POLITIKI: KUDINDIZA GAHUNDA ZA CPC NI UGUTIZA UMURINDI FPR-KAGAME

Publié le par veritas

Abaturage mu Rwanda bakomeje kwicwa no kuragizwa imbunda mu gihe abaharanira kubabohoza nabo batorohewe n'ababaca intege!

Abaturage mu Rwanda bakomeje kwicwa no kuragizwa imbunda mu gihe abaharanira kubabohoza nabo batorohewe n'ababaca intege!

Tumaze gusoma itangazo CPC yashyize ahagaragara kuri veritasinfo kuwa 6/10/2014 rivuga inzira yo kuburizamo umugambi wa LONI wo kurasa impunzi, tumaze gusoma inyandiko ya Samuel Ryarahoze yanyujije ku ikazeiwacu ku wa 8 / 10 / 2014 aho yatinyutse akavuga ko iyi nzira ya CPC ari umuti w'amenyo, tumaze gusoma itangazo rya Byiringiro na Murayi ryasohotse ku ikazeiwacu.com kuwa 8/10/2014 rivuga ko bitandukanije na CPC, tumaze gusoma n'inyandiko ya Francis Karamira yanyuze ku ikazeiwacu ku wa 25 / 09 / 2014 aho yavugaga iby'amajyojyi, hanyuma tugahera kandi ku bimaze iminsi bivugwa haba ku maradio haba mu binyamakuru, n'ibijyanye n'urugamba rwo guhindura ubutegetsi bubi buri hano mu Rwanda, dusanze tugomba kugira ibyo dutangariza Abanyarwanda aho bari hose.
 
Reka mbanze nibwire abasomyi. Nitwa NTIBIZIGIRWA Anaclet nkaba mpagarariye ishyirahamwe ryitwa TEBUKA rikorera rwihishwa mu Rwanda. Intego yacu ni ukujoora ibyandikwa n'ibivugwa mu mihindukire y'ubutegetsi mu Rwanda, tukabigeza ku badashobora kugera kuri net, byaba ngombwa tukagira ibyo tugira icyo tuvugaho nk'uko ubushize twabagejejeho ibya Kayumba Nyamwasa nka Herode wa none. Gukora rwihishwa biratugora kuko bidusaba gusohoka iyo dushaka kugira icyo dutangaza nk'uku, ariko twiyemeje kubikora nubwo tutayobewe urwo Kagame azadukanira umunsi maneko ze zatuvumbuye. Ariko muhumure turi benshi kandi turifite.
 
Muri gahunda dufite turateganya kuzajya dutanga ibiganiro ku maradiyo akorera hanze, ibiganiro byacu bizajya byibanda ku gutanga ibisubizo cyangwa kwerekana uko abaturage bari imbere mu gihugu babona cyangwa bakiira ibyo amashyaka akorera hanze akora. Uyu munsi tuzinduwe no kuvuga akababaro dutewe n’uko tubona ikinyamakuru ikazeiwacu muri gahunda zo kubangamira imigambi myiza ya CPC, dore ko Abanyarwanda benshi twari duteze amakiriro kuri iyo mpuzamashyaka n’Umuyobozi wayo, Bwana TWAGIRAMUNGU Faustin, kubw’impinduka bimirije imbere, yo kudukiza iyi leta ya mukotanyi itugeze ku buce.
 
1.Ikinyamakuru ikazeiwacu.com muri gahunda zo kubangamira impinduka
 
Kuva CPC yajyaho, ikinyamakuru ikazeiwacu.com (cyo na mugenzi wacyo kamarampaka) ni cyo cyonyine cyakunze gutambutsa inyandiko zigamije guca integer CPC. Usanga abantu bamwe barakigize umuzindaro w'ingengabitekerezo yo mu majyaruguru benshi bazi ku izina ry'abakiga. Nta nyandiko n'imwe ivuga CPC na Twagiramungu neza turasoma kuri icyo kinyamakuru ku buryo ubisoma wese ahita abona ikazeiwacu ari ikinyamakuru cyashinzwe kandi gikorera abari baratonnye ku ngoma ya MRND, bumva barambuwe ubutegetsi bafashe ku ngufu muri 1973, bagashyira Twagiramungu mu majwi ko ari we watumye babutakaza kandi barabwambuwe n'amabi bakoze, arimo : kubaka akazu – kwanga ko impunzi z'abatutsi zitaha – kwica urubozo intwari zakuyeho gihake na gikolonize – kuburizamo demokarasi.
 
Uretse rero na Twagiramungu, n'undi wese yagombaga kurwanya akazu k’abakiga bari barikubiye ubutegetsi n'igisirikari. Dusanga nta kosa rya politiki Twagiramungu yakoze kuko yahagurukijwe no gushaka ko abanyarwanda bagira uburenganzira bungana. Yagize ibyago gusa FPR iza yambaye uruhu rw'intama kandi imbere ari ikirura, ariko ntiyatinya kubwiza ukuri Inkotanyi, yitandukanya na Leta yazo rugikubita mu w’1995.
 
Francis ajya kwandika ku majyojyi rero, yigize umuhanga ashaka kutubeshya ngo amajyojyi akomoka ku mwami Kigeli. Hoya. Amajyojyi ni ijambo abakiga bo muri MRND bahaye abo batumvaga ibintu kimwe, abari baranze kugendera mu kwaha kwayo. Mbese nk'uko ubu FPR yise abatavuga rumwe nayo ibipinga. Nta MRND rero nta FPR. Abandika ku ikazeiwacu bose bashyugumbwa kuri CPC ni abababajwe n'uko Twagiramungu yashoboye guhangamura MRND yabo.
 
2.Nyamara Abanyarwanda benshi bibona muri Twagiramungu
 
Abanyarwanda tugezaho amakuru nk’uko biri mu ntego zacu, abenshi wumva bashima Twagiramungu. Tuboneyeho kumumenyesha ko agomba gushikama kuko abaturage bazi icyo agamije: GUHUZA ABANYARWANDA, NTA VANGURA. Abaturage bazi ko atigeze yica cyangwa ngo yigwizeho imitungo ya Leta n'ibindi byinshi bibi byagiye biranga abanyapolitiki bacu. Turamusaba kuba maso cyane kuko afite abamurwanya babiri (uretse ko abaturage tutazabyemera): abo ni ABAKIGA b’abahezanguni bigaruriye ikinyamakuru ikazeiwacu.com n' AGATSIKO K'ABATUTSI BAKE, nabo b’abahezanguni, batifuza ko umuhutu yakongera gutegeka mu Rwanda.
 
Turasanga kandi inyandiko ya Byiringiro na Murayi (abakiga b’intagondwa ku babazi) ari amatiku yo gushaka imyanya n’ibyubahiro bishingiye kw’irondakarere. Turacyakurikirana amateka yabo muri politiki, ariko tumaze kumenya ko Murayi ari we wari uhagarariye CDR mu Burayi muri za 91-93. Ndetse ngo agenda akwiza ahantu hose ko iyo aza guhura na Twagiramungu muri 94, yari kumwinigira ! Icyo ni kimwe.
 
