POLITIKI : ROMEO RUGERO NABE UMUNYAPOLITIKI AREKE KWIGIRA UMUVUGIZI WA RUBANDA.

Publié le par veritas

Aho kurebera no kuvuga anenga abandi ngo ntacyo bakora, uyu mukongomanikazi yiyemeje gufata inkoho! Capitaine Roméo Rugero ko yarwanye mu ngabo z'Amerika akarwana muri Irak we azajya kurwana ryari mu Rwanda ngo aducyure ?

Aho kurebera no kuvuga anenga abandi ngo ntacyo bakora, uyu mukongomanikazi yiyemeje gufata inkoho! Capitaine Roméo Rugero ko yarwanye mu ngabo z'Amerika akarwana muri Irak we azajya kurwana ryari mu Rwanda ngo aducyure ?

Maze iminsi nkurikira ibyandikirwa ku mbuga za internet cyane cyane ibirebana na FDLR none nsanze ari ngombwa kugira icyo nanjye mbivugaho ariko cyane cyane ndibanda ku nyandiko uwitwa Romeo RUGERO yasohoye ku IKAZE IWACU kuwa 13 kanama 2014.
 
Iyi nyandiko (Rwanda: ese amashyaka aziko abereyeho gukorera rubanda?) ndayibandaho kuko ariyo itumye nterura nkandika. Ikindi gitumye nandika ni uko iyi nyandiko ye inyibukije iyanditswe na Lyarahoze, padiri Thomas akagira icyo ayivugaho noneho Romeo Rugero akunga mu rya Lyarahoze ariko asa n’uwihaniza padiri Thomas. Ibi rero biratuma nibaza ngo iri hangana ni iry’iki ? Hari ikintu icyo gihe padiri yavuze mu nyandiko ye nanjye nkaba ncyemera. Ni uko iyo ubonye uwari ushinzwe gukora ikintu atagikoze, wowe uragikora cyane cyane ko uba ugishoboye, ukaba umuhaye urugero rwiza yakurikiza.
 
Ibi biba isomo ryiza kuruta kumwibutsa buri gihe ngo ntiyakoze iki n’iki. Yenda ntiyari agishoboye! Wowe ugishoboye rero, gikore maze rubanda rwose rubibone ko ari wowe ugikoze, rukuyoboke cyangwa rugukunde kurusha abandi.  Rugero, ko mbona uri umunyapolitiki mwiza, uzi ibyo gukora, igihe bikorerwa n’uburyo byakorwa, kuki udakora politiki ku mugaragaro ngo tukuyoboke ko mbona waba igitangaza kubera kutagira ibya diplomacy ? Abo banyapolitiki bose uri kugaya bahita baceceka kuko ntamuyoboke basigarana, ubundi wowe ugakora gusa, ukaducyura mu Rwanda twemye. Ariko reka ndeke kugutaka kuko nturatugaragariza icyo ushoboye, buriya uzabitwereka nujya gukora politiki. Reka nigarukire ku nyandiko yawe.
 
Rugero, nkurikije ibyo numva ni uko wabaye mu mashyamba igihe kirekire, ukaba no muri FDLR cyangwa n’ubu uracyayirimo. Harya wari uzi ko akababaro gakabije hari ibice by’ubwonko gasiba cyangwa kagatuma bigira ubukererwe mu gukura ? Iyo uvuga nabi diplomacy uba wiganye Kagame niwe uvuga ko nta bya diplomacy arimo. Ariko rero kuba nta bya diplomacy agira ubonye aho bimugejeje? Nyamara wibuke ko iyo diplomacy FDLR yayimenye kare mu gihe ijya mu biganiro i Roma, mu gihe yiyemeza gushyira intwaro hasi, n’ibindi. Wibuke ko iyo diplomacy urwanya ari yo yatumye FDLR ubu ifite ijambo mu ruhando mpuzamahanga.
 
Iyo hataba diplomacy, Byiringiro ntaba yaranditse iriya baruwa uri kuvuga, kuko nta jambo yari afite (Aha naguhamagarira kwiyibutsa agaciro ka FDLR mbere y’uko itangira gukorana n’andi mashyaka). Ngiyo diplomacy wowe urwanya. Iyo uvuga nabi diplomacy uba ushatse kuvuga ko ibintu byawe ubivuga brut, bivuze ngo biba bivanzemo n’amarangamutima yawe yose kandi ngira ngo urabizi ko hari ubwo amarangamutima tuyima icyicaro kugira ngo hatagira uwo akomeretsa. Urajye ubyirinda rero kuko mu nama zawe, zuzuyemo ya marangamutima zikomeretsa abantu kurusha uko zibagirira akamaro kandi washakaga gutanga inama zubaka.
 
Abo banyapolitiki ugaya rero(ni uburenganzira bwawe kubagaya) nta rirarenga kugira ngo babe bagira icyo bakora. Baracyakaraga ururimi karindwi mbere yo kuvuga, nkeka ko icyumweru atari cyinshi ku buryo wakwihutira kubagaya. Ikindi ni uko badategetswe byanze bikunze kugira icyo bavuga kuri biriya Feingold yavuze ngo ni uko wabahamagariye kubikora. Nakwibutsa ko kugira icyo ukora atari ukwandika cyangwa kuvugira kuri radio. Diplomatie igira inzira nyinshi inyuzamo ibitekerezo kandi bikagera k’uwo bigenewe, ibyo kandi bikorwa mu ibanga, si ngombwa rero ko bishyirwa ku karubanda ngo bibe akabonabose.
 
Uburyo usobanura ibyavuzwe na Twagiramungu maze ukabigereranya n’ibyavuzwe na Feingold ni amakabyankuru yuzuyemo ya marangamutima twavugaga haruguru. Sindi umuvugizi wa Twagiramungu ariko kandi mujye mukora analyse nyayo. Iyo uvuga ngo Twagiramungu arashaka ko abacunguzi bamukubitira ibipfukamiro hasi, ngo kubera ko yabasabye kuyoboka CPC, urashaka kumvikanisha ko CPC ari Twagiramungu? Ubwo se ushatse kuvuga ko ba Byiringiro na ba Murayi ari iki muri CPC? Ntimukajye muyobya Rubanda. 
 
Ese ko wateruye uvuga ko ntacyo abanyapolitiki bakoze ku byavuzwe na Russ Feingold, kuki utibutse ko Twagiramungu yabikoze abinyujije kuri radio Impala! Iyo uba umuntu utagira aho ubogamiye, uba wabanje nibura kumushimira ko yagize icyo abivugaho noneho ukaza kumunenga nyuma. Ibi biragaragaza ko wari wazinduwe no kugaya gusa abatabona ibintu kimwe nawe, cyangwa se abatakoze uko wowe wifuzaga ko ibintu byakorwa. Muri uru rwego rero, ubaye umuyobozi waba umunyagitugu!
 
Kwandikira Feingold ntacyo bivuze kuko aba yatumwe. Aha ariko simvuze ko igikorwa cya Byiringiro ari impfabusa kuko uhiriye mu nzu ntaho adapfunda imitwe. Muvandimwe wanjye, niba wifuza ko Russ Feingold ahindura imyumvire, banza uhindure imyumvire y’abayobozi ba Amerika muri rusange kuko nibo batuma Russ ngo uvuge atya, ibi ntubivuge n’ibindi n’ibindi. Wibuke ko ari ambassadeur kandi akazi ka ba ambassadeurs urakazi.
 
UMWANZURO
 
Mugenzi wanjye Romeo Rugero, iyo nitegereje imyumvire yawe n’ubuhirimbanyi bwawe, nsanga hari ubwo umutima uzaguhagararana tukakubura kandi twari tukigukeneye, ukagenda uzize abanyapolitiki badakora ibyo wumva ko bagombye gukora. Inama nakugira rero, jya muri politiki, ushinge umuryango wa societé civile cyangwa se ishyaka da, maze ibyo byose urega bariya banyapolitiki wowe ubikore. Abanyarwanda tuzi kureba no gushishoza, ntibizaba ngombwa ko wongera kubumbura umunwa wawe ngo uravuga, ibikorwa byawe bizavuga mu mwanya wawe. Maze urebe ngo uraba ikirangirire. Bitari ibyo rero, njye ndi wowe nafata umwanzuro wo kutazongera kugira icyo mvuga kuri politiki ya ba nyiri amakoti.
 
Ugire Imana
 
 
Maître Mbaraga Innocent
Umusomyi wa veritasinfo

Commenter cet article

Romeo nagaswere nyina 16/08/2014 00:08

Romeo n'abo bakorana n'abamushyigikiye ni bagaswere ba nyina. Hari umugabo w'ikirara wigeze arasa Papa Jean Paul II, bamubajije icyabimuteye aravuga ngo yashakaga kumenyekana ku isi. Kandi Yarameneyekanye da. None rero iyi nyana y'imbwa romeo nayo irikoma Twagiramungu ubanza iba ishaka uko yamenyekana. Kuva uyu munsi sinzongera gusoma ikaze kugeza igihe nzumva ko uyu mugwasasi ukorera Kagame ngo ni romeo azaba atakiyenza ku bantu bazima. Wakizazame we ngo romeo aho Twagiramungu yakomanga wahakomanga wo karindagira we? Hanyuma ugatinyuka ukattaka CPC!, uzi ko ubwo amashyaka arimo yose ko uba uyatats? Uri igiki wa mabyi we? Tu n'es absolument rien, rien, rien, rien et rien.

Karume 15/08/2014 12:06

Yemwe banyarwanda! Nimuhumuke, imigambi ya Roméo ntaho itaniye niy'abanyamerika na Kagame mu kurwanya FDLR ni abahutu, umenya ahari Roméo yanga Twagiramungu bitewe ni uko we ari umunyamerika kandi Twagiramungu akaba abwira abanyamerika atajenjetse kandi adatinya! Ngaho ni mufungure iyi link murebe ukuntu urwango Roméo yanga Twagiramungu ruhuje ni uko Kigali imwanga kandi bose bamuziza ko ngo yavugiye FDLR! Biragaragara ko kigali ivuga ko Twagiramungu atekereza kimwe 100% nka Laforge Fils Bazeyi umuvugizi wa FDLR ,ibi akaba aribyo Roméo adashaka ko bavuga rumwe !! Harahagazwe !!!Ibindi bimenyetso mushaka ni ibihe by'uko Roméo yaje gusenya opposition?

http://www.igihe.com/politiki/amakuru/article/twagiramungu-faustin-yijunditse

Ntawe usweresha itashyutswe SVP! 15/08/2014 11:52

Ariko rero ndumva abantu bose badafite umuhamagaro umwe. Romeo akora ibijyanye n'umuhamagaro we wishaka kumugira icyo wowe ushaka. None wabwira umwirabura ngo nabe umuzungu kuko ushaka kureba umuzungu. Mureke gusebanya niba Romeo akorera Amerika tuzabimenya kuko nibyavugiwe ikuzimu bizagera aho bije ku gasongero k'inzu.

Karume 15/08/2014 11:36

Uyu Roméo ni ukumwitondera! Ari gukoreshwa n'abanyamerika kugira ngo asenye FDLR n'abahutu bose nk'uko abanyamerika bakoresheje Grobachev agasenya URSS yose nyuma bakamuhungishiriza iwabo! Birazwi ko iyo Roméo agiye kureba FDLR aba ari muri mission ya FBI!!
None se uyu Romeo niba koko yarabaye umusilikare mu ngabo za USA niwe wajya kuvuga ngo ntashyigikiye ko FDLR ikorana n'andi mashyaka cyangwa ngo abasilikare ntibazumvire abanyepolitiki? umuntu utekereza gutyo kuri FDLR ni Kagame na Amerika gusa! Ikindi ko Roméo aba muri Amerika kuki Obama yatumiye abakuru b'ibihugu by'Afurika ngo bajye gukorana inama iwe? None se yari ananiwe kubandikira niba yumva ibaruwa ariyo ikomeye kurusha diplomatie? Uyu muhungu ibyo akina nabyo arabizi ,yifitiye ka job ko kurindagiza FDLR ariko sinzi niba azagera ku ntego ye pe!! rubanda yarahagurutse!

Kwitonda 15/08/2014 11:22

Dukunda bene wacu bababariye mumashyamba kuko abenshi twayanyuranyemo nabo,dushimishwa nubazirikana akabafasha murugamba bariho rwo kuzayasohokamo nkabantu apana nkimpehe ariko kdi amaranga mutima ya Rugerero ubanza afite ikiyihishe inyuma kuko subwambere yikoma Twagiramungu,niba atari gatumwa katumwe na mpatse ibihugu ashobore kuba yarasabitswe n'inzangano z'uturere kuko tuzi ko abantu nkabo bakiriho nabo.Twitonde mururu rugamba turimo turwana harimo ba kidobya benshi.icyakora icyo nemeranywaho nawe nuko hari ubushyaka utazi icyo bugamije ariko twekubutaho igihe nabwo.

Mbonyingabo Jean 16/08/2014 10:10

Iyi nyandiko ya Romeo ivuga ngo "Ese amashyaka aziko abereyeho gukorera rubanda?" Iratangaje kukojye narayisomye nyoberwa icyo agamije.
IKINTU YARAKWIRIYE KWIBANDAHO MURIRIYA NYANDIKO NKUKO YARI YABITANGIYE NUKUVUGIRA ABANYURURU (bari kwifoto) NA BIRIYA BIHUMBI BYABANTU YA VUGAGA BICIWE MURWANDA.
Noneho akemeza abanya politic yuko ntacyo bagikora kugirango bumvikanishe icyo kibazo. Noneho akaza kuboneraho akavugira FDLR niba ayivugira koko. Kuko guhangara Twagiramungu amutuka ntahobihuriye nokuvugira FDLR, nkuko abitekereza. Yagombaga kwereka amashyaka ikibazo kiri murwanda bagaya cyangwa abakangurira kwiregagiza, kwereka amahanga yuko FDLR idashobora kujya murwanda kubera ubwicanyi bukorwa. Romeo niba adakorera FPR akeneye kwigishwa kubaha abantu, niyo mwaba mutabona ibintu kimwe.

Anatole 15/08/2014 10:31

Nshimye abagize icyo bandika bakaduha amakuru ahagije kuri RUGERO wasabitswe n'irondakarere

Romeo ubona atri azinduwe no kugaya abanyapolitiki ahubwo yari agambiriye gutesha Twagiramungu agaciro. Cyakora ndabona umugambi we umupfubanye nkurikije commentaires mwe mwese mwanditse.

Mi nkuru ye rero ubona asa n'aho ahamagarira amashyaka n'abanyapolitiki kwita ku banyarwanda ari bo FDLR n'abari mu mashyamba. Aha namwibutsa ko hari amashyaka yashinzwe FDLR itarabaho kandi adashingiwe kuvuganira FDLR kuko nayo yakwivuganira. Ntiyashingiwe abanyarwanda bari mu mashyamba ya congo, yashingiwe abanyarwanda muri rusange, abari imbere mu gihugu n'abagihunze. Sinumva rero impamvu ROMEO yumva ko abanyarwanda ari abari mu mashyamba gusa. Abo banyapolitiki avuga babitaho kimwe n'uko bita ku bandi banyarwanda muri rusange. Iyo uri umubyeyi uugatangira gusumbanya, uba ukurura urwango hagati y'abo bana. Ese nkubaze RUGERO we: "Ese ko FDLR yashingiwe kurengera impunzi z'abanyarwanda ziri muri Congo, bigutwaye iki niba CPC itarazivuganiye ko nyirazo BYIRINGIRO yazivuganiye?". Ese ubwiwe n'iki niba atarazivuganiye mu rwego rwa CPC wowe uri kugaye. Ntuzi ko ari Vice Président wayo?

Cyakora nagushimira ikintu kimwe/ Washoje inkuru yawe uvuga ko government yawe iri i Walikare. Ni byiza ndabigushimiye, ubwo wateye indi ntambwe ko ugiye gufasha byiringiro. Cyakora rero nzakugaya nindamuka numvise ko atariyo utuye ngo urwanirire izo mpunzi. Icyo gihe waba wigaragaje uko uri, bitandukanye n'uko twakekaga ko uri.

Ubane n'Imana

Peace 15/08/2014 05:14

Muransetsa cyane abantu bahuragura ibigambo byose ari faux!!!!!
Ntacyo niriwe nvuga ku bintu uyu muntu UMWE uri kwyita benshi ahuragura.
Iyab mwari muzi ukuri kose ku bintu T.F arimo mwakwitura hasi mukaruca mukarumira
BYOSE BIZAJYA AHABONA MU MINSI MIKE ...ATTANDEZ SVP

tony 15/08/2014 02:43

Nibatahe bave mu mashyamba amazu arabakeneye

james 15/08/2014 04:56

Hano muri amerika hari abanyarwanda benshi bose bakurikirana politiki y,igihugu cyacu ntabwo bananiwe kwikuza nka Romeo, bafite ubushobozi kumuruta ,yumvise yambaye uniform ya US army. Yumva ko yageze iyo ajya. Ntabwo ngiye kwirarira uyu Romeo nshobora kumuhemba buri kwezi kandi ubuzima bwanjye ntibuhinduke. Gusa icyo nshatse kuvuga nuko kubohora u Rwanda bitavuga ko ugomba kuba ukomeye, uri umunyabwenge cyangwa icyo uricyo cyose, gusa birasaba inararibonye. Ntabwo uzahinga umurima nurangiza ubibe imbuto ,ugeze igihe cyo kubagara maze undi muntu aze akubwire ngo uzagira umusaruro mucye kubera ko ifumbire ari nke,mubyukuri uwo muntu ntamurima agira ahubwo atarigeze anahinga ,uwo ni Romeo. Kugahuru .twamugereranya n,interahamwe muri 94 aho abasirikari ba leta bari bahangayikishijwe n,urugamba rwo kurinda igihugu, interahamwe zo zarasaga inzirakarengane,zisahura, zifata abagore kungufu,zinywa amayoga nibindi.Aho tugeze naho gutahiriza ku mugozi umwe, nemera ko FDLR ari rimwe mu ipfundo ryo kubohoza u Rwanda, nemera ko mze Twagiramungu ari umwe mu bantu baharanira inyungu z,abanyarwanda kandi ababajwe n,akarengane gakorerwa abanyarwanda, Twagiramungu numwe mubafite ibanga ryo kubohora igihugu ,tukaba tugomba kumushyigikira. Hari abandi bantu nakwita ko politiki yabasize nkabiyita Urukatsa. Indatsimburwa n,ibindi koko ibyo nibiki : Banyarwanda mube maso hari abantu bumva ko babayeho ku ngoma ya Habyarimana bazwi ndetse no kuri FPR :nka ba Habyarimana, Gasana, nabandi ntashatse kuvuga, aba nibo bafite za mission zo gusenya opposition kuko nibisahiranda. Icyo narangiza nsaba Bwana Twagiramungu na FDLR nibi kwiga neza uburyo kumugabane w,Amerika n,uburayi bakusanya inkunga buri kwezi zo gufasha FDLR kandi zirahari no gushyiraho umurongo wihariye wo guhuza abatera nkunga kuburyo twajya twifashisha skype mbere ya money transfer kugirango twizere ko iyo nkunga yashyitse.

Nangurubwa 15/08/2014 01:13

Ikindi ndasanga Romeo afite ikibazo cy'imyimvure (comprendre). Arumva ariko ntatahura cyangwa ngo asobanukirwe. Iyo yihe kugaya Twagiramungu ngo yasabye FDLR gukomeza gukorera muri CPC. Romeo nimumureke asa nuwumvikana na Kagame: bose bumva MACURI.

Kamali 15/08/2014 01:07

Banyarwanda muramenye mwitondere abantu! Birazwi neza ko uyu Romeo n'agatsiko bari kumwe ari intore zuzuye zatumwe gusenya opposition ngo itagira ingufu na gato! Nkuko muzi uburyo FPR yohereje inkotanyi mu nterahamwe zikajya zitema abantu zikifotoza amafoto zikayaha abazungu ngo babone uko abahutu ngo bari gutema abatutsi, niyo mission uyu Romeo afite na bagenzi be! Amakuru turayafite neza!!

FPR yagize ubwoba bwinshi imaze kubona Twagiramungu yifatanyije na FDLR ihita yohereza ikipe iyobowe n'uyu Romeo ngo barebe ko basenya ubwo bumwe bwa opposition! Nimwitegereze neza ibyo Romeo avuga, yanashimye Kagame cyane aho yavuze ngo " Hari umugabo uherutse kubita ibigarasha mumutera hejuru mwese!" uwo mugabo ashima se ntimumuzi? Ariko muribuka uburyo Evode yishushanyaga!

Uyu Romeo yabaye capitaine mu ngabo za Amerika, zimukoresha kujya kwica abaturage ba Irak, nk'umuntu wize igisilikare mu ngabo z'Amerika ngira ngo niwe wagombye kujya gusobanurira mwene wabo Feingold bahuje ubwenegihugu basangiye n'ibanga nk'ingabo y'igihugu ati ni mureke kwica abanyarwanda akamusobanurira!! Ahubwo yigira nyoni nyinshi akajya kunekera abanyamerika muri FDLR ubundi amakuru akagera kuri Kagame, ibyo birazwi!!

Twagiramungu yabaye umunyepolitiki mbere ya 1994, Byiringiro yari umusilikare mbere ya 1994, kuba aba bagabo bombi bashobora gukorana birumvikana ko bibabaza umwanzi , ngicyo ikibazo Romeo afite kuko akorera umwanzi! Arumva agomba gushakisha uburyo bwose ngo icyuho kiboneke muri opposition! Arajya kuvuga ngo Twagiramungu arashaka gutegeka FDLR ngo kuko ayisabye gukorana nabandi bikamurakaza; bite bye? Ko yabaye umusilikare w'Amerika Obama ntayobora aba généraux? Heee!! muritonde Romeo ni inyenzi azabakoraho nimumwishinga! Mbese ntimwibuka ko ikinyamakuru Kangura bavugaga ko gikorera MRND na Habyarimana nyamara gifite mission cyahawe n'inkotanyi? muzagende mubaze Ngeze hassan Arusha, ni ikinyamakuru ikaze niyo mission gifite turabizi gusa umenya kizayisohoza ahamana!

Niba akunda FDLR yafashe ubumenyi yakuye mugisilikare cy'Amerika akajya gufasha Byiringiro akazi akava muri politiki ko ntaho umwuga we uhuriye n'uwa Rukokoma? Izo mpuhwe daaa!! Mbere yo kugaya abandi najye mu ishyamba kuko nicyo yize maze arwanire abanyarwanda anabwire abanyamerika bene wabo ko nibamutera bazaba bakoze amakosa areke kujya yinyarutsa agiye mu ishyamba kunekera abanyamerika !! yagize ngo ntitwamumenye!!!

Nangurubwa 15/08/2014 01:04

Romeo ni umunyamerika, yabaye mu ngabo zabo, ngo yarwanye muri Irak, etc. Ibi byose ntacyo bimaze nta n'icyo bizamumarira kuko nta somo yakuyemo. Ahubwo uyu muhungu yuzuye ingengabitekerezo y'irondakarere n'ubwirasi. Uyu muhungu yibwira ko ari mwiza cyaneeee ko abantu bagomba kumukurikira, ko atabeshya, ko yasuye fdlr mu ishyamba, ko ari inshongore, etc. Nyamara yari akwiye kumenyako nta "profile" afite yamujyana mu ruhando rwa politiki uretse kwirirwa no guhora muri bwebwebwebwebwebwebwebweeeeeeee !!!Asyiga we!. Ikaze yamaze kurigira umuzindaro w'ibikuru atoraguye nta analyse na mba bakoze. Ntahandi rero aba ahishe.
Gusa nshimye Maitre Mbaraga Innocent, si ukumubwira gusa ahubwo amauhaye impanuro z'umuntu mukuru ushyira mu gaciro.

Amande 14/08/2014 23:09

Uyu muhungu Roméo nibyiza ko afitiye impuhwe zo mumashyamba ya Congo kuko twese tuzi uburyo zatereranywe nisi yose zigahigwa bukware n'umwicanyi Kagame iyo zitagira ubutwari bwo gushinga FDLR ziba zarashize.Ariko rero Roméo nasubize ibirenge hasi ntawumubujije kunenga ibyo adashimye,ariko nafashe muzehe Twagiramungu hasi.Uyu Rukokoma zindi mu ishyaka rye,si ndi umuvugizi we mfite ibyo munenga kdi nawe arabizi kuko yivugiyeko ari mubashutswe nabariya bagome babanyakinyoma bayobowe n'umwicanyi Kagame,ariko nanone mushimira ibyo mbona ari gukora ubu.Siwe washutswe wenyine,nibura we afite ubutwari bwo kurengera ibishoboka no gufatanya nabandi ngo dutsintsure uriya mubisha.Roméo rero ngenza macye unenge ibyo udashimye ariko ushime ibyo gushima.Va mumarangamutima wikwijundika abakora ngo bakoze uko utifuza.Wabagira ninama utagombye kubazana kukarubanda niba koko ugamije gutanga umusanzu wawe.Nshyigikiye FDLR,sinziranye na Rukokoma ariko nemera ko FDLR ntacyo yageraho idafatanije nabandi,ntanubwo Twagiramungu yagira icyo ageraho adafatanyije nabandi.Ibi yaba FDLR ,yaba Twagiramungu bo barabisobanukiwe.Witobera abagerageza kuzana impinduka mu Rwanda hejuru yamarangamutima gusa.Ese ko ntarumva uvuga nabi Kagame?
.

Kanuma 14/08/2014 22:08

Uyu Romeo afite ikiraka nk'icya Evode Uwizeyimana kuri Twagiramungu, gusa ikibazo sinzi niba Romeo azashobora gushyigura Rukokoma! None se kuva mwatangira kumva uyu Romeo mwari mwigera mwumva avuga Kagame ni'umunsi numwe? Usanga ahubwo yibasiye Twagiramungu! Uyu musore Romeo mbere yo kumubwira ibindi byose ni mubanze mu mwigishe amateka! Kuki mu banyepolitiki bariho mbere ya 1994 twagiramungu ariwe uvuga wenyine? ni uko se ntabandi barokotse? Twagiramungu yubatse autorité ye kuva kera ntabwo ayishakisha ubu! Nta nubwo wavuga ibigwi bye ngo bizarangire; icyakora nabwira Romeo akagerageza wenda wabona abaye rwa Rutugu rukura rugasumba ijosi!!