Rwanda-USA :Ikibazo k’imirambo ya Rweru gikurikiranye Kagame aho yahungiye muri Amerika !

Publié le par veritas

Guhungira muri Amerika kuri Paul Kagame ni nko guhungira ubwayi mu kigunda!

Guhungira muri Amerika kuri Paul Kagame ni nko guhungira ubwayi mu kigunda!

«Ntamahoro y’abanyabyaha !»Iryo ni ijambo ryo muri Bibiliya, none ririmo risohorera kuri Kagame ! Iyo Kagame amaze kwatsa umuriro bakamuvumbura ahita yirukira muri Amerika kujya kugisha inama abasenyeri bamurinda bo mu idini rya Illuminati kugira ngo bahoshe uburakari bw’Amerika (USA) ; ibi byagaragaye ubwo Amerika yatahuraga ko Kagame yohereza abana mu mutwe wa M23 ; byatumye Kagame ajya kugisha inama abakuru ba illuminati muri Amerika ahamara amezi abiri yose ari kurya umutungo w’abatindi nyakujya b’abanyarwanda ; Icyo gihe Amerika yashyize Kagame muri raporo y’abinjiza abana mu gisilikare ariko ntiyafatirwa ibihano ! No muri iki gihe yahungiye muri Amerika kubera ikibazo k’imirambo y’abo yishe iri kureremba mu kiyaga cya Rweru !
 
Ubu nabwo indi dosiye iravutse y’uko Kagame yishe abantu urubozo abakekaho gusa ngo kuba badakunda ubutegetsi bwe, imirambo yabo ayitekera mu mifuka ya palastike ajugunya mu mu mugezi w’Akagera, uwo mugezi waje gutembana iyo mirambo iwugeza  mu kiyaga cya Rweru aho yabonywe n’abarundi ; abanyarwanda nabo babonye iyo mirambo itambuka mu ruzi rw’Akagera, umwe mubanyarwanda yatekereje ko ari imari sihyushye iri kugenda muri iyo mifuka, afata umwe afunguye asanga harimo umurambo w’umuntu, yakubiswe n’inkuba ahita afunga uwo mufuka asubiza uwo murambo mu runzi ngo ejo Kagame atabimenya nawe bakamushyira mu mufuka nk’uko uwo muturage yabisobanuriye radiyo mpuzamahanga y’abafaransa RFI!
 
Kuva aho izo nkuru z’iyo mirambo zatangiye kuvugwa mu binyamakuru mpuzamahanga, u Rwanda n’u Burundi byashatse guhisha iyo nkuru ; ibihugu byombi bivuga ko byarangije gukora iperereza kuri iyo mirambo, buri gihugu kikavuga ko abo bantu atari abacyo, kubera kugirira ubwoba  Paul Kagame, u Burundi bwahise bujugunya imirambo 4 yatoraguwe mu kiyaga cya Rweru mu cyobo rusange maze buricecekera ! Ibinyamakuru mpuzamahanga birimo RFI na BBC ntibyarekeye aho ndetse n’ibinyamakuru by’abanyarwanda biri hanze bikomeza kuvuga kuri icyo kibazo cy’imirambo iri kureremba mu kiyaga cya Rweru ! Ibyo byatumwe imyiryango irengera ikiremwa muntu nka HRW itangira gukurikirana icyo kibazo ariko nayo igira ubwoba bwa Kagame. Byabaye ngombwa ko iyo dosiye y’imirambo igera ku gihugu cy’igihangange cya USA kirengera Kagame muri byose !
 
Amerika yasabye u Rwanda n’u Burundi gufatanya n’imiryango mpuzamahanga kugira ngo hakorwa iperereza ryimbitse kandi rigendeye ku bimenyetso byo kwa muganga kugira ngo iyo mirambo ikorerweho ubushakashatsi bwo kumenya umwirondoro w’abo bantu bishwe kugirango bimenyeshwe imiryango yabo, kandi ababishe bagezwe imbere y’ubutabera ! Igihugu cy’u Burundi cyasubije ko ntabushobozi gifite bwo gukora iryo perereza, hagati aho Kagame yatangiye kubona ko icyo kibazo cy’iyo mirambo kizavumbura akaboze, yigira inama yo kujya kuyiba, abarundi batesha ingabo ze zari zigiye kuyiba, icyo gihugu cy’u burundi cyahise gishyira uburinzi bw’abasilikare bw’aho iyo mirambo ishyinguwe ! Igihugu cy’Amerika cyahise kiyemeza kohereza abahanga kabuhariwe bo muri FBI mu gutahura imirambo ariko ibyo Amerika ikabikora ari uko ibihugu byombi byemeye ko iryo perereza rikorwa !
 
