Rwanda: Barambiwe inama zikorwa kuri FDLR ! Iyi mvugo ishimangira ubuhanuzi bwa Magayane!!

Publié le par veritas

Kagame mu biganiro na Amb. Said Djinnit, burya ntabwo abantu baba bazi ko abanyamahanga bose baza kureba Kagame baba bamubwira FDLR!!

Kagame mu biganiro na Amb. Said Djinnit, burya ntabwo abantu baba bazi ko abanyamahanga bose baza kureba Kagame baba bamubwira FDLR!!

 
[Ndlr : «Hazabaho isubiranamo ry'abiyicaje ku ntebe. Hazabaho inzara, agahiri n'agahinda, no kwiyahura. Hazabaho urwikekwe yewe n’umwana azatinya se na nyina ; hazabaho amarira yuzuye intango ku bari mu bihome hazabaho ibisahira-nda birya akaribwa n’akataribwa, bazakora ibishoboka byose ngo batsinsure Rwara rw' umugara rubundiye mu mashyamba, nyamara nabyutsa umugara igihuru kizabyara igihunyira. Bazafatanya n’abanyamahanga, nyuma bibe zero, ahubwo intambara yongere itangire ikazahagarikwa na l'ONU ya gatatu ». Aya ni amagambo ya Magayane yavuze ahanura uko ku ngoma ya Rwabujindiri bizaba byifashe, none Mushikiwabo Louise ngo arambiwe inama zikorwa kuri FDLR, ntabwo abantu bari bazi ko u Rwanda rukora inama nyinshi kuri FDLR kugeza aho rurambirwa kandi rwanga gushyikirana nayo ! None se bibaho ko igisubizo uha umuntu ashaka ko muganira ari ukumwica ! ntabwo wazabona ugushyigikira !! Nk’uko inkuru iri hasi aha ibivuga, imvugo yo kurambirwa ibiganiro kuri FDLR isohoza ubuhanuzi bwa Magayane !]
 
Perezida wa Repubulika Paul Kagame yasobanuriye Intumwa ya Loni mu karere k’Ibiyaga Bigari, Amb. Said Djinnit, ko u Rwanda rudashobora kwihanganira gukomeza kwisubiramo mu ngamba zo guhashya umutwe wa FDLR, ariko hakaba hari ibihugu bikiyikingira ikibaba. Minisitiri w’Ububanyi n’Amahanga, Louise Mushikiwabo, yabwiye itangazamakuru ko mu biganiro Perezida Kagame yagiranye na Amb.Djinnit, yamugaragarije ko ikihutirwa ari ugushaka uburyo amahoro aboneka mu karere, naho FDLR nta ngufu zidasanzwe ifite, uretse umurindi itizwa na politiki za bimwe mu bihugu by’ibituranyi.
 
Mushikiwabo yavuze ko u Rwanda rurambiwe inama zivuga kuri FDLR ati : “FDLR ntabwo ari umutwe ukomeye cyane usaba ingufu zidasanzwe, ariko hagenda hagaragaramo ubushake bwa politiki buke, cyane cyane muri bamwe mu baturanyi bacu, ku buryo twumvikanye ko icyihutirwa ari ugushaka amahoro muri aka karere. U Rwanda ntabwo dushobora guhora mu nama twakira abantu tuganira FDLR, FDLR igihe cyayo cyararangiye.” Yibukije ko iminsi y’uyu mutwe washyizwe ku rutonde rw’imitwe y’iterabwoba ibaze, kandi ko ibyemezo bya Loni, n’iby’indi miryango yo mu karere byagaragaje ko FDLR ikwiye kuva mu nzira kugira ngo hatangire kubaka amahoro arambye.
 
Amb.Djinnit, Intumwa ya Loni mu karere k’Ibiyaga Bigari yaje guhura na Perezida Kagame nyuma yo gusimbura Mary Robinson muri aka karere. Amb. Djinnit yavuze ko FDLR igomba guhagarika ibikorwa byayo byo guhungabanya amahoro mu karere, kandi ko igihe cy’amezi atandatu yahawe nigishira ntacyo ikoze izaraswa nk’uko byemejwe n’inzego zitandukanye.
 
