Ukraine: hari kumvikana urusaku rwo guhagarika imirwano !!

Publié le par veritas

Intwaro z'abarwanya ubutegetsi bwa Ukraine ziri mu mujyi wa Donetsk

Intwaro z'abarwanya ubutegetsi bwa Ukraine ziri mu mujyi wa Donetsk

Ku mugoroba w’ejo kuwa gatandatu humvikanye urusaku rw’ibisasu bikomeye mu burasirazuba bw’umujyi urimo icyambu gikomeye witwa Marioupol uri mu burasirazuba bwa Ukraine. Ayo masasu yahise agaragaza ko agahenge ko guhagarika imirwano mu gihugu cya Ukraine kumvikanyweho na leta ya Ukraine n’abayivumbuyeho bashyigikiwe n’Uburusiya kadafashe!
 
Uretse urwo rusaku rw’ibisasu byumvikanaga, umwotsi mwishi cyane wagaragaraga mu kirere cya Marioupol ; ibirindiro by’ingabo za Ukraine biteganye n’abivumbuye kuri leta y’icyo gihugu biri mu nkengero za Marioupol  byarimo bishya ; urusaku rw’ibyo bisasu rwahagaze ejo kuwa gatandatu ku isaha ya saa tatu z’ijoro. Ibisasu byarashwe muri Marioupol byahitanye umutegaruri umwe bikomeretsa abandi baturage 3 nk’uko bitangajwe n’umuyobozi w’uwo mujyi kuri iki cyumweru, washimangiye ko inyeshyamba zishyigikiwe n’Uburusiya zagabye igitero ku birindiro by’ingabo za Ukraine biri mu nkengero z’umujyi wa marioupol barabisenya. Inyeshyamba zishyigikiwe n’uburusiya zikaba zishaka kwigarurira umujyi urimo icyambu cya Marioupol kuko byazifasha kubona inzira yo guhuza igice cya Criméa kigaruriwe n’Uburusiya n’umujyi wa Donetsk ugenzurwa nizo nyeshyamba !
 
Mu gitondo cyo kuri iki cyumweru urusaku rw’amasasu rwumvikaniye mu wundi mujyi witwa Donetsk uri mu burasirazuba bwa Ukraine ; umwe mu barwanyi bashyigikiwe n’igihugu cy’Uburusiya yahise abwira abanyamakuru bari muri ako gace mu mvugo yo gutebya ati : «mwumvise urusaku rwo guhagarika imirwano ? Hano harimo habera imirwano ikomeye ! » Abantu bose baramutse babona muri uwo mujyi imyotsi myinshi y’umukara iri kuzamuka mu kirere, bigaragaza ko intambara ikomeye. Urwo rusaku rw’ibisasu rukaba rwumvikaniraga ku kibuga cy’indege kiri mu mujyi wa Donetsk ubu kiri mu maboko y’ingabo za Ukraine, mu gihe uwo mujyi ugenzurwa n’abarwanya let aya Ukraine bashyigikiwe n’uburusiya.
 
Uku kurasana kwa hato na hano kurerekana ko igikorwa cyo guhagarika intambara mu burasirazuba bwa Ukraine kitarafata mu byukuri.
 
Ubwanditsi

Commenter cet article

Kamana 09/09/2014 10:29

Joe ; ko utinya amateka y'abazungu ! N'ibi wandika nibo ubikesha .Gusa abategetsi bacu, babiganana ubugoryi bwinshi ; bakirwa bacucuma abaturage babo ; umuzungu iyo aje gufasha "soit disant" . Nuko aba azi za mliyari zihishe inyuma zizakiza igihugu cye n'abacyo .

Abahutsi Freedom 24/12/2014 10:40

Bwana Rukundo tubanje kugusuhuza, ariko tunagusaba ko mere yo kumva izina ABAHUTSI nk'igitutsi wabanza akumva ko aho kugirango witwe umuhutu cyangwa umutitsi, wakwitwa UMUHUTSI kuko byibuze ariwe ugifite ubumuntu.naho kwitwa umuhutu cg umututsi mwapfa kubyiyitirira kuko ariyo moko yanyu ariko biteye ikimwaro kuko benshi muri ayo moko ari inkoramaraso, kandi n'utariyo mubikorwa niyo mubitekerezo. so we believe ourself, and we don't care what you care.Thanks

joe 07/09/2014 18:26

Vous nous abreuvez des nouvelles d'Ukraine. Ukraine ifitanye frontieres d'u RDA. We don't care.

