Rwanda: Impuzamashyaka CPC iratera utwatsi raporo y'ibanga Monusco yakoze kuri FDLR ikayohereza muri Loni.

Publié le par veritas

Ishingiye ku nyandiko y'ibanga MONUSCO yohereje i New York muri Loni nk’uko byatangajwe mu binyamakuru bitandukanye nka NEWS OF RWANDA(Rwanda: FDLR Generating U.S. $71 Million From Businesses With Wives of DRC Officers), inyandiko ifite umutwe ugira uti: «Ibanga rikomeye cyane».
 
Impuzamashyaka CPC (Coalition des Partis politiques pour le Changement /Coalition of Political parties for Change) itangarije abanyarwanda ndetse n’amahanga ibi bikurikira ko:

 
Ibivugwa muri iyi nyandiko ya MONUSCO twavuze haruguru yoherereje LONI nk’uko bishimangirwa n’ikinyamakuru News of Rwanda ni ibinyoma byambaye ubusa. Ibi binyoma bigamije kuyobya buri wese ushishikajwe no gufatanya na FDLR kurangiza ikibazo cy’umutekano muke mu burasirazuba bwa Kongo. Nta gihe MONUSCO yahwemye gushyira ibara ribi kuri FDLR kugirango ishimishe ubutegetsi bwa leta y’u Rwanda, aho itasibye kuyitwerera ibyaha birimo : kwica, kwiba no gufata abagore ku ngufu. Ubu bikaba bigaragara ko itarashirwa gukwirakwiza ibi binyoma ikaba iremekanya ivuga ko FDLR izigama cyangwa ngo yunguka miriyoni mirongo irindwi n’imwe z'amadolari y'Amerika kugirango igaragarize buri wese ko FDLR isahura
umutungo wa Kongo ndetse ikaba inategeka abaturage ba Kongo mu gace iherereyem
o. Raporo nk'izi z'ibinyoma za monusco kuri FDLR ni izo kugerageza kwikura mu isoni bitewe ni uko izo ngabo za ONU zihagarariye umuryango mpuzamahanga watereranye impunzi z'abanyarwanda mu mashyamba ya Congo imyaka 19 yose kugeza n'ubu!

 
Izi miliyoni zivugwa, iyo FDLR izigira iba yarubatse inzu zo kubamo, ibitaro, amavuriro nka dispanseri, amashuri,insengero, n’ibindi. Biratangaje kubona MONUSCO imaze imyaka 12 muri Repuburika iharanira Demukarasi ya Kongo(RDC), ivuga ko ikurikirana ibirebana n’ibihungabanya umutekano w’Abakongomani, ikabihemberwa miriyari imwe na miriyoni maganatanu na mirongo irindwi n’ebyiri z’amadolari y’Amanyamerika(US$ 1.572.000.000), ikaba itaramenya gukora raporo nibura yaba yenda gusa na Raporo yatanzwe n’Umunyamerika witwa Hege wanditse agira ati : «FDLR igomba gufatwa kimwe n’indi mitwe yo mu Karere k’Ibiyaga Bigari yashyizweho n’impunzi cyangwa igakorwa n’abanyapolitiki baba mu buhungiro bamwe muri bo bakaba baravanyeho ubutegetsi butagenderaga ku matwara ya demokarasi …Umutwe wa Paul Kagame, wakorewe muri Uganda witwa, RPF/FPR ni rwo rugero twatanga»(Underestandig the FDLR in the DRC: Facts on the Disarmements and Repatriation of Rwandan Rebels).
 
Ni kuki MONUSCO itandikira LONI iyimenyesha ibyo Leta y’u Rwanda yagiye ikora n’ibyo ikora ibicishije mu mitwe itandukanye nka RCD-Goma, CNDP, RAIA- MTOMBOKI, MAI MAI TCHEKA, M23 n'indi tutarondoye, ikora ibikorwa bitandukanye birimo gusahura umutungo kamere wa Congo, kwica abakongomani, gufata abagore ku ngufu, kwinjiza abana mu gisirikari ku ngufu no kwigarurira ubutaka bw'igihugu cyigenga n'ibindi? Kuki nta narimwe twigeze twumva MONUSCO ikora inyandiko nk’iyo ikora kuri FDLR ngo iyohereze muri LONI ? Kuba umuryango mpuzamahanga ukora ibishoboka byose kugira ngo ukomeze gushimisha leta y’u Rwanda aho wakomeje gufatikanya nayo kugirango urimbure abanyarwanda cyane cyane impunzi zahungiye muri Kongo n’igisebo gikomeye kuri wo. Umenya igihe kigeze ko na MONUSCO ikorwaho anketi, raporo y’ibyo yakoze mu myaka 12, ikoresha abantu bageze ku bihumbi makumyabiri na bibiri (22.000) bigashyirwa ahagaragara.
 