Ngo ibisa birasabirana ! Byiringiro nawe ngo yaba yarokamwe n’ingengabitekerezo y’irondakoko n’irondakarere, nk’uko byemezwa n’abamumenye mbere ya 94 ubwo yigishaga mw’ishuli rikuru rya gisilikare (ESM) i Kigali. Ngo yakoraga ibishoboka byose, akirukanisha abanyeshuli-officiers bakomoka mu nduga. Ndetse ngo n’iyo mu mashyamba ya Kongo aho yikomatanyirijeho imirimo yose ishoboka mu buyobozi bwa politiki n’igisilikare muri FDLR, ngo ntatuma hagira umunyanduga ubumbura umunwa, ubitinyutse aramufunga cyangwa akamunyuzamo urusasu! Ngo kugira ngo hatagira abamugisha impaka mu buyobozi bwa FDLR, yakoze amayeri ashyiraho umutwe wiswe FCLR-Ubumwe ayoboye wenyine, abeshya ko uhuriweho na FDLR na PS-Imberakuri, akaba ariwo afatiramo ibyemezo byose, abandi bayobozi ba FDLR batabizi. Icyo ni icya kabiri.
 
Tugarutse ku matiku yahemberewe muri CPC n’abo bagabo bombi Murayi na Byiringiro, ibyabo urasanga byuzuyemo urujijo : baravuga ko bitandukanije na CPC, bakarangiza bavuga ko imirimo ya CPC izajya ikorwa na Byiringiro na Murayi! Nta kiga, nta nduga, nta tutsi, nta hutu dushaka mu Rwanda, turashaka ubuyobozi buhamye, bwimirije imbere amakiriro y’abana b’u Rwanda, nta vangura iryo ari ryo ryose.
 
Uwitwa Romeo yari akwiye kureka guteza ubwega bwuzuye ubuhezanguni mu ikazeiwacu, ahubwo ubwo twasomye ko yasuye FDLR mu ishyamba, yari akwiye kutubwira igisubizo ONU yamuhaye amaze kuyigezaho rapport y'urwo rugendo rwe rusigaye rwarabaye igikangisho, akagera n’aho yumva ko rumuhesha uburenganzira bwo kubahuka abakuru. Nta soni koko kwikoma umusaza Twagiramungu uzwiho kuba amaze imyaka hafi 25 aharanira guca igitugu mu Rwanda ? Kuba yaragiye yanikira abandi banyapolitiki, ndetse bamwe muri bo bakamugirira ishyari n’urwango bigera aho gushaka kumwicisha, ibyo ntacyo bigabanyaho ubutwari bumuranga n’imigambi ye yo kurengera mwene Kanyarwanda, uwo ari we wese..
 
3.CPC mu nzira nziza yo kudukura ku ngoyi ya FPR
 
Baca umugani mu Kinyarwanda ko harira nyirubukozwemo, ko uwo bateruranye n'agatebo atavuga. Twe turi imbere mu gihugu nitwe dufite ikibazo gikomeye. Ni twe tuzi ibitubaho kuko tubibamo, abari hanze mubimenya twe twamaze kubikorerwa. CPC rero niba tubyumva kimwe ni impuzamashyaka ifite imiryaango ikinguye, igikomeza kwakira andi mashyaka. Ni byo koko ntabwo agashyaka kamwe kamwe gashobora kuza kudukiza iyi FPR, habe na FDLR yiyumvamo ko ifite intwaro n'abasirikari, yonyine ntacyo yakopfora imbere ya FPR, dore ko n’abambari ba Kagame batayoroheye mu kuyikomanyiriza mu mahanga no kuyisebya ko abayiyobora bagize uruhare muri génocide ya 94.
 
CPC dusanga yari ihagaze neza, kuko tubona yaratangiye kumvikanisha ko kwishyira hamwe bizatuma Kagame na FPR bava ku izima. Tubona kandi iyo mpuzamashyaka ifite amahirwe menshi yo kugeza u Rwanda ku mpinduka itegerejwe, mu gihe iyobowe n’ikigugu muri politiki nka Twagiramungu ushyigikiwe n’Abanyarwanda benshi, amahanga nayo akaba amwemera kandi na FPR ikaba imutinya (ntawutazi ko uwo musaza yari yatsinze Kagame mu matora ya 2003, uretse ko bamwibye amajwi).
 
Hari andi mahuriro tugenda dusoma mu binyamakuru, aho amashyaka amwe n'amwe agenda yishyira hamwe: twavuga nka RNC na FDU, kandi nabo tubona bafite umugambi wo guhashya FPR, ariko ntaho turabona bahamagarira abandi kubagana nk’uko CPC idahwema gusaba ko amashyaka yandi yaza bakifatanya. Iyi nzira yo kudukura ku ngoyi ya FPR nk’uko Twagiramungu yayisobanuye kenshi, aho yasabye abayobozi ba FDLR baba bakemangwa na LONI kwigomwa bakava mu buyobozi kugira ngo imishyikirano yo guhindura ibintu mu Rwanda izashoboke, bityo n’impunzi zose zitahuke zifite umutekano, iyo nzira dusanga ARI YO. Mu biganiro bye kandi Twagiramungu ntahwema gusaba amahanga gufata abicanyi bari muri FPR bahereye kuri Perezida Kagame ubwe.
 
Ishyirahamwe TEBUKA rirasanga  nta buryo wakwamagana abicanyi bari mu Rwanda hanyuma ku rundi ruhande ngo ushyire imbere abandi baregwa ibyaha by'ubwicanyi cyangwa bafatiwe ibihano mu rwego mpuzamahanga. Na Kagame ubwe nibyo akomeza kubatsindisha kuko, aravuga ati ntabwo nashyikirana n'abicanyi (kandi nyamara ari we mwicanyi kabuhariwe, wamarishije amamiliyoni y’Abanyarwanda n’Abanyekongo!)
 
Bantu muri hanze rero muri inyuma y'ikazeiwacu.com twe tubona nka ba nyirubukozwemo, nimwongere mutekereze mureke kujijisha rubanda kuko tutaza kwemera ibintu tutabonamo ukuri kwabyo. Turasanga mukina mu bikomeye, kubera ko muri guca intege abakomeje kwitangira urugamba rwo kubohoza igihugu, mugusha ku nyungu zidafite epfo na ruguru, mu gihe zishingiye ku ngengabitekerezo yimakaza irondakarere.
 
4.Twanzure
 
Nyuma y'Imana n'Amateka, umucamanza mukuru ni umuturage. Abantu barapfuye bazira gahunda mbisha za FPR, abatutsi barishwe bazira ubusa, abahutu barishwe bazira ubusa haba mu Rwanda haba no muri Kongo. Inkiko zagiyeho, kandi twumva ko hari benshi bagenda bagirwa abere. Ntawagombye rero gutinya kwishyikiriza Urukiko mpuzamahanga, mu gihe ari yo nzira yatuma ikibazo cy’u Rwanda gikemuka burundu, tubifashijwemo n’amahanga. Kuki wa mugani Byiringiro ataba umushumba mwiza, wa wundi witangira intama ze ? Kuki we n’abandi amahanga akomeje gushyira mu majwi batabererekera bagenzi babo mu buyobozi bwa FDLR, maze amahanga agacururuka, bityo aho kugira ngo impunzi ibihumbi amagana zirasweho nk’uko bitegerejwe tariki ya 2 Mutarama 2015, hategurwe uburyo buboneye bwo gucyura mu Rwanda impunzi zose, binyuze mu biganiro bitaziguye hagati ya Leta ya Kagame n’imitwe ya politiki itavuga rumwe nayo ?
 
