Ibitekerezo : Umunyarwanda ufite agahinda ni nde?

Publié le par veritas

Aha ni mu 1992 Paul Kagame yakirana Kanyarengwe agasuzuguro kenshi cyane bari mu Mutara!

Aha ni mu 1992 Paul Kagame yakirana Kanyarengwe agasuzuguro kenshi cyane bari mu Mutara!

[Ndlr :Paul Kagame yigeze kuvuga ko ngo kuva u Rwanda rwabaho ngo muri iki gihe, kubutegetsi bwe ngo nibwo abanyarwanda bishimye ! Ngo umusore utihaze ntarongora inkumi koko ! Ngaho abazi imibare ni basome abantu babaye mu Rwanda bari hasi aha maze bakuremo umubare w’abishimye mu gihugu , batubwire Paul Kagame yabona amanota angahe ku % !]
 
1.Ufite agahinda ni umututsi wasizwe iheruheru na jenoside, uba mu nzu iri hafi kumugwa hejuru ; iyo agerageje gukurikirana itangazamakuru rimubwira ko amafaranga agenewe kumufasha aribwa nabayobozi, iyo agerageje kubaza impamvu abanyereza amafaranga y'ikigega FARG batajya bahanwa bamusubiza ko agomba "Kwigira", yagaruka kubaza bakamusubiza ko agomba kwihesha "Agaciro developpement fund", nubwo yahisemo guceceka uyu agahinda karamwishe !
 
2.Ufite agahinda ni Umuhutu uziko yiciwe abe mu Rwanda no muri Kongo agategereza ubutabera agaheba, uwo agahinda karamwishe !
 
3.Ufite agahinda ni Umututsi wiciwe abe muri jenoside abacyekwaho kumwicira akaba arimo kubobona bidegembya kubera "inyungu za politike" ya RPF, uwo agahinda karamwishe;
 
4.Ufite agahinda ni Umunyarwanda ufitanye isano na Fawustini Kayumba Nyamwasa, Rosemary Museminari na murumuna we Mary Baine, Dr David Himbara, Tom Byabagamba na muramu wabo Frank Rusagara usigaye agenda yububa ngo hato batamenya ko hari isano afitanye nabo, uwo agahinda karamwishe !
 
5.Ufite agahinda ni Umuhinzi witungiwe no guhinga akaba Leta yaramwambuye isambu ye cyangwa se yarakoze amaterasi akamwangiriza umurima imyaka 2 ikaba ishize atabasha kweza, abana be barwaye bwaki, ubu yahunze inzara yemera kuba impunzi, uwo agahinda karamwishe !
 
6.Ufite agahinda ni Umubyeyi n'umwana we, uyu mubyeyi yarikokoye udufaranga twose aduha leta ngo imufashe kwigisha umwana we, uyu mwana yaje kuzuza amanota bamusabaga ngo ajye kaminuza, ariko n’ubwo yayabonye yicaye murugo Leta yanze ko ajya kwiga kaminuza ngo niyirihire, uyu mwana n'ababyeyi be agahinda karabishe !
 
7.Ufite agahinda ni Umuntu wifitiye isambu, ikibanza, itongo rye yakuragamo udushyimbo tutamuhagije ariko ubu akaba asabwa guha leta amafaranga ngo y’uko afite isambu, ikibanza, itongo, inzu mu Rwanda, uyu agahinda karamwishe.
 
8.Ufite agahinda ni Umusirikare utarajya Darfour na rimwe ngo abone agafaranga nawe mu gihe azi abamaze kujyayo inshuro 3, uyu musirikare agahinda karamwishe.
 
9.Ufite agahinda ni Uwasezerewe mu ngabo ufite amashuri asabwa ngo abashe kujya m’ubutumwa bwa Loni nawe kuzanayo udufaranga akaba ahabwa ibizami bya nyirarureshwa akaba yibonera abasivili bambikwa imyambaro ya gisirikare bajyanwayo bariganye kaminuza, uyu agahinda karamwishe.
 
10.Ufite agahinda ni Umusirikare cyangwa umusivile wihanganiye izuba rya Sudani yagaruka utudolari Loni yamuhembye akatugabana nabo atazi udusigaye RDF ikatumuvunjira kuri 500 nyamara azi neza ko ivunjisha rigeze kuri 700, uyu agahinda karamwishe.
 