Birababaje kandi biteye n’agahinda kubona amahanga abona muri FDLR abanyabyaha akirengagiza abanyabyaha bidegembya mu Rwanda, birirwa bagororerwa ndetse bamwe muri bo akaba ari nabo bakomeza gushyira mu bikorwa ibikorwa byo gusiga ibara ribi ndetse no kwica FDLR. Mapping Raporo yakozwe MONUSCO iri muri RDC, nisabe muri LONI ko ibihumbi maganatatu by’Abahutu (300.000 Hutu) na miliyoni zigera kuri eshanu z’Abakongomani (5.000.000 z’Abakongomani) bishwe n’abasirikare ba RPF/FPR, aho kuyobya uburari babeshyera FDLR bahinduye ruvumwa mu gihe abicanyi bakomeje umurego bica Abenegihugu. Ibi byose amahanga akaba abikora nkana kandi abigambiriye, mbese abishaka kuko kugeza magingo aya ibyasohotse muri rapport ya mapping aho kureba ababigizemo uruhare ahubwo amahanga, ariko cyane Loni yashyinguye iyo raporo. Iyi politike ya LONI yo kurengera abicanyi bari k’ubutegetsi yari ikwiye gukorwaho ankete bigasabwa n’Umuryango w’Ubumwe bw’Afurika( AU/UA).
 
Impuzamashyaka CPC irashimangira ko nta bikorwa ibyo ari byo byose by’ubucuruzi FDLR ikorera ku butaka bwa Kongo kimwe n’ahandi hose havugwa mu nyandiko twavuze. FDLR nk’urugaga rushaka amahoro rubanye neza n’abaturage ba Kongo bari mu gace iherereyemo. Abashaka gusiga FDLR ibara ntibazacogora, ariko baritonde kuko igihe kigeze ngo indorerwamo baboneragamo FDLR bayihindure kuko bigaragara ko uwo bafatanyije (leta y’u Rwanda) agenda ababeshya cyane bakishora mu bikorwa bigayitse ndetse bishobora no gutesha agaciro imiryango bakorera.

Impuzamashyaka CPC yamaganye cyane abanyamahanga bakomeje kwivanga mu kibazo cy'u Rwanda, bashyigikira ubwicanyi bwa leta ya FPR, kandi bakabikora bihishe mu miryango mpuzamahanga itandukanye ubusanzwe yagombye gufasha mu gukiza ikibazo cy'umutekano muke mu karere kose no mu Rwanda by'umwihariko. Impuzamashyaka CPC irashimangira ko nta yindi nzira iboneye izarangiza ibibazo by’u Rwanda atari inzira y’ibiganiro hagati ya leta y’u Rwanda n’abatavuga rumwe nayo, bityo amahanga yakagombye kumva ko FDLR atariyo yonyine igomba guhora igerekwaho umutwaro wose w'ibibazo by'umutekano muke mu burasirazuba bwa Congo, kandi leta y’u Rwanda yo bizwi neza ko yagabye ibitero bitabarika muri Congo igakomeza kuvunira ibiti mu matwi. Aha tukaba twibutsa amahanga ko FDLR kuva yatangira igikorwa cyo kurambika intwaro hasi ntacyo leta y’u Rwanda irakora kugirango igaragarize abanyarwanda ko yifuza amahoro.
 
Ahubwo aho gushaka amahoro, leta ya FPR ikomeje gukomeza umurego mu kurigisa no gufunga abaturage bayo abandi benshi ikabica, kugeza naho bamwe bashyizwe mu mifuka bakajugunywa mu ruzi rw'Akagera, rwabatembanye rukabageza mu kiyaga cya Rweru mu gihugu cy'u Burundi. Abatazimiye ikabafunga cyangwa bagahunga ku bwinshi. CPC irahamagarira abanyarwanda aho bari hose guhagurukira guharanira uburenganzira bwabo, kubera ko amateka yacu na ONU n'indi miryango iyishamikiyeho akomeje kutwereka ko amahanga adashishikajwe na gato n'ubuzima bwacu. Amahoro, ubwisanzure mu gihugu cyacu nitwe bireba, mbere na mbere. Duhaguruke rero tubiharanire.
 

 
 
Alexis BAKUNZIBAKE
Umunyamabanga mukuru wa CPC.
Rwanda: Impuzamashyaka CPC iratera utwatsi raporo y'ibanga  Monusco yakoze kuri FDLR ikayohereza muri Loni.

