Burukina Faso: Imyigaragambyo irakomeje, amashyaka ntashaka perezida w’umusilikare!

Publié le par veritas

Abaturage ba Burukina Faso bakanzwe n'ubutegetsi bw'abasilikare

Abaturage ba Burukina Faso bakanzwe n'ubutegetsi bw'abasilikare

Blaise Compaoré wari umaze imyaka 27 kubutegetsi yeguye kuri uwo mwanya kuwa gatanu taliki ya 31/10/2014 nyuma y’imyigaragambyo ikaze yari iyobowe n’amashyaka atavuga rumwe n’ubutegetsi bwe yahamagaje ibihumbi by’abaturage bagahurira mu murwa mukuru wa Ouagadougou. Nyuma yo kwegura kwa Blaise Compaoré Lietennant Colonnel Zida wari wungirije umukuru w’umutwe ushinzwe kurinda umukuru w’igihugu niwe wemejwe na bagenzi be bo mu buyobozi bukuru bw’ingabo (Etat-major) ko ariwe ubaye umukuru w’igihugu ugomba kuyobora inzibacyuho muri Burukina Faso.
 
Nubwo bimeze gutyo ariko, Perezida w’umuryango w’ubumwe bw’Afurika asanga inzibacyuho muri Burukina Faso igomba kuyoborwa n’umusivili aho kuba umusilikare, icyo gitekerezo cye kikaba aricyo imitwe ya politiki n’imiryango itegamiye kuri leta muri Burukina Faso ishaka.Hirya no hino hatangiye kumvikana amajwi anyuranye atishimiye ko Lt.Col Zida aba umukuru w’igihugu. Imiryango itegamiye kuri leta yahamagariye abasilikare kudahindura itegeko nshinga, iyo miryango ntabwo ishyigikiye ko iryo tegeko rihagarikwa, iyo miryango yose ikaba ishaka ko itegeko nshinga rikomeza kubahirizwa.
 
Luc Marius, umuyobozi w’impuzamiryango iharanira impinduka yagize ati: “Kuri twe ntabwo twifuzako iyi myivumbagatanyo y’abaturage ihinduka uburyo bwo guhirika ubutegetsi ku ngufu (coup d’Etat).Kuba Lt.Col Zida yiyemeje guhagarika itegeko nshinga ibyo bifatwa nko guhirika ubutegetsi. Ni ngombwa ko imiryango itegamiye kuri leta n’abantu bose baharanira demokarasi bahaguruka bwangu kugira ngo tutajya mugihirahiro cyo kutagira itegeko ritugenga no kubura itegeko nshinga.Turasaba ko itegeko nshinga risubizwaho kandi inzibacyuho ikayoborwa n’umusivili ugomba kujyaho mu buryo bwa demokarasi bishingiye kubwumvikane bw’inzego kandi hakajyaho amasezerano agenga inzibacyuho izatugeza ku nzego zihamye”.
 
Umuryango w’abibumbye (ONU), umuryango w’ibihugu by’ubumwe bw’uburayi (UE) n’umuryango w’ubumwe bw’Afurika (UA) ubu byiyemeje kuba umuhuza mu kibazo cya Burukina Faso.Iyo miryango yose ikaba yifuza ko muri Burukina Faso inzibacyuho yayoborwa n’umusivili.Amashyaka ya politiki yasabyeko hagomba kubaho inzibacyuho iciye mu buryo bwa demokarasi kandi ikayoborwa n’umusivili. Ayo mashyaka avuga ko imyivumbagatanyo y’abaturage ari intsinzi y’abaturage;bityo abaturage bakaba batagomba kwamburwa intsinzi yabo n’abasilikare , kubera iyo mpamvu ayo mashyaka akaba yahamagariye abaturage imyigaragambyo yo ku cyumweru taliki ya 2/11/2014.
 
Biragaragara ko intsinzi y’abaturage muri Burukina Faso ikiri kure niba ubu bagiye kurwana n’ikibazo cyo kwirukana abasilikare kubutegetsi.
 
Ubwanditsi.

Commenter cet article

humura 02/11/2014 05:53

Kugeza ubu afrika yitiranya ubutegetsi n'umurage bigaragara ko bamwe mu bategetsi kubera bakoresheje imiheto kugirango bagere ku butegetsi.Muli republika:ubutegetsi ni ubwabaturage butangwa nabo kandi babuha uwo bashaka binyuze mu mategeko agenga demokrasi.Ikibabaje rero nuko bamwe bavaho nabi bamaze kwangwa kandi baragize akamaro ni akumiro.Uriya Blaise yishinze agatsiko ka bamwe bamunze igihugu ngo azongere yiyamamaze,none niba koko yari akunzwe abo bamukunze bagiyehe mugihe opposition yarimo imuhiga?Dore Kagame nawe nuko nako we ngo yateje imbere igihugu.abaturage ntibakeneye iminara cyangwa amagorofa atarayabo;ahubwo bakeneye ubwisanzure;amahoro no kutikanga umuturanyi,za maneko zirirwa zinekera umuntu umwe gusa.dushaka abamenya aho ziriya ntumbi zireremba zavuye?biensure ko bagomba kumenya abahungabanya umutekano w'igihugu .Niba Kagame ari uwo bavuga ko yagize neza ko yazamuye igihugu;abikore hose bigere kuri bose.Hanyuma azibuke kubaha itegeko nshinga yishyiriyeho akavuga ko azaryubaha.Kuvuga ko ntawundi washobora gutegeka igihugu ni ugusuzugura abanyarwanda bize bari mu gihugu np hanze kuko izi mvugo ziza nyuma iyo mandat ziri hafi kurangira
Ou bien mumere nka Maroc mugarure Kigeri aho gukomeza kubeshya abantu ngo ni republika.
Kagame ndamusaba kuba umugabo ushishoza kandi ureba ahazaza he na famille ye ye kuzamera nka Compaore uri kwangara na famille ye.si Kagame gusa ,Museveni-Kabila-Peter-Bia-Sassou-Boni-Obiange-Idris Debbie-Mugabe-ForeNgsimbe-Bongo fils-De santos Eduardo nabandi benshi.Please mwumve abaturage banyu.
RWANDA YACU TURAGUKUNDA NGOBYI YADUHETSE.

Karinake 02/11/2014 10:02

Hejuru aha Humura yibukoje ko nta maneko b'igihugu tugira ndetse ati : iyo babaho baba barakoze iperereza ku bantu batabwa muri Rweru . Jye nitegereje iyi mirambo : imyambaro ; igihagararo ; imyaka ugenekereje ; ntabwo ari imirambo ya rubanda rugari . Ndasaba ababyeyi bose bafite abana mu gisirikari kwihutira kumenya amakuru y'abana babo ; kandi ntimwere ubabeshya ngo bari za Sudani ; RCA ; Mali ; ........mwivuganire n'abana banyu . Ziriya ni ingabo zajugunywe muri Rweru kabisa .

Gumagumaguma!!!!!!!! 02/11/2014 09:11

Abaturage twese twese dushaka demokrasi idatunze ku ruhembe rw'umuheto ! Ntawe dukeneye ko aduteranya ; atwica anatwicisha ngo ari kutwigisha kubana nk'aho tutari dusanzwe tubana ! Kagome nahambire imbunda ze azikorere azisubize Kaguta ; nta munyarwanda n'umwe wamutumye kuzidutirira kandi nta n'izo dukeneye ! Abanyarwanda twese nk' abitsamuye dukomere ! Ya Mana yirirwagahandi igataha i Rwanda iracyahari kandi izongera !