Igihugu cy’u Burundi cyahise cyemerera Amerika kohereza izo mpuguke ariko ubu haracyari ibiganiro byo kureba uko izo mpuguke zishobora gukora akazi kandi n’u Rwanda rukaba narwo ruri gusabwa kwemera ko iryo perereza rikorwa ! Kugeza ubu u Rwanda ntiruratanga igisubizo kumugaragaro ; abayobozi b’u Rwanda bavuga ko icyo kibazo cy’imirambo yabonetse mu kiyaga cya Rweru kitayireba kuko itabonetse mu Rwanda ; kugeza ubu ni uko ibintu byifashe.
 
Kubera iyo myitwarire y’abayobozi b’u Rwanda, ibinyamakuru byo muri Amerika byavumbuye ko Paul Kagame yaje kwihisha muri icyo gihugu kugira ngo ashakishe uburyo yanyura ku byitso bye byo muri Illuminati  ngo bijye guhosha uburakari bw’Amerika maze dosiye y’imirambo yo mu kiyaga cya Rweru izimangane! Umunyamakuru witwa Ronan Farrow, yabajije Kagame ibibazo byrekeranye n’imirambo irenga 40 yabonetse mu kiyaga cya Rweru, Paul Kagame agasubiza asa n’ushaka guhunga ikibazo ahubwo agashaka ko bamubaza ngo ibyerekeranye n’uko yazanye amajyambere mu Rwanda ngo agateza imbere n’abagore , iyo akaba aryo turufu ari kurisha mu mahanga kuko iby’uko yahagaritse jenoside bitangiye kubura isoko !
 
Mu ncamake dore uko Kagame yasubizaga umunyamakuru , ni Kagame utangira kuvuga:
 
Birashoboka ko wahisemo gufata uruhande rumwe rw’iyo nkuru. U Rwanda rwavuze ko rwifuza gukorana n'u Burundi cyangwa se akarere kose kugira ngo turebere hamwe uko ibyo bintu byagenze. Sinibaza impamvu...
 
Umunyamakuru: Kuki mutakwemera ko haba iperereza?
 
Paul kagame: Ariko sinumva impamvu utafata urundi ruhande rw'iyi nkuru cyangwa se rw’iki kibazo, ugashaka kujya mu rundi ruhande wihitiyemo....Ntabwo mbyumva rwose!
 
Ng’uko uko Kagame yasubije umunyamakuru, bikaba bikomeje kugaragara ko Paul Kagame adashaka ko iperereza kuri iriya mirambo rikorwa ! Ese Amerika (USA) nayo izarekeraho ntibe igikoze iperereza kuri iriya mirambo bitewe ni uko Paul Kagame atabishaka ? Igihugu cy’u Burundi cyavuze ko ntacyo gihisha ko kandi ntacyo kikeka, akaba ariyo mpamvu gishaka ko iryo perereza rikorwa, niba Paul Kagame we hari icyo ahisha n’icyo yikeka kuri iriya mirambo,ntiyakagombye kwanga ko iperereza rikorwa ahakana gusa ahubwo yakagombye guhita yishyira mu maboko y’ubutabera bw’Amerika bukamukanira urumukwiye !
 
Abumva ururimi rw’icyongereza ni murebe hasi aha muri video uko Kagame yasubizaga uwo munyamakuru.
 
 

Ubwanditsi

Commenter cet article

Bene 06/10/2014 00:50

Selon des médias français, les services néerlandais d’immigration et de naturalisation (IND) ont signifié la semaine dernière dans une lettre à Lin Muyizere, le mari de Victoire Ingabire, qu’ils allaient lui retirer son passeport néerlandais en raison de son implication présumée dans le génocide des Tutsis de 1994.
Sans passeport néerlandais, M. Muyizere, qui clame son innocence, risquerait ainsi d’être expulsé vers le Rwanda.
La maman de Mme Ingabiré a été jugée et condamnée par contumace au Rwanda pour participation au génocide des Tutsis.

Gitonga 02/10/2014 09:25

Kadogo analyse yawe niyo kuyobya uburari gusa. Niki kikubwira ko bishwe mu kivunge cg ko byabereye igihe kimwe. Ninde muhezanguni mu Rwanda wagira ubushobozi bwo kwica abantu barenga 40 akabona n'igihe cyo kubapakira mu mifuka no kujya kubajugunya atabifashijwemo na security system? Ibaze impamvu bashyizemo cyangwa washyizemo amabuye. None kuki u Rwanda rwashatse kujya gutaburura imirambo cyangwa ntirushake kumenya aba bantu bishwe niba ataribo nawe mwabikoze? Ba Rwisereka, ba Karegeya n'abandi hari uwabatwitse? Hatwikwa cg hakajugunywa mu byobo abahutu batagira uruvugiro haramutse habaye fuite. Nkeka ko bariya ari abatutsi bishwe, bigakorwa n'abandi batutsi bake, bo mu bwiru. Batwitse cg bagashaka kubashyira mu myobo bene wabo babimenya vuba bitagoranye. Niyo mpamvu imirambo yashyizwe mu mazi iri mu mifuka y'amabuye ngo bazaburiremo. Iyo Imana idakora ibitangaza ninde wakeka ko abo bantu bishwe, ko bariya bantu ari inzobere mu gyhisha ibimenyetso?
Amerika kuba yirukankiyeyo, byo birazwi nta kiza kizavamo uretse nyine kuyobya uburari, cg kubyegeka ku barundi. Ubwicanyi mu Rwanda no ku isi hose ni kimwe muri plan za illuminati. Arinayo mpamvu bimika minaurité ngo itsembe majorité, bikanihuta kubera complexe y'ubuke baba bafite. Buriya bwicanyi bw'iwacu si Kagame ni lobbies ze. Ntibizanarangira ahubwo bizafata Africa yose nk'uko biri gukorwa muri monde arabe.Reba inshamake kuri link: www.syti.net

