Iryavuzwe riratashye : Bernard Makuza niwe wagizwe Perezida wa Sena !

Publié le par veritas

Bernard Makuza niwe ugaragaweho kumvira Kagame mu gushyira mu bikorwa ibyo ashaka!

Bernard Makuza niwe ugaragaweho kumvira Kagame mu gushyira mu bikorwa ibyo ashaka!

I. Iryavuzwe riratashye
 
Amakuru dukesha igihe.com yo kuri uyu wa kabiri taliki ya 14 Ukwakira 2014 arahamya ibyavuzwe n'isesengura ryakozwe ku kibazo cy'ukwegura k'uwahoze ari Perezida wa Sena Bwana Ntawukuriryayo Yohani Damaseni, iryo sesengura rikaba ryarakozwe na  Padiri Nahimana Thomas, Umuyobozi w'Ishyaka Ishema ry'u Rwanda  akaba n'umukandida w'iryo shyaka mu matora y'umukuru w'igihugu azaba mu 2017.
 
Mu nkuru yiswe Amatora 2017: Perezida Kagame mu nzira zo kuva ku butegetsi ? Ninde ugomba gusimbura Ntawukuriryayo, Padiri Thomas yerekanye ubutiriganya Leta ya FPR irimo gupanga hagamijwe guhindura ingingo y'101 y'Itegeko nshinga kugira ngo Paul Kagame abone uko azaguma ku butegetsi ubuziraherezo ! Nk'uko iryo sesengura ryabyerekanaga mubyara wa Kagame  Bwana Bernard Makuza niwe uhawe umwanya wo kuba Perezida wa Sena .
 
Icyo abikesheje si ubundi butwari cyangwa ubumanzi ahubwo ni uko Bernard Makuza asanzwe ari umugabo uzwiho kutagira " persosonnalité ihamye " ahubwo akaba yarabaye intagereranywa mu kuba  "MUNTU-GIKORESHO"  Kagame akoresha amabi yishakiye yose, Bernard Makuza apfa gusanga umushara we utubutse wa buri kwezi wanditse kuri Compte ye, nk'uko adahwema kubyigamba! Ubu "misiyo" y'injyanamuntu ahawe ni ugufunga amaso,amazuru n'amatwi agahindura itegekonshinga n'andi mategeko yose abangamiye Paul Kagame akaba amubuza kwiyongeza indi manda nk'umukuru w'igihugu .
 
Twibuke imvugo ya kinyarwanda igira iti " ibikundanye birajyana"! Twizeye ko Makuza Bernard yiteguye no kwirengera ingaruka zikaze  zishobora  kumugwa ku mutwe ziturutse ku buriganya n'amanyanga agiye kwishoramo , amanyanga ashingiye ku gusuzugura ibyifuzo by'Abanyarwanda n'ukwirengagiza akaga rubanda ikomeje gushyirwamo n'ingoma y'igitugu kirenze kamere cya Paul Kagame.
 
Gusa hari ikintu kimwe kitabura gutera agahinda ababyeyi babyaye! Nk'uko Makuza-papa(Imana imuhundagazeho amahoro n'imigisha) yitangiye  kurwanya no gutsinda GIHAKE yahonyoreraga rubanda rugufi mu BUJA, uyu muhungu we Bernard ahisemo inzira ntindi yo kwihesha agaciro yibera UMUMOTSI w'ingoma y'iterabwoba no kwitangira gusubiza rubanda rugufi mu mujishi wa Kalinga (=ngo Kagame yavukiye gutegeka abandi twese tukamubera abagaragu !!!???), ya ngoma n'ingengabitekerezo yayo twishukaga ko byagiye nk'ifuni iheze! Burya koko ngo inda "ibyara Mweru na Muhima"! Mwene Makuza arabitweretse !
 
Twifurije Makuza-Fils amahirwe masa mu mirimo mishya ashinzwe, kandi azayironkeremo igihembo kijyanye n'ibyo azaba yarakoreye imbaga nyarwanda.
 
Leprophete

Commenter cet article

jete 15/10/2014 08:34

Makuza pére doit se tourner dans sa tombe et pleurer abondamment d'avoir engendré Igikarasha nka kiriya.Wonder will never end!!!
Jete.

semana 17/10/2014 13:22

Jete we, umusaza Makuza Anastase, yasize imbwa rwose.Umuzimu we rwose, ashobora kuba arimo yicuza icyatumye aha izina rye kiriya kigarasha ngo Ni bernard. Mzee Makuza anastase we, intwari y'urwanda, imana imihe umugisha, aho yibereye!! ce que makuza vient de dire, je n'ajoute rien!!!!

jani 14/10/2014 16:40

Ngo Makuza se anganya iki na Karegeya cyangwa Kayumba ??? Igihe se umubyara yamariraga abavandimwe bacu kw'icumu , twe duhuingira za Uganda, turya ubusa, ntiyigaga amashuri ahambaye mu mafaranga y'Igihugu cyacu??? Ubwo rero yibonye amab..a arusha ba Gisa, ba Rudasingwa, ... Ibishingwe biba byinshi ....

acheter des kamas 14/10/2014 16:15

On en veut davantage avec autant d\'humour. Sympa.

Twagiramungu 14/10/2014 15:58

Twagiramungu niwe usigaye gutaha nawe akagororerwa. Ariko abashyi murakataje namwe ni ukubitega. Ng'uwo Evode, nguwo Séraphine, Thomas, Rukos, famille Kamoso etc...

igiti 15/10/2014 08:21

Ko wibagiwe na Bamporiki

humura 14/10/2014 15:43

Oya ni mumureke,iyo usomye igihe.com ukabona ukuntu uriya mugabo Rwarakabije arimo asaba imbabazi ko yakoresheje umutungo nabi.Ejo tuzamwumva mu gasho.kuko yamaze gukoreshwa.Nonese Makuza witwara nk'umweyo cyangwa umukoropesho ubona atabona,wibwira ko yumva atumva.Ayo macounts azamumarira iki mugihe aza yaraburiwe irengero?
Nimwihangane gato,nako ameze nka papier hygienique kuko iyo iguyeho amazi biba birangiye.