RWANDA : Abenshi mu biyita opposition (abatavuga rumwe na Leta) bari mu butumwa bwo gusinziriza abanyarwanda

Publié le par veritas

Maître Innocent Twagiramungu

Maître Innocent Twagiramungu


Muri iki gihe amashyaka yitwa ko atavuga rumwe na Leta ya FPR-Inkotanyi arenze 30, harimo agera kuri 26 akorera mu buhungiro. Aha benshi bakaba bibaza ikihishe inyuma y’iri shingwa ry’udushyaka tugeze kuri uyu mubare kandi izo mpunzi zagombye gushishikazwa no gushyira hamwe ngo zigire ingufu zo kubasha kotsa igitutu Leta ngo ihindure politiki cyangwa se yemere gushyikirana nazo ngo impinduka igerweho mu mahoro.
 
Tumaze iminsi twitegereza kandi tugerageza gusesengura akavuyo karangwa muri ayo mashyaka, mu by’ukuri tubona ko amenshi ari ingirwamashyaka. Ibintu bikomeje uko biri inzira yo kubohora abanyarwanda yaba ari ndende cyane, ndetse ishobora gusibwa burundu.
 
Ninde wadusobanurira ukuntu umuntu wiyita umunyapolitiki w’inararibonye uvuga ko yaba ari impunzi watinyuka gutangaza guverinoma kuri murandasi (internet) nta gihugu afite, nta bayoboke agira, nta bikorwa bya politiki agaragaza bijyanye no kotsa igitutu abanyagitugu babohoje u Rwanda bakaruhindura gereza. Ibi kandi birasanga ikibazo cy'ingabo uwo munyapolitiki yiyitirira ngo zitwa Urukatsa, ubu ngo zongeye kubatizwa zigahinduka Imvejuru, ingabo zitagira aho zibarizwa.
 
Benshi muribuka akavuyo bamwe mu bavuga ko bafite amashyaka ya opozisiyo bateje n'uwitwa ngo General Mupenzi n’umutwe w’ingabo wundi ngo bari bashinze, noneho byagaragara ko batahuwe mu mugambi wo gusinziriza abanyarwanda abenshi bagatangaza ko babishingutsemo ngo badakomeza kuhatera ibaba.
 
Ibi byose ni gahunda yateguwe bihagije yo kurangaza (diversion) ngo urugamba rwo kubohoza u Rwanda binyuze ku munwa w'imbunda ( nirwo rurimi Kagame na FPR ngo bumva) cyangwa se binyuze muri demokarasi rukomeze gutinda cyangwa ruburizwemo.
 
Mu by'ukuri, muri benshi bashinze udushyaka usanga akenshi tutarengeje abayoboke batandatu (n’abitwa abayobozi barimo) cyangwa abiyitirira imitwe y'ingabo idafite n'abasirikare batanu, iyo witegerej neza usanga bamwe wenda koko ari ubucucu bubibatera (médiocrité politique) ariko hari n'abandi benshi biyita opozisiyo (opposition) bari muri gahunda zo gusinziriza (diversion) abanyarwanda. Ako kazi bagomba kuba bagahemberwa na FPR na cyangwa se n’abandi baterankunga bayo (lobbies) b'abazungu bayikorera kandi ni benshi. Ibyo biri muri rwengo rw’ingamba zo kubohoza ikibuga cya politiki cya opposition (stratégie d'occupation du terrain politique de l’opposition) kugira ngo abanyarwanda basinzire bibeshya ko hari ikiri gukorwa ngo babohorwe ingoyi kandi ntacyo. Izi ngamba kandi zunganirwa n’izindi zo gucengera( infiltration) mu buyobozi bw'amashyaka agerageza gukora ngo nayo agwe agacuho.
 
