Rwanda: Ifungwa rya radiyo BBC-Gahuzamiryango ni “Byendagusetsa”!

Publié le par veritas

Umunyamakuru Jane Corbin wambitse ubusa Paul Kagame muri filime "Rwanda’s Untold Story "

Umunyamakuru Jane Corbin wambitse ubusa Paul Kagame muri filime "Rwanda’s Untold Story "

Impyisi yakundaga kurya intama z’abaturage, aho inyuze hose abantu bayikubise amaso bakayiha induru, umunsi umwe yigira inama yo kujya kwa padiri kwaka penetensiya kugira ngo ibabarirwe icyo cyaha. Padiri yakiriye impyisi mu ntebe ya penetensiya kugira ngo yicuze ibyaha, impyisi yicujije ibyaha byayo, ibwira padiri ko yariye intama nyinshi ndetse rimwe na rimwe ikarya n’abashumba baziragiye! Mu gihe padiri yarimo abwira impyisi uburyo igomba kuzajya yitwara, nibwo intama nyinshi zanyuraga imbere y’umuryango wa kiliziya, impyisi iba izikubise amaso maze amazi yuzura akanwa! Ntabwo impyisi yategereje ko padiri ayibabarira ibyaha yakoze ahubwo yahise ibwira padiri iti:”Nyakubahwa Padiri ngirira vuba umbwire ibyo umbwira naziriya zitancika!” Padiri yahise yumirwa!
 
Imyitwarire y’iyi mpyisi twayigereranya n’imyitwarire ya Paul Kagame ku ifungwa rya radiyo ya BBC-Gahuzamiryango ku mirongo ya FM mu gihugu cy’u Rwanda bitewe na filime ya "Rwanda’s Untold Story yakozwe n’umunyamakuru “Jane Corbin” ikanyuzwa kuri televiziyo ya BBC ya 2 iri mu Bwongereza. Iyo filime ikoze mu rurimi rw’icyongereza ikaba yaranyujijwe ku mbuga za internet mu rurimi rw’icyongereza. Filime "Rwanda’s Untold Story ntiyigeze yerekanwa mu Rwanda bitewe ni uko leta ya Paul Kagame yahise iyamagana itarayibona. Muri iki gihe filime "Rwanda’s Untold Story iri kurebwa ku isi yose n’abanyamahanga ndetse n’abanyarwanda banyuranye. Ibihugu bivuga ururimi rw’igifaransa biri kwandikira umunyamakuru”Jane Corbin” bimusaba kubahindurira iriya filime mu rurimi rw’igifaransa. Uko leta ya Paul Kagame iri gukaza umurego wo gukora amakosa yo kwamagana iyo filime nta mpamvu itanga ni ko iyo leta iri gukururura amatsiko y’abanyamahanga yo kureba iyo filime ngo bamenye ukuri kuri kuvugwamo  cyane ko ukuri kurimo Atari ibintu bishya kubanyarwanda!
 
Leta ya Paul Kagame yakomeje gushinjwa kenshi ibikorwa byo gupfukirana ukuri no kuniga itangazamakuru, iyo leta ya Paul Kagame yagiye ibihakana kenshi, ariko noneho aho ibintu bigeze ikoze icyo bita "kubandwa habona" kubera icyemezo yafashe cyo gufunga ibiganiro bya BBC mu Kirundi no mu Kinyarwanda! Paul Kagame yashoboye gucecekesha abanyarwanda ariko umenya bizamugora gucecekesha itangazamakuru mpuzamahanga nka BBC! Nk’uko iriya mpyisi yiyemeje kwihana ibyaha byo kurya intama, bitewe no kugenda bayiha induru aho igiye hose, niko na Paul Kagame asigaye ahabwa induru aho agiye hose ku isi, ubusanzwe byakorwaga n’abanyarwanda n’abanyamahanga bamuzi, ariko kuva aho iriya filime isohokeye, abayobozi b’isi yose basigaye bamuha urw’amenyo kuko barangije kureba iriya filime igaragaza amahano yakoze mu myaka 20 yose kandi akaba akomeje gukora ayo mahano!
 
