Rwanda-Burundi : Birabe ibyuya..., umushinjacyaha Mukuru w'u Burundi yemeje ko iperereza ry'ubugenzacyaha rihamya ko imirambo yo muri Rweru yavuye mu Rwanda, igihe abayobozi b'icyo gihugu babihakana!

Publié le par veritas

Rwanda-Burundi : Birabe ibyuya..., umushinjacyaha Mukuru w'u Burundi yemeje ko iperereza ry'ubugenzacyaha rihamya ko imirambo yo muri Rweru yavuye mu Rwanda, igihe abayobozi b'icyo gihugu babihakana!
[Ndlr: Filime yakozwe na BBC ya 2 ku byaha ndengakamere Paul Kagame yakoreye abanyarwanda n’abaturage bo mu karere k’ibiyaga bigari, ikirego cy’umushinjacyaha Mukuru wa repubulika y’u Burundi cyemeza ko iperereza ry’ubucamanza mu Burundi ryemeza ko imirambo yatoraguwe mu kiyaga cya Rweru yavuye mu Rwanda, ibyo bigahuza n’inyerezwa n’izimira ry’abanyarwanda benshi nk’uko bigaragazwa na raporo z’imiryango mpuzamahanga y’uburenganzira bw’ikiremwamuntu, ikibazo cy’impunzi zinyanyagiye hirya no hino ku isi cyane cyane iziri mu mashyamba ya Congo zirinzwe na FDLR, ikibazo cy’irangira rya manda yemererwa n’iteko nshinga igiye kurangira mu mwaka w’2017, ibibazo bya demokarasi no guhohotera uburenganzira bw’abanyarwanda mu buryo bunyuranye kimwe n’ibindi bibazo tutarondora, ngibyo bimwe mu bibazo byatumwe ejo kuwa kabiri taliki ya 14/10/2014, Bwana Paul Kagame perezida w’u Rwanda yaravuze ijambo rigaragaza ukwiheba kwishi no guhanura amakuba ku kihugu cy’u Rwanda; iryo jambo akaba  yararivuze ubwo yakiraga indahiro y’umugaragu mukuru ngo ni perezida wa sena Bwana Bernard Makuza, uwo Makuza akaba yarahawe ikiraka cyo gutekinika itegeko nshinga ryemerera Kagame kuzagwa kubutegetsi! ].  
 
Hari hashize amezi 3 hari impaka hagati y’igihugu cy’u Burundi n’igihugu cy’u Rwanda kubyerekeranye n’inkomoko y’imirambo yatoraguwe mu kiyaga cya Rweru kiri ku mupaka w’ibihugu byombi. Umushinjacyaha Mukuru wa Repubulika y’igihugu cy’u Burundi yatangarije itangazamakuru ejo kuwa kabiri taliki ya 14/10/2014 ibyavuye mu iperereza ryakozwe n’ubushinjacyaha bw’igihugu cy’u Burundi; iryo perereza rikaba ryemeza kuburyo budashidikanywaho ko imirambo yatoraguwe mu kiyaga cya Rweru yavuye mu gihugu cy’u Rwanda. Kukubera iryo perereza ry’umushinjacyaha mukuru w’u Burundi byatumye ibihugu byombi bishyiraho itsinda bihuriyeho kugira ngo hakorwe iperereza ryimbitse ku mirambo 4 yatoraguwe muri icyo kiyaga ikaba ishyinguye mu gihugu cy’u Burundi ngo hamenyekane imyirondoro yabo.
 