UA ibona inzira y’amahoro mu kurandura burundu FDLR
 
Ikibazo cyo gushaka umutekano n’amahoro y’u Rwanda n’akarere cyagarutsweho kandi mu biganiro Perezida Kagame yagiranye na Komiseri ushinzwe amahoro n’umutekano muri Umuryango w’Afurika Yunze Ubumwe (UA), Amb. Smail Chergui, mbere gato yo kwakira Amb.Djinnit.
 
Amb. Chergui yagaragaje ko hari ibihugu byamagana FDLR ariko bikayigumana, bikayishyigikira ndetse bikayikuraho icyaha. Uyu muyobozi yijeje u Rwanda ko Umuryango w’Afurika Yunze Ubumwe uri ku ruhande rwarwo mu kurangiza ibikorwa bibi by’uyu mutwe urimo abasize bakoze Jenoside yakorewe Abatutsi, kuko ari byo soko yo kubura umutekano n’amahoro mu karere.
 
Amb. Chergui yagize ati “Twizera ko intego yo gushaka amahoro mu karere itagerwaho igihe cyose twaba tutarakuraho burundu imitwe yose yo mu Burasirazuba bwa Congo, by’umwihariko FDLR.” Amb.Chergui na we yongeye gushimangira ko FDLR ikwiye kubahiriza igihe cy’amezi atandatu yahawe ngo ishyire intwaro hasi ku bushake, bitaba ibyo hakiyambazwa ingufu. Uruzinduko rwa Amb. Chergui na Amb.Djinnit rureba n’ibindi bihugu byo mu karere, kugira ngo ikibazo cyo gushaka amahoro n’umutekano cyumvwe kimwe kandi gikemuke nyuma y’igihe kirekire kiri mu mpapuro gusa.
 
Inkuru :gihe.com
 
 

Commenter cet article

amani 06/09/2014 11:39

Haba nde wahanuye haba ibivugwa byose abana b'u Rwanda bose bagomba kurutura nta muhezo.ikiguzi ni ali ayandi maraso ,turayafite nashake azameneke aliko abanyarwanda babeho.Fdlr mbona ari ikiremwa cya Fpr kuko abashinje uwo mutwe bose bategeka bivuga ko Fpr alri yo Fdlr en force..Nibareke rero kutuzimiza ngo ibibi n'ibi.Ahubwo ngo mbona niba koko Fdlr alli inyungu kamere za Fpr kuko ari yo ibyungukiramo pe .Niba atri ibyo twemere ko ari imitwe ibiri itandukanye ni ukuvuga ko ntawe urusha undi imbaraga kuko kuva mu mywaka makumyabiri bamaze barwanda ntawe wari wavuga ko yatsinze undi burundu.Niba atali ibyo Fdlr irusha Fpr power kuko iyi turebye ibyo Fpr itwereka aliko ikananirwa gutsimbura Fdlr bivuga ko ali Fdlr ikomeye ahubwo ishobora kuba ari un danger permanent kuli Fpr.
Ibyo byose rero ntaho mbona umwanya uhabwa abanyarwanda muli bose kuko bose babaihisha inyuma maze bakabarimbura bavuga ngo bari kurwana.Niba koko bavugira abanyarwanda kandi bakaba babaharanira nibicare Bayage maze abanyarwanda babyungukire mo.