Byiringiro, Murayi, Romeo n’abatekereza nkabo nibasigeho kudindiza CPC, ahubwo basubize ubwenge ku gihe, bashyigikire Twagiramungu Prezida wa CPC, ku nyungu rusange z’abana b’u Rwanda. Niboye kwirengagiza ko impunzi ziri mu kaga zikeneye abacunguzi nyabo, kimwe n’uko natwe abanyarwanda turi imbere mu gihugu dukeneye abatabazi nyabo : dukomeje guhonyorwa n'inzara, inzangano, TIG na gereza, none ubu tukaba dusigaye turohwa mu kiyaga cya Rweru izuba riva. Nimusigeho, mureke gutiza FPR umurindi. Mumenye ko umuturage abareba kandi ko niba muharanira koko demokrasi, igihe kizagera mukaziyambaza wa muturage  kugira ngo abemerere kumuyobora.
 
Bwana Twagiramungu n’abo mufatanyije urugamba, dukomeje kubashimira ko mutahwemye kwerekana ubutwari n’ubwitange buzira amaranga mutima n’ubutiriganya bw’abanyapolitiki bamwe bokamwe n’irondakarere. Nimukomereze aho, mwoye gucibwa intege n’ababarwanya; abanyarwanda benshi dukomeje kubibonamo no kwibona muri CPC muyoboye. Imana y’i Rwanda ihorane na mwe !
 
 
Ishyirahamwe TEBUKA
NTIBIZIGIRWA  Anaclet, Perezida.
Kigali.

Commenter cet article

Byiringiro 13/10/2014 19:23

fdlr :mbyiringiro mumishyikirano ya rwihishwa na rwarakabije dit:



AKABAYE ICWENDE NTIKOGA Ubu amakuru ava ahantu hizewe kandi nabakorana na generali Mbyiringiro Victor ariwe Iyamuremye Gaston akaba perezida wa FDLR , akaba na Perezida wa FCLR ( FDLR n’abantu batarenze 6 ba PS imberakuri ) udashobora gutembera wafatiwe ibihano na UN ,nuko amaze igihe kirenga umwaka aganira kubwihisho na mwene wabo Generali Rwarakabije ubu uyoboye amagereza mu Rwanda .ushaka kumenya inkuru nyayo yabaza mumashyamba ya RDC cg akabaza abakuriye igisirikare cya FDLR. Ubu rero na Mbyiringiro ashinzwe amagereza yomuri RDC yuzumyemo impunzi z’ abanyarwanda . Abakorana na Mbyiringiro murayo mashyamba iyo bamubajije icyo aba aganira na Rwarakabije, arabasubiza ko bitabareba ntamuntu umuha amategeko ko ibyo arimo abizi kandi ko bifitiye akamaro impunzi yafasheho bugwate. Uwo Mbyiringiro ntawe adasuzugura, tubibutse ko ariwe wabanje kubwira abazungu ko azashyikiriza Generali Mudacumura Sylvestre urukiko rwa ICC, ibyo yabitangarije kuri RFI !!!!!!!!!! Kandi yabivuze atagishije inama Jenerali Mudacumura . Tubibutse kandi ko uwo Mbyiringiro aho avugira mu mashyamba ya RDC yagize igihugu cye , ubu umuryango we wibera muri Congo Brazzaville , mugihe ashaka kwicisha impunzi ziri muri RDC kuko we arinzwe bikomeye n’abava mukarere k’iwabo iyo za Ruhengeri . Reka tuvugishe ukuri, muri iryo shyamba mwumva mu bayobozi bakuru b’ingabo kugira ngo ubone umuntu utari uwo mu Ruhengeri, Gisenyi, uretse umwe, nawe w’i Byumba nti bishoboka. Wagira ngo ibintu ntibyanhindutse. Abanyenduga ngo bari barimo, ariko abantu bibaza aho bagiye. Abatabizi bazabaze aho Mbiringiro yabashyize. Abenshi niwe uzi aho babitse abita abagambanyi, abandi barahunze, baritahira, abandi ubu bibereye i mubindi bihugu nkimpunzi. Nibyo koko ngo akabaye icwende ntikoga, abandi bati « mwene Samusure avukana isunzu », kandi ngo arashyuha ntiyibagirwa iwabo wambeho. Amacabiranya Politike y’amacabiranya, politike y’abantu b’inryarya zigize inyaryenge, politike y’udutsiko twaritswe mo n’umuco wo guhora no kwihimura, kwica no kwiyemeza gutegeka hakoreshejwe ingufu za gisirikare, politike y’injiji zivuga ko zize zikitiranya politique na « formule chimique », aba bose nibo bakomeje guca Abanyarwanda mo ibice.Aba bose icyabavanaho ni révolution ya rubanda, kimwe niyakozwe muri 1959, igakorwa na « des jeunes intellectuels honnêtes ». Ubu abenshi muri bo bakaba bararimbuwe n’injiji zigize bamenya, kandi ntacyo bashoboye, uretse kugurisha igihugu n’Inkotanyi. Ibi byakozwe n’abashakaga kurwanira ubutegetsi bwa « gisirikare batagabanye » bari bamaze gushyiraho muri 1973. Aho bugiriyeho niho ibyago byatangiye. Bamwe mubabushyizeho bananiwe kubugabana n’abenewabo, batoroka igihugu, barakigambanira, bafatanya n’abo bitaga inyenzi, batera Urwababyaye muri 1990. Bicisha abantu batagira ingano, bafata igihugu muri 1994, abanyarwanda benshi barahunga. Nubu baracyari hanze, aho bamwe bafashwe nk’ibikoresho bya politike y’abasivile n’abasirikare nka Mbyiringiro. Akabaye icwende ntikoga. Ibintu byari bigiye gutungana. Dr.Paulin Murayi, wahoze ahagarariye CDR muri Europe, mu Buburigi, Liège, ari naho yavanye RUGGIO akamwohereza mu Rwanda gukorana na Radio RTLM i Kigali, nyuma y’aho Inkotanyi zitereye u Rwanda ziyobowe na Col Kanyarengwe. Imvugo ya Dr. Paulin n’umuhate agira mu gusenya, wagira ngo twasubiye muri 1990-1994 mu gihe cy’intabara y’amashyaka yashojwe n’Interahamwe zihanganye n’Amajyojyi. Yafashe umugambi wo gusenya CPC, ashaka kubikora mu « gisederi », ariko kandi ashaka no gushimisha RNC yigeze gusebya kakahava, mbere yo kuyivamo, ariko akaba ashaka kongera kuyisubiramo ayigemeriye CPC ku mutwe wa Byiringiro, ngo yerekana ko ari « rassembleur ». Abahutu BAMWE uwabaroze ntiyakarabye. Kuba Dr. Paulin yibutsa ibigwi bya CDR, ashaka gusenya CPC yarimaze kumenyekana hanze, birumvikana ko ntawa bishigikira. Muri uwo mugambi wogusenyera CPC muri RNC ngo noneho bagafatanya na FDU-RDR iyobowe na Bukeye wahoze ari maneko wa Habyarimana ntabwo ari mubi, gusa kuwukora avanamo Twagiramungu nkuko yabisabwe, ni ubugambanyi kaminuza. Iyi ngo ni yo « formule médicale » Dr Paulin Murayi yari yabonye, kuvura abanyarwanda indwara y’ubwumvikane buke. Uyu muti wakorewe test nabi. Ku baswa bafatanije na D Paulin go : CPC-Byiringiro + FPR-Kayumba + FDU-RDR = Umuti wo gukiza u Rwanda. Ikibabaje nuko RNC itemera iyi formule, ikaba yarahisemo kubanza gusenya CPC ikoresheje ubundi bucabiranya bw’uko Twagiramungu akorana na Kagame kuva muri 2003. Dr. Paulin formule ye yayikoze nabi ubwo yemeraga ko Général IYAMUREMYE Gaston alias Byiringiro aba umuyobozi w’ikirenga wa Front Commun de Libération du Rwanda, FCLR, ifite n’umutwe w’ingabo witwa INDATSIMBURWA. Ubona iyo Mbyirigiro apfa no kuvuga ko ari perezida w’agateganyo wa FDLR !! Mukuyobora iyi FCLR n’umutwe w’ingabo zayo, Gn IYAMUREMYE Byiringiro abifashijwemo na Capitaine (rwando-américain) witwa ROMÉO utuye Dayton, OHIO, muri USA (aho bavuga ko afite missiles azakoresha arwanira kubohoza uRwanda) kandi ndabibutsa ko uyu Romeo kugirango abone ibyangombwa bya USA aruko yabanje kujya mugisirikare cyaho amaze kubona ibyangombwa baramusezerera , akaba arinabwo yakoraga urugendo ajya gusura abo muri FDLR iyo mumashyamba ariko iyo aba umugabo yarikuhaguma ahokwirirwa. Ubu anaga amasasu ayanyujije mu ikaze iwacu, aha niho hari ihurizo. Ese Mbyiringiro yaba akiri Perezida wa FDLR ? Cyanga arayobya uburari ? Urwishe ya nka ruracyarimo Iyi coup d’État ya Gn BYIRINGIRO + Captain ROMÉO + Dr. Paulin, yarapfubye. Ariko nubwo yapfuba, kandi niyo itapfuba, irerekana ko urwishe ya nka rukiyirimo. Politike y’akarere, abo mumajyaruguru, baracyayikomeyeho, bibwira ko ngo ko abahutu bose bagomba gutekereza nka bo. Ubwo kandi ninako bibwira ko ubutegetsi bwa gisirikare cy’akarere, ari bwo bugomba kuzayobora uRwanda, Mbyiringio agasimbura Kagame. Abatekereza batyo harimo na babandi bafashe umugambi wo kurimbura abanyenduga kuva muri 1973. GN. IYAMUREMYE Gaston alias Mbyiringiro, Dr. Paulin, ba ROMÉO, na bagenzi babo, bumva ko iyo ari yo politike nyayo. Indi politike yaba ari politike itabereye abakomoka mu karere kabo. Politike y’akarere, ingabo z’akarere, na coup d’État y’akarere bigiye kuba karande mu Rwanda. Turabirambiwe.