Impyisi yabonye intama zitambutse ibwira padiri ati ngirira vuba naziriya zitancika! Na Kagame niko bimugendekeye, BBC igaragaje filime y’ibyaha bye, ahita ategeka ko ifungwa mu Rwanda! Abakurikiranira hafi imikorere ya Paul Kagame ni uko yategetse ko BBC mu Kirundi n’ikinyarwanda ifungwa mu Rwanda kugira ngo intore ze zafatanwe ibyuma n’imbunda mu Bwongereza ubwo zaherekezaga shebuja mu Bwongereza, zitagezwa imbere y’urukiko zigahanwa! Ubwo ngo arashaka kugirana imishyikirano n'Ubwongereza ngo bamurekurire abicanyi be!
 
Guhagarika BBC Gahuzamiryango mu Rwanda byakoranwe ubuhubutsi bwinshi cyane!
 
Ubwo ministre Binagwaho yafataga icyemezo cyo gupima abanyamerika n’abespagnole indwara ya Ebole igiye binjiye mu Rwanda, Paul Kagame yaramugaye avuga ko yahubutse, yongeraho ngo “Arakora mbere yo gutekereza” none ibyo yagaye uwo mu ministre nawe nibyo akoze! Gutegeka ikigo cya RURA guhagarika BBC Gahuza mu Rwanda ni ubuhubutsi bukomeye cyane! Dore ibintu bigaragaza ko Paul Kagame yahubutse:
 
1.Iriya filime ya  "Rwanda’s Untold Story” iri mururimi rw’icyongereza rwumvwa kandi ruvugwa n’abanyarwanda bake cyane, iriya filime yanyuze kuri Televiziyo ya BBC 2, iyo televiziyo ikaba itarebwa n'abanyarwanda, iriya filime iri kuri internet kandi u Rwanda ntirushobora kuyisibaho, iyo filime ikaba ibitswe n’abantu benshi kandi ikaba iri kugurishwa ku masoko anyuranye mu mahanga. Gufunga BBC Gahuza mu Rwanda ni iki bizabangamira kuri iyi filime iri mu cyongereza?
 
2.Iriya filime "Rwanda’s Untold Story” ntabwo yigeze yerekanwa mu Rwanda ,n’abadepite bo mu Rwanda ntabwo bigeze bayibona, bikaba byarabaye urwenya rukomeye cyane kubwira abantu ngo nibajye kwamagana ibyo batazi, ibyo byatumye umwe mu bategarugori bashoye mu muhanda kuwa gatanu taliki ya 24/10/2014 yarabwiye umunyamakuru ko yagiye mu muhanda kwamagana abadage ! Uwo mutegarugori agomba kuba yaratekereje imyigaragambyo nk’iyo yashowemo ubwo igihugu cy’Ubudage cyafataga Rose Kabuye!
 
3.Mu gahagarika BBC mu Rwanda, RURA yavuze ko icyo cyemezo ari agateganyo ngo nyuma yo gukora ubucumbuzi bwimbitse ku cyemezo kizafatwa nyuma bakadohora cyangwa bagafunga burundu! Imikorere ya leta ya Paul Kagame iracuritse! Ni gute hatangwa ibihano byo guhagarika BBC ntacukumbura ryakozwe?  Uko iyi leta ifunga abanyarwanda igakora iperereza nyuma niko ibikoze no ku itangazamakuru mpuzamahanga! Ubusanzwe hakorwa iperereza, hakagaragara ibimenyetso simusiga nyuma hagafatwa ibyemezo, ibinyuranyije nibyo biba bicuramye!
 