Commenter cet article

humura 02/10/2014 19:08

Birababaje cyane ese Rwanda uri kujyahe?abahutu ntimuvuga rumwe,abatutsi muri kumarana, abatwa bo sinzi!!!!!!!!!!!!!!!!!.Yesu tabara abawe.........

John 02/10/2014 18:02

Niba Empire d’Orient muri Iraki igira inyungu ya milliari ebyiri (2.000.000.000) y’amadorali, ariko ikaba ibangamiye umutekano wa Leta Zunzubumwe, birumvikana kujya kuyisenya.
Hari umuntu wansobanurira aho FUDERERI ibangamiye umutekano wa Lata Zunzubumwe ku buryo bajya kuyisenya ?
Izo millioni 71, harahandi zijya uretse guteza imbere inganda z’i Burayi ?
Munsobanurire.

alonso 02/10/2014 17:42

Bashaka bace na tanzaniya naho hari inzira ..we are ready ! Ni mubishobora muzatwirukane nu gihugu naho ibiganiro niyo obama yabibasabira twamubwira ahubwo akabatwara iwe ntabyo twabaha.....film yanyu yarizinze.

mano 02/10/2014 19:59

Wowe alon so ; aho shobuja yakugaburiye amaraso y'umuntu nturahaga ? Niba hari akenge ugisigaje ko kujya kuri wc ca inkoni nzamba ureke abanyarwanda

alonso 02/10/2014 17:38

None se KO ari Monusco yayikoze û Rwanda ruzamo rute wumva ari n'ibanga rikomeye?!byabayibeye ahubwo noneho ngo FDRL irashaka gururuka Burundi?bazàze baturutse aho bashàka abadateye ubwoba cya gwa ikibaxo ni bo

Mbonyingabo 03/10/2014 10:17

Muvandimwe witonde kuko inkuba yakubise M24 murimasisi naho ikigali ishobora kuhakubita. Burigihe ubitigihugu niwe witonda kuko FDLR intacyo itakaza iyo ishoje intambara niyoyunguka. Ibyimbaraga byo ureka kubyirata kuko ibintu byarahindutse ntimwabimenya.

Rwakana 02/10/2014 17:31

CPC , murakoze . Iyi nyandiko muyihaye maitre Innocent akayandika mu buryo bw'amategeko mukayohereza : Onu, Usa, Russie.Chine .OUA.......naho twe abanyarw. mubibwira turabizi ; tubibamo . Mubibutse ko tutari impumyi. Murakoze.

Mbonyingabo 03/10/2014 10:23

Ese ubundi niba FDLR ifite umutungo halya baribwahe iyaba yarinawufite rwose twebwe nibyo dushaka. Nkuko RWAKANA abivuga FDLR izohereze iyibaruwa mubihugu byinshi bishoboka. Maze ikinyoma gikubitirwe ahagaragara.

alonso 02/10/2014 17:47

Hahaa maitre se yayandika muburyo bw'amategeko kuko ayarusha abakoze izo rapport iyo bayikoze ku Rwanda babba aba expert bayikora kuri mwe bakaba batashishoje haaa ariko muranyisekereza gusa politique irabananiye...erega nta politique nta n'urugamba sans valeur et motif crédible ....umuri kuratsinda mwemere ko nta kuri mufite mûri gutsi dwa...

JOE 02/10/2014 16:04

Niko veritas.info? Namwe se musigaye munyonga commentaire yanditwe n'umuntu utatukanye, kuberko wenda yavuze UKURI mudashaka kwumva?
Je suis surpris.

simon 02/10/2014 16:01

Hakwiye kubaho itohoza ryimbitse kuri Monusco
bisabwe na Au/UA. Kugirango mafia yihishe muri missions za ONU muri Afrika kugeza ubu zitigeze narimwe zigera kunshingano zazo bitewe niyo mafia yacengeye Loni. AU/UA nishyireho Komisiyo yitohoza
yigenga kuri misiyo ya Monusco itangwaho akayabu kamamiliyoni ariko 245000 réfugiés Rdais bakimwa imfashanyo kubana nabagore bagomeje kwicwa no kubura imiti .ibiryo. amashuli nibindi byangombwa
kuburenganzira bwikiremwamuntu
Turasaba Ishyirahamwe rirengera uburenganzira bwikiremwamuntu naryo ko ryahaguruka ikareka gufunga amaso imbere yurwicarubozo rikomeje gukorerwa impunzi zabanyarwanda hari ya muriRDC.