Politiki :Imyanzuro y’inama yo kuwa 26 ugushyingo 2014 y’Impuzamashyaka CPC.

Publié le par veritas

Politiki :Imyanzuro y’inama yo kuwa 26 ugushyingo 2014 y’Impuzamashyaka CPC.
Kuwa gatatu tariki ya 26 Ugushyingo 2014, inama idasanzwe y’Impuzamashyaka CPC yarateranye, isuzuma uko CPC ihagaze muri ibi bihe, n’aho gahunda y’ibikorwa byayo bya politike bigeze, cyane cyane ibijyanye no gushakira umuti ikibazo cy’impunzi z’Abanyarwanda, aho ziri hose kw’isi.
 
A.Ku byerekeranye n’ububanyi n’amahanga
 
Abari mu nama bagejejweho raporo z’ubutumwa bwa CPC bamwe mu bayobozi bakubutsemo mu miryango mpuzamahanga no mu bihugu binyuranye. Intumwa za CPC aho zageze hose, zagiye zakirwa neza kandi zigirana n’abazitumiye ibiganiro by’ingirakamaro, ku byerekeye gahunda ya politike (plan politique/political plan) impuzamashyaka CPC yateguye, hagamijwe kugeza u Rwanda ku mpinduka izimakaza demokrasi n’amahoro arambye.
 
B.Gushyira hamwe kw’amashyaka
 
Abari mu nama bunguranye ibitekerezo kuri iyo ngingo, basanga Abanyarwanda benshi bakomeje gusaba amashyaka ya politike abarizwa hanze y’igihugu, gukora uko ashoboye agahuriza hamwe ingufu zayo, kugira ngo urugamba rwa politiki rwo gusezerera ingoma y’igitugu ya FPR-Kagame rushobore gutera intambwe zigaragara. Niyo mpamvu CPC ikomeje kwemeza ko gushyira hamwe kw’abatavuga rumwe n’ubutegetsi bw’agatsiko buri mu Rwanda, ari yo nzira yonyine n’intwaro ikomeye byatuma ubwo butegetsi ruvumwa buvaho mu buryo bwihuse.
 
C.Ikibazo cy’impunzi z’Abanyarwanda
 
Inama yongeye gushimangira ko ikibazo cy’impunzi ziri muri Repubulika Iharanira Demokarasi ya Congo, kidashobora kurangizwa n’ishyaka rimwe. Akaba ari yo mpamvu CPC ifatanyije n’indi mitwe ya politiki, ndetse n’amashyirahamwe ya société civile (civil society), yiyemeje gukaza umurego mu kurengera izo mpunzi zo muri Congo n’izo mu bindi bihugu, no kuzibera umuvugizi mu miryango mpuzamahanga no mu bihugu byitaye kuri icyo kibazo.
 
D.Kurushaho kubaka CPC
 
Inama yashimangiye ko amashyaka agize CPC agomba kurushaho gukorera hamwe mu bwubahane, akirinda kugwa mu mutego w’umwanzi uhora arekereje, agambiriye kuyacamo icyuho kigamije kuyasenya. Bigomba kandi kumvikana ko inyungu z’igihugu ziri hejuru y’inyungu z’abantu ku giti cyabo, bityo hakaba nta mpamvu n’imwe izabuza CPC gukomeza inshingano zayo.
 
Inama yashimye kandi igitekerezo cyo gukomeza kwegera andi mashyaka atarinjira muri CPC, kugira ngo ashishikarizwe igikorwa cyiza cyo gukorera hamwe nk’uko byifujwe mu nama zo mu kwezi kwa Gashyantare na Werurwe 2014. Hemejwe kandi ko n’andi mashyaka ataratumiwe muri izo nama zibarutse CPC, adahejwe mu gihe yaba agaragaje ubushake bwo kwinjira mu mpuzamashyaka.
 
Inama yarangije imirimo yayo yemeje ko mu nama y’ubutaha, hazashyirwaho ubuyobozi bushya bwa CPC, bukurikije amategeko yemejwe n’inama yo kuwa 5 Ukwakira 2014.
 
Bikorewe i Buruseli, tariki ya 27 Ugushyingo 2014.
 