4.Gufunga BBC gahuza mu Rwanda ni uguta igihe kuko abaturage bazakomeza kumva iyo radiyo binyuze ku mirongo migufi ya SW kandi leta  y’u Rwanda ntifite ububasha bwo guhagarika iyo mirongo ; muri make iki cyemezo cyo guhagarika BBC ku minara ya FM mu Rwanda akaba ari ugukora ubusa nk’umwana wenda undi!
 
5.Mu mwaka w’2009  leta ya Paul Kagame yahagaritse BBC Gahuzamiryango amezi abiri ngo kuko abatavuga rumwe n’ubutegetsi bwe bayivugiyeho, uko iyo leta  yaje gufungura BBC ntawabimenye, n’ubu rero BBC izongera ifungure mu Rwanda, abo leta ya Paul Kagame iri gushyira mu mihanda badahawe ibisobanuro, kubwira abanyarwanda ngo nibajye mu mihanda kwamaga ibyo batazi ntabwo bihombya abongereza nta nicyo bibabwiye!
 
BBC ni radiyo televiziyo igera ku isi yose mu ndimi zirenga 27, ntabwo igitugu cyangwa igitutu cya Paul Kagame cyayihungabanya na gato, no mu ntambara ya kabiri y’isi yose BBC niyo radiyo yasigaye ikora yonyine ku isi, Hitler yashatse kuyisenya biramunanira, uretse kwiha amenyo y’abasetsi ntacyo Paul Kagame ashobora gutwara BBC uretse kwerekana ko ntabwisanzure buri mu Rwanda. Ikibazo k’imibare y’abahitanywe na jenoside cyateye ubwoba Paul Kagame kiri muri filme ya Jona Cobin, veritasinfo yakivuze kera, dore igice cy’iyo nkuru yatangajwe umwaka ushize:
 
Abahutu nibo bapfuye ari benshi mu itsembabwoko ryo muri Mata 1994.
 
Abashakashatsi kuri jenoside y’u Rwanda aribo Edward Herman na David Peterson banditse igitabo mururimi rw’icyongereza kitwa “The Politics of Genocide”, berekanye muburyo bw’imibare ko muri jenoside yo mu Rwanda muri 1994 ko umubare munini w’abanyarwanda bapfuye (n’ubu bagipfa) ari abahutu. Kagame na FPR bakaba barakomeje gutsindagira amahanga ikinyoma cy’uko amoko atakibaho mu Rwanda kugira ngo akomeze guhishira ubwicanyi bukomeye bwakozwe n’inyeshyamba za FPR ku mategeko zahabwaga na Kagame. Icyo kinyoma cyo kuvuga ko ntabwoko buriho mu Rwanda, Kagame na FPR babonye kidahagije maze bahindura amazina n’imbibi by’ama selire , segiteri, komine na perefegutura kugira ngo bagerageze gusibanganya ibimenyetse by’aho Kagame na FPR bakoreye ubwicanyi.
 
Kagame na FPR bakora ibikorwa byo kuzimanganya ibimenyetso by’ubwicanyi bakoze babuza abanyarwanda kuvuga ibyo bazi kuri jenoside ariko nihahandi aho ibihe bigeze ntibashobora kuzimanganya ibyo bimenyetso kuko byanditswe mu bitabo ndetse bikaba binagaragara muri za mudasobwa. Kugirango buri wese asobanukirwe neza ikinyoma cy’ubwicanyi bw’abahutu bwakozwe na Kagame na FPR twafashe urugero rumwe rwatanzwe n’aba banditsi twavuze haruguru.
 
