Rwanda: Kizito Mihigo aremera ibyo ashinjwa byose atitaye mu kumenya niba ari icyaha cyangwa atari icyaha!

Publié le par veritas

Iyica rubozo yakorewe na FPR ryamuteye guhahamuka kuburyo adashobora no gusobanura ibyo azi!

Iyica rubozo yakorewe na FPR ryamuteye guhahamuka kuburyo adashobora no gusobanura ibyo azi!

Kuri uyu wa kane taliki ya 6 Ugushyingo 2014, nibwo umuhanzi Kizito Mihigo n’abo baregwa mu rubanza rumwe batangiye kuburana mu mizi nyuma y’igihe kinini hari abo bareganwa basaba impamvu zo kwigizayo urubanza. Kizito niwe waburanye uyu munsi. Mu kwiregura ku byaha Kizito aregwa yagaragaje kwicuza gukomeye  ndetse ngo abona nta mpamvu yo kubitindaho kuko abyicuza akomeje  byaba bimuhama cyangwa  bitamuhama.
 
Urubanza rwatangiye ubushinjacyaha bugaragaza ibyaha burega uyu muhanzi, bwahereye ku cyaha cyo gufasha kurema umutwe w’abagizi ba nabi, icyaha cy’ubugambanyi  bwo kugirira nabi ubutegetsi buriho na Perezida wa Repubulika no kugambirira ibikorwa by’iterabwoba.Muri uru rubanza Kizito yahitaga yemera ibyaha byose  gusa abamwunganira bakagaragaza uburyo ibyo yakoze bidahuye n’inyito icyaha cyahawe bifashishije amategeko aho ubushinjacyaha bwavuze ko iyo miburanire idasanzwe.
 
Gusa Kizito Mihigo we yahitaga avuga ko niba ibyo yakoze aribyo bigize icyaha ashinjwa abyemera.Ku cyaha cyo gufasha kurema umutwe w’Abagizi ba nabi, Ubushinjacyaha bwamushinje ibiganiro  byabaye  hagati y’abantu batatu aribo Kizito Mihigo,Callixte Sankara wo muri RNC ndetse na  Niyomugabo Gerard wakoranaga ikiganiro na Kizito kuri Televisiyo y’Igihugu.Ndetse kandi bumushinja ibaruwa yari yarateguwe na Niyomugabo Gerard  Kizito yagombaga gutambutsa haba mu nyandiko mu majwi ndetse no mu mashusho ateruye umwana wo muri FDLR.
 
Abunganira Kizito bavuze ko ubushinjacyaha bwafashe ikiganiro bugahimbamo ibyaha bine kuburyo bigoye kubisobanura, bavuze ko nta mutwe Kizito yari gufasha kurema kuko iyo bamushinja gufatanya nayo ariyo RNC na FDLR  itari gushingwa kandi yarashinzwe cyera kandi akaba atarasinye ku masezerano ayishinga.Uyu muhanzi wakunzwe cyane mu ndirimbo zisingiza Imana,  aha yahise aruhura urukiko asobanura ko iryo tangazo ryari rihari gusa avuga ko atari ashyigikiye  intambara. Asobanura ko yumvaga guterura umwana wa FDLR nta kosa ririmo kuko yumvaga ari ukwimakaza ubumwe n’ubwiyunge kandi uwo mwana ari umuziranenge kandi yari yemeye kubikora.
 
Ndetse yongeyeho ko kuba yari azi iyi migambi ariko ntatere intambwe yo kuyirwanya ari ibyaha bikomeye yishinja ndetse yumva bifite n’uburemere  kuburyo yabisabira imbabazi  atitaye kureba niba bimuhama cyangwa bitamuhama.Aha ubushinjacyaha bwavuze ko iyi miburanire idasanzwe aho ushinjwa yemera ibyaha ariko abamwunganira  bakabihakana  gusa abamwunganira nabo bavuga ko icyo bashinzwe atari ukwemera ibyaha cyangwa kubihakana ahubwo ari ukubisanisha n’amategeko no kureba niba ibimenyetso bigize icyaha bihagije.
 