11.Ufite agahinda ni Umunyarwanda utaravuye i Bugande wize kaminuza akaba yarabuze akazi nyamara abona ntawavuye ibugande wakabuze nkawe, uyu agahinda karamwishe.
 
12.Ufite agahinda ni Umunyarwanda umaze gukoreshwa ibizami by'akazi byinshi nyamara akaba yaratahuye ko ibyo bizamini biba ari nyirarureshwa akazi kaba karatanzwe cyera, ubu akaba abwirwa ko agomba gushakira ahandi kuko akazi ka leta kabaye y'amazi aba make agaharirwa abavuye Uganda gusa n'inshuti zabo, uyu agahinda karamwishe.
 
13.Ufite agahinda ni Umunyarwanda witabiriye urugamba rw'inkotanyi akaza gukurwamo kuko yari umwana (Kadogo) ubu nubwo yakuze akaba yarabuze akazi akaba adashobora kwemererwa kwinjira mugipolisi cyangwa gusubira mugisirikare, uyu agahinda karamwishe.
 
14.Ufite agahinda ni Umunyarwanda wakoze ibizamini by'akazi ka leta akabitsinda akaba yarategereje ko ahabwa akazi yatsindiye bose babireba agaheba, uyu agahinda karamwishe.
 
15.Ufite agahinda ni Umunyarwanda umaze gutwikirwa inzu ye cyangwa ubucuruzi bwe, leta ikaba imubwira ko ariwe wabyiteye kuko ntakizimyamwoto n'ubwishingizi afite, ni uwasenyewe inzu ye imaze kuzura, uyu agahinda karamwishe.
 
16.Ufite agahinda ni Umunyarwanda watanze amafaranga y'Agaciro fund, one dollar Kampeni...nubwo yayatanze akaba ataramenye irengero ryayo nicyo yakoreshejwe, uyu agahinda karamwishe.
 
17.Ufite agahinda ni Umunyarwanda uheze muri gereza nyamara ufungiye ubusa kuko yahimbiwe ibyaha atakoze, uyu nawe muri gereza aho ari agahinda karamwishe.
 
18.Ufite agahinda ni Umunyarwanda wiyambaje inkiko, umuvunyi, Transparency Rwanda na Perezidansi ntibimurenganure kubera impamvu zitandukanye, uyu agahinda karamwishe.
 
19.Ufite agahinda ni Umunyarwanda uri hanze utashobora gutaha murwamubyaye kuko yahimbiwe dosiye, akaba  naza bazamuta muri yombi, uyu nawe hanze aho ari afite agahinda.
 
20.Ufite agahinda ni Uyu n'umubyeyi wari warahungiye i Burundi yohereje abana be bose k'urugamba rw'inkotanyi, atashye nkabandi nyuma "y'intsinzi" asanga abana be bose barapfuye agerageje gutohoza abwirwa ko abana be bakubiswe udufuni bazize gusa ko bize kurusha ababayoboraga, ubu aba munzu ya wenyine abura n'umuha amazi kandi yarabyaye. Yategereje ko leta yazamuhoza amarira araheba, uyu mubyeyi aho ari agahinda karamwishe.
 
21.Ufite agahinda ni umuhutu wavuye Tingitingi na Benako ageze mu Rwanda asanga isambu ye yigaruriwe n'abasirikare bakuru, kubera ubwoba yahisemo kubika umutwe ngo batazamenya ko iyo sambu ari iye, uyu nawe aho ari agahinda karamwishe.
 
22.Ufite agahinda ni Uyu musore witegereje ibibera mu Rwanda asanga bibabaje cyane ari akarengane gusa gusa, azenguruka muma banki yose akorera mumugi wiwabo asanga abazikoramo bose ari akatsiko-sajya gusa gusa yafashe icyemezo asanga fdlr mumashyamba ya Kongo yizeye kugaruka vuba guca akarengane no kudasaranganya ibyiza by'igihugu kuri bose, uyu musore cyangwa umugabo ubu yisanze mumaboko ya Monusco aho afite ubwoba ko azacyurwa akagaruka mubyo yari yarahunze, uyu nawe agahinda karamwishe.
 
23.Ufite agahinda ni Umunyarwanda wabuze uwe ku manywa yihangu, yaburiwe irengero yabajije polisi imubwira ko nayo itazi irengero, uyu nawe agahinda karamwishe arara arota uwe buri joro.
 
