RDC: Leta n’abaturage ntibavuga rumwe ku mutwe w’ingabo utazwi uri kubutaka bwa Congo!

Publié le par veritas

Uku niko abaturage bo muri Kiliba (Sud -Kivu) baba bashungeri umutwe w'abasilikare batazi!

Uku niko abaturage bo muri Kiliba (Sud -Kivu) baba bashungeri umutwe w'abasilikare batazi!

Ese haba hari abasilikare b’igihugu cy’u Burundi bafite ibirindiro ku butaka bwa Congo muri Kivu y’amajyepfo? Imiryango itegamiye kuri leta iri muri ako karere kimwe n’abaturage bahatuye bemeza ko ingabo z’igihugu cy’u Burundi zifite ibirindiro muri Congo muri Kivu y’amajyepfo; ariko leta ya Congo ntiyemera ko ingabo z’u Burundi ziri kubutaka bwayo, ikaba ibihakana yivuye inyuma. Umunyamakuru wa radiyo mpuzamahanga y’abafaransa RFI yanyurikiye mu karere ka Kiliba gaherereye ku birometero 20 mu majyaruguru y’umujyi wa Uvira, ku birometero 5 gusa uvuye ku mupaka w’u Burundi ngo yimenyere ukuri.
 
Uwo munyamakuru yabonye amazu agera kuri 50 yahoze akorerwamo n’uruganda rw’isukari ubu rwafunze imiryango, abona n’amahema yubatse ku dusozi tubiri dukikije Kiliba, ayo mazu n’ayo mahema akaba arimo abantu bari hagati ya 750 na 900 bitwaje intwaro nk’uko imiryango itegamiye kuri leta n’abaturage muri ako karere nabo babyemeza. Abaturage baturiye ako karere ka Kiliba, bemeza ko buri mugoroba babona abo basilikare, bagahura nabo bari gukora irondo ndetse bakabona n’imodoka ziriho pulaki z’igihugu cy’u Burundi aho bari. Umunyamakuru yemeza ko iyo ugenze nka metero 500 gusa muri ako karere uhita ubona amahema n’abantu bambaye imyenda ya gisilikare ifite ibara ry’imyenda y’abasilikare b’igihugu cy’u Burundi.
 
Abo basilikare bari aho bagenzwa ni iki? Icyo nicyo kibazo abaturage baturiye akarere ka Kiliba kari ku birometero 5 uvuye ku mupaka w’u Burundi na Congo bibaza dore ko hashize amezi menshi bari muri ako karere. Abayobozi b’igihugu cya Congo barahakana bagatsemba ko ntamusilikare w’u Burundi uri ku butaka bwa Congo nk’uko Lambert Mende umuvugizi wa leta ya Congo abyemeza. Ingabo za ONU zishinzwe kubungabunga amahoro muri Congo arizo monusco nazo zihakana ayo makuru, zikemeza ko zohereje incuro 4 zose abasilikare babo kugira ngo barebe ko izo ngabo zihari bakazibura.
 
Niba bimeze gutyo abo basilikare bari aho ni bwoko ki? Baba se ari umutwe w’ingabo z’igihugu cy’abaturanyi uri muri ako gace babiziranyeho na leta ya Congo? Cyangwa n’imbonerakure zigizwe n’urubyiruko rw’ishyaka riri k’ubutegetsi mu gihugu cy’u Burundi. Aho naho ari u Burundi, ari leta ya Congo ari ingabo za monusco bose barabihakana. Abaturage baturiye ako karere bemeza ko Imbonerakure zigeze ziba muri ako karere ariko zikaba zarakavuyemo mu kwezi kwa gatanu uyu mwaka. Aho rero niho hari ikibazo kitarabonerwa igisubizo; izo ngabo ziri muri ako karere zigizwe na bande? Umunyamakuru yagerageje kubaza cyane abagatuye ngo amenye izo ngabo ziri aho ari bwoko ki, abantu babiri bari mu miryango itegemiye kuri leta muri ako karere bamubwira ko bigeze guhohoterwa n’izo ngabo.
 
Biragaragara ko Congo ari igihugu kinini cyane kuburyo ingabo nyinshi kandi z’ubwoko bwinshi zikihishamo, ari leta y’icyo gihugu ari n’ingabo z’umuryango w’abibumbye ushinzwe kugarura amahoro mu karere ntibarabukwe kandi bafite ubushobozi bwose burimo n’indege zitagira abapiloti zishinzwe kugenzura imipaka y’icyo gihugu no kureba ikintu cyose kibera kubutaka bw’icyo gihugu!
 
Inkuru ya RFI

Commenter cet article

TANZANIA 11/09/2014 15:33

ubu tz ilimo yitegura gufasha les FDLR maze bakarangiza ikibazo cyo muri Congo.

KAYUMBA NYAMWASA 11/09/2014 15:32

Kayumba ubu agiye gutanga ubuhamya muri FRANCE avuga ukuntu GAFUNI KAGAME yahanuye indege yarimo KINANI.Kwa GAFUNI ntabwo byoroshye namba kuko bishoboka ko FRANCE ishobora gushinja KAGAME ubwicanyi

FDLR 11/09/2014 11:15

Kagame azakomeza yohereze ingabo muri Congo kugeza ageze kucyo ashaka:gukomeza kwiba

Maniriho 12/09/2014 09:54

Ndashimira Fdlr
Mwakijije murumuna wanjye ;leta y'ubu imaze kutugira imfubyi ;inatumaraho abavandimwe bose . Umwana yabagezeho muramuvura, muramwondora;mutitaye ku zuru rye cg ubukene bwe . Du fond de mon coeur: Merci ; merci;merci.....Mufungure amaso : onu n'abagaragu babo babatangatanze ngo babagwe gitumo!

Mokili 11/09/2014 12:57

Erega kagame nawe siwe ni USA!!! Uhagarikiwe n'intare aravoma!!!

Mokili 11/09/2014 12:56

Ntibyoroshye kuko iyo ubona ubukungunburi hariya ,intambara ntizigera irangira na rimwe!!