Bavuze ko abantu badakwiye kubifata nkaho bavuguruzanya nuwo bunganira kuko ubutumwa bugufi babwemera nubwo hari ubwo bibazaho busa nubucurikiranye mu matariki, ubwabaye none bugakurikirwa n’ubwabaye ejo hashize. Ubushinjacyaha bwo bwagarutse ku kindi cyaha cyo Kugambirira kugirira nabi ubutegetsi buriho  cyangwa Perezida wa Repubulika   aho  ubushinjacyaha buvuga ko  hari umugambi wo kwica Perezida wa Repubulika, Hon Eduard Bamporiki, Minisitiri Louise Mushikiwabo n’Umuyobozi wa Polisi wungirije DIGP  Dan Munyuza.Abunganira Kizito bavuze ko adakwiye gushinjwa iki cyaha kuko nta gikorwa kigaragara cyakozwe  mu gushyira mu bikorwa ubu bugambanyi ndetse kandi Kizito akaba nta n’umwanya uwo ariwo wose yari afite muri FDLR.
 
Kizito atitaye kubyo  abamwunganira bavuze yavuze ko yicuza kuba yaravuze ko Perezida wa Repubulika na Hon Bamporiki bakwiye kwicwa gusa avuga ko abandi bavugwamo atabavuze.Avuga ko yicuza amagambo mabi  yavuze ndetse nta n’uburenganzira yari afite bwo gutangaho igitambo Perezida wa Repubulika  wamugiriye neza. Ngo  arabyicuza ndetse abisabira imbabazi abo yabikoreye ndetse n’abanyarwanda.
 
Kizito kandi yemeye icyaha cyo kugambirira ibikorwa by’iterabwoba kuko nawe yumvaga yifuza ko Hon. Bamporiki yakwicwa aho byari kugaragaza impinduramatwara gusa avuga ko uruhare rwe yarugize mu magambo bityo ngo niba ibyo yavuze bigize icyo cyaha aracyemera.Abamwunganira bagerageje kumvikanisha ko nta gikorwa cy’iterabwoba yakoze haba mu kugumura abaturage ahubwo kuba yaratanze igitekerezo cyo kwica ntaho bihuriye n’iterabwoba.
 
Kizito avuga ko mu rubanza rwe hadakwiye kurebwa niba icyaha kivugitse neza cyangwa nabi ahubwo harebwa icyagirira akamaro abanyarwanda kuko hari urubyiruko rwinshi rushobora kugwa mu mutego nk’uwo yaguyemo.Yemera ko yasebeje gahunda ya Ndi umunyarwanda ndetse yanayitutse ariko ashaka impinduka.Avuga ko atakoze ibyaha gusa ahubwo yakoze  amahano  ariko ngo akurikije uburemere bw’iterabwoba akumva nanone icyo cyaha gikomeye ugereranije nibyo yakoze.Urukiko rwamubajije niba nta mugambi yakoranye ibyaha asabira imbabazi maze avuga ko atashakaga kwica Perezida, nta kibazo bari bafitanye ndetse nta n’ubushobozi bwo kumwica yari afite.
 
Avuga ko  atibagiwe ineza yamugiriye ahubwo ngo yabonaga ibibi birutana aho guteza intambara bakwica Perezida.Ati “Sinigeze mwanga,guhemukira umuntu ntibivuga ko wari umufitiye urwango gusa nasaga n’uwivumbuye kuko hari abandi bayobozi twari dufitanye utubazo ari naho Niyomugabo Gerard  yahereye anyangisha ubutegetsi muri rusange…Gusa Nicuza ibyo nakoreye Perezida yarangiye neza”.
 