Kibwa we 14/10/2014 19:08

Komera . Amagambo make ;ibikorwa byinshi . Umwana w'infubyi yumvira mu rusaku . Niba ari abagabo bashyire inkiko za Onu abicanyi bari kudingisa innyo mu maraso y'abacu i kigali . Kuvuga ubusa nk'ikivumvuri ntacyo bitwunguye!

Kibwa 14/10/2014 11:58

Mwirinde mudasobwa, kuzegera zirashukana, bigatera kwandika n'ibyo mutatekereje. Ibyo gutanga ibitekerezo no gukora ibyo mwita ngo ni "politiki" ku mbuga za Internet nta cyo bimaze, nta n'icyo bizageraho. Ahubwo birasenya. Amahirwe ni uko hari abashishikajwe n'ejo hazaza h' u Rwanda bakora biturije nta gusakuza, kandi bikabyara umusaruro ushimishije. Muratobatoba mwebwe ba "KIGA - NDUGA", "N'IYO BYUMBA YAFATWA", "N'IYO FDLR YAFATWA", etc., etc.

Uwamahoro 13/10/2014 16:46

Bavandimwe ndabinginze mureke gutukana.

Njye numva murimo mwigora Abanyarwanda bazi kandi banasesengura ibyo abanyamashyaka bavuga .abacabiranya, abateranya amashyaka, bashyize inyungu zabo Imbere nabo barazwi,
kandi nabo Umutimanama wabo urabibabwira. mubihorere amateka azabibabaza.

NDAMUZI 13/10/2014 11:52

UMUGAMBANYI TWAGIRAMUNGU FAUSTIN NTASHOBORA KUZAKIRA UMUVUMO AKOMORA MU GIKORWA KIGAYITSE CYO KWICISHA MUSANZIRE WE GAPYISI. RUKOKOMA AZAPFA NABI, AZAPFA YIBUTSE AMAGARA. AZAGERA NAHO YIFUZA URUPFU ARUBURE ! YAGAMBANIYE IGIHUGU, AGAMBANIRA ABAVANDIMWE, AGAMBANIRA ABANYARWANDA, NONE ARI GUTA IBITABAPFU MU MPUNZI YAGAMBANIYE KUVA KERA. ARIKO UBANZA YIBWIRA KO BATAZI UWATUMYE BARI HARIYA ! MUKURIKIRE MUREBA UKO BIMUGENDEKERA MU GIHE CYA VUBA.

TWAGIRA 13/10/2014 10:07

IKIBAZO NUKO TWAGIRAMUNGU AGEZE AHO KWANDIKA INKURU AKIYITA ANDI MAZINA NGO ANACLET. KUKI WITIRANYA TWAGIRAMUNGU NA CPC. MURI DEMOKARASI IYO ABANTU BENSHI BAHISEMO UBAYOBORA NIWE BAHA INKONI Y'UBUSHUMBA. FDLR+PS+UDR>> RDI+CNR.

NKUNDABAKIGA 13/10/2014 01:16

RUKOKOMA NGUHAYE GASOPO UZONGERA GUHINGUTSA IJAMBO ABAKIGA UBATUKA NZASHAKA ABA PEDE BAFTIE IMBORO NDENDE MBAGURIRE BAGUFATE MPIRI BAJYE BAGUCUMITA MUKIBUNO KUGEZA IGIHE WICUJIJE IMPAMVU WIJUNDITSE ABAKIGA GACURAMA WE, DORE NAVUTSE NUMVA BAVUGAKO URI UMUGAMBANYI KO URI IGISAHIRANDA NONE NANJYE MBAYE UBUKOMBE NSANGA INGESO MBI UTARAZIREKA UBWO NIZO ZIZAGUHEREKEZA KWANYAMUZINDA UMUNSI BAZAKUZINDA IBURUSERI AHO UBYUTARAYE PUU GIRA UJYE MURI MAISON DE REPOS NDABONA ALZHAIMER IKUMEREYE NABI WA GITUBA WE

simbi 13/10/2014 12:09

Ru koko ma muzamugira mute mwampyisi Mwe amahanga amahanga aramwemera yemwe na kagame amutinya kubi none wowe urimo urarogotwa gusa ngahose Byiringiro nayobore cpc turebe zirampunzi yafashe bugwate zizagukora ho naho wowe funga kinwa