Kubera itangazwa ry’ibyavuye muri iryo perereza bikozwe n’umushinjacyaha mukuru w’u Burundi, bitumye ibyo kuvuga ukuri gucagase no kwigengesera mu magambo kubyerekeranye n’inkomoko y’iyo mirambo birangira kuko umushinjacyaha mukuru w’u Burundi Valentin Bagorikunda (ku ifoto) yemeje bidasubirwaho ko imirambo 4 ishyinguye mu gihugu cy’u Burundi yatoraguwe mu kiyaga cya Rweru ari iy’abanyarwanda kandi iyo mirambo ikaba yaravuye mu Rwanda. Nyamara mu minsi yashize itangazamakuru ryavugaga ko nta perereza ry’ubutabera ryakozwe kuri iyo mirambo yagaragaye mu kiyaga cya Rweru mu gihe kingana n’amezi abiri yose. Umushinjacyaha mukuru w’u Burundi yahise yereka itangazamakuru ko iryo perereza ry’ubutabera ryakozwe kandi rigakoranwa ubushishozi bukomeye nk’uko byerekanwa n’ibimenyetso ndakuka biri muri iryo perereza.
 
Umushinjacyaha Mukuru w’igihugu cy’u Burundi abivuga muri aya magambo:”Ibiri muri iri perereza birasobanutse neza: dukurikije imiterere y’aho iyo mirambo yatoraguwe mu kiyaga, dukurikije raporo zinyuranye z’abashinzwe umutekano, dukukije raporo z’abayobozi b’ibanze b’i Burundi ndetse n’ubuhamya bw’abarundi n’abanyarwanda b’abahinzi n’abarobyi baturiye ikiyaga cya Rweru n’umugezi w’Akagera”.
 
Umushinjacyaha mukuru w’u Burundi avuga ko ikibazo gisigaye kitarasobanuka kuri iyo mirambo ari ukumenya umwirondoro wuzuye w’abo bantu bishwe. Kugirango uwo mwirondoro ushobore kumenyekana ntabwo abapolisi b’igihugu cy’u Burundi babifitiye ubushobozi n’igihugu cy’u Burundi kandi giherutse kubitangaza mu minsi ishize ubwo cyatangazaga ko gikeneye ubufasha bw’igipolisi cy’abanyamerika FBI kugirango hakorwe iperereza ryo kumenya umwirondoro w’abo bishwe. Umushinjacyaha mukuru w’u Burundi yagize ati:”Yaba FBI, rwaba se urundi rwego rubifitiye ubushobozi, dukeneye gusa uwadufasha gukora iperereza rya gihanga ryo kugaragaza umwirondoro w’abo bantu bishwe”. Birumvikana ko ibyo umushinjacyaha mukuru w’igihugu cy’u Burundi yatangaje bishobora gukurura impaka hagati y’ibihugu byombi bitewe ni uko abayobozi b’u Rwanda bavuze kenshi ko ibibazo by’iyo mirambo bitareba igihugu cy’u Rwanda ko ahubwo bireba gusa igihugu cy’u Burundi.
 
Ministeri y’ububanyi n’amahanga y’igihugu cya leta zunze Ubumwe z’Amerika (USA) yabwiye radiyo mpuzamahanga y’abafaransa RFI ko iyo ministeri irimo igirana ibiganiro na leta zombi (u Rwanda n’u Burundi) zirebwa n’icyo kibazo uburyo hatangwa ubufasha mpuzamahanga mu byerekeranye n’ubutabera; ariko iyo ministeri ikaba yemeza ko abapolisi kabuhariwe mu kugaragaza umwirondo w’imirambo ba FBI batigeze bemera gukora iryo perereza kimwe n’uko ntamuntu wigeze abasaba ubwo bufasha ngo bange kubutanga!
 
Twizere ko leta y’u Burundi izakora igikorwa cyo gusaba kumugaragaro ubufasha FBI ariko umwirondoro w’izo nzirakarengane zishwe ukamenyekana.
 