Perezida wa CPC
Faustin Twagiramungu
 

Commenter cet article

Uwampa imbaraga,na Uwampa imbaraga nasangiza TWAGIRAMUNGU kubyo yazaniye abanyarwanda 01/12/2014 23:14

Eh! Aka kanya wibagiwe imbaga yabanyarwanda wirengeje n'abandi batagira ingano washyize mu kangaratete none uracyatinyuka ukavuga? Wa kigarasha we ubona ubwawe uzajya ikuzimu usize iki imusozi? Umunsi uzahura n'ababyeyi bacu wagabije i Nkotanyi uzababwira iki? Ariko ujya wicara ugatekereza ku bantu watikirije CONGO? Nzi ko warebye iriya film untolded story, utekereza ku mubare w'impfubyi z'abahutu kimwe n'uriya Immaculé watesheje ubuzima n'urukundo rw'ababyeyi? None iyo ubona wicara ukavuga amateshwa wibeshya ko ba Immaculé tukumva cg turagutegereje ngo tukubaze ibyo wadukoreje? Uwampa imbaraga nakwambutsa CONGO n'amaguru, cg kagukubita izakabwana imbere y'urubyaro mwawe maze nawe ukumva kubyo wazaniye abanyarwanda!

Kim 29/11/2014 21:43

Azi kurondogora gusa

Yahaye Inkotanyi Intwari Gapyisi baramugandagura ,Sinzi umuntu utaragiriye impuhwe
Musanzirewe yazigirira Undi Amaraso ye azamukurikirana,

Harakabaho G, Kabirigi witangiye igihugu akakirwanira akagera naho afungwa Imyaka yakamama.
Naho Rukokoma Byanga bikunda azasubiza Amakuba yateje abanyarwanda.

Arakina nibikomeye natwe abo kunkombo twanze kumujya inyuma, iyo aba umugabo winyangamugayo Nahimana aba yaramuyobotse ariko kuko aziko ari Umugambanyi yaramwihakanye

Genda Rukokoma Urihambira!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

RWANDA 02/01/2015 17:12

Twagiramungu we, genda uri ikingufu koko. Amakosa yawe n'abantu wicishije ... ntacyo bikubwiye. Ubuswa bwawe, ubujura bwawe, ... nta n'impuwe ufitiye abanyarwanda. Igifu cyagutanze imbere. waretse kubeshya no gushaka kwiba abanyarwanda wa gisambo we!

zi 30/11/2014 00:38

Ariko Kim udashyizemo urwango wifitiye ibyo kwica gapyisi ubifitiye gihamya cg nibyo wumvise. Inkotanyi ziyiciye gapyisi zitahari zirabyiyemerera ntanimwe yigeze ivuga ko twagiramungu ariwe wazihaye gapyisi ngo yicwe. Urwango mufitiye Twagiramungu ntaho ruzabageza kandi ntanicyo muzamutwara na kabiligi uvuze ntawuhakana ubutwari bww ariko nunamunaza azakubwira ko ntarwango afitiye muzehe twagiramungu.

Zi 29/11/2014 20:08

Ntawundi munya politique wajya imbere ya Mzee wetu Rukokoma. Tujye tureka amarangamutima tujye kubyo bita ukuri: who can match Rukokoma? Padiri, Byiringiro, Nyamwasa, Rusesabagina, Gasana, Abdulahi, Dr Murayi, Rwaka, General BM. Aba bose mvuze nabafite amashyaka nabandi ntarondoye, aba bose mvuze ntanumwe wajya imbere yumusaza Twagiramungu alias Rukokoma. Haba kuri debate, haba mukwiyamamaza ndetse na speech. Ibi rero byose mubona birirwa batuka muzehe ntakindi uretse ubwoba bamufitiye. Mureke tujye inyuma ya Rukokoma wagaragaje kuva kera aho ahagaze kubibazo by' urwanda.

Kabayija 29/11/2014 05:29

Discipline kuri internet!

Iyo mwanditse bizima turabimenya, n'iyo mwatumwe turabimenya. Gusa hari n'abashaka kwikundiriza batatumwe! Ntitubiyobewe. TWAGIRAMUNGU KOMERA K'UMUHETO! TUGUFATIYE IRY'IBURYO!