Kubera ko amashyaka menshi nta nzego z’iperereza afite, bituma gutahura aya mayeri FPR ikoresha ngo iyasenye bidakorwa n’abantu babifitiye ubushobozi kugira ngo hafatwe ibyemezo bya ngombwa, hatajemo ikibazo cyo kuzana urwikekwe kuri bamwe kandi nta bimenyetso bifatika byashyizwe ahagarara n’urwego rw’ishyaka ruzwi kandi rubifitiye ubushobozi. N’ubwo inzego z’ubutasi nk’izo zihenze, ishyaka riri mu buhungiro cyangwa rikirwanira kwemerwa mu Rwanda, rigomba gushaka uko ryagira urwego nk’uru kugira ngo ribashe guhangana n’abanyagitugu niba koko ryifuza kubasha guhindura ibintu mu gihe kitarambiranye. Naho ubundi kurisenya, kurisinziriza, kuritezamo umwiryane, urwikekwe n’akavuyo biroroshye cyane.
 
Hari ikiganiro twakoze muri CIRI (Club des Intellectuels Rwandais Intègres) n'abanyamakuru ba Vepelex (Volontaires pour la Paix) kuri iki kibazo cy’imyitwarire y’abanyapolitiki (déontologie) n’indangagaciriro zagombye kubaranga. Icyo kiganiro kizatangazwa vuba aha nkaba mbararikiye kuzagikurikira. Dukomeze dusabe Imana y’u Rwanda kutumurikira no kuduha abayobozi bashishikajwe n’amahoro kuri twese, nta vangura, kandi bubaha ubuzima n’uburenganzira bwa buri munyarwanda bwo KWISHYIRA AKIZANA.
 
Kuri uyu munsi, bamwe mu banyarwanda bararirimba intsinzi n’ibohozwa, mu gihe abandi baririra mu myotsi biyumva mu gihugu cyahindutse kuri bo igihome. Duharanire ko twese twazagera aho twabasha kwizihiza intsinzi itagira uwo iheje kandi abanyarwanda bose cyangwa se benshi bibonamo.
 

Innocent TWAGIRAMUNGU
Brussels, 01/10/2014

Commenter cet article

Umwanzuro 03/10/2014 20:21

Abo batukana bose basange shebuja mu rugwiro : Diplome agira ni ugutukana no kwica ; bimubujije kubagaraguza agati nk'intozi imyaka irenga 25 . Abafite ibitekerezo bose nibabitange turebe uko dukiza igihugu cyacu . Abahutu;abatutsi;n'abatwa mukomere. Imana turi kumwe .

bugamba 03/10/2014 09:33

Mwe mwese uretse na maîte twagiramungu, mwoye gukomeza gutiza umwanzi umulindi, ahubwo dushakire hamwe icyatuma urwanda rugira amahoro,naho amashyaka ntampamvu atavuka kuko buri wese afiteuko abona ibintu, noneho ibyo bitekerezo tukabikusanyiriza hamwe tuvuye mumashaka meshi tukareba igikwiye gukorwa.Nta mashaka menshi nta politoque izabaho.Kugaya FDRL, bibunguye iki aho kugirango muyitize imbaraga n'ibitekerezo, ahubwo murayica intege?Ariko muzi uko babaho?Musigeho

simon 02/10/2014 17:17

Huu mugenzi wanjye Innocent sibyiza Kwita amashyaka yabandi UDUSHYAKA kuko ntaho waba utandukaniye nawamuntu twatumye NSELE muri Zaïre
gushyikirana n.Inkotanyi akagaruka azita Ibitiritiri kandi ngo zifite imilizo
kubwange nemeza ko ari burenganzira bwa buri munyarwanda ubishaka gukora icyo ashaka
kitabujije cga ngo kirwanye burenganzira bwa mugenzi
we.Ububasha bugahabwa twe rubanda nyarwanda
kwihitiramo ishyaka tuyoboka. Ndumva ntaho waba utandukaniye nubutegetsi bwigitugu bwa Kigali butegeka abanyarwanda bose kuyoboka INGOMA NYIDISHYI ya FPR.Ntabwo abanyrda tudafite amaso ngo twinaniwe kuvumbura abiyoberanya nkaho ntavuze nawe uzi ndetse nabavuga ko bamaze kuba ikinyoni gikujije amababa gishobora kuguruka cyonyine.!!!! Byagera kubakunda Indya ho bigacika
bikayoba! !!!.........