Iyi nkuru tuyikesha RFI

Commenter cet article

keza 16/10/2014 22:26

kagamé afite uburakari bwinshi bigaragara ko iriya documentary itaùmushimishije na busa. mais reka ngire icyo mvuga,abayobozi barahinduka kagamé ntahinduka icyo nicyo kibazo nyamukuru gihari. clinton,blair,bush n'abandi bashyigikiye kagamé ubu ntibakiri abayobozi ngira ngo obama navaho hakajyaho abazamusimbura bazajya mbere mu gushakisha ukuri kandi bazakugeraho reka kandi mbibutse aho ibyo bintu byatangiriye publiquement. kagamé yashinjwe gushyiogikira m23,ashinjwa kwica karegeya no gushaka kwica kayumba ngira ngo uwabaza abanyarwanda niba badakeneye ko nyamwasa abaho bakubwira ko nta mpamvu n'imwe yakwica ndetse na karegeya,mais kagamé arabahiga mu izina rya nde?ry'abanyarwanda cg mu izina rye no mu gushaka ubuyobozi buramba? igisubizo arashaka kuramba ku buyobozi amaze imyaka 20 ayobora ubu se mu batutsi ntiharimo abashoboye kuyobora ndetse one million more than kagamé? yes, simvuze abahutu mais na bo barashoboye. odnc ikibazo dufite ni umuyobozi w'umusirikari udutera ubwoba kandi uteye ubwoba uvana abantu ku mirimo ngo bakora nabi mais ahubwo ari uko ashaka guha imirimo abandi,afunga abasirikari atari uko baregwa ibyaha ahubwo ari uko atumvikana na bo none ubuyobozi nk'ubwo buzaramba? abasirikari nibo barwanye babohoza igihugu uzafunga mu gihe cy'amahoro uwarwaniye igihugu wenze kubura ubuzima bwe wazabisobanura ute? imiryango ya o se izabyishimira? bagenzi babo basize mu mirimo ya gisilikari se basashimishwa n'ibyo bikorwa? no

keza 16/10/2014 22:05

none se kagamé arashaka ko abazungu babogezna bate? imirambo yabonetse muri rweru,kongo yarwanye na m23 none se abazungu bagenze bate? bicecekere? nibicecekera ?

keza 16/10/2014 22:04

kagamé yitiranya ibintu,arabivangavanga akajijisha kandi azi ukuri neza, azi neza ko ari abazungu bafinansa inkiko ziburanisha abagenocideri ntibamusaba urumiya na rumwe azi ko banemeye gufata abagenocideri i wabo aho kagamé atabasha kubakurikirana bamwe barabamwohereza, abazungu nibo bafasha u rwanda financièrement(usa,angleterre,canada,allemagne,...) kayumba na rudasingwa bamangana rtlm ubwo se kagame ntabeshya koko. arabeshya na none kuko libérté d'expression bafite iwabo na democratie n'abirabura barayifite uretse ibibazo bya raciste bitabura ndetse umunyarwanda wica mugenzi we kuko ari umututsi cg wanga mugenzi we kuko ari umuhutu nta somo yaha umuzungu ngo ni umuraciste,abirabura bajya bigaragambya iyo imyigaragambyo yabaye nta we urahagarikwa kuko ari umwirabura kagame arabeshya. ikibazo nyamukuru ni uko kagame ashobora kuba afite ibyaha ou alors apr yakoze ibyaha mu ntambara muzi ko nta warega kagame cg apr ibyaha by'ubwicanyi ikindi gikomeye ni uko kagamé ari umuyobozi w'igihugu. kugeza ubu kagame avuga amateka y'ibyabaye amwogeza kuvuga ko yaba yarishe ntaho bihuriye nuko abatutsi batazize ubusa muri genocide ndetse muri documentary ntaho abanyamakuru bahakanye jenocide ndetse rudasingwa na kayumba ntibahakana genocide. ikibazo rero gihari kagamé arajijisha abatazi ubwenge niyemere akurikiranwe niba yarakoze ibyaha mwibuke ko nawe akurikirana abanyabyaha,donc murabona ko atemera gukurikiranwa kuko ari we utegeka ba juge.,,, ikibazo rero ni ibyaha kagamé yikoreye naho rtlm twese tuzi ko yatabarizaga kwica nta gishya gihari abazungu kandi muri documentaire ntibavuze kuri rtlm kandi bayamaganyé kenshi.