Urwo rugero barutanze bakurikije ibarura rusange ry’abaturage ryakozwe mu kwezi kwa kanama 1991 kandi iryo barura n’imibare yavuyemo byakozwe ni ishami rya ONU rishinzwe ubukungu ariryo PNUD n’iyo mibare akaba ariho yavuye ! Kagame na FPR bavuga ko jenoside yo mu mwaka w’1994 yahitanye abatutsi miliyoni, naho ONU ikavuga ibihumbi 800; ari u Rwanda ari na ONU nta numwe muribo wigeze akora ibarura ryo kumenya mubyukuri imibare y’abatutsi bishwe. Kugeza ubu Kagame na FPR ntibazi mubyukuri umubare w’abatutsi bishwe n’umubare w’abarokotse, banze gukora iryo barura kuko bazi neza ko imibare batanga ari ibinyoma bijyanye na propaganda y’ubutegetsi bwabo kugira ngo bakomeze kwica, kuyobora abanyarwanda mu gitugu, kubatera ubwoba no kujijisha amahanga.
 
Dore umubare w’abaturage b’u Rwanda mu moko y’abahutu n’abatutsi nk’uko bigaragazwa n’ibarura ry’abaturage ryo mu mwaka w’1991.
Perefegitura
Abahutu
Abatutsi
Abaturage bose
Butare
618 172 (82,0 %)
130 419 (17,3 %)
753 868
Byumba
761 966 (98,2 %)
11 639 (1,5 %)
775 933
Cyangugu
489 238 (88,7 %)
57 914 (10,5 %)
551 565
Gikongoro
401 997 (86,3 %)
59 624 (12,8 %)
465 814
Gisenyi
708 572 (96,8 %)
21 228 (2,9 %)
731 996
Gitarama
764 920 (90,2 %)
78 018 (9,2 %)
848 027
Kibungo
596 999 (92,0 %)
49 966 (7,7 %)
648 912
Kibuye
398 131 (84,8 %)
69 485 (14,8 %)
469 494
Kigali
822 314 (90,8 %)
79 696 (8,8 %)
905 632
Kigali(umujyi)
180 550 (81,4 %)
39 703 (17,9 %)
221 806
Ruhengeri
760 661 (99,2 %)
3 834 (0,5 %)
766 795
ABATURAGE BOSE
6 467 958 (91,1 %)
596 387 (8,4 %)
7 099 844
Umujyi
313 586 (83,9 %)
57 186 (15,3 %)
373 762
Icyaro
6 154 365 (91,5 %)
558 265 (8,3 %)
6 726 082
 
Duhereye kuri uru rugero rwonyine rw’imibare , biragaragara ko u Rwanda rwose rwari rutuwe n’abatutsi 596387.Mu mwaka w’1995 umuryango w’abacitse ku icumu wa IBUKA watanze umubare ugereranyije w’abatutsi bagera 300000 barokotse mu gihugu cyose, uwo mubare akaba ari nawo Kagame yatanze muri ONU arawusinyira kugira ngo abone imfashanyo nyinshi z’abacitse ku icumu ; izo mfashanyo zatanzwe ku bwinshi n’imiryango inyuranye maze zishyirwa mu mifuka ya Kagame n’ibyegera bye ! Hagendewe ku mibare y’ibarura rusange ry’abaturage ryo muw’1991 ; usanga imibare itangwa na Kagame kubyerekeranye n'umubare w'abatutsi bahitanywe n’itsembabwoko yuzuyemo ikinyoma gikabije ! 
 
urugero, FPR ivuga ko mu rwibutso rwo ku Gisozi hashyinguwemo imibiri y’abatutsi biciwe mu mujyi wa Kigali barenga 250000 mu gihe Kigali yari ituwe n’abaturage bose hamwe bagera ku 221795 ; biramutse ari uko byari bimeze uretse n’abatutsi baba barishwe nta muturage n’umwe waba wararokotse mu mujyi wa Kigali (amoko yose yari awutuye) kandi FPR ikajya no gushaka indi mibiri ahandi igera ku 30000 kugirango umubare uvugwa na Kagame na FPR ushyinguwe ku Gisozi ugerweho!
 