noah 13/10/2014 03:55

Ariko murarwana niki, mwagiye mushima Imana yabarinze magingo aya, niba ukiri mwishyamba niko gahunda y,Imana iri, niba uri mu gihugu uko niko biri,ntimukarizwe nabapfuye kuko atari mwe mwabaremye Imana irabazi, ntimukagire inyota yuko ubwoko bwanyu bwategeka ,ahubwo mujye mumenya ko muri iyi si ntabutegetsi bwabayeho bwatanze amahoro ijana ku ijana.mutuze ntabutegetsi bubaho akaramata,kandi ntabwo muzi icyo Imana ibateganyiriza.ariko reka mbaze gato ,muribuka 94,ukuntu abahutu batemaga abatutsi bagakuraho umutwe kandi ntacyo bakoze, none se abo mwaturaga umujinya sibo bari kubitura ibyo mwabakoreye, ese ubu abakoze ibyo bakiriho basabye imbabazi Imana, hanyuma se,,ubu ubu u Rwanda ntabahutu bakirutuye ko numva ngo kagame agiye kumara abahutu. Niba ubutegetsi buriho ukiha kuburwanya nabwo bufata ingamba zikarishye, umuhutu wicecekeye ntawe uzamukoraho, ariko uwigize intyoza azira akarimi ke.mub‪0014026173674‬ nizo nimero zeyukuri kagame yakoze akazi ke igihugu cyarahindutse kuruta uko‪0014026173674‬ nizo nimAhubwoo ze cyari kuyoborwa nt,interahamwe,ngewe narabyiboneye aho zari zisigaye zimenya ko umuhutu ufite ifaranga cyangwa television yagombaga kwicwa agasahurwa kuko ibyabatutsi byari byarangiye.sinabura kunenga na FPR, kubera imiyoborere yayo yaranzwe no kwica guhera muri 90 kugeza ubu, rwose abatutse berekanye ubugome ndenga kamere mumateka y,urwanda,mukwica, kuburyo ntawakongera kwifuza ko bayobora.kugeza ubu umuntu wo kuyobora u rwanda aragoye kuboneka ariko ngenekereje mbona rukokoma ariwe wakunga abanyarwanda.abamwunganira nabo barahari ,ariko hari abandi nka nyamwasa ,rudasingwa, micombero ,aba mvuze nibo batumye ibibazo by,urwanda byumvikana mu mahanga. Naho iyo FPR ivuze FDRL, suko ifite ingufu ahubwo iba igirangi yigobotore ingufu zabo bagabo aribo twagiramungu,kayumba,rudasingwa na micombero. Naho abasoda 1600 ba FDRL ntaho bahurira ningabo za FPR 100000 kandi bafite ibyangombwa byose. Ahubwo bitonde bashobora gutungurwa bagakwira imishwaro nkuko bisanzwe kuri fdrl

KIGELI NDAHINDURWA 13/10/2014 00:44

Ku kiganiro yagiranye na BBC Gahuzamiryango, Twagiramungu yagaragaje ubwo burakari cyane, ariko ikimurya atari uko yatakaje CPC, ahubwo ari uko atagifite ijambo kuri FDLR.

Nubwo mu bamusezereye harimo Dr Murayi na Gen Byiringiro, mu matangazo Twagiramungu yasohoye nyuma, mu biganiro bakoze, Gen Byiringiro niwe ukomeza kwikomwa na Rukokoma. Mu byo abakoranye na Bwana Twagiramungu bamujijije, harimo ubugambanyi. Gen Byiringiro akaba yarasobanuye ko bigaragarira cyane ko Twagiramungu arimo guhamagarira abayobozi ba FDLR kwigemurira urukiko, kandi nta mpamvu zihari. Raka turebere hamwe iby’ inkiko na FDLR.

Gen Byiringiro President wa FDLR

Gen Byiringiro ntabwo ashakishwa n’ urukiko urwo ari rwo rwose. Nta Arrest Warrant cyangwa mandat d’ arrêt umuryango w’ abibumbye wigeze utanga yo gufata prezida wa FDLR. Ikintu cyonyine umuryango w’ abibumbye wakoze, ni ukumushyira ku ilisiti y’ abadashobora kugenda mu bindi bihugu, kandi ko amafaranga cyangwa indi mitungo afite hanze yose igomba gufatwa ho ingwate. Ibi birasekeje kuko nta mitungo Gen Byiringiro agira hanze y’ igihugu.

Gen Mudacumura Commander FOCA

Gen Mudacumura, Urukiko ruburanisha abakoze abakoze ibyaha by’ intambara ICC (International Criminal Court) rwatanze Arrest Warrant cyangwa Mandat d’ Arrêt, ku wa 12 Nyakanga 2012 yo kumufata, nyuma y’ uko umushinjacyaha yagerageje inshuro nyinshi afatanyije na leta y’ u Rwanda mu kubaka ibinyoma byo kumurega. Mu byo ashinjwa ngo byakozwe mu gihe FDLR yari ihanganye n’ ingabo z’ U Rwanda zifatanyije n’ iza Congo na MONUSCO mu gihe cy’intambara ya CNDP ya Laurent Nkunda, Operation Umoja wetu, Kimya 1 na 2, aho impunzi z’ abahutu zaguye ari nyinshi zicwa na MONUSCO, RDF, FARDC n’imyitwe ya MAI MAI itandukanye.

Impamvu Twagiramungu akomeje gushyira mu magambo gusa Gen Byiringiro

Mu byo Twagiramungu akomeza kubwira abantu, avuga ko byamworohera gushakira umuti ikibazo cy’ impunzi, abayobozi baregwa ibyaha (Gen Mudacumura COMMANDER FOCA) bihaye inkiko ngo “Bagakubitwa Icyuhagiro”. Ariko yajya kuvuga cyangwa kwandika abateza ibibazo akavuga Gen Byiringiro. Ngo Byiringiro Ntiyakwicarana na Kagame, Ngo Ntabwo “Byiringiro yavanaho President wa CPC”. Ngo “Byiringiro yafatiwe ibyemezo na conseil de sécurité”…Twagiramungu azi neza ko Byiringiro nta cyaha aregwa n’ urukiko urwo rirwo rwose. Ariko kuri we, Gen Byiringiro ni inzitane ikomeye mu gucengera no kugera ku cyo ashaka, aricyo gusenya FDLR.

Impamvu Gen Mudacumura ari we Twagiramungu ahanze amaso mu ibanga

Gen Mudacumura ubu afite ikiguzi cya millioni eshanu z’ amadolari. Abanyamerika bashyiraho icyo kiguzi, bari baz iko ibisambo byinshi, n’ abacanshuro bazabisimbukiraho. Icicikana ry’ abanyamakuru, n’ abandi biyita “Specialists” bajagata Congo bose bakurikiye izo $5,000,000. Twagiramungu Faustin rero ntiyatangwa iyo mari kubera impamvu zikurikira:

Nta kandi kazi agira muri politiki uretse kugambana
Akeneye amafaranga yo kugura abayoboke
Akeneye “retirement plan” cyangwa pension.