Rukundo 08/09/2014 03:53

Inshuti y’abasomyi bakunda gusoma ibya Politiki iti: Banyarwanda twe guheranwa n’agahinda kabyara amacakubiri (cyangwa icagagurana)muri twe ahubwo turebe uko twaharanira ubumwe (True reconciliation) buzatugeza ku iterambere rirambye (Sustainable Development) ry’abanyarwanda. Kiga-Nduga bivuga iki? Gutatanya kugira ngo ukandamize (Diviser pour reigner)? Ni irihe somo rikwiye kuva mu mateka? Kwibuka ibyabaye 73 ni iki bidufasha nk’abanyarwanda? Tuzarubanamo!

Intangiriro:
Kimwe mu bibazo biremereye abanyarwanda ni icagagurana rirenze kuba amacakubiri kuko aya yo aba hagati y’impande ebyiri zifitanye amakimbirane ariko iby’ iwacu birenze ibi kuko amacakubiri asanganije ingeri nyinshi cyangwa amoko menshi y’abanyarwanda: abatutsi, abatwa, abahutu, abavanze n’abandi banyarwanda batibona muri bice by’amoko uko ari bine. Hejuru y’ibi haza amakimbirane hagati y’amoko rimwe rimwe ukwaryo. Ni ukuvuga ikibazo hagati y’abega n’abanyiginya, ni ukuvuga kandi ko hariho amakimbirane hagati y’abitwa abakiga n’abanyenduga, naho ibindi bice by’abanyarwanda mu moko asigaye bakabihomberamo kuko ngo aho inzovu zirwaniye ibyatsi nibyo bihagorerwa.
Kiga-Nduga bivuga iki?:
Mu kwandika iyi nyandiko, sinshishikajwe no kwerekana amakimbirane ari hagati y’abega n’abanyiginya, ahubwo njye ndashaka gukomoza ku makimbirane ari hagati ya bamwe mu bakiga na bamwe banyenduga. Ubusanzwe Nduga ni iki? Kiga ni iki?
Mperutse kuba nganira n’umuntu ushobora kuba yaramunzwe n’amacakubiri hagati ya kiga na Nduga, maze ubwo twivugiraga ibijyanye n’indimi zitandukanye zivugwa mu Rwanda, ndamubwira nti abanyarwanda twese tuvuga ururimi rumwe rw’Ikinyarwanda, uretse abantu bake batuye ahantu kera bitaga Orukiga hejuru y’ikinyarwanda bavuga n’urundi rurimi bita igikiga cyangwa Orukiga runaboneka no mu gihugu cya Uganda. Uyu twaganiraga, aho kugira ngo yumve ibyo mvuga yumve ako karere mvuga we yahisemo kumva Ruhengeri na Gisenyi atangira kumbwira ibibi by’abakiga uko abyumva, ndetse ngerageza kumusobanurira atandukiriye akaba ageze muyindi nsanganyamatsiko itandukanye ni yo twarimo arabyanga ndetse anarwanya cyane ibyo navugaga yongeraho ati kereka niba nawe uri Umukiga ukaba ubabajwe n’ibyo ndiho mvuga, birangira mwihoreye!
Nduga, Kiga ni he? Nduga, ubundi bisanzwe bizwi ko ari agace gato kari hakurya ya nyabarongo ku muntu uhareba ahagaze i Kigali. Ariko ugeze iyo za Butare cg za Kibungo na za Kikongoro ntabwo ari mu nduga. Abakiga n’abanyenduga ni inyito zazamuwe na Politike yaranze abanyarwanda guhera mu myaka ya za 60 kugera muri za 90. Ubu abari hanze y’urwanda bamwe baracyayikoresha cyane, mugihe abari mu gihugu imbere bo bakoresha ijambo “Amajaruguru” iyo bashaka gutandukanya abahatuye n’abatuye izindi nce z’igihugu.
Mu rwego rwa Politiki yacyuye igihe yari ishingiye kungoma y’abahutu, Abanyenduga bisobanura abantu bo mu nce Kayibanda avukamo ni ukuvuga Gitarama, Butare, na Gikongoro naho Abakiga bigasobanura abantu bo munce Habyarimana n’abo bafatanije guhirika Ubutegetsi bwa Kayibanda muw’1973 bavukamo ni ukuvuga Ruhengeri na Gisenyi umenya hari n’abongeraho na Byumba. Utundi duce tutavuzwe aha haruguru twafatwaga nk’aho dufatanije n’abanyenduga.
Gutatanya kugira ngo ukandamize (Diviser pour reigner):
Imwe mu ntwaro zakoreshejwe kugira ngo repubulika ya kabiri itsindwe ni ugutatanya ingufu z’abari ku ngoma. Maze hitwazwa ko ikibazo cya Nduga na Kiga kigomba kubonerwa umuti ari uko iyo ngoma ihirimye. Ababigizemo uruhare ngo iyo ngoma ihirime ni benshi. Muri bo havuzwemo na bamwe bita ko ari abanyenduga (abanyenduga icyo gihe byitirirwaga abantu bose badakomoka Gisenyi na Ruhengeri na Byumba). Muri abo na bo babigizemo uruhare rugaragara na nubu bamwe baracyariho, kandi abashyira mu gaciro barabyicuza ko byatumye abanyarwanda muri rusange bamererwa nabi. Baravuga bati:”twarashutswe”. Nyuma uwabashutse ariwe RPF yarabigaritse atangira intambara yo kwihorera kandi ihera mu bitwaga abanyenduga ibicira kuabamara mu rwego rwo gusibiranya ibyo yari yarabemereye kubaha bamaze kubafasha kurwanya ubutegetsi bw’ingoma yariho. Abo bicuza, aho bari, baba bavuga ko muri make ibyo bishoyemo hari ukundi byagombaga kugenda, naho ubundi biragaragara ko ntacyo ngo bamariye abanyarwanda.
Ni irihe somo rikwiye kuva mu mateka? :