Kagame na FPR bavuga ko muri jenoside ya 1994 hapfuye abatutsi 1.000.000 harokoka abandi 3000.000 mu gihe u Rwanda rwose rwari rutuwe n’abatutsi 596387 mu mwaka w’1991, ni ukuvuga ko ari uko bimeze , muri jenoside ya 1994  hapfuye abatutsi 296387 ; naho umubare w’abahutu bishwe ukaba 703.613 muri icyo gihe; bityo wateranya umubare w'abatutsi bishwe n'umubare w'abahutu bishwe ukabona umubare w'abantu miliyoni bishwe mu 1994 Kagame na FPR bahora baririmba.
 
Aho gufunga BBC abatekinisiye ba Kagame bagombye kubeshyuza ukuri kugaragazwa n’iyo mibare!
 
Ubwanditsi

Commenter cet article

ahishakiye 31/08/2015 17:35

nibyope kandinukuripe ahubwombonako BBC ikwiriye ibihembokukontahibogamira nahamwe kandi mugombakubimenyako ikinyomakizamukacyiruka cyihuta giterera aresikarie noneho ukuri kukizamukizamukiragahorooooo kugasanga ikingomakicayemuntebe ubwokikaburahogikwirwa kigasimbukiramwidirishya kikikubitahasi (kagame=ikinyoma) (BBC=ukuri) I thank you BBC very much

Bene 25/02/2015 00:58

Kuvuga n'ugutaruka.......Ngo FDLR imerewe nabi muli Congo. Mwa Nterahamwe mwe murabivugaho iki ?
Ngo cwe !!!!!!

FDLR 26/10/2014 11:23

arega ntawe uhora abeshya.uko byagenda bageraho bakakuvumbura.none se bu;liya KAGAME azasobanura ate iliya mibare yafifitse.sha umva ko mutekinika,ibi byo BBC izabakubita inshuro kabisa

umuvumbuziwintore 26/10/2014 14:28

Bari kuvugishwa ahubwo barababaza bati " komwaje kwigaragabya mwaje kwamagana nde? bati "ABADAGE" none BBC niyabadage???????????????????????? Basaze barata imyenda ahubwo!!!!!!!!!!!!!!!!

MAKENGA 26/10/2014 11:49

Bareke sha basigaye badedemanga

KANGUKA 26/10/2014 11:01

RPF yagize umururumba ukabije mu gushaka gukama genocide none birayigarutse. Babyimbije bikabije imibare y'Abatutsi bapfuye bagamije kwirira imfashanyo birengagiza ko hari n'Abahutu bazize akamama, bahinduka nka cya kinyoni gihisha umutwe mu musenyi kikibwira ko ubwo nta muntu kibona nacyo ntawukibona. Barize amarira y'ingona mu mahanga (mwibuke ambassador Gasana muri RONI) ari na ko bacunaguza abarokotse mu gihugu ngo batababaza imfashanyo basaruraga mu mahanga bitwaje izina ryabo.

Ibi byose byatewe na coup d'état yabaye muri RPF rugikubita, abari barapanze gahunda nziza yo kuzana ituze no kubaka igihugu baricwa karahava, icyama cyifatirwa n'inyangabirama z'ibisumati, bikoreshwa n'andi mabandi y'abazungu. Udahuje ibitekerezo na byo wese akubitwa ifuni cg ahabwa ubunyuza, uhereye ku basirikare b'intwari, ukanyura ku bana basanze ibyo bisuma bazi ko batabariye igihugu, kugeza ku nzirakarengane z'abahutu ba za Byumba na Ruhengeri.

Mu kwica Habyarimana bya bisambo by'ibinywamaraso byari bizi neza ko yamaze gutegura umugambi mubisha wo kumaraho Abatutsi, maze biritakuma byiriza amarira y'ingona birebera aho Umuhutu akegeta amajosi y'inzirakarengane, n'ubucucu bwinshi azi ko yikemurira ikibazo. Arangije nawe Kagame n'abambari be baramwadukira, abura n'uwamutabariza kuko yari amaze kwereka isi yose isura ye y'ubunyamaswa.