FDLR:ngo FDLR ntacyo ivuze? 05/09/2014 14:07

mumaze imyaka murwanya FDLR kandi ntacyo mwayitwaye.mwigeze no kuvuga ngo FDLR mwayishe 95%.Ngaho niba ko ntacyo FDLR ivuze,nimuze muyisange muri Congo muyirwanye.TUZAREBA IMBWA N'UMUGABO!!

shss 05/09/2014 08:47

Hahaha, birasekeje ukuntu musa nkaho mwiringiye ngo za magayane... Fdlr ibyayo byararangiye, minister yabivuze neza. Tubaye abantu bareka amarangamutima, mubona koko fdlr imaze iki? Ese mubona koko yatsinda, nubwo yabona ubufasha bwa hehe? Fpr iyirusha ingufu cyane pe, rero mureke yitegekere mpaka igihe Imana yagennye. Ikindi, ari amahanga, ari abanyarwanda bareba kure, bose barabibona ko u rwanda rutera imbere, kubera ubutegetsi bwiza burangajwe imbere na Mzee wacu Kagame. Harya amaze kugira ibihembo bingahe? Amagana. Njye yongeye kwiyamamaza namutora pe.

simbi 05/09/2014 12:03

Semana mbabarira siwowe nashakaga gusubiza ahubwo nasubizaga uwiyise SMS. Urakoze

simbi 05/09/2014 12:00

Ubwo nasubizaga uwiyise Semana

simbi 05/09/2014 11:59

Urabuze nshuti urwanda nanjye ndubamo ariko gutera imbere ntabwo aramazu gusa tubona ikigali mugihe ababyeyi bakubitira abana kuryama ubukene buranuma mucyaroho byaracitse ntamuntu ukigira isambuye ngo byose nibya leta kubonakazi kereka uri from ouganda. Ntituvuze abaturage banyerezwa burimunsi na DMI uretseko nabamurwaniriye bakamwicaza murugwiro abageze aharindimuka. Ngayo ayowita ngonamajyambere ahubwo rebakure kagame ntaruta kadafi ntiyamurushaga nokwamamara ibyo byaguha isomo. Komera

semana 05/09/2014 09:06

Niko sa shss, wumva ijwi ryawe ari ryo ryasubiza kagome ku ngoma? Ese ibihembo uvuga abihabwa na nde ko yakoze iki? Abanyamerika? baba bamwitura ko ibyo bamutumye yabikoze( kuyogoza akarere k'ibiyaga bigari)
So wait, wikwihuta, ayo musekesha muzayariza?Kadhafi se yhawe ibihembo bingahe? Savimbi,Sadam etc......, Rwose wowe uravuga nk'ikigoryi kitareba kure.

kalisa 05/09/2014 08:05

Muribeshya cyane kuko ntawanesha uwo Imana irengera ya à TWA hutu tutsi.bat à bahutu batutsi murusheho kureba Kure y'amazuru inda n'igitsina.bicishije abanyarwanda.bica abakongomani ariko ingaruka zabyo bazitege PE ishaka amahpro atagaamahoro

Nzeri 05/09/2014 07:58

abo umwami yahaye amata nibo bamwimye amatwi yaba Muashikiwabo yaba na Kimenyi Alexandre, bose bahawe Bourse n'ingoma baje kurwanya hanyuma!!!! naho ibya FDLR nimubyihorere ikizwi neza ni uko Mushikiwabo na shebuja batazayishobora rwose baracyazambya isaso gusa naho ubundi tubihe igihe! ko avuga ngo ibihugu duturanye biyitiza umurindi se iyo inkotanyi zitagira abagande n'abanyasudani zari gutsinda? nimwiyihorerere yemwe!!!!

anita 04/09/2014 23:21

Loni yaje muri kongo yi twajije gushyira amahoro muricyo gihugu, byari byanyiraureshwa.

Ahubwo yaje gufasha kagame gufata nor-kivu ya congo gushira empire hima Tutsi.
Ariko FDLR yaibereye ibamba.

Ni nayo mpanvu bohereje kobler kuza ku gayagaya fdlr bayishuka kugirango bayifate.
FDLR bafashije kongo kwitagya mumaboko yakagame.

Muza baze uwo Mushikiwabo yari hano muri America afite burusi ya kaminuza ayihawe na Habyarimana. none iyo nunvise amagamboye avuga, nagahuma munwa