Nkuko ku ntambara bigenda rero, iyo ushaka kugaba igitero simusiga, ushyiraho “diversion”. Cyangwa kuyobya amarari. Ibi ntabwo bitangaje kuko Twagiramungu yize muri FPR, kandi yamye akorana kuva cyera n’ ibisambo bya mpatsibihugu, ku buryo ari nabo bamugira inama. Ingendo yakoze ngo agiye muri “Department of State” abandi muri CPC bakaba batazi ibyo yakozeyo, ndetse hakaba hari n’ amakuru ko mbere y’ uko yirukanwa muri CPC yari afite gahunda yo gusubira Washington DC, byagombye gutuma twibaza icyo aba yagiye gukora, iyo agaruka abwira abo bafatanyije ko bagomba kwigemura, kandi azi neza ko ibireba icyo kibazo, ntaho bihuriye n’ U Rwanda. Dore ko u Rwanda rutashyize umukono no ku masezerano yashyizeho ICC, kandi mu byaha Mudacumura aregwa, hakaba hatarimo u Rwanda.

Ese iyo diversion ni iyihe?

Uretse kwitwaza akababaro k’ impunzi, diversion NYAYO ni Gen Byiringiro yiriza mu nyandiko zose, no biganiro akomeje kugira. Bigenze neza bikaba byamuzanira insinzi ebyiri:

Gutinza abantu mu mayira, no guca ibice FDLR na FOCA. Twagiramungu azi neza ko nta rukiko rushaka Byiringiro, ariko azakomeza kumusakuza, kuko amubereye mu nzira yo kwigarurira abasigaye. Kandi azakomeza kubivuga yitwaje ko ngo ari gushaka gukiza ko impunzi zizaraswa, ariko mu by’ ukuri nta mpuhwe azifitiye, cyane cyane ko nubwo afite ubushobozi, atarakandagira muri Congo. Ashaka ko FDLR ivamo abamukurikira yamara kubasenya akajya Washington gufata ibihembo.

Gufatisha Gen. Mudacumura kuko Twagiramungu azi neza ko Gen Mudacumura ariwe ushakishwa n’ urukiko mpuzamahanga http://www.icc-cpi.int/iccdocs/PIDS/publications/MudacumuraEng.pdf, kandi ariwe ufite igiciro ku mutwe. http://www.state.gov/j/gcj/wcrp/206086.htm, $5,000,000 ni amafaranga menshi cyane, tuzi twese ko Yuda yatanze Yezu ku mafaranga 30. Gukomeza gusakuza Gen Byiringiro (Diversion), ni ukugirango yegere FOCA (Gen Mudacumura), atangire amuguyaguye, arebe ko yamwizeza kwitanga “persuasion”, wenda ko hari icyiza cyavamo. Cyangwa kumwiyegereza, akamenya uko abaho kugirango azatange imformation abacanshuro bazakoresha bamufata, nkuko bafashe abahoze mu gisirikari cya Yugoslavia. American Commandos bagiye babasanga aho bahungiye hagati mu ngabo zabo, bitewe n’ akagambane k’ ababegereye.

Twagiramungu rero uri mu marembera ya politiki ugeze mu za bukuru, akeneye ako kayabo k’ amafaranga, kandi arimo kubikorera ashyizeho umwete. Ariko kuba yahagaritswe na bagenzi be, yitumye Gen Byiringiro wamupfubirije umugambi wo guteza cyamunara impunzi z’ abahutu.

Mujye mwibaza impamvu Twagiramungu atakivuga SADC , yo yatangiye ingamba zo kuzana FDLR ku rubuga mpuzamahanga, akaba atagikandagira muri Afrika, cyane cyane muri Tanzania. Ahubwo mu kanwa ke hakaba habamo abazungu, abazungu, abazungu……... Twagiramungu ari ku kazi ka mpatsibihugu, kandi milioni eshanu ni nyinshi ku muntu wamenyereye politiki y’ ubugambanyi.

Dean MUCYO 12/10/2014 23:12

Ngo" So ntakwanga akwita na bi" Umugabo Ntibiringirwa ahurutuye ibigambo ngo arashyigikira Yuda. Ntako mutakoze ngo mucyemo ibicye abanyrwanda mukoresheje uturere. Imana tugira ni uko muri bake bafite iryo zina RYA Ntibiringirwa. Iyo ujya kuvuga Abakiga kuki ushyira muri rusange? none utaniyehe NA Rukokoma wavuze ko Byumba na Ruhengeri bapfa bose ko ntakibazo. Imikorere yanyu mu yihuza mute niya Kayumba WISHE ATITANGIRIYE itama abo wita Abakiga. reka nkubwire ntacyo muzabatwara kandi tuzabana igihe sobuja Kagame azayarabaye amateka . ndakwiyamye gukomeza gukora abantu mujisho. ngaho mugire Amahoro MWA BIVUME MWE.

Nkundukuri 12/10/2014 23:11

Umuntu wese wandika ibitajyanye no gushyigikira CPC aba ari inkotanyi ya FPR, igira ngo iyobye abakunda u Rwannda n'ababyarwanda ngo bave ku ngoyi ya FPR. Twagiramungu faustin arazwi mu rwego rw'amahanga niba hari bamwe baguzwe na FPR ngo bamurwanye ntibazabishobora.Byiringiro nawe niba ashaka kuba Rwarakabije nagende asige FDRL. Tuzatsinfda ubu amafranga turayafite.FPR icyo izakora cyose twariyemeje yaratsinzwe.Amazu yubatse mu maraso y'abanyarwanda izayatereho amapine iyajyane imahanga yavukiye ikahakurira.Amaradiyo yose yirirwa avuga byacitse muri CPC, FDU, amashyaka y'ibihangange FPR itinya nayo azerure avuge ko akorera FPR tubimenye.Abirirwa nabo ku maradiyo mpuzamahanga(Musanganfura,Nkiko) bavuga ko byacitse nabo nibasange FPR niyo baturutse. CPC komeza umurego.Dr. Murayi nakomeze akorane na CPC nkuko yitandukanijena RNC. Mukure muri politiki.Mureke gusakuza mwiha rubanda.

simbi 13/10/2014 12:14

Kigeli twagiramungu numu n'y a politique uzwi kwisi kandi arashoboye ureke bamurayi baba céder gusa batazi iyobava niyo bajya .Byiringiro wese azashyira bireau ya cpc mwishyamba azibeshye ahubwo naceceke arebeko cpc yamuvugira neza nahubundi ibye byarangiye aza shi ki riz wa inkiko