Emmanuel Bugilimfura 16/10/2014 22:02

Abanyamashyaka bari hanze bagomba gushyikirana, bakumvikana, bakitoramo abahagarariye kugirango batabare abanyarwanda bari mu kaga kafashira ka Kagame na FPR ye!! Kuba abanyamashyaka bicamo ibice byerekana ubushake buke kandi kuba bitana bamwana , bakirinda icya bateranya hagati yabo!! Naho ubundi biragoye guhangana na Kagame na FPR YE !!

Kwizera 16/10/2014 16:20

Biteye agahinda kubona BBC2 isohora ukuri kwari kwarahishwe imyaka irenga 20 nyamara abanyarwanda bari bategereje uku kuri ntanikizere cyo kuzakubona kubera ibihangange byiyisi byakomeje kukunyonga,ubu baricecekeye boshye ibi bihagije.FPR ifite amafaranga tudafite muziko yirirwa itanga ruswa mumateleviziyo n'amaradio mpuzamahanga ngo bavugwe neza kandi amabi yabo ntajye hanze.Ubu murabona bidateye agahinda kuba twicecekeye ntano kwandikira BBC2 cg uriya munyamakuru ngo tumushimire kandi ibarwa isinyweho n'abanyarwanda ibihumbi byinshi?Niba bitunaniye habe no kujya mumuhanda turi benshi cyane twigaragambye dushimira uriya munyamakuru?Kagame azatwica kugeza ryari tutanagerageza kwirwanaho muburyo dushoboye?tunanirwe no gushyigikira umuntu wibutse ko u Rwanda rukeneye narwo ukuri?NDABABAYE.

jojo 16/10/2014 18:19

wibabara ahubwo gerageza gukora organization yicyo gikorwa
cg uhamagarire ababishoboye kubikora kuko it is seen you know what is it
create a momentum and a call to others

Mahame 15/10/2014 18:42

Ba banyamashyaka birirwa babwejagura ngo : kiga . Nduga ..hutu. tutsi....fdlr.twa.........barihe ngo bibutse onu ko igomba gufata abicanyi b'i Kigali ? bica kuva 1990 kugeza ubu . Niba mutabishoboye ntihazagire uwongera kudusakuriza . Niba mutatuvuganiye ubu se muzatuvugira mumaze kuzuza amabondo ? Ahaaaaaa !

humura 15/10/2014 15:36

Uriya murundi watanzee kiriya kiganiro ararye ari menge.Twa tuzi twa Dani yabonye icyo twakoreye wa mu general wa congo ubwo yari mu nama I kampala.uriya araraye ntiyiriwe.

Ariko se igihugu cyacu Uwiteka yatabaye!!!nawese Isi ntiyarizi uRwanda.hari umuntu wo mubihugu byo mu burengerazuba wabajije umunyarwanda ati ese ubundi uva mu kihe gihugu?arasubiza ati mva mu Rwanda,undi yahise yiruka atavuze...
Kubera jenoside yumvise..none ngiyo imigozi.imihoro.inyundo,Kagame numvaga ari prezida ariko umwe mu bagande arambwira ati ntumuzi nyuma anyumvisha,harya yemeje ko atatinya kwicisha umubu inyundo,reba umubu utanagaragara noneho urebe inyundo,urebe uko Kagame areshya afashe inyundo ahanganye na mosquito?Prezida wo gushaka uburozi atumye ba Dani,sinibaza ukuntu adatwikwa nkuko bagenza abandi barozi.niwe prezida kw"isi uroga abo ashinzwe ngo ni abanzi...ahaaaaaaaaaaaaaA.Rurema tabaraa.

FDLR 15/10/2014 13:39

murakoze bahutu bo mu BURUNDI