigenda ryegereza rero ntibikagutere kumva ko na Kagame araye avuyeho.Ashobora kuramba kubutegetsi cyangwa se akanabvaho mbere cyangwa nyuma ya Museveni.Indwara Abanyarwanda turwaye ariko Abaganda bo bakaba barayikizeni ukumvako Perezida wu Rwanda ari we Rwanda!Kagame si we Rwanda.Mbere ye u Rwanda rwahozeho,ejobundi azavaho maze u Rwanda rukomeze rubeho maze Kgame yibagirane nk'abamubanjirije bose.Muri Uganda ho abari mu shyaka rya Museveni ni bo bisabira Museveni kudakomeza kuyobora Uganda kuko kuri bo barabona hakenewe ibitekerezo bishya.Uganda yaradusize,abaturage ntibatora

coque iphone 20/11/2014 20:20

bonne article

Emmanuel Niyorurema 20/11/2014 18:05

Ngaho nimutyaze amenyo ngo muzarya ruhaya nzaba ndeba! Ariko gukora masturbation ko ari bibi mwazabiretse! Muzi se mute Museveni ko atamwiteguye?! Ngaho nimubwire ba bene wanyu baba hanze nabo batangire bivumbagatanye kuri Kagame maze barebe uko imisega ijugunywa mu ivu, kuko niho za ngirwa sentiments anyu ziba ziganisha.Ibigoryi gusa!

FDLR 20/11/2014 14:40

M7 ni umuntu mubi cyane;bizaba byiza uyu mushenzi Navaho nkuko muri BRUKINA FASO BYAGENZEE

peter 20/11/2014 14:32

Ubwo byatangiye gutyo ubwo kamubayeho,kwikubira ubutegetsi bagomba kumva ko bitakibaho,buno si burya,abantu boseeeee barahumutse kandi nta w,ugitinya kuko iso iba iri mukureba