KIGELI NDAHINDURWA 13/10/2014 01:07

NIBYO RWOSE UVUZE UKURI NTAGITI KIBUNGIRA INYONI, TWAGIRAMUNGU NI INYONI Y'INKOTSA AKABA AKOMOKA KUNYOMBYA NIYOMPAMVU ABWEJAGURA KANDI AKABA YARABUNGIYE IGITI CYITWA FDLR, NONE UYUMUNSI FDLR NTIGISHAKA RUKOKOMA, THEN RUKOKOMA KO WUMVA AVUGAKO FDLR ARI ABAKIGA GUSA KANDI AKABA YANGA ABAKIGA NABAREKERE BYIRINGIRO NA MUDACUMURA BARENGERE IZOMPUNZI ZABAKIGA NONEHO NIBAPFA BAGASHIRA NNDUMVA NTAMUNYEDUGA UZABABARA KUKO ABANYENDUGA BOSE BARI MURANDA ABANDI BAKABA IBULAYA, URUMVA RERO KO IMPUHWE ZA RUTEMAYEZE ARI NKIZA BIHEHE; RUKOKOS YIVUGIYEKO FDLR ARI ABAKIGA GUSA KANDI NGO YANGA BAKIGA NONENIBA ABANGA NAREKE ONU IZABARASE KUKO NGO URUSHA NYINA WUMWANA IMBABAZI ABA ASHAKA KUMURYA, CYAKOZE RUKOKOMA NI IGISAMBO CYAMAGARA BARAMUBWIRA BATI NTITUGUSHAKA MURI FDLR AKANGA AKAYIGWADIKAHO KANDI IGIHE FDLR YASHINGAGA TWAGIRAMUNGU YARI YIBEREYE KUBUTEGETSI MURWANDA, NGO YO AMAZI AKUBWIYE WINYOGA UJYE UYASUBIZA KO NTAMBYIRO UFITE, RUKOKOMA RERO NAWE NIBA FDLR ITAMUSHAKA NAZINGE AMABINGA ASIGAANE RDI YE!!!!!! AHO RUZINGIYE NTAHANDI NUKBERAYUKO MURI RDI NTABARWANASHAKA AFITE BARENZE 6 NONE ARAMUTSE ABOHOJE FDLR NIMPUNZI ZIYIRIMO RUKOKOS YABA ABONYE ITURUFU ASABISHA IMISHIKIRANO KANDI UBURYO BWOKUBOHOZA FDLR NTABUNDI URETSE KUYIGIRA IMPEHE AAMANIRA ABAYOBOZI BAYO BAGAFATWA MPIRI CG BAKICWA, RUKOKOMA USHAJE NABI NDAKUVUMYE UZAGWE ISHYANGA

inntumva 12/10/2014 21:33

Njye ndumva mupfa ubusa; ibyo muvuga bigaragaza ko mudashaka ko hagira umukiga utegeka; ntimuzabigeraho kuberako bafite imbaraga n'ubushobozi, ni TWAGIRAMUNGU wabasanze niba batakimushaka mubabajwe n'iki? ko HABYARIMANA yapfuye se induru yavuze i Bukiga naho i Nduga havuga impundu. Igisubizo nikimwe nta musivile ukwiye kuyobara umusirikare kurugamba niyo mpamvu njye buriya nemera Kagame iyo aza kumva ubugambo bwanyu ntituba tukiriho, ntanubwo muzi ko kiga na NDUGA bitakibaho byabaye amateka mu Rwanda. Kora ndebe iruta vuga numve!

Hagenimana 12/10/2014 20:21

Anaclet, urakoze gufata igihe cyawe ukaducira ku mayange kuri ibi birimo bivugwa. Nagushimiye kandi uburyo mwishyize hamwe kugira ngo namwe mutanjye umuganda muri uru rugamba turimo, rutoroshye na gato, ariko rworoshye gutsinda habaye ugushishoza no kugira intumbero itarangwamo amarangamutima na "kurura wishyira". Ntabwo nemeranywa nawe ku byo umaze kuvuga. Umeze koko ahubwo nk'Ikotanyi zirega abandi ingengabitekerezo ya jenocide kandi bo bayifite ijejeta;ariko bakayibona mu bandi.Ingero ni nyinshi, ariko ka nguhe nk'ebyiri gusa:None waba uvuga ute ko urwanya ingengabitekerezo ya jenocide ukemerera amashyirahamwe AERGE, n'andi nkayo gukora koko?Narimfite umwana nafashaga kuko yabaga iwanjye, ndetse na n'ubu aracyahari. Ni inkumi, ubwe yikuyemo ajyeze mu wa gatanu, ambwira ko adashobora kwihanganira ibihavugirwa by'ivangura ndengakamere.Ko kuri we yumva abantu babana nta kibazo.Umwana naramuretse, kuko numvaga avuga ukuri...Reba na none uburyo FARGE ikora. Sinirirwa nsobanura byinshi.Byo ni agahoma munwa,mbabazwa n'abarangiza ntibabashe kubona ko baryamiye abandi bana, ndetse ngo bamagane nyine ako karengane...Kimwe n'ibindi byose bibi, ibyo byose ni byo abapoliticiens bo muri oposition bagerageza kurwanya.
Ntabwo nemeranywa nawe iyo ufata ibiriho ukabibona mu ndererwamo z'uturere, ndetse n'iz'amoko. Kuki udafata igihe ngo usesengure niba koko Twagiramungu adafite igitugu bamurega cyangwa ubugambanyi.Kandi biranashoboka ko yakwitwaza ubunararibonye afite muri politiki, akumva ari hejuru y'abo akuriye.Kuki wihutira kubibonamo iby'uturere, n'amoko, urabona umuntu wemera azava he ko natavukira muru kiga azavukira mu nduga, atavuka ari umututsi akavuka ari umuhutu ou umutwa.Ni igihe cyo kugira ngo mujye mwitoza kujuja umuntu mugendeye ku byo yakoze, yavuze, bitari uko avuka aha ou ko atari iki.
Tugarutse kuri Twagiramungu, yakoze ikosa rikomeye politiki, kuko atigeze amenya imiterere y'imitima y'abo yari arangaje imbere.Yakurikiye inyungu ze niba koko atarakoreraga umwanzi wari warateye igihugu.Ni gute wamurengera umwita ko atabashije kumenya ko arimo ashyigikira ibirura byigize intama.Ninde se utarabonaga amakosa y'Inkotanyi, koko?N'umwana w'igitambambuga yarabibonaga,nkanswe abari barize baraminuje nka Twagiramungu.
Uramugarukaho ko yari yatsinze amatora muri 2003. Ni byo koko, nari mu mwanya wigenga watumye nshobora gukurikirana iby'abaye.Twagiramungu, yatowe nk'uko Chirac yatowe kuri mandat ye ya kabiri:Hagati ya Chirac na Le Paine, twahitamo Chirac, n'ubwo tutamukunda, ibibi birarutanwa. Abafransa bamutoye kuko Le Paine yimirije imbere ivanguramoko, ibyo kandi akaba yarabivugaga mu gihe ikipe y'Abafransa y'umupira w'amaguru yari imaze kwegukana mondiale, kandi tukaba tuzi ko hafi 3/4,by'abayigize ari abirabura. Abafransa rero bari bifitiye ikipe yabo mu mutwe,ubarwanya ntiyari afite umwanya. Ng'uko uko byagenze muri 2003.Abaturage bafashe icyemezo mu cyumweru kimwe.Babitewe na politiki mbi yo kwiyamamaza ya FPR, yarimo ubujiji, ubuswa, ubuginga, igitugu,...ndetse na ruswa ivuza ubuhuha!Buracya baratora, baguriye igihugu cyose inzoga!Ariko biba iby'ubusa.Bahitamo gukoresha "TORA AHA".Ikindi, Twagiramungu, yabonaga yatsinda Kagame hejuru y'ubwo bubasha bwose yari afite kandi nta buryo afite buhagije afite?None se washyigikira ute Twagiramungu, hejuru y'iryo kosa rya kabili yakoze?Yabaye nanone agakingirizo ka Kagame, atuma amahanga atangira kuvuga ngo hari democratie mu Rda.Ntiyagombaga kuyajyamo, Kagame akabura uwo bahangana nawe nibura.Irindi kosa, kuki yahise ahunga, nk'uwari urangije akazi yahembewe?Azi abamushyigikiye aho ubu yabasize?!!!.
Aho kureba umuntu n'amakosa ye, mwe murimo ahubwo murushaho gutiza umwanzi umurindi mukomeza kuzamura ikibazo cya Kiga na Nduga, ndetse mugeraho mugacomekamo n'iby'amoko.Twagiramungu nta kintu na kimwe kiza kugeza ubu yakoreye abanyarda.Nawe yarabyivugiye.Icyakora mukundira ko, nibura agihanyanyaza, ariko, ubu yari akwiye kujya agira abandi inama, aho gukomeza guhangana na bo hejura y'amakosa politiki yakoze yagejeje Urda aho rugeze aha.
Niba bamurega gukoresha inama ya wenyine,ni ikibazo.Ni ibyo kwigwa.Nonese arumva ko abanyarda bibagiwe ibyabaye?Hari ikintu nshaka kubwira abapoliticiens bacu:Nibanjye bashobora kumenya ibyo abo bahagarariye bashaka.Nushyira imbere ibyifuzo byawe, byose bizazamba.Menya icyo abanyarda bashaka, menya amagambo ukoresha.kuko intwaro ikomeye y'umupoliticien, ni amagambo.Iyo uze nabi urasenya, iyo uvuze neza urubaka.Mwijye kuvuga mwa bantu!
Ndumva ari ukungurana ibitekerezo.Mariko Matabaro, yasohoye inyandiko, avuga ibyo abapoliticiens b'iki gihe bakagobye kwitondera...Nyiramatwi yumva, niyumve.