Gusa Ubushinjacyaha buvuga ko Kizito yari afite umugambi wo gukora ibi byaha ngo   mu magombo ye  Kizito yivugiye yari aziko RNC  ifite umugambi wo guhirika ubutegetsi, ndetse ikanamubwira ko impamvu ari uko  bwishe  abantu harimo na Karegeya, kutita ku bacitse ku icumu ,kuba  interahamwe zishe abantu arizo zibayeho neza, ndetse n’u Rwanda ruyobojwe igitugu.Buvuga ko kugambanira ubutegetsi nta bindi bikorwa biba bisabwa bitari ubwumvikane.
 
Umuseke

Commenter cet article

humura 07/11/2014 15:11

Ibintu by'umusore Kizito birimo isura y'ikinamico rigamije gushaka kujijisha abantu .kuko haba mubategetsi yewe na Kagame ntawigeze ahanura akoresheje ubuhanzi nka Mihigo.uyu yize Kaminuza afite responsabilite yo kwemera icyintu cyukuri rero Kizito ashobora kumera nka Kambanda yiyemerera ko ngo yateguye Jenoside kubera ibyo yariyarasezeranijwe.Ngo bazamugira umwere.none na Kizito ari kwemera byose.ahaaa amayeri ya fpr

Karoli 07/11/2014 06:26

Ihangane ! Wari uzi ko : aba bari kugucira urw ' imbehe bazagusimbura aho uri mu gihe kizaza ? Uti kuki ? Birengagiza amategeko bize kuki, kandi bararihiwe n'amaf. Ava mu misoro ya burimuturage ? Twese twarahagurutse ntawe uzongera kuduteranya ngo abone uko yibira igihugu mu nduru n'umuborogo . Komera komera sha !

Imana iguhe umugisha 07/11/2014 06:03

Twe abahutu.abatutsi n'abatwa bagendera mu kuri kw'amategeko n' umuco mwiza w'abanyarwanda tuzakwandika mu gitabo cy'intwari z'igihugu . Muri icyo gitabo cy'intwari zacu twese aho izina rya kagame ritazandikwa na rimwe . Mwe mwese mufungiwe kuvuga ukuri ; mukomere turi kumwe .

Imana iguhe umugisha 07/11/2014 06:03

Twe abahutu.abatutsi n'abatwa bagendera mu kuri kw'amategeko n' umuco mwiza w'abanyarwanda tuzakwandika mu gitabo cy'intwari z'igihugu . Muri icyo gitabo cy'intwari zacu twese aho izina rya kagame ritazandikwa na rimwe . Mwe mwese mufungiwe kuvuga ukuri ; mukomere turi kumwe .

girubuntu 06/11/2014 17:40

Kizito uriho urakomeza kwemera ibyo baguhimbira nka Yezu kwa Pilato uko byose yabyemeraga ariko We ni uko isaha yari yageze azi neza ko bazamwica akazazuka. Nawe se waba wibitseho akabanga tutazi ntuza we? Cyokora wenda Kagame amaze kumva uko wiregura ashobora kwihina mucyumba akabaza madame we akagusabira imbabazi ubwo nta baturage bakurega bashaka kukubambisha wenda wabona ubikize. abasenga ni bakomeze bakugire ku mavi batitaye uko wisobanura Mwana wa ma! ubwo wenda tuzasobanukirwa nyuma.

komera 06/11/2014 19:25

Kizito bumugabo wishavura 'turagusengera kdi humura akarengane umaze kukabona komera ubiture imana,nziko utazabona Ubu butumwa ariko wibuke igitero cyindirimbo yawe niwowe mpanze amaso niwowe ndangamiye.wasabiye abahabye ngo bagarukirimana,senga wirira nongeye kubigusaba ,bumugabo nurugamba rukomeye uriho 'ariko iherere nka yezu murigetsimani uti ikigikombe ukindenze dawe.komera na murumuna wawe ahumure iyabarinze irabazi.

FDLR 06/11/2014 14:19

Bihorere KIZITO we!! bareke bakomeze bakubeshyere,IMANA izabahana. Ndabona umutwe wawe warahugabanye cyane!! kubona urimo wemera ibintu kandi wenda hari igihe bitaguhama. NTA MUNTU WIYEMEZA ICYAHA ,BIRABUJIJWE!!