Amateka atubwira ko kugeza muri 1959 abatutsi bari barahemukiye abahutu imyaka amagana. Muri uyu mwaka wa 59, abatutsi rero bakorewe revolution ni ukuvuga ko abahutu bigaranzuye abatutsi maze nabo bakajya ku butegetsi. Ikigaragara ni uko aba bahutu bafashe ubutegetsi bakabumaraho imyaka 30 (kayibanda na Habyarimana) bashobora na bo kuba batarategetse neza kuburyo bwanyura amoko yose ni ukuvuga abahutu, abatutsi, abatwa, n’abavanze bamwe bita abahutsi, ariko njye iri zina abahutsi nkaba ntaryemera kuko ndyumva nk’igitutsi. Uretse ko bitanoroshye kuneza abantu bose ngo kuko nta wuneza rubanda, ubu butegetsi kimwe nubwabukurikiye ndetse nubwabubanjirije nta na bumwe buravugwa neza n’ingeri z’abanyarwanda bose. Abatutsi rero bari baratakaje ubutegetsi bwa bo, bakoze ibishoboka byose basubirana ubu butegetsi bari barambuwe muri 59 ari byo bise kwibohoza. Ibibazo umuntu yakwibaza ni ibi: Ese ubu bwo hari icyo abari ku butegetsi ndavuga abatutsi bakora neza kurusha mu gihe cy’imitegekere y’abahutu bababanjirije? Hari icyo se barusha ubutegetsi bwa Kayibanda?ubwa Habyarimana se? Cg ubw’abatutsi ba mbere ya 59? igisubizo cyatangwa n’abantu batari bake ni Oyaaa! Ni ukuvuga ngo rero urugendo ruracyari ruurerure kugira Urwanda rube cyangwa se rugereranywe n’igihugu gitemba amata n’ubuki.
Ikindi kibazo, Ni bande bazategeka uru Rwanda kuburyo bubereye abahutu, abatutsi, abatwa, n’abavanze ndetse n’aba Naturalisés? Naganiriye n’umuzungu umwe, mu rwenya rwinshi, arambwira ati: ese ubundi ko mbona icyo gihugu cyabanananiye mwazakihereye umuzungu utagira aho ahurira n’amoko akabayobora!
Abatutsi ni irihe somo bavanye kuri revolution yo mu mwaka wa 59? Abahutu ni irihe somo bavanye ku ntambara bakoze yo kwibohora abatutsi? Abahawe akazina k’abanyenduga ni irihe somo bavanye ku ntamabara yatangiye muri 90 igasozwa na Genocide yamaze abantu benshi cyane harimo n’abanyenduga batagira ingano? Abahutu muri rusange ni irihe somo basigiwe n’ubutegetsi bw’ ingoma za bo? Abakiga ni irihe somo bakuye kubutegtsi bwa bo iyo babugereranije n’ubw’abanyenduga? Hanyuma se abanyenduga ko numva hari abakirwanya abakiga ukagira ngo hari igihugu aba bakiga bakigira?
Amateka atwereka ko ubutegetsi bw’abakiga ngo bwishe abanya politiki b’abanyenduga, ari na yo mpamvu bamwe mu banyenduga bikoma abakiga cyane. FPR se ni yo yaba yarishe abanyenduga bake? Ko itikomwa kurusha abakiga? abanyenduga ku butegetsi bwa bo bubatse akazu i Gitarama(cyangwa i nduga), abakiga ku butegetsi bwa bo bubaka akazu mu bushiru , abatutsi ku butegetsi bwa bo dore bubatse akazu mu mutara Nyagatare na Gatsibo, Bisobanura ngo nuzaza nyuma y’ubu butegetsi na we ashobora kuzubaka ake kazu, wenda naba ari umunyacyangugu azakubaka iwabo mu Kinyaga. Amaherezo banyarwanda ubu azaba ayahe? Ko Tuzaryana ubuziraherezo? Ni mureke tuvane isomo mu mateka. Tumenye gutahura umwe mu mitego y’umwanzi wa diviser pour reigner ( Gutatanya kugira ngo ugere ku butegetsi) twe kuwugwamo nk’abatawuzi. Njye nemera ko bamwe mu bitwa abanyenduga bawuguyemo muri ka kaga kagwiriye igihugu muri 90-94, twe kubyibagirwa. Uko abakiga bawuguyemo kubutegetsi bwa bo twe ku byibagirwa. Abatutsi ese namwe kuri ubu butegetsi bwanyu ntimubona ko muri kugwa muri iki cyago cya “Diviser pour reigner”? Amaherezo yacyo se muribwira ko yazaba meza? Muce inkoni izamba musubire inyuma gato mutekereze, muharanire ubumwe bw’abanyarwanda murekeraho kurobanura, kuvangura, gutoteza no kuryanisha abanyarwanda bo mu ngeri (amoko) zinyuranye.
Kwibuka ibyabaye 73 n’icyo bidufasha nk’abanyarwanda:
Abanyarwanda tuzi ko hamaze igihe hari gahunda yo kwibuka Abatutsi bishwe n’abahutu. Hari na gahunda yakozwe yo kwibuka abahutu bishwe n’abatutsi muri gahunda yo kwihorera , bikorewe hanze y’igihugu. Aba bahutu bishwe nta kurobanura uwari muri opposition ya Habyarimana cg uwari umuri inyuma nkuko kwica umuhutu bitasabaga kubanza wamubaza niba ari umunyenduga cg umukiga. Hari kandi na gahunda yo kwibuka bamwe ngo mu banyenduga bishwe ngo na bamwe mu bakiga. Izo gahunda zose njye ndazemera ahubwo haraburamo imwe yo kwibuka by’umwihariko Abanyabyumba ndetse n’abanyaruhengeri (cyane cyane abanya Butaro) bishwe by’agashinyaguro hagati ya 90- 94 (Boniface Rutayisire ufite munshingano ze Kwibuka bose, azabitekerezeho). Ariko ikibazo nyamukuru ni iki: Ni uwuhe mugambi dufata iyo turangije kwibuka? Ku batutsi : iyo turangije kwibuka dufata umugambi wo kurwanya Umuhutu iyo ava akagera, ndetse tukanarwanya n’icyo aricyo cyose cyamuha urwaho rwo kugira uburenganzira ku miyoborere y’igihugu? Kuba Nyenduga: Ese iyo tumaze kwibuka abacu dufata umugambi wo kurwanya umukiga aho ari hose kugeza isi irangiye? Ku bakiga: Ese ko nzi ko nta n’uburenganzira mwapfa kugira bwo kwibuka Abanyu bapfanye na Habyarimana iyo murangije kwibuka muhitamo kumva ko abatutsi iyo bava bakagera ndetse n’abanyenduga bakwiye gupfa bagashira?