Gahigi 03/10/2014 00:09

Ariko se umuntu nk'uyu witwa Innocent Twagiramungu, nawe avuga ko yize? Umuntu ariga akaninirwa gutekereza ibifite logique? Umuntu utazi icyo ishyaka aricyo aba afata ijambo ashaka iki? umuntu utinyuka agatuka ishyaka ngo ni agashyaka mwumva adafite ubwenge bucuritse? None se PDI itegekana na Kagame ifite bangahe kandi iri mugihugu? FDU ashima se cyangwa aburanira ikora iki mugihugu cyangwa hanze? Iyo ufashe imyaka imaze, yagabye igitero inshuro zingahe kuri Kagame kikagira icyo gitanga? Hari impact muzi ya FDU kuri FPR mumateka ya opposition ikorera hanze cyangwa mugihugu?
Innocent Twagiramungu ujya agasakuza akora iki muri opposition? Imyaka amaze yarahunze yakoze iki? Kwiyemera no kuvuga ubusa byo arabishoboye. Umuntu w'umugabo ananirwa no gushinga association irwanya Kagame yitwa ngo yize amategeko? Muri iyi minsi byo aravuga ngo yagiye muri CIRI ya Mbonigaba ariko ikigaragara ni ukwifotoza kuko Innocent Twagiramungu avuga ibintu bicuramye buri gihe. iyo avuze wumva nta kintu kirimo kuburyo wibaza niba yarize akarangiza Master. Mubantu aburanira basaba ibyangombwa bose barabibura. Umuntu umwe ku ijana mubo aburanira niwe ugira amahirwe bakabimuha. Ubwo se umuntu w'umuswa nk'uwo aba avuga iki murando rw'abandi bagabo? Ibyize niyicecekere kuko ntacyo ashoboye.

zacharia 02/10/2014 17:03

Uri Maitre rwose. Jye we iyo mbonye ibiri kuba, ikiniga kiramfata. Niyo ubu Paul yavuga ati ndiranze (giving up ), mu mashywaka 30 ari kucyatsa ni irihe ryagira icyo rikora uretse akavuyo? Birababaaaaaaaje!!!!!!!!!
Mubyukuri hakenewe ishyaka rimwe ryonyine rya opposition! Uti bishoboka bite? Ubundi biragoye kuko amwe muri ayo mashyaka (amenshi d'ailleur) yashinzwe na FPR. Gusa abayobozi bamashyaka bagiye hamwe bakaganira bakwitoramo ubuyobozi bushinga ishyaka rimwe RUKUMBI bakariha izina ritavuye muri existing parties ubundi bakabona kuvuga ijambo OPPSITION kuko ubu FPR nta opposition ifite.

kadogo 02/10/2014 13:40

Icyo mbona ntabwo ari ikibazo cy'imyumvire cg ubumenyi runaka abantu badafite bujyanye n'amashuri ahubwo abiyita opposition ntibazi uwo bahanganye nawe, ibi bituma bakomeza guhuzagurika no guhora ku ikintu kimwe. ubundi iyo ushaka kurwanya umuntu ubanza kumenya ibi:

1. Kumenya imiterere yuwo muntu (personal attitudes)
2. Kumenya imitekerereze ye nuko ayiha agaciro (thinking capacity)
3. Kumenya abo agendana nabo nabo yifuza gukorana nabo (colleagues and future co-partners)
4. Kumenya indoto cg icyerekezo cy'uwo muhanganye (vision)
5. etc....

Kugeza magingo aya rero abo bose ntibaha agaciro ibi mvuze ahubwo usanga bari muri tuzarurwana ukibaza bafite bushobozi ki bwo guhangana na FPR na Kagame?

Kagame na FPR bafite amafaranga n'abafatanyabikorwa batandukanye kandi bafite ingufu muri iyi si, warangiza uti Gasana n'imvejuru bagiye gutsinsimura FPR kandi na Gasana ubwe arahuzagurika, akanya kamwe ati ndatashye akandi ati hoya ngomba guhangana.