Niyonzima jean de Dieu 28/11/2014 22:43

Ni ubushyizi bwisoni no kwiyemera kuvugako umuntu afite ibitekerezo bigufi ubaye ufite birerere urabihamna nti utukane. imvugo yadutse yo kwita umuntu wese mudahuje imyumvire isa naho ari iyo kwi kundisha kuri rubanda yari ikwiye guhagara kuko ikomeza guha FPR agaciro itagira. nibyo koko dufite ibibazo kandi abantu benshi bahagurkiye kubirwanya, ariko hari abashobora kwitwaza ibihe turimo kugirango bagere kubutunzi batavunitse ngo bari kurengera abanyarwanda.ikosa yenda mbona ni ukwima ishyaka runaka ariko kwibutsa abantu ko bakwiye kwirinda no gushyishoza mugutanga inkunga ngo barashyikira urugamba urwari rwose si ikosa iyo bikozwe ni ishyaka runaka . byumvikane ko abntu bose batabarizwa mu Ishyema. abantu birinde uwariwe wese waza asaba imisanzu abyitira ishyaka runaka cyane cyane FDRL. Abanyapolitiki bashyireho mecanisme banyuza abantu bashyobora gukoreshya bashyigikira ibikorwa byo kwirwanaho kubabyemera. ikindi numva kutagira ibanga ni ikosa rikomeye, igihe cyose FPR yamaze irwana ntwigeze amenyako hari bamwe mubaturage batangaga imisanzu yo kuyifasha.sibyiza gukomeza guha FPR imbaraga itagira, uveze wese ibyo utumva ngo ni FPR. ntibikwiye gukomeza kuyishyira hejuru mwicyamo ibice hanyuma bikitirwa FPR. Rubanda rusigaye rufite uburenganzira bwo gukurikira ideology yi ishyaka runaka ,ariko gushyishoza ni ingenzi. Abanyarwanda tugira amaranga mutima inyuma ariko imberehacu harashyize.Twe kubona ishya itamba ngo dute ni urwo twari twambaye.

AMAHORO 28/11/2014 16:23

Imyiteguro yo gushora u Rwanda mu icuraburindi igeze kure. Amagambo nagabanuke, ibikorwa birakenewe ndabarahiye naho ubundi ahaaaaa. Inama ziri kubera mu gatsiko ziteye ubwoba. Agatsiko karihebye karabona ko byakarangiranye karashaka gusiga u Rwanda karworetse mu icuraburindi. Amafaranga yose kayamaze mu baturage no mu mabanki, ikigo cy'ubwishingizi cy'izabukuru kiraceza muzunga, ubukene buranuma, entreprises ziri gufunga kubera projets zahagaze. Ariko ikibabaje ni ukumara gusahura ubukungu bw'igihugu ugashaka no gusinga uraritse ingogo.

Maniriho 28/11/2014 23:21

Cyereka abasazi batamuzi nibo bamuri inyuma, ngo aracyura impunzi? Ese izo mpunzi barahungnye? Ese ubundi we yabanje agatahuka akabona kuzicyura. Kurimangatanya byo arabishoboye

umuvumbuziwintore 28/11/2014 21:12

Vuga tujye imbere y'Imana naho Twagiramungu iyo abonye bikomeye ahamagara abazungu bakamwambika amababa nkayikizu akigurukira abo yateranije bagasigara bamarana.

Musafili 28/11/2014 20:32

Abanyarwanda twese ni duhaguruke tujye inyuma ya Twagiramungu. Uyu niwe mugabo ushoboye urekeuriya wiyita Byringiro kandi atari izina rye hamwe n'abandi bakora nkaNgeze Hassani bari kujijisha abanyarwanda. Niba musahaka kumenya umugambanyi ni mubaze mwese GénByiringiro, incuro avugana na Génral Rwarakabije akoresheje télé zifite nimero z'i Burundi, kandi agaterefona ijoro rinishye. Mbese kuki ahisha abari muri FDRL ibyo bavuganye na Rwarakabije uba watumwe na Kagame. Yewe impunzi ziragowe. Ejo bundi muzabibona ONU nitera, Byringiro azisangira umugore wen'abana be bari Brzaaville aho batunzwe 'amafaranga yo mu bucuruzi bw'imbaho ,n 'amakara. Mbese izo mpunzi ziri muri Congo yibwir ako zitamuzi

MUSINGA 28/11/2014 17:31

Banyarwanda Banyarwandakazi, Umuti wabyose ni ugushyira hamwe kandi ukudashyira hamwe nizongufu za Pilato Kagome n'agatsiko ke amabandi yavuye muri uganda. Kandi mwibuke icyafashije kagame n'agatsiko ke nuko bishyize hamwe mugihe cyurugamba noneho niba haribindi bapfa bakabijyamo nyuma ariko bageze kuntego yabo. So please amashyaka iyava akagera yumvako byukuri aharanira impinduka murwanda ntabundi buheza nguni butimo nimufatanye n'IMANA izabana namwe muribyose.

AMAHORO 28/11/2014 16:16

Nyakubahwa Twagiramungu rwose nimugerageze murebe ko hari icyo mwakora mutabare Abanyarwanda dore gutegura kubamara.