lgiryahannyinyoni 14/10/2014 11:07

Icyibazo cy'u Rwanda kiroroshye kandi kinakomeye .Onu yafashe abo Kagame yatanze yita abicanyi ibacira urubanza . Ni kuki ku rundi ruhande mutinya guha Onu liste y'abicanyi.Abo banyamashyaka baduhisha iki ? Jye iyo numva umuntu ugisohora inyandiko avuga kiga, ndiga ;hutu.tutsi : mwumvamo umwanzi w'abanyarwanda twese ufite imigambi ye bwite ya rusahurira mu nduru cg yo gukorera umwanzi . Niba muri abagabo mwitoremo :abahutu, abatutsi n'abatwa bangahe badasize amaraso cg batabogamye mu gihe cy'ubwicanyi tubatume muri lonu niba ikibaho : badusabire ko abicanyi bari mu Rwanda bafatwa bakaburanishwa ikibazo cyacu kizaba kirangiye . Niba wiyita politicien ukaba udashobora gukora ibyo mvuze wakwegura ntacyo umaze. Musigeho gukomeza gushinyagurira abanyarwanda bicwa buri munsi mwibwira ko nta bwenge tugira !

PeteT 12/10/2014 20:07

Njyewe nemera ibyoTWAGIRAMUNGU avuga byose mpereye ko : Yiciwe abantu benshi muri genocide
Ariko niwe wabaye uwa 1 kwamagana ingoyi FPR yari iri gushyira ku bantu muri 1994,1995....
Kandi rwose umuntu utabona ko abakoze ibyaha bakwiriye gushyikirizwa inkiko uwo nta cyamubuza gukora
indi genocide,na none numva benshi bavuga ko uwo munyacyangugu yavuze ko Naho Byumba yafatwa cg Ruhengeri
ko nta kibazo ,benshi bavuga ko umuntu uvugisha ukuli icyo gihe niko byari bimeze buri wese mu ba nyakuri yari kubivuga
Gusa FPR yaje kumuhemukira ubugome iburusha abo yasimbuye ,ntiyari kubyihanganira rero

Evaziyo 12/10/2014 17:07

uyu mupadiri aretse umwuga we none atangiye Kiga nduga . ibi ni ukuyobya amarari. Twagiramungu ni isiha rusahuzi. umuri inyuma ni padiri Fortunatus wandika ibi bitabapfu kuri internet. iyi mpyisi Rutemayeze Twagiramungu ushaka kuyiheka nagerageze izamurya

Gahima Gérard 12/10/2014 15:08

Ibyerekeranye n'uturere tutakibaho bigiye kuba indwara mu banyarwanda bamwe kandi ntaho iryo turufu rizatugeza, iyo FPR iri gukubita agafuni abahutu b'abakiga Byiringiro ntakoma, ahubwo ikimushishikaje ni ukwirebaho we ubwe, Bishoboka bite ko Byiringiro yashobora kujya guhirika ubuyobozi bwa Twagiramungu mu mpuzamashyaka i Bruxelles asimbutse ubuyobozi Kagame afite i Kigali kandi ariho hafi yaho ari? Ese Byiringiro yaretse ni ubwo buyobozi bw'i Kigali nibura akagabana n'abandi bakiga ubuyobozi afite mu mashyamba ko kandi nabo bari kumwenawe niba abakunda koko? Byiringiro ngo:

-Ni perezida wa FDLR
-Ni Prerezida wa FLR
-None yigize na perezida wa CPC !

Kuki atafata imyanya 2 muri iyo 3 yirunzeho akareba abandi bakiga ayiha niba abakunda! Abazi gushishoza muzatubwire !

Kalima 12/10/2014 13:42

Ariko abiyitirira abakiga baransetsa peee! Uyu mu jeneral Byiringiro yivugiye ubwe ko agiye gutanga Mudacumura, ko abakiga batateye hejuru? Ni uko se byavuzwe n'umukiga mwene wabo none Twagiramungu we yavuga ko na Byiringiro agomba guhigama kuko nawe aregwa na ONU bati yaciye inka amabere kuko atari umukiga? None se niba mu mutwe w'abo bakiga bavuga ko birukanye Twagiramungu ikibazo bafitanye n'ubutebera na ONU baragikemuye? None se kuvuga gutyo gusa bikuye Twagiramungu muri politiki? ni ubuhe bubasha bimunyaze? Abazi gushishoza no kugira inama abantu bagenda buhumyi muzatubwire! Gusa ikigaragarira buri wese ni uko u Rwanda rwagize ibyago byo kuba ingwate z'udutsiko 2, agatsiko k'abiyita abakiga barimbuye imbaga muri 73 na 94, n'inkotanyi zahereye mu 1990 zica abahutu zikagera i Kinshasa kandi utu dutsiko twombi ntidushaka demokarasi, icyatwo ni ukwica gusa , ubibona ukundi azabitubwire!

kaniga 12/10/2014 15:19

Byiringiro na Murayi bakwiye gusaba imbabazi Twagiramungu. Ibyo Rwaka yavuze kuri radio Impala birasobanutse, kimwe n'iby'uyu Anaclet. Abatabyumva bafite ikindi barwanira kitari gushaka uburenganzira bw'abanyarwanda. Nakundaga Ikazeiwacu.com none maze kubona umurongo wabo. Ntakundi kongera kubizera. Baragatsindwa. Nizere ko abakiga bose badatekereza kimwe nabo. Bazatsindwa ntibabazatubuza gukomeza urugamba.

sage 12/10/2014 14:42

ubibona ukundi azagutere ibuye