FPR yiteguye gutanga igitambo cyose gishoboka ntive ku ingoma, iyo mubona Kagame afunga Byabagamba na Rusagara mukeka ko asetse cg aba ari kwishimisha? igisubizo ni hoya kuko kugira ngo FPR irindwe kandi ikomeze gukomera uwo ariwe wese ufite imyumvire itandukanye nisanzwe uwo agomba kuvanywa mu inzira, muri make nta byitso bigomaba kuba hagati muri FPR. none opposition yo yahindutse isibaniro ibyitso biridegembya hagati muri yo muti oppostion oyeeee, wapi opposition nayo ikeneye umweyo hanyuma ikabo igakomeza.

Karame 02/10/2014 11:20

Iyo ufite icyo urwanira kiriho koko atari amaco y'inda nkibyo mbona ntacyatuma uika intege. Naho kurwanira ubutegetso abaturage bashira ntabyo mbonye. Ese ubwo muzi impunzi ziciwe ni nzara mu mashyamba ya congo uretse kwirirwa muririmbi indirimbo z'abagashize i Burayi na America. Ese ubundi abo mwagize iturufu muzi naho nibura bari. Mpemuke ndamuke!

Kamana 02/10/2014 06:21

Maitre Innocent ; nawe uri intiti . Komera. Harakabaho u Rwanda rwakureze . Twizere Imana .

Sabizeze 03/10/2014 00:17

Innocent Twagiramungu, yewe uri imbwa. Kumokera aho uri byo urabishoboye. Ko ntashyaka na rimwe ubamo se uranenga amashyaka nkande? Ceceka aho ntuzongere kumoka ngo uravuga. ntacyo ushoboye uri imbwa kuko udashoboye no gushinga ishyaka. Ntukisumbukuruze ngo unenge amashyaka kuko wowe ntacyo ushoboye. Avenir yawe ni ukwicara kumusambi ugapfa wiyicira isazi mujisho kuko nturi umugabo ushoboye gufata ijambo mubandi bagabo. Ntuzongere kunenga politiki kandi ntayo uzi. Iyo uba uyizi ntiwavuga ibintu nk'ibi kuko utazi ingaruka zabyo. ubundi ikizakubwira umunyapolitiki cyangwa umuntu uzi ubwenge yubaha abandi. Ese, innocent icyo wakoze mubuzima bwawe kikabyara imbuto ni igiki ? rahira ko uzabona na kimwe. Kuba imbwa byo urabishoboye.

humura 02/10/2014 02:58

Uburo buhuye byo bifite wenda gato sens ahubwo ni za modoka zigendera ku mapine yatobotse.cyangwa guteka inkono irimo ubusa.

Biratangaje kubona umuntu wiyita ko yasomye atazi gushishoza ngo amenye inzira yy'urupfu rumutitirije.
Bagambanira benewabo batiretse kugirango buzuze biriya bikapu byabo byinda.

Ubuse?ni gute FDLR yataha ngo nayo ijye guhabwa ingona?usibye ko nazo zifashe ngo zitagibwaho amaraso y,inzirakarengane. Amahanga agomba kumvako igihe kigeze cyo guhata Kagame kwikuramo ubwishongozi ngo ntiyaganira na opposition. Nonese we hari uko Habyara atakoze ngo batahe bakanga ngo ntibaza imbokoboko gusa.Hakabaho les accords.

Bavandimwe mube maso amahanga atazongera gutuma haba ishyano,akomeza guheha Sekibi.

Kamikazi 02/10/2014 01:26

Ibyo Maître Innocent avuga nibyo rwose , aya mashyaka ari nk'uburo buhuye afite gahunda yo gutesha agaciro opposition kandi abayashinze bakaba bameze nka babandi bavuga ngo ni Akabigira kabizi! bazi neza ko gushinga aya mashyaka y'uburo buhuye ari ugutiza umwanzi umurindi. Reka tubitege amaso!