Kaka 01/10/2014 21:12

Mbese abasoda be babona arwaye mu mutwe ntibafate ibyemezo bikwiye ni basoda nyabaki. Kabone abamariye mu kagozi nicyo cyabashora.Rero bari bazi ko asara yica abaturage gusa . Bamuvuje se atarabamarira muri Rweru.

jk 01/10/2014 20:12

What do you not understand Kagame? Urareba nk'igisambo cyafashwe en fragrant delit!!!

Emmanuel Bugilimfura 01/10/2014 20:12

KAGAME NA FPR YE NI ABICANYI BATAGIRA IMPUWE!! MURI 1994 INKOTANYI ZISHE ABANYARWANDA BENSHI MURI ICYO GIHE BATWIKA ABANYARWANDA KUGIRANGO MURI PARC NATIONAL, BAJUGUNYA ABO BISHE MU KAGERA BABYITIRIRA INTERAHAMWE. KUGEZA NA NUBU KAGAME NA FPR YE BARACYAHITANA ABANYARWANDA KU UBURYO BWINSHI. BARIYA BANYARWANDA BAZIRITSE INYUMA AMABOKO NI KAGAME NA FPR BABISHE SINZI IMPAMVU BABITINDAHO!!

kadogo 01/10/2014 18:24

Ariko nubwo dukomeza gushinja Kagame aha hantu harimo utubazo tudasobanutse

1. Ni gute FPR/Kagame baba barishe aba bantu hanyuma imirambo yabo ikaboneka?
2. Ko tuzi ko iyo FPR/Kagame bishe abantu bahita bazimanganya ibimenyetso aha byagenze bite?

Impamvu nibaza ibi nuko FPR/Kagame iyo bishe mu ikivunge abantu bahita babahamba cg bakabatwika ntihagire ikimenyetso na kimwe gisigara.
aha rero bishoboka cyane ko aba bantu baba barapfuye mu ubundi buryo wenda bikaba byarakozwe nabahezanguni ariko atari umupango wa FPR na Kagame kuko kwica hanyuma imirambo ikabacika harimo tena.
cg hari agakino wenda kari kujya mbere tutari twamenya

LLLL 01/10/2014 20:08

Urabona hari ugusibanganya ibimenyetso birenze kujugunya umuntu mu mazi wamuziritseho ibuye. Yari nouvelle technologie bari bavumbuye ni uko yabatengushye. Bari barambiwe gutwika no guhamba nijoro. Yewe yewe Kagamesss n'inkeraguabara ze, nzaba mbarirwa.

mmm 01/10/2014 17:07

aha!!!

Akataraza 01/10/2014 18:35

Baca umugani mu kinyarwanda ngo "Ingeso ntirara bushyitsi". Ubwo abantu bafite imitwe yuzuyemo "kwica gusa" bazabihisha bakageza ryari kandi babikora buri munsi? Ngo hica Interahamwe da! Wasanga arizo zacengeye zikajugunya imirambo mu nzuzi zinyuze mu Rwanda, Cyangwa iziri mu gihugu Kagame zo yazihaye uburenganzira bwo gukomeza kwica ubundi akazigirira ibanga!!!

PM 01/10/2014 16:42

Ariya mashusho y’imirambo IBOSHYE, n’indi ihambiye mu magunira, iteye ubwoba. Twaherukaga kubona amashusho nkariya muri 1994, mu gihe cya jnoside yakorewe Abatutsi.
None se koko, wabona ariya mashusho ukumva URI FIER yo kwitwa UmunyaRDA, inshuti zawe z’Abazungu (burya n’ubwo bica, bagira moralité) wazereka ariya mashusho ukumva uri fier wo kuba Umunyafrika?
Ejo nibatwita inyamaswa, muzaba muvuga ngo, racisme racisme !!
Numva na Idi Amin, cyangwa Mengistu (wo muri Etiyopiya kubatamuzi), bataragejejeje hariya.

Ngoga 01/10/2014 17:26

Erega ubutegetsi buriho mu Rwanda nta mutima bufite ! Ahubwo ni abagome kurusha n'interahamwe !!! Nitudahagurukira rimwe bazatumara uruhongohongo ! Il est grand temps de les exposer devant les rwandais et surtout devant l'opinion internationale pour qu'ils sachent qui sont ces gens sadiques à jamais ! Ensemble vaincront !!!