Kambari 28/11/2014 13:43

Inama yarimo bande? Yakorewe he? Witera urujijo ntiwashira imyanzuro y'inama hanze ngo abayikoze babe ibanga. Ubu ni bwa buryo bwo gukora bufuku Simeon wo ku ijwi rya Padiri Nahimana ajya avuga

Ishema 28/11/2014 12:26

Kwizera, isomere ibyo ishema rivuga ku bwenge bw'uwo wanditse ibyo washyize aha:

1.Nyuma yo gusoma Itangazo ryasohotse mu Kinyamakuru Ikazeiwacu taliki ya 26/11/2014, bigaragara ko ryaba ryarashyizweho Umukono n’Uwitwa cyangwa uwiyita General Major Byiringiro Victor ; Itangazo ryiswe “Itangazo rya FDLR rikangurira impunzi n’Abanyarwanda bose kwirinda ubucabiranya bwa bamwe mu banyamashyaka yo hanze arwanya ubutegetsi bwa Kigali bari kwifashisha mu kubacamo ibice no kubarangaza babaka imisanzu”;

2.Nyuma yo gusanga ibitekerezo birikubiyemo ari bigufi cyane kandi birimo amakosa akomeye y’imitekerereze ku buryo bitakwitirirwa “organisation” irimo abantu bashyira mu gaciro;

3.Tumaze kubona ko ibikubiye muri iri tangazo ari ibitekerezo n’ibyifuzo bwite by’uwiyita General Major Byiringiro Victor kandi bikaba bigaragarira bose ko ntaho bitaniye n’urugamba FPR-Inkotanyi ihora ishoza ku mashyaka ya politiki ya opozisiyo igamije kuyasenya. (isomere aha: http://leprophete.fr/news.php?id=628#.VHha2cn-u0E)

Maniriho 28/11/2014 20:07

Twgiramungu yagombye kumenya ko ntacyo tumutegerezeho, ni umugambnyi kabuhariwe ntacyiza na kimwe azigera amarira igihugu. abakomeza kumwiruka inyuma ni akazi kabo.

Kwizera 28/11/2014 12:11

Abayobozi bamwe b`amashyaka ya opposition akorera hanze basamiye hejuru izo nkuru z`ubugambanyi bagwa mu mutego w`ubutegetsi bwa Kigali ubwo bagaragazaga uruhare rwabo mu gushaka gusenya FDLR. Aha twabibutsa itangazo Bwana TWAGIRAMUNGU Faustin yihutiye gushishimura ngo bamwe mu bayobozi ba FDLR nibishyikirize inkiko kugira ngo Kigali ikunde ishyikirane ngo cyagwa izo mpunzi batazirasa . None se uwo munyapolitike yahindutse umuvugizi wa leta ya Kigali cyangwa umuvugizi wa ONU kandi aza no kwifatanya na FDLR ? Ibyemezo byo kwitandukanya n`uwo munyapolotiki byashimwe n`Abanyanyarwanda benshi bifuza amahoro arambye mu gihugu cy`u Rwanda ndetse no mu karere kose.

Kwizera 28/11/2014 12:01

None se ko umusetse wowe iryo rondakoko urikuyehe?ataba baringa se iyo CPC yakoze inama yayikoreyehe?ubu bimenyekane ko abahetse Kalinga ya FPR Nibo bari kwiuoberanya ngo bari gushinga amashyaka!!!! Guhunga ntibihagije kwerekana ko wabaye umurakare wa FPR Kuko izo mpunzi aho ziri ni Twagiramungu wazihashize none ngo ari kurengera impunzi ?

Kambari 28/11/2014 13:45

None niba atari balinga yakorewe he? Yarimo bande? Politique y'inyuma ya mudasobwa ni bwa buryo Simeon wo kuri radio ijwi rya Padiri Nahimana ajya yita ngo ni ugukora bufuku

Kambari 28/11/2014 13:45

None niba atari balinga yakorewe he? Yarimo bande? Politique y'inyuma ya mudasobwa ni bwa buryo Simeon wo kuri radio ijwi rya Padiri Nahimana ajya yita ngo ni ugukora bufuku

Byiringiro 28/11/2014 10:30

Ngo inama baringa! Ngaho niba uri umugabo se koresha iyawe maze utubwire ibyanzuro yayo. Arahondwa ntanoga se wamuhonze iki yanga kunoga. Mwashyize iryo rondakoko n'akarere hasi bavandi?

umuvumbuziwintore 28/11/2014 21:18

Erega Twagiramungu abaye UMUTAMWARA!!!!!!!!!

umuvumbuziwintore 28/11/2014 21:17

CPC igizwe namashyaka ane iyi nama yarimo amashyaka angahe? Nimudasanga ari iya Twagiramungu wenyine muzangaye!!