Ubu umugambi mushya wa Kagame ni uwo gucanga ikarita ku buryo mu gihe gito ntawe uzashobora kuvangura abicanyi n'inzirakarengane. Niko gushora abana benshi bashoboka barokotse genocide mu bikorwa by'ubwicanyi, ubutasi n'uburozi; kwita abarokotse interahamwe (ibuka Kizito) ukabarindisha ababahekuye (tekereza Rwarakabije); guhemba interahamwe n'inkotanyi z'abicanyi kandi bakabikora ku mugaragaro (ibuka Ibingira na Kigurube agatoki ku kandi); kwica, gukenesha, gutesha umutwe, guha akato cyangwa gusuzuguza Umuhutu cyangwa Umututsi wese ugerageje kwanga kuyoboka ibyo bikorwa bya gishetani n'ibindi.

Banyarwanda rero twari dukwiye kumenya ibirura tubana na byo, byaba ibya FPR cyangwa Hutu Power, tukirinda guterwa ngo natwe twitere. Niwitegereza neza urasanga umwanzi wawe atari uwo mudahuje ubwoko, ahubwo ni wa wundi uza kugutoza kwica uwo mudahuje, kuko aba ashaka kugusiga icyasha, mu bikorwa akuramo inyungu wowe ubihomberamo.

Mugire icyumweru cyiza!

Kamondo 27/10/2014 17:08

Ndasubiza kanguka . Ba infiltrés boherejwe mu Rda mbere y'intambara ko uzi kimwe najye akazi bateguriwe kandi bakoze nkaba mbona nta mwanya wabahaye mu nyandiko yawe ? Ntimugatsinde abateguye ubwicanyi kugirango bikirire n'imiryango yabo .Bivuge urabizi kandi ntacyo bazagutwara. Ubu bahugiye mukohereza abana babo za Usa : u Burayi.....kuminuza no kwiberaho neza mu misoro yacu dutanga !

KANGUKA 27/10/2014 13:46

Urakoze nawe Amani gushima. Mbona ikibazo cyacu ari uko duturama ntitugire tuti "ndanze", ahubwo tukavugira mu matamatama kugeza igihe batumariyemo umwuka. Ibyo Kagame arabizi cyane niyo mpamvu yita Abanyarwanda Hovyo,
Naho ubundi nemera ko Abanyarwanda benshi ari abantu beza, gusa ni abanyabwoba, bigatuma abake babi babarimo babakoresha ibidakorwa nyuma yo kubasuzugura no kubagaraguza agati.

Amani 27/10/2014 10:57

Kuva hariho abanyarwanda batekereza nkawe, nta kabuza u Rwanda ruzagira umugisha.
commentaire yawe irimo ubwenge n'ubupfura bwishi.

Ndagushimye kandi Imana ikongerere umugisha kubw'umusanzu mwiza utanze hano.

guy 26/10/2014 07:33

Hahahahha mbega ubucucu.....iyo mibare yabaruwe nande?...bariyeri zose zari mu Rwanda muri 1994 zari ziriho ingabo za FPR?....ko FPR yafashe igihugu ko itishe n'abari basigaye ahubwo ikemera ko n'abari Tingitingi batikekaho ibyaha bataha...ibarura ryakozwe na MRND ntabwo rishobora kwemerwa biteweko MRND ubwayo itemerwa ku isi yose..niba wumva yemewe uziyite umurwanashyaka wayo noneho ukoreshe n'inama yayo ku mugaragaro!
Iriya filime abayikoze bari kubanza kumenya icyo...Ese abatutsi bihutuye mbere ya 1994 bangana iki??...nkuko utabara umubare w'abahutu bitutsura muri iki gihe!! ahubwo ngiyo byendagusetsa reka iyo filime!!!

Niyonzima jean de Dieu 26/10/2014 00:55

Nta mushyumba ukwiye kuyobora kuko ubwo berekanye ko bitabakwiriye. impyisi yitegeraje amse y'INKA isanga arirabura irebye Ayoyo isanga arere'. ivizakamo iti"ubupfura bubu munda"mutuze tubane mu mahoro tubashakire ibikuyu murangire inka. kuko mutaremewe kandi mudashoboye ubutegetsi.

umuvumbuziwintore 25/10/2014 22:59

Ibarura ryose ryakozwe rigaragaza amoko yabanyarwanda 3 none abatwa ko bari hafi 1% ko mwabibagiwe mukosore nyamuneka mutazamera nka Kagamé wabashigaje inyuma ngo Kubera amateka!!!!!

kgl 25/10/2014 21:31

Ariko mukunda kuba benshi muri byose pe!niba koko ari abahutu bapfaga ari benshi koko, tuba dufite amahoro n'umudendezo! Mubonye ibyo murwanira bizaba one day nkuko mubyifuza mwa mpyisi mwe!

Ntacyomvuze... 25/10/2014 21:53

N'ubwo waba waranyuze mu ishuri rya Kagame yigishirizamo gutukana no kunigisha abantu imigozi, umenye ko ikinyoma kicara ku ntebe rimwe gusa.

jo 25/10/2014 17:35

Uti :
«Uko leta ya Paul Kagame iri gukaza umurego wo gukora amakosa yo kwamagana iyo filime nta mpamvu itanga ni ko iyo leta iri gukururura amatsiko y’abanyamahanga yo kureba iyo filime ngo bamenye ukuri kuri kuvugwamo».
Ariko rero muri ibyo byose hari ikintu gitangaje.
Muri juillet 1994, RPF ikimara gusingira ubutegetsi, mu gukora iyo mibare, tuvuge ko muri bo nta bantu barebaga kure, nka ba Bihozagara, Polisi…n’abandi. Ntabwo wapfa gutura hasi imibare y’impimbano, kuko akari kera, hari abashobora kuyuririraho ngo bagusenye.

Nibyo rero biri kuba.
Jenoside rero ntabwo ari ikibazo cy’umubare, NIYO HAVUGWA ko HISHWE Abatutsi 100.000 (ibihumbi ijana) hagamijwe kubarimbura kw’Isi, bifite uburemere bumwe no kwica Abatutsi 2.000.000 (milioni ebyiri) hagamijwe kubarimbura kw’Isi.
Conclusion: Niba harabaye ibinyoma ku mibare, ntabwo byari ngombwa.

kgl 26/10/2014 19:24

Ese abo bahutu barwanira kuba benshi mubintu byose ? Iyo bikunda bakaba aribo bapfa benshi bakunva uko bimeze.
Ese abatutsi bari 8.4%
IMIBARE YA MMRND.RUBANDA NYAMWINSHI UBURU BWINSHI BUBISHYA......

Akataraza 25/10/2014 21:03

Ukuri mbona muri iyi nyandiko ni uko uko Leta ya RPF irushaho gusakuza ngo iramagana Film, ari nako irushaho kuyamamaza n'abatarayibona bakagira amatsiko yo kuyireba. Ahubwo icyaba cyiza kurutaho bazayerekane kuri televisiyo y'u Rwanda kugirango n'abaturage bashorwa mu muhanda bajye babikora basobanukiwe neza icyo bamagana.

Ndumiwe! 25/10/2014 18:05

Exactely ntibyari ngombwa ko babeshya kumibere, kuko jenoside niyo wakwica abantu 10 ubaziza uko bari, ugashaka no kurimbura bene wabo,yitwa jenoside.

RPF babaye abaswa cyane!!! no gusakuza kuri iriya documentaire ntibyari ngombwa, iyo bicecekera!!

Gusa impamvu yabiriya nuko fpr yashakaga guhisha imibare y'abahutu bishwe.Ku Gisozi amagufwa ahari harimo amenshi yavanywe i byumba kubahutu biciwe kuri stade yaho.