Umwanzuro:
Batutsi, Batwa, Bahutu, namwe abavanze , Nshuti Bavandimwe Bene Kanyarwanda, Cyo nimuze turebere hamwe: Niba kwibuka abacu kwacu kutagamije ubumwe nubwiyunge no gutekana mu rwatubyaye murata igihe pe. Niba mwumva mudashaka gukorana Politiki n’abo mukeka ko babiciye benewabo bo barazira iki? Ngaho fata iya mbere wubake igihugu cyangwa ukirwanirire abo wita ko bakwiciye ubarekere amahoro bakuyoboke.
Banyarwanda twe guheranwa n’agahinda kabyara amacakubiri (cyangwa icagagurana)muri twe ahubwo turebe uko twaharanira ubumwe (True reconciliation) buzatugeza ku iterambere rirambye (Sustainable Development) ry’abanyarwanda.
Reka ndangize inyandiko yanjye ngira nti: Niba udashaka kwinjira mu muryango(door) wo kubohoza abanyarwanda mu ntambara barimo yo Gucagagurana, ntunareke ngo n’abandi bari inyuma biyinjirire muri uwo muryango, uraharanira iki? Mu ruzungu baravuga ngo “rubbish”!!
Harakabaho ubumwe Mu banyarwanda, harakabaho U Rwanda Rusangiwe, amaherezo Tuzarubanamo.

Kwizera 07/09/2014 14:37

ubwo atari abanyarwanda bakaba batanafite uruhu rwirabura ba gashakabuhake barabasha gushyigikirana batamarana umuziro ni ugushakira amahoro abanyarwanda.