Rwanda : Intambara y’ubutita iri muri FPR- Inkotanyi ikomeje kugarika ingogo ! Nyuma ya Brig. Gen. Rusagara, Capt. Kabuye yatawe muri yombi !

Publié le par veritas

Cap.Kabuye David ibumoso , Brig. Gen. Rusagara iburyo

Cap.Kabuye David ibumoso , Brig. Gen. Rusagara iburyo

Kuri uyu wa gatanu taliki ya 22/08/2014 ku mugoroba Capt.Kabuye wari usigaye yikorera ku giti cye, yatawe muri yombi, nyuma y’iminsi ibiri Rusagara ageze mu maboko y’inzego zishinzwe umutekano. Uyu capt.Kabuye David arashinjwa ibyaha byo gushaka kubuza igihugu umudendezo afatanyije na Brig.Gen.Frank Rusagara bombi basezerewe mu gisilikare cy’inkotanyi!
 
Umuvugizi w’ingabo z’u Rwanda, Brig. Gen. Nzabamwita Joseph yavuze ko aba bagabo bakurikiranweho guhungabanya umutekano w’igihugu, bombi bakaba bari mu maboko y’inzego zishinzwe iperereza. Amakuru ava mu nzego zimwe z’igisilikare cya FPR Inkotanyi aravuga ko Rusagara ashinjwa n’icyaha cy’Ubugambanyi ngo bitewe ni uko mu gihe yari hanze y’igihugu ashobora kuba yaragiranye ibiganiro na bamwe mu banyepolitiki bo mu ishyaka rya RNC batavuga rumwe n’ubutegetsi bwa Paul Kagame!
 
Briga.Gen. Nazabamwita yamenyesheje itangazamakuru ko imiryango yabo basilikare bakuru yabimenyeshejwe kandi ko n’ibisabwa byose biri gukurikizwa. Brig. Gen. Nzabamwita avuga ko iperereza rikomeje ndetse ngo aba bagabo bazagezwa imbere y’Urukiko mu minsi iri imbere.
 
Mbere yo gusezererwa mu ngabo z’igihugu mu mwaka ushize, Rusagara yari arangije imirimo yari yashinzwe ya ‘attaché militaire’ muri Ambasade y’u Rwanda mu Bwongereza. Mbere yigeze kuba Umunyamabanga uhoraho muri Ministeri y’Ingabo. Mu yindi mirimo yakoze, yabaye umuyobozi w’Urukiko Rukuru rwa Gisirikare, n’umuyobozi w’ishuri rikuru rya gisirikare i Nyakinama mu karere ka Musanze.
 
Capt. David Kabuye yabanje kunyerezwa kuwa gatatu w’icyi cyumweru turimo ariko bikaba byaratangajwe ejo kuwa gatanu n’umuvugizi w’ingabo z’u Rwanda ko aribwo agitabwa muri yombi! Uyu Capt.David Kabuye akaba ari umugabo wa Col. Rose Kabuye nawe wanyerejwe n’ingabo za FPR azira ko ngo yavuganye n’umunyemari Rujugiro, amakuru amwe akaba yemeza ko Rose Kabaye ashobora kuba yarishwe bigacecekwa! Umugabo we Capt. Kabuye akaba yikoreraga imirimo y’ubucuruzi.
 
Capt.David Kabuye atawe muri yombi azira kuba afatanyije na Gén. Kayumba Nyamwasa mu mugambi wo kwivugana Paul Kagame nkuko amakuru aturuka kubacunze iyi dosiye abihamya. Muri iki gihe Paul Kagame ngo ahanganye n’agatsiko k’abasilikare bakomeye bavuye muri Uganda bo mu bwoko bw’abanyiginya ngo biyemeje kuzahorera Freud Rwigema! Aka gatsiko k’abasilikare bakomeye bavuye i Bugande niko na Colonel Rose Kabuye yazize ndetse n’uwamusimbuye mu mirimo ye ya protole kwa Perezida Paul Kagame ariwe Kalisa Tunga nawe wahise  yirukanwa vuba kuri uwo mwanya kuko ari umunyiginya!
 
Amakuru ava mu nzego zegereye Paul Kagame aremeza ko ubu muri FPR hatangiye urugamba rwo guhiga agatsiko k’abasilikare bo mu bwoko bw’abatutsi b’abanyiginya bashyigikiye Gén. Kayumba Nyamwasa. Ako gatsiko k’abasilikare ngo kamaze iminsi kagerageza gucengeza mu basilikare ba FPR igitekerezo cy’uko ishyaka rya FPR rigomba gukora ibishoboka byose rikumvikana na Gén. Kayumba Nyamwasa kugira ngo agaruke mu gihugu, FPR ishobore kunga ubumwe bityo biyongerere imbaraga yahoranye ifata igihugu kuko ubu ingufu zayo zikomeje gutatana. Ayo makuru yageze mu matwi ya Paul Kagame ahita atanga itegeko ko abantu bose bari mu ngabo z’inkotanyi bakekwaho kugira icyo gitekerezo bahita batabwa muri yombi!
 
Bimaze kugaragara ko gukomera kwa FPR-Inkotanyi arirwo rupfu rwa Paul Kagame! Urugamba rero ruracyari rurerure rwo guhandura abo banyiginya bashaka kugarura Gén. Nyamwasa iruhande rwa Paul Kagame kandi barabaye inzigo! Dusabe Imana iyi ntambara y’ubutita iri muri FPR izarangire idahitanye abanyarwanda b’inzirakarengane ! “Ngo aho inzovu ebyiri zirwaniye ibyati nibyo bihababarira”!
 
Ubwanditsi

Commenter cet article

Yvonne Abera(London) 25/08/2014 18:34

KIGALI: GEN FRANK RUSAGARA AZIZE RAPORO ZAMUTANZWEHO NA LT TOM NDAHIRO NA YVONNE ABERA.


19 août 2014

Ubutabera


Nkuko twabibagejejeho mu gitondo, Gen Frank Rusagara ubu ari muri mabuso mu kigo cya gisirikari cya Kanombe. Ariko se mu by'ukuri arazira iki? Kuva twabona iyi nkuru twakomeje gukora itohoza ngo tumenye neza imvo n'imvano y'ifungwa rya Gen Rusagara.


Gen Frank Rusagara ashinjwa kurwanya leta ya Paul Kagame

Amakuru Ikaze Iwacu imaze gutohoza yerekana ko maneko wa DMI uba mu Bwongereza witwa LT Tom Ndahiro, akaba ari mwishywa wa Gen Jack Nziza, ari we uri inyuma y'iri fungwa rya Gen Frank Rusagara, ushijwa kuba akorana n'abanzi. Uyu Lt Tom Ndahiro uba mu Bwongereza nk'impunzi niwe wirirwa aneka abanyarwanda bose bahahungiye ubundi akoherereza nyirarume za raporo. Raporo yohereje kuri Gen Rusagara rero igihe yari mu Bwongereza nizo zimukozeho.


LT Tom Ndahiro aka Rwabugiri ni uwambaye agapira k'icyatsikibisi, n'ijaketi y'ikigina. Ibumoso bwe hari Gen Richard Rutatina, Dr mu kuroga

Aya makuru akomeza avuga ko muri Ambasade y'u Rwanda mu Bwongereza, abakozi bose bahahamutse kubera uyu musore, uba ubaneka ubutitsa, ku buryo na Ambasaderi yahiye ubwoba, mbese ni nkaho ari we Amasaderi w'u Rwanda mu Bwongereza; icyo avuze ni cyo cyemerwa i Kigali.

Kuva ngo aho Gen Rusagara agarukiye mu Rwanda, uyu LT Tom Ndahiro yakomeje kuneka umugore we, maze aza kubona amakuru avuga ko uyu mudamu yasabye ideni akagura inzu mu majyaruguru ya Londres. Tom akimara kubona iyi nkuru yahise yoherereza nyirarume, Jack Nziza, raporo, maze nawe atangira guhata Rusagara ibibazo by'ahantu azakura amafaranga yo kuriha iryo deni, kubera ko kuri Nziza cyari nk'igitutsi kumva ko Rusagara yaba afite inzu i Londres.


Gen Jack Nziza ni we usigaye agenga ubuzima mu Rwanda

Muri uko kubazwa, Gen Rusagara ngo yasobanuriye Jack Nziza ko atari we uzariha iyo nzu ko ahubwo umugore we n'umuhungu we ari bo bazayiriha, kubera ko bafite akazi kabahemba umushahara ufatika. Ariko inzu rwari nk'urwitwazo, Nziza yari yaramaze gushyira Rusagara mu banzi ba leta ya FPR.

Igihe Frank Rusagara yari attaché militaire w'u Rwanda mu Bwongereza, uwitwa Yvonne Abera niwe wari ufite ikiraka cyo kuneka umugore wa Rusagara, witwa Christine Rusagara. Uyu Yvonne Abera yari inshuti magara ya Christine Rusagara, kugeza ubwo abana ba Rusagara bajyaga bamwita « auntie », nyirasenge cg nyina wabo.

Ariko ubu bucuti nta kindi bwari bugamije, uretse gukusanya udukuru twose yumvise kwa Rusagara akadushyira mwishywa wa Jack Nziza, LT Tom Ndahiro, nawe agahita akora raporo akoherereza nyirarume i Kigali. Jack Nziza ngo yabaga akeneye kumenya neza imyumvire ya politiki ya Rusagara n'umugore we no kumenya abantu bagenda iwabo n'abo bavugana ku materefoni.

Abanyarwanda bagomba kumenya ko uyu Yvonne Abera, ari umunyarwandakazi wasabye ubuhungiro mu Bwongereza, akaba yarahawe akazi muri DMI mw'ishami rya gisivili, na mwishywa wa Jack Nziza, LT Tom Ndahiro. Yvonne yahawe akayabo k'amafaranga na Jack Nziza ngo atangire ubucuruzi, iyi akaba ari inama Jack Nziza yagiriwe na mwishywa we, LT Tom Ndahiro, ngo wemera cyane ubuhanga bwa Yvonne Abera mu kazi ko kuneka.

Amakuru Ikaze Iwacu ikesha umu ofisiye wa DMI, utarashatse ko amazina ye atangazwa, avuga ko Yvonne Abera ahora akora ingendo nyinshi ava mu Bwongereza ajya i Kigali.Ikindi nuko abamaneko bose ba DMI baza mu Bwongereza bavuye i Kigali, bacumbika iwe, aho atuye mu burasirazuba bw'umugi wa Londres.


John Rukumbura, uwambaye agapira k'umweru, arimo kwiyamamariza kuba umudepite wa FPR

Ikindi Ikaze Iwacu yashoboye kumenya kuri uyu mumaneko, Yvonne Abera nuko ari mushiki wa depite John Rukumbura, wahoze atuye muri Canada. Yvonne Abera ngo niwe wahuje John Rukumbura na Jack Nziza muri 2008, akaba ari nacyo gihe, John Rukumbura yatangiye akazi ko kuneka abanyarwanda batuye muri Canada.

Nk'ibihembo, John Rukumbura yagizwe depite wa FPR mu matora y'abadepite ashize, aho abantu bose batangajwe no kubona umuntu atorerwa kuba depite, kandi ataba mu Rwanda. Ababyibazaga mushire impumu, John Rukumbura ntiyatowe, Jack Nziza yamugize umudepite, ngo anakomeze kumunekera mu nteko.

Ikigaragara nuko mu makuru Yvonne Abera na LT Tom Ndahiro boherereje Jack Nziza, bamubwiraga ko Gen Frank Rusagara atemera Paul kagame, ubwo ni ukuvuga ko ari umwanzi agomba kwicwa cyangwa agafungwa. Nicyo rero cyakozwe, yabaye afunzwe ngo barebe ko azasaba imbabazi nkuko ba Karenzi Karake bagiye babikora.

Ubu mu Rwanda rwa FPR, nta muntu ufite uburenganzira bwo kuvugana n'umuvandimwe we ngo kubera ko ari muri opposition, abana nta burenganzira bafite bwo kuba bahamagara ba nyirarume, ngo kubera ko batemera Paul Kagame. Nk'urugero hari amakuru yageze ku Ikaze Iwacu avuga ko abana ba Gen Rusagara, bagiye kumara imyaka ine (4) batavugana na nyirarume, David Himbara, kubera gusa ko David Himbara, ubu ari mu barwanya leta ya Paul Kagame.

Icyo umuntu yabwira aba bose birirwa bakomera amashyi FPR iri kurimbura abanyarwanda, ndetse n'abanyamahanga, nuko amateka azababaza ibyaha bari gukora. Gukomeza kwicisha abantu b'inzirakarengane hejuru y'udufaranga twa DMI, ni ubujajwa bukabije. Nkuko Paul Kagame ubayoboye yabibibwiriye, IT'S A MATTER OF TIME, NGO NYAMWANGA KUMVA NTIYANZE NO KUBONA!!!

FDLR 25/08/2014 18:09

Ariko mu Rwanda ubundi haba les generaux? abageneral bafungwa nk'uko bafunga inzugi koko? sha bariya ntabwo aribo batera ubwoba FDLR!!ngaho nibakenyer baze ngo baje guhiga les FDLR tuzareba IMBWA N'UMUGABO!!

PAUL KAGAME:umwega ,nzabumvisha 25/08/2014 11:35

Kagame ntabwo ashinyika,azishima arangije abanyiginya bose.

ROSE KABUYE :yapfuye 25/08/2014 11:34

inkuru nuko Rose Kabuye(Rose wacu!!) yishwe rw'agashinyaguro. sha uyu mugore nagene yagiraga imishino miremire cyane kuburyo yajyaga kuri toilet akitwaza urujyo ngo iyo mishino idakora mu mabyi ye!!!

FDLR:harya ngo niwe mwanzi? 25/08/2014 11:32

harya abo batutsi bavuga ngo FDLR niwe mwanzi,ubu koko baracyakomeza kubivuga? ubuse ROSE KABUYE ko yishwe na Kagame? ubuse abanyiginya bamaze gupfa ni bangahe?IYABA MU RWANDA BYAKOMEZAGA GUTYA nibura bamwe mu basirikali bakumva BAKIKIZA SHITANI hakiri kare.Niko? yananiwe kumvikana n'abanyiginya none ngo ZASHOBORA LES FDLR harya?muzumirwa

Urutonde rwa ba rutwitsi rukomeje kwiyongera! 24/08/2014 20:12

Rutwitsi No 1: Brig. Gen. Frank RUSAGARA (arrested)

Rutwitsi No 2: Brig. Gen. Tom BYABAGAMBA (arrested)

Rutwitsi No 3: Capt. David KABUYE (arrested)

Rutwitsi No 4: Gen. Charles KAYONGA (on the run)

Rutwitsi N0 5. Lt. Col. Rose Kabuye (being interrogated on the thousands of matches and cigarettes found in her home)

RUTWITSI 24/08/2014 13:58

Mu minsi ishize, u Rwanda, rwibasiwe n'inkongi z'umuriro, hagamijwe gushaka impamvu yo gukora coup d'etat yo guhirika umunyagitugu Paul Kagame. Inzego z'iperereza z'amerika CIA zifatanije n'iz'ubwongereza, MI5, zimaze iminsi zishyikirije Paul Kagame urutonde rw'abasirikare ba RDF bari inyuma y'izo nkongi. Abari ku isonga ni aba bakurikira:

Rutwitsi No 1: Brig. Gen. Frank RUSAGARA (arrested)

Rutwitsi No 2: Brig. Gen. Tom BYABAGAMBA (arrested)

Rutwitsi No 3: Capt. David KABUYE (arrested)

Rutwitsi No 4: Gen. Charles KAYONGA (on the run)

Rutwitsi 24/08/2014 13:53

Mu minsi ishize, u Rwanda, rwibasiwe n'inkongi z'umuriro, hagamijwe gushaka impamvu yo gukora coup d'etat yo guhirika umunyagitugu Paul Kagame. Inzego z'iperereza z'amerika CIA zifatanije n'iz'ubwongereza, MI5, zimaze iminsi zishyikirije Paul Kagame urutonde rw'abasirikare ba RDF bari inyuma y'izo nkongi. Abari ku isonga ni aba bakurikira:

Rutwitsi No 1: Brig. Gen. Frank RUSAGARA (arrested)

Rutwitsi No 2: Brig. Gen. Tom BYABAGAMBA (arrested)

Rutwitsi No 3: Capt. David KABUYE (arrested)

Rutwitsi No 4: Gen. Charles KAYONGA (on run)

humura 23/08/2014 13:24

Ntabwo Niyorurema Emmanuel ashobora kongera gutukana kuko ibibazo ni abitwa abagande hagati y'amoko yabo nibo bazarangiza ikibazo naho bamwe biyitirira icyo bataricyo bamenyeko iherezo rya Sekibi riri hafi.Bariya bagabo ni FPR ntabwo ari FDRL,nizere ko ya mihopfu y'ingirwantutsi yumva.aabatutsi b'imfura bashaka democratie.Twese namwe mwese mfura z'u Rwanda tuzatsinda.

Mbonyingabo Jean 25/08/2014 11:09

Inkotanyi FPR, nizimeye yuko zakoze imiyoborere mibi zimbwira yuko izagira ingaruka kubahutu gusa, none nazo zihagarare zibonere ingaruka mbizabyo. Ingaruka zimitegekere mibi zizagera kuri buriwe, ndetse na Kagame ubwe azabona ingaruka zabyo. Ubwore ntimwibwire yuko bizarangirira hariya gusa, abagerageza gufunga bari guhomera iyonkeje.

humura 23/08/2014 13:24

Ntabwo Niyorurema Emmanuel ashobora kongera gutukana kuko ibibazo ni abitwa abagande hagati y'amoko yabo nibo bazarangiza ikibazo naho bamwe biyitirira icyo bataricyo bamenyeko iherezo rya Sekibi riri hafi.Bariya bagabo ni FPR ntabwo ari FDRL,nizere ko ya mihopfu y'ingirwantutsi yumva.aabatutsi b'imfura bashaka democratie.Twese namwe mwese mfura z'u Rwanda tuzatsinda.