EAC : Madame Margaret Zziwa yanze kuba nka Ntawukuriryayo, ntabwo azegura !

Publié le par veritas

Madame Margaret Nnatongo Zziwa

Madame Margaret Nnatongo Zziwa

Mme Margaret Nnatongo Zziwa umuyobozi w’Inteko y’abadepite b’Umuryango w’Africa y’Uburasirazuba yabwiye  ikinyamakuru Daily Monitor ko atazegura ku mirimo ye kubera igitutu yashyizweho na bagenzi be bamusaba kwegura kubera imyitwarire ye idahwitse. Mu nama yabo iheruka guteranira i Kigali abadepite 32 kuri 45 bagize iyi nteko batoreye ko batakimufitiye icyizere.
 
Uyu mugore ukomoka muri Uganda, yabwiye abanyamakuru ko abamushyize kuri uriya mwanya ari abaturage ba Uganda ko nta wundi ushobora kumusaba kuwuvaho ngo abyemere. Ati: “Sinzegura rwose babyumve. Nashyizwe muri uyu mwanya n’igihugu cyanjye. Kuba ndi Margaret Zziwa sibyo byanshyize muri uyu mwanya ahubwo kuba mpagarariye Uganda nibyo bingira uwo ndiwe muri EALA no muri EAC.”
 
Margaret Zziwa yashinjwe na bagenzi be agasuzuguro, imiyoborere mibi, gutonesha no gukingira ikibaba abanyamafuti. Mu nama y’Inteko ya EALA iherutse guteranira i Kigali handitswe inyandiko isinywa n’abadepite 32 kuri 45 bagize EALA ivuga ko bamutakarije icyizere ndetse akwiye kwegura. Gusa uyu mugore ntabwo yeguye kuko hari imibare y’abadepite bahagarariye buri gihugu itari yagezweho kugira ngo umwanzuro wo kumweguza wemezwe.
 
Mu nteko ishinga Amategeko y’umuryango w’ibihugu bya Africa y’iburasirazuba hamaze iminsi havugwa ibibazo by’ubwumvikane bucye mu bayigize. Bamwe muri bo bemeza ko ubwo bwumvikane buke bushingiye ku kuba uyu muyobozi wayo adafata imyanzuro ikwiye ndetse akaba akingira ikibaba abanyamafuti muri bo. Umwe mu bagize iyi nama ukomoka muri Tanzania witwa Hon Shy-Rose Sadrudin Bhanji bashinja ko yatutse bagenzi be, ubwo bari mu rugendo ku mugabane w’Uburayi ; imyitwarire bagenzi be banenze cyane ndetse bakanasaba ko avanwa mu bagize iyi Nteko.
 
Ubwumvikane bucye muri iyi Nteko ariko si ubwa vuba aha kuko no muri Kanama 2013 abahagarariye u Rwanda muri iyi Nteko bisohoye mu nama yayo kubera kutumvikana na Hon Margaret Zziwa ku ngingo y’uko inama zibahuza zikwiye kujya ziteranira mu bihugu byose bigize umuryango ubahuriza hamwe [ndlr:Umenya iturufu rimenyerewe ryo kweguza abayobozi bigendeye ku matiku mu Rwanda utaratanze umusaruro muri EAC].
 
Umuseke.rw
 

Commenter cet article

barto 10/11/2014 17:42

Ariko bavandimwe bizabungura iki gutukana no gusebanya.Dore Yesu bamuzaniye ya ndaya bagirango bamute mumutego.yarababwiye ngo utagira icyaha namutere ibuye,Yesu yaje kubona asigaranye nawe ati urababariwe ntukongere ukundi.nibyiza gukoresha amazina yanyu.kuko nkiyo wihishe inyuma ya mwene Kagame ugatukana ubimwitirira nabyo si byiza kuko urazi neza ko Ange atatuka se?rero niba dushakira amahoro na democratie duce munzira zo kwiyubaha.kuko ntampunzi itazi Imana.
Twubahe uko abandi batekereza.kuko twumva ko bumva ibyacu gusa ntabwo twaba turi les democrates.

Mambo 11/11/2014 15:21

Kugeza ubu hagejejwe imbere y'amatgeko uruhande rumwe mu bakoze amahano . Birababaje rero kubona hari abakiyobya uburari bumvisha abandi ko hari umwicanyi mwiza n'umwicanyi mubi . Naho lmana muyirekere icyubahiro cyayo ; ntimukavange amasaka n'amasakramentu .

barto 11/11/2014 06:05

Uroha abantu muri Rweru ni sekibi akaba umwanzi wacu ariko ntabwo tuzahiganwa mu gukora nabi,ikiza kigira ingufu kurusha ikibi.naraye mu ntumbi amajoro namajoro,rero iyankijije itubwira gukora neza ibihe byose.abishe bakubwiraga ko ngo byatewe na Kagame ariko kuri jyewe hari ikindi kintu cyagombaga gukorwa kitari kwica abavandimwe.

Kuri barto 10/11/2014 18:46

Nangwa nawe aratukanye ntawe yishe . Ukubwira ngo ejo azakurasa bwacya akaguhambira akakujugunya muri Rweru se niwe wogeza ? Kura ibya aho !

Ange KAGAME 10/11/2014 12:14

uyu mugore Margaret Zziwa ni umusambanyi cyane kuburyo hari igihe asambanira no muri office.Ikindi ni umwicanyi kurusha papa wanjye