Niba wisanze uri muri ibi byiciro, humura kandi tegereza igisubizo wihanganye. Yoboka amasengesho wenda Imana ishobora byose izakumva igire icyo ikora! Niba wisanze muri ibi byiciro, wikomeza guheranwa n'aka gahinda ahubwo kagutere gufatanya n'abandi kuko bigarahara ko nta munyarwanda udafite ibibazo maze dufatanye gukuraho ingoma mbi iyobowe na FPR Inkotanyi.
 
Rayon sport na APR umunsi zakiniye muri Kigali, muzaze muri benshi, tuzahurira mu muhanda uyo mukino urangiye maze turebe ko Inkotanyi zizaturasira rimwe twese kandi tuzava mumuhanda ari uko ingoma mbisha ihirimye.
 
JMV Kazubwenge Sudan

Commenter cet article

humura 12/09/2014 20:20

Ni byo ko abanyarwanda bafite agahinda ariko wibagiwe ko na Kagame afite agahinda karenze akabandi:
1.afite agahinda ko kuba ataramaze impunzi muli zaire kuko yashakaga ko ntawusigara.
2.afite agahinda ko atarica Kayumba Nyamwasa (umututsi w'imfura udatukana nka ruriya Rukozasoni ngo ni prezida)
3.Afite agahinda kubona amahanga ahoza mu kanwa FDLR.
4.Afite agahinda ka bamwe muli FPR badatekereza nkawe.
5.afite agahinda ko atarakubita Kikwete wa Tanzania.
Rero nidusabe dushikamye Uwiteka agobotore Rwanda yacu.

Kate 14/09/2014 08:08

Urumva uwo mushinyaguzi ngo ni pppp ra! ''NGO KW'ISI NTAHO BITABA SHA'' Muzajya mwirirwa mwica abaturage mushinzwe kurinda nimurangiza ngo kw'isi ntaho bitaba; This is a true criminal mind.

Nzovu 14/09/2014 08:00

Ariko se murasubiza uyu wiyisr pppp nimubona ko ari umurwayi!!!!! Ararwaye ndetse ararembye cyane, kdi ikimbabaje nuko hari abanyarwanda benshi bameza nka we.

humura 13/09/2014 21:04

Wowe umeze nk'umuziha ukururuka cyangwa se imihopfu yikurura mu byondo.nako umwana ugendana ikimwira ngaho yakwipfunnye agashoreza .rero wa hungwe we?nta futi ngira ndi umwana wavutse amatara yaka ibirindagire nkawe birindagira inyuma ya Baringa.sinzi niba wumva ikinyarwanda.

pppp 13/09/2014 07:03

gabanya kuvuga amafuti.

suzana 12/09/2014 16:18

MUREKE IZI NYANAZIBWA ZITUTSURA NKAHO ARI ABATUTSI MWABASHENZIMWE NIMWIVUGIRE NTACYO MWABONYE MWAHUNZE 1959 MUHUNGIRA IMASISI NINKA ZANYU TWE TWASIGAYE MURWANDA DUHURA NA JENOCIDE HANYUMA TUROKOTSE MUTI ABATUTSI TWATSINZE, KOKO MWARA TSINZE SINSHIDIKANYA KO MUTATSINZE ARIKO UMUTUTSI NYA MUTUTSI NEMERA WAROKOTSE NUWASAGAYE MURWANDA NAHO MWE ABAGOGWE NI MWIVUGIRE KUKO MWATWISE INTERAHAMWE TWE TWASIGAYE MURWANDA NGO TURI INTERAHAMWE AKABA ARIYO MPAMVU MUTUMAZE MUTWICA NGE SINEMERANYA NAMWE SINZANABEMERA KUKO UMUBYEYI YARI UMWE HABYARIMANA YA KUNDAGA ABATUTSI KURUSHA SOBUJA UJYA IMPAKA NAMBAZE KUKO NANGE NARAROKOTSE MWABASHENZIMWE

Ali Baba 13/09/2014 16:06

Twe abahutu.abatutsi n'abatwa b'imfura duhuzwa n'ukuri n'Imana y'i Rwanda .Naho mwe za mayibobu na shobuja ubohereza gutukana, kuroga, kuniga, kwiba, kubwerabwera.....aho bukera murasara mwirukanke ku gasozi mwambaye ubusa ! Naho Fdlr mwirirwa mushakira ku binombe bya RDC: ntigihari, iri hose, niba ushaka kumenya aho igeze ;baza umwana wawe cyangwa uwo mubana mu nzu; kuko ntabasarira gushira . Pole pole pppp urarigata uruhu inka yarariwe kera !

pppp 13/09/2014 07:04

ukuri kurabarya.

pppp 11/09/2014 18:43

uwo muhanda uzawujyemo wenyine kuko twese ntiduhuje ibibazo. sinangombwa ko tugukurikira. ibyo bibazo wavuze byose ntago ari umwihariko ku rwanda uzabisanga hose kuri iy'isi ya rurema. wirata kujya mu muhanda kuko sohose wakemuye ibibazo by'abantu.

Niko 11/09/2014 21:29

Pppp
Iyo urebye ibyo wandika n'umwirato mwinshi wagirango hari utuvungu twa diama ubona iyo bene kugabana bari ku meza . Nakubwiriki ! Bihibindi n 'umwana w'umu......

Didace Mahoro 11/09/2014 18:38

Veritansinfo
Aka gahinda karamutse gahari si mwe muzagakiza abagafite kuko abo muvugira nka bariya biciwe ababo muri genocide y'abatutsi, abo mukorana nabo cyangwa mwebwe ubwanyu ni mwe mwamwiciye muti Mata 1994. None se ni ryari ikirura cyahojeje intama agahinda ahubwo ko ari cyo cyayiririye abayo nayo kikayirya!

banane 15/09/2014 15:27

ndasubiza abiyise ppp na didace mahoro. muri ibimara gusa, imitwe yanyu yuzuyemo amashyira gusa! ibyo bitandaragasi murimo kuvuga ni uko mutaranigwa mugaramye sha, niyo mpanvu murimo kwibwira ko ijuru riri hafi! kizito, mushayidi, roza kabuye, mary baine....n'abandi namwe mwiyiziye mwa ntumbi mwe? bari he? mubarusha ubututsi mwa mihirimbiri mwe? umunsi byabagezeho cyangwa bikagera kuri bene wanyu babugufi, nibwo muzabyunva! ashyiiii, inkomamashyi gusa, ubu wasanga mwemwbi mwa mbwebwe mwe ntanakazi mugira muri abashomeri, cyangwa niba mugafite mukaba mutarengeje umushahara wa 50.000!!! ariko urusaku rwabamaze muravugira inzoka yuruziramire itabitayeho, ariko nkubwo kuki banyoko batakuyemo inda zanyu bakimenya ko bababwegetse? mwazaga ku isi nibitekerezo bicuramye ngo mwungure iki rubanda rwibabariye mu iki gihe? rata ngewe mpojeje abanyarwanda bose bafite agahinda gatandukanye muhumure kugera kure si ko gupha kandi ayo murira ubu muzayahozwa umunsi ijuru rizatabara.

umuvugiziwintore 12/09/2014 16:31

Didace Mahoro nanjye reka nkwandikire nubwo amatwi arimo urupfu atumva. agahinda abanyarwanda bafite umwanditsi yanditse bike ntabwo arukugirango ashimwe aratabaza iyo mwijuru ntamwana wumuntu wadukiza ingoma mpotozi. Naho kuba abishwe 1994 aribo bakubabaje nukuvuga abatutsi gusa nabo uzamenya uwabatanzeho igitambo niwemerera amateka akagusobanurira abahutu bishwe na shobuja bo ntubahingutsa. Ikindi nuko nawe uzisanga muri Rweru muminsi mike kuko ubu wabaye isenene witegure amazi ashyushye nakugira inama yo kurirana nabarira kuko ntaho bukikera batagaritseingogo. Ngaho dufashe utubwire abaturanyi bawe baherutse kunigwa vuba aha ibyo bizatwereka ko nawe wavuye ibuzimu wagiye ibuntu.

lmananiyonkuru 11/09/2014 21:07

Kuri Didace Mahoro .
Wigeze ubara;uragereranya umubare w'abatutsi;abahutu ;abakongomani ndetse n'abazungu bapfuye muri iyi ntambara y'urukozasoni turimo kuva muri 90 kugeza n'ubu ntaho iragera ? Umunsi izamenya ko amaraso yose amenetse ari ikiremwa cy'Imana ;uzaba utanze umuganda mu guhoza bariya babaye bose ! Imana iguhe umugisha !