USA irasaba u Rwanda n'u Burundi gukora iperereza ryimbitse ku mirambo yo mu kiyaga cya Rweru !

Publié le par veritas

Nubwo ntacyo Obama yavuze kuri iyi mirambo, ubutegetsi bw'Amerika burasaba ko iperereza rikorwa kuri iyi mirambo

Nubwo ntacyo Obama yavuze kuri iyi mirambo, ubutegetsi bw'Amerika burasaba ko iperereza rikorwa kuri iyi mirambo

Mu ijoro ryo ku cyumweru rishyira kuwa mbere taliki ya 22/09/2014 nibwo inkuru yasakaye hose ko ingabo za FPR zagiye kwiba imirambo 4 y’abanyarwanda yatoraguwe mu kiyaga cya Rweru igashyingurwa i Burundi. Impamvu yo kwiba iyo mirambo yamenyekanye ku mugoroba wo kuri uyu wa kane taliki ya 25/09/2014 itanzwe na radiyo mpuzamahanga y’abanyamerika VOA mu rurimi rw’ikirundi n’ikinyarwanda. N’ubwo ibintu biba bicecetse igitutu cy’imiryango mpuzamahanga ntabwo cyoroheye leta ya FPR kuburyo ifite ubwoba bw’uko iriya mirambo ishobora gukorwaho iperereza ibyayo bikamenyekana, bigatuma ifata gahunda yo kujya kuyiba kugira ngo iyitwike maze igihugu cy’u Burundi abe aricyo kizasigara kisobanura ! Amerika nayo yabihuhuye isaba kumugaragaro ko iperereza kuri iriya mirambo rigomba gukorwa,kandi yiyemeza kuzatanga impuguke kabuhariwe mu kumenya umwirondoro w’abantu bitabye Imana ! Hasi radiyo VOA yavuze iyi nkuru muri aya magambo (mu kirundi) :
 
[“Mu itangazo ryashyizwe ahagaragara n’umuvugizi wa ministeri y’ububanyi n’amahanga w’igihugu cya leta zunze ubumwe z’Amerika  yavuze ko leta zunze ubumwe z’Amerika zihangayikishijwe cyane ku biziga byatowe mu ruzi  Rweru ruri hagati y’u Burundi n’u Rwanda mu kwezi kw’indwi n’ukumunani uyu mwaka aho bimwe mu biziga byararuwe byari iby’abantu baboshywe kandi batekeye mu mifuka ya plastique.
 
Umuvugizi wa ministeri y’ububanyi n’amahanga y’Amerika avuga ko n’ibindi bihugu byashyikirije amakenga bifise kuri ubwo bwicanyi mu nama yahuje akarwi gashinzwe gutohoza inyuruzwa n’izimira ry’abantu yagiriwe hamwe n’inama y’ibiro bya ONU bishinzwe kugenzuza agateka ka zina muntu i Genève ku italiki ya 12/09/2014.
 
Leta zunze ubumwe z’Amerika zirasaba leta y’u Burundi n’iy’u Rwanda kugira amatohoza yemewe, yihuta kandi ntaho yegamiye kuri ubwo bwicanyi bwagizwe, ayo ma leta agakorana n’imirwi yigenga iva mu bindi bihugu kandi igizwe n’abahinga banononsoye gusuzuma ibiziga. USA ivuga kandi ko abo bantu bishwe bakwiye kumenyekana kandi ko imiryango yabo ikeneye kumenya ibyabashyikiye, abakoze ayo mabi nabo bakarengikishwa imbere ya sentare.”]
 
Amakuru dukesha radiyo mpuzamahanga y’abafaransa RFI avuga ko leta y’u Burundi n’iy’u Rwanda bidashaka kubahiriza itangazo ryatanzwe na Leta zunze ubumwe z’Amerika kimwe no gukora iperereza nk’uko byasabwe n’umuryango w’ubumwe bw’ibihugu by’Uburayi, kuko abayobozi b’ibyo bihugu byombi bavuga ko barangije gukora amaperereza kuri iyo mirambo, iryo perereza bavuga ko bakoze rikaba rivuga ko nta muntu numwe waburiwe irengero mu bihugu byombi. Iyo myitwarire y’ibyo bihugu byombi niyo isa niyarakaje Amerika (USA) ikaba yemeje gushyira itangazo ahagaragara risaba izo leta zombie gufatanya n’umuryango mpuzamahanga gukora iperereza ryimbitse kuri iyo mirambo!
 
Igihugu cy’u Burundi kivuga ko cyashyinguye iriya mirambo huti huti kubera ikibazo cy’isuku kandi kikaba kitari gifite ubushobozi bwo gukora ibizamini byo kwa muganga kuri iyo mirambo ariko umwe mu mpuguke mpuzamahanga zikora mu bubanyi n’amahanga yabwiye RFI ko u Burundi butigeze busaba amahanga imfashanyo nimwe mu gukora iryo perereza. Igihugu cya leta zunze ubumwe z’Amerika kiteguye gutanga impuguke mu gukora iperereza kuri iyo mirambo.
 
Ubwo yerekanaga abantu bishe Gustave Makonene umukozi w’umuryango wa Transparency International mu Rwanda; Umuyobozi w’urwego rw’ubugenzacyaha mu rwego rw’igihugu  CID Théos Badege yagize n’icyo avuga ku mirambo imaze iminsi igaragara mu kiyaga cya Rweru mu gace k’i Burundi maze abivuga muri aya magambo: “u Burundi nibwo bufite inshingano yo gukora iperereza, mu mikoranire dufite ntibibuza ko biramutse bisabwe twakorana, nabasaba tugategereza umwanzuro uzaturuka mu bikorwa duhuriyeho cyangwa se nk’abarundi byabanje kubera mu ntango kureba icyo bazatangariza itangazamakuru”
 
Dukurikije iyi mvugo ya Badege, biragaragara ko u Rwanda rutangiye kwigurutsa iperereza ku mirambo y’abanyarwanda yatoraguwe mu kiyaga cya Rweru noneho u Rwanda rukaba rushaka kugereka iyo mirambo ku gihugu cy’u Burundi! Byari kurushaho korohera u Rwanda iyo rushobora kwiba iriya mirambo kuko u Burundi bwari kubura ibisobanuro butanga bw’aho iyo mirambo yagiye!  Birasaba ko abarundi batinyuka bakavugisha ukuri bakemera iperereza ryimbitse ry’umuryango mpuzamahanga kuri iyo mirambo, imiryango yabuze abayo nayo igomba kwiyegeranya ikageza amazina n’imyirondoro y’abantu babo banyerejwe ku miryango mpuzamahanga ishinzwe uburenganzira bw’ikiremwamuntu.
 
 
Ubwanditsi.
 

Commenter cet article

Ninja 30/09/2014 10:55

Reba neza aka kavideo umbwire icyo wumvisemo,ukarangize gusa

http://www.youtube.com/watch?v=DI1C5DwGOqM

Ninja 30/09/2014 10:53

Birababaje,ariko musenge gutya:
https://www.hulkshare.com/karasiraaimable/gahoranimana-by-prof-nigga

FDLR:byatangiye kuza da!! 26/09/2014 11:19

buliya byaje da!! KAGAME ashobora gupfa vuba

umuvumbuziwintore 26/09/2014 19:21

Amerika iba ishaka kwitanguranwa ngo irengere inyungu zayo kuko abishwe barahari impuguke zirahari baraje bavugeko iyo mirambo yibwe bimere nkibyaya BOITE NOIR Y'INDEGE YAHABYARIMANA. Imana niyo izadukiza umugome naho Amerika nabagome nkabandi.

muhire jean 26/09/2014 08:33

Mugomba gufasha abanyarwanda kugeza amazina yababuze ababo muri iyi miryangp kuko ababa mû Rwanda bafite ubwoba kandi baranywabaritse cyane libéra ubuturage

humura 26/09/2014 03:49

Jyewe sinjya nca intege abasomyi nta kiza kiva mu bazungu cyane abanyamerika.bo barashishikazwa na FDRL kugirango bayobye uburari bwo kuzana democratie iwacu,none Obama ntazi ibyabereye IGakurazo;Kibeho;Ruhengeli;impunzi mu makambi ya Zaire;Karegeya;Sendashonga;Lizinde;abaprezida babili,urubanza rw'igeragezea ryo kwica Nyamwasa rwerekanye abishi iyo bava....Obama azi gusoma no kumva,ubu yenda kurangiza manda ze niho yibutse kuvuga,amerika ifasha Kagame kumara bene wabo cyane abahutu bitwaje jenoside bateguye ngo babone uko binjira congo.Abatutsi beza ababyeyi bacu baricwa,tubura imiryango meme no mu bahutu batari bameze nk'ibisimba barahagwa,Kagame na Clinton bahuza ikirahure bati cinicini!!!!turagitsinze none imwe mu myaku imushyikiye yumvako abantu bicanye kubushake bitateguwe na amerika...mwibuke ko Kagame yagize formation ya gisilikare muli Amerika,nonese niba idashyigikiye imwe mu mitwe yitwaje ibirwanisho?nigute yarikwemera guforma mu gisilikare Kagame mugihe ariwe wateraga igihugu?Habyarimana ntiyicaga nka Assadi wa Siriya cyangwa Sadam.Amerika niba itarateguraga ubwicanyi yagombye gusobanurira ONU uburyo inkotanyi Kagame yinjiye muli training ya gisilikare cyayo kandi nta gihugu cyamwohereje?kuko haribyo bita cooperation militaire hagati y'ibihugu,kiriya gihe(1990-1993)FPR nta gihugu yari yagira,ni gute Amerika yagiranye cooperation n'umutwe witwaje intwaro?abahanga mu mategeko agenga ubufatanye mubya gisilikare muzabibaze,niba Obama atari imitwe ateka nigute yari gutinyuka agasaba u Burundi gufungura umugabo ufunze,akibagirwa umubyeyi ufite abana Ingabire Victoire surtout ko ari umugore wari wahagurukijwe na democratie;ni gute atigeze avuga umuhanzi ubwira bene wabo kumvikana akabizira(sha Kizito dukeneye umututsi nkawe!!!uwiteka azakurinda imikaka yiyo misega).Rero niba Obama yibutse abanyarwanda nasabe ankete kubibi byose.